الفي ريدو مرات دقس

[مرافي]

المشاركة الأصلية كتبت بواسطة سمراء

انتو البألف الاغنيات ديل قايلنهم منو ؟
مابتاعين الخرد والخدار البجو يكوركو بالكوارلو بالشارع
وسمع اضانى الخفيفة دى يومداك واحد شايل ليهو حدار اظنو بار وقعد يغنى ليهو
خدارنا الناير
المابشتريك مضاير
تشتريك الزينة
ست الحريم وزينة
موزنا موز كسلا
وليمونة ليمون بارا
وكلام كتييييييييييييييييييييييييير كده
عشان كدة اتاكدتة انهم بقطعو عصائدهم دى للفنانين البكونو اصلا قاعدين فى الضل وضاربين البوش والعطالة ضاربة اطنابه فيهم

مااابصدق
دي اولن
ثانياً منورة
ومنورة ومنورة...
كنتي وين ياخي هبطت بيك غنية ولا شنو..؟؟؟

[سمراء]

اقتباس:
المشاركة الأصلية كتبت بواسطة مرافي
مااابصدق
دي اولن
ثانياً منورة
ومنورة ومنورة...
كنتي وين ياخي هبطت بيك غنية ولا شنو..؟؟؟

رفرف يااااااااا
منورة بى وجودك ياخ
الشوق ملص نعلاتو واتربع منتظرك يعلم الله
شنو يعنى مدورة دلوكتك بى جاى ومشختة لى اختك ؟
يخسسسسسسسسسسسى وحاة الله

[آيات]

المشاركة الأصلية كتبت بواسطة سمراء

اوووووووووبين على الغنا الانتهى
سجمنا ورمادنا قدام الجيل الجاى وسمع النضم دا ؟
يقول علينا شنو اسع ؟

غايتو يا ايوووتة سمعتة لى النصيحة اغنية بينما كنت ارتكب الركشة ...
واخدة بالك من الارتكاب دى !
لانى بعتبر ركوب الركشة جريمة فى حق الروح وكدة
فسمعت اغنية قدر ما اجتهجتة عشان الم الكلام واطلع نتو جملة ...بح !
كلام ملقط تقولى سوق امدرمان يوم الوقفة
غايتو ربنا يلطف

لالا ياخ دي القاضية
بعدين هو اصلا اسمو غنا ركشات . وبذلك تكوني ارتكبتي جريرتان
ياخ ده سوق شعبي ، أم دفسو وسوق ستة
فبنصحك ياستي بالآتي كل يوم الخميس في راديو الرابعة من 6-10 مساء في برنامج أسمو ( سيرو)بجيب غنا شعبي وكده .. ده بعمل ليك إزالة تامة لكل المحاسيس الضاربة ..

[سوسي]

ركشة شنو لو ركبتو الكارو بكون فيهو هجيج مواسس وبي رقيصو

[همس الشوق]

أبيت أبيت أبيت
في حبك أنا أبيت
ما بسكن جوه قلبك
لو بقى آآخر بيت

بس ما أبيت حقت العيانة بتاعت مها (الباصت)

[مرافي]

المشاركة الأصلية كتبت بواسطة سمراء

رفرف يااااااااا
منورة بى وجودك ياخ
الشوق ملص نعلاتو واتربع منتظرك يعلم الله
شنو يعنى مدورة دلوكتك بى جاى ومشختة لى اختك ؟
يخسسسسسسسسسسسى وحاة الله

سمورة الامورة
ياخ الدلوكة لو فكيناها الغنا بيموت وفي رواية اخرى امكن يهبط .

بس جاياك يا اب شرا دايرة افتو معاك يا اب شر
ويقولوا غنا البنات هابط
النصيحة لي الله المفردات بتاعت دقس وفاره ومقص دي
نوووهائي في غنانا مافي...

[مرافي]

http://www.youtube.com/watch?v=3ph76cU81FM

الشىء المحير هؤلاء الشباب قدموا سهرة كاملة على قناة هارموني اسمها الغناء الهابط
السؤال هل مقتنعنين هؤلاء الشباب ومرتضين ان غناءهم هابط ؟؟؟ وارادوا ان (يضروسنا) به ويوثقوه على هارموني ام ارادوا بالاشتراك في هذه الحلقة ان يفندوا الاتهام ويقنعونا ان غناءهم ليس بهابط..!!!!؟؟؟ الحقيقة مشيناها كتير بس هم كترووا.
والاغرب كانوا في غاية الانبساط والفرفشة ...ومزهوين بهذا الغناء الغث...!!

[آثار]

المشاركة الأصلية كتبت بواسطة آيات

تصدقي وتآمني ماسمعت بيها
بالغته مش ؟؟
.. لكن بشوفا ليك

كش كش مع القاضي دي اغنية الملك فاروق حالياً بيغنيها كتـــــــــير طــه سليــمان (و ما حاتكلم كتير خوفاً من سارة واحمد زين )

[جيجي]

غايتوا الواحد بنتهز فرصة رفعك للبوست دا
و لي اول مرة مع اشاعة بعد بكرة القيامة يقدر يقول بانه سعيد جدا باحساس محبتي الابدية
وبراحة ممكن يقول
بحبك ليوم القيامة

[مرافي]

http://www.youtube.com/watch?v=3RsuX1fMs9A

شكراً للاخت اثار والاخت جيجي على المشاركة وهاكم انضرسوا...

[مرافي]

http://www.youtube.com/watch?v=8-9_AyxUk0Y