ظاهرة بكل القنوات العربية ! برامج مسابقات الاغانى !

[البديري]

سمرمر١
سؤال واحد بث و(برئ)
لية ماجبتى سيرة برنامج : عباطة وعباطة ، اقصد "" اغانى واغانى ""!!!
بقيادة المخُرف اب عوكاز السرقدور!!! ... ولاحظى البرنامج دا بصادف ايام ، من المفترض الناس تكثر من تلاوة القران والاستماع إلية ، اكثر من آى شئ آخر...

[الزوول]

المشاركة الأصلية كتبت بواسطة سمراء

شي محير حقيقة !!
صادفتنى وانا اترحل عبر القنوات باحثة عن شى مفيد أتابعة ، مجموعة برامج
متشابهة الفكرة ، مختلفة فى الشكل والمقدمين !
كلها تصب فى اختيار " مؤدين " للاغانى ! ولا اقول فنانين لان من ياتون يرددون
اغانى غيرهم واعمالهم

والبرامج هى بحسب معرفتى لحن الحياة - the voice- عرب ايديل -ونجوم الغد وعرب قوت تلانت ....وغيرهم الكثير ...

والمقدمين فى كل برنامج مجموعة من الفنانين العرب كحكام لاختيار الاصوات !

المحيرنى فى الامر " ليه مافى برامج موجهة لمختلف بقية الفنون ؟؟
ليه فى كل القنوات انتشرت تلك البرامج

بعدين الحكام فنانين يختلف عليهم الاخرين ! ادا المعايير غير صالحة

....
هوي يا سمراء
كان كايسالك شبكي مع ود عثمان ... قوليها عديل وخلي المضاراه ورا كاظم وماجدة الرومي
نحن مسابقات ود عثمان دي يشهد الله عاجبانا و ساري بالنا
وبرضو سلامات

[الفاتح]

إزيك يا سمراء .. ياخ العرب ما عندهم طاقة إبداعية ، هسي شوفي البرامج الإشتروها بتاعة The moment of the truth. American Got talent, The Voice
لو كنتي متابعه النسخة الأصلية ، بتلقيهم مجودينها صاح ، وأنتقادات بتاعة ناس أكاديميين بالذات في البرامج الغنائية ، وأسئلة صعبه في برنامج The moment of the truth ، بعكس النسخ العربيه.. الكويس لحدي هسي ما قبًلوا على You think you can dance .. و The Doctor

[نبراس السيد الدمرداش]

المشاركة الأصلية كتبت بواسطة شليل

إزيك يا سمراء .. ياخ العرب ما عندهم طاقة إبداعية ، هسي شوفي البرامج الإشتروها بتاعة The moment of the truth. American Got talent, The Voice
لو كنتي متابعه النسخة الأصلية ، بتلقيهم مجودينها صاح ، وأنتقادات بتاعة ناس أكاديميين بالذات في البرامج الغنائية ، وأسئلة صعبه في برنامج The moment of the truth ، بعكس النسخ العربيه.. الكويس لحدي هسي ما قبًلوا على You think you can dance .. و The Doctor

ازيكم سمراء وضيوفها الاعزاء
بالجد يا شليل دا السؤال هل الابداع زاتو بقينا نستلفوا من غيرنا
ياخي كل قنوات العرب بما فيها تلفزيون السودان بقلد وبيستلف نفس الفكره الديكور طريقة التقديم حتى الضحكات وكواريك المحكمين مرات هي هي مافي تغيير ولو بسيط
آخر البرامج المستلفه دائرة الحياة على قناة الحياة و the doctors على قناة دبي الفضائيه

[سمراء]

اقتباس:
المشاركة الأصلية كتبت بواسطة بله محمد الفاضل
سلامٌ ومحبة


ماشي الحال يا سمرمر (بدون فواصل يا حجوج بدون فواصل يا اخي)
أهو تغيير برضك
يمكن يصادف
من يعول عليه
ويسرق انتباهنا مجدداً
بعد أن نضب المعين أو كاد


تحياتي واحترامي

بلة يسرق شنو ؟
المشكلة موش فى الاصوات ، لانها موجودة وبكثرة
الفكرة فى تكرار البرامج مع اختلاف المسمى ! وعدم وجود المهنية فى اكتشاف الصوت .يعنى مافى فائدة
شى تانى يابلة ، معين الفكرة فى خلق برامج شكلو نضب
وبقينا بس ننتظر ...ونقلد

[سمراء]

اقتباس:
المشاركة الأصلية كتبت بواسطة حجة امنة
كاظم الساهر؛ أحي انا ياخ

قولي أوحبوكا كي تزيد وسامتي عديل كدا gap

والله يا امولة انا بصراحة كاظم ده غير صوتو
عاجبنى ادبو واخلاقو وتواضعو

ياخ ده نموزج للفنان الشامل

[سمراء]

اقتباس:
المشاركة الأصلية كتبت بواسطة هاني عربي
تحية لصاحب الموضوع وضيوفه الأكارم.
ما يحدث هو جزء من تحالف أجهزة الإعلام والاتصالات والمخابرات لتقديم مزيد من الجرعات المهدئة والمخدرة للشباب وتحقيق الربح السريع منهم في نفس الوقت
تفريغ للطاقات وإعطاء إحساس زائف بحق الاختيار وبديل لممارسة الحقوق السياسية المشروعة.

صاااااحبة الموضوع ياهانى

كلامك الا حد ما فيه صحة ، بس انا بشوف انه فقر وعدم موضوع البخلى العالم العربى بمختلف قنواتو انو يقتاتو على افكار القنوات التانية الاجنبية ...وبدون مايدخلو على البرنامج اى لمسة تخصهم او بصمة

والحارقنى مركزين على جانب واحد من جوانب الفن !!

[سمراء]

اقتباس:
المشاركة الأصلية كتبت بواسطة رأفت ميلاد
يا أنتيمة الفكرة ما ممكن تكون مسروقة .. يمكن تكون مقتبسة*

والله يا انتيمو بحسب فهمى للفرق بين الاقتباس والسرقة بقدر اقول ليك انو الشفتو ده سرقة عدييييييييييييييل وقلع عينى عينك !
يعنى ما اقتبسو الفكرة وطوروها ولا غيرو فى تفاصيلها عشان نقول ختو بصمة !لا ياها لدرجة حتى التعاليق والحركات واللبس كمان تصدق !!

عشان كدة طلعت برامج تحس بيهو ممسوخة ومشوهة لانها فاقدة نكهة الفكرة الاصيلة
وعدم المنهجية والامانة ...

اما من ناحية غايظنى زول ....فحدث ولا حرج

شفول يعنى شنو ؟

[سمراء]

اقتباس:
المشاركة الأصلية كتبت بواسطة ZEIN ABDALLA
بالمناسبة كاظم الساحر يطلع شنو ممثل ولا غناي....عشان انا (خارج الشبكة) ممكن اشوف صورته
--------------
CC- جيجى
CC-سمراء

انت زعلت يادكتور

البت امولة دى المفروض تراعى محاثيثكم وتختفظ بمكنوناته الشهصية تجاه
كازم المهذب الفنان الانيق الرائع ....
ااااااخ من كازم