طيارة جات بفوق ... قصيدة هاشم صديق

[قيس شحاتة]

المشاركة الأصلية كتبت بواسطة أسامة معاوية الطيب

ياقيس انت راجل فنان ياخي

بتدور تكتُل قلبي بي كباية شاي؟

المشاركة الأصلية كتبت بواسطة أسامة معاوية الطيب

تعريفك للشعر دا كعب خالص والله

سؤال مباشر يا أسامة: تعريفك انت للشعر شنو؟

المشاركة الأصلية كتبت بواسطة أسامة معاوية الطيب

بس النصيحة مفيد دي غلبني افهما ... مفيد للجبنة مثلا

مُفيد، قصدتَ بيها يكون عندو معنى؛ يعني أنا ممكن ألتزم بميزان الشعر والموسيقى والقافية والذي منو، وأرص ليك كلام خارم بارم زي الترتيب.

المشاركة الأصلية كتبت بواسطة أسامة معاوية الطيب

يازول ها انا متطرف خالص ان بقى كدي ...

يبدو لي، ولبابكر عباس*، أنك من المدرسة التي تبحث عن تعريف جديد للشعر، ورؤية جديدة للمفاهيم الأدبية المرتبطة به.

___
* عندو بوست ما متذكر اسمو - اتخيّل لي (أنا والجيلي)، بعالج الحالة دي.

[أسامة معاوية الطيب]

المشاركة الأصلية كتبت بواسطة قيس الصديق شحاته

بتدور تكتُل قلبي بي كباية شاي؟




سؤال مباشر يا أسامة: تعريفك انت للشعر شنو؟
الشعر هو الكلام غير العادي ... حتى وإن لم يكن عندو جرس وشنو وشنو
وربما يكون هناك كلام عادي حتى وان كان عندو جرس وشنو وشنو



مُفيد، قصدتَ بيها يكون عندو معنى؛ يعني أنا ممكن ألتزم بميزان الشعر والموسيقى والقافية والذي منو، وأرص ليك كلام خارم بارم زي الترتيب.



يبدو لي، ولبابكر عباس*، أنك من المدرسة التي تبحث عن تعريف جديد للشعر، ورؤية جديدة للمفاهيم الأدبية المرتبطة به.

___
* عندو بوست ما متذكر اسمو - اتخيّل لي (أنا والجيلي)، بعالج الحالة دي.

وان شاء الله عالجا بس

ــــــــــــــــــــــــــــــــــــــــــــــــــ ـــــــــــــــــــــــــــــــــــ

[مهند الخطيب]

المشاركة الأصلية كتبت بواسطة أسامة معاوية الطيب

أنا يا الرشيد مافي وارد نقاش مفردة ... انا بناقش في قصيدة خالية من الشعر ... وجاء في حديثك استشهادك بمحجوب فاضفته لك في القائمة ... بس
انا في تقديري الخاص المفردة دي أو الجقة دي ممكن تجي في سياق شعري وداخل قصيدة وتكون احسن كلمة لاقتني في حياتي ... عشان كدا ما بتعامل معاها كمفردة معزولة أبدا ... لكن يمكنك أن تختار اسمح مفردة عاجباك في العالم وتدخلا في نص "مارق" يمرقا ليك من راسك ...
والنص الفوق دا ليس ما يعيبه هاذي الجقة إنما يعيبه أنه ليس نصا شعريا أصلا !!

موزون الكلام ياأسامه ....

[نسرين عزت]

جات خاشّه
دون تصديق
لا رخصه
لا تفتيش
سواقا ما اتكلم
لا حيّا
لا سلّم
لا حتي قال
معليش
والناس هموم
في هموم
مشغولة بس
بالعيش
وضيق الحشا
المحروق
ما صنقعت لي فوق
يا حاج أنا

(اهلي الطيبين اها رايكم شنو )
وين بقى تفكير الشعب السوداني

[أسامة معاوية الطيب]

المشاركة الأصلية كتبت بواسطة مهند الخطيب

موزون الكلام ياأسامه ....

شكرا يا حبيب ... شكرا جدا

[somiaadam]

كتب هاشم صديق علي النمط السائر هذه الايام من الاغاني والشعر
الي يشبه تماما هبوط الطائرات علي اراضينا دونما كنترول

[رأفت ميلاد]

المشاركة الأصلية كتبت بواسطة قيس الصديق شحاته

(جقة) دي، شايفها لفظة شوارعية كدا، وما بتناسب مقام النصوص الأدبية، بتتفقوا معاي؟

يا حليلك يا قيس .. والله فاتك جنس نص .. غلبك تخش جواهو ساكت .. أصلو هاشم صديق بحرو داير ليهو مزة ولحم عتوت فى حى فلاتة .. حاجة كدة فيها ريحة الواطة والبيوت المزبلة جديد ..

سمعت صوت ساقية قديمة بتصرصر فى آخر اللفة والحمار الجاريها عيونو حايم فيها الضبان

عليكم الله خليكم فى نصوصكم الأدبية وما تلاوزوا لينا فى حاجاتنا

منو القال ليك الجقة حاجة كعبة

[رأفت ميلاد]

تعرف يا قيس الزول مرات بطشش ولّ يمكن بقرا على كيفو .. تتصور بوست العزاء بتاع رابحة حماد قريت عنوانو (وماتت رائحة الأنسان الفنانة) ولامن دخلت البوست لقيت نفسى ما شطحت بعيد

[النور يوسف محمد]

المشاركة الأصلية كتبت بواسطة أسامة معاوية الطيب

أنا يا الرشيد مافي وارد نقاش مفردة ... انا بناقش في قصيدة خالية من الشعر ... وجاء في حديثك استشهادك بمحجوب فاضفته لك في القائمة ... بس
انا في تقديري الخاص المفردة دي أو الجقة دي ممكن تجي في سياق شعري وداخل قصيدة وتكون احسن كلمة لاقتني في حياتي ... عشان كدا ما بتعامل معاها كمفردة معزولة أبدا ... لكن يمكنك أن تختار اسمح مفردة عاجباك في العالم وتدخلا في نص "مارق" يمرقا ليك من راسك ...
والنص الفوق دا ليس ما يعيبه هاذي الجقة إنما يعيبه أنه ليس نصا شعريا أصلا !!

بسم الله الرحمن الرحيم

أتفق مع الأخ أسامة فى أن النص اصلاً لا ينتمى الى فن الشعر
ولا تعلق فى ذاكرتك صورة شعرية واحده حين تغادره
ورحم الله الراحل فراج الطيب ، كان يصف مثل هذه النصوص بأنها خالية من وهج الشعر ..

لاأعتقد أن الروح الشاعرية تموت ،
لكنه الشعر المصنوع ، أبخس أنواع الشعر وأردأه على مر العصور ..
قد يفسر أيضاً درجة تفاعل الشاعر مع الحدث ، أو مدى إتكاءه على جميل ما نظم


أما عبارة الشاعر السابق فهى تأسيس لموضوع جدير بالتناول ..

شكراً

[قيس شحاتة]

المشاركة الأصلية كتبت بواسطة أسامة معاوية الطيب

وان شاء الله عالجا بس

ــــــــــــــــــــــــــــــــــــــــــــــــــ ـــــــــــــــــــــــــــــــــــ

عالجا، لكن ظهرت حالة تانية متأخرة شديد

المشاركة الأصلية كتبت بواسطة أسامة معاوية الطيب

الشعر هو الكلام غير العادي ... حتى وإن لم يكن عندو جرس وشنو وشنو
وربما يكون هناك كلام عادي حتى وان كان عندو جرس وشنو وشنو

بالإضافة إلى صفة التطرّف، شامّي فيك ريحة تمرّد!
غايتو تعريفك للشعر دا، أنا بعتبرو أخطر محاولة انقلابية على النظام، منذ عصر الخليل بن أحمد!

[قيس شحاتة]

المشاركة الأصلية كتبت بواسطة رأفت ميلاد

عليكم الله خليكم فى نصوصكم الأدبية وما تلاوزوا لينا فى حاجاتنا

جدير بالذكر أن عمّكم رأفت لديه بوست سابق اسمه (منو البرجّع لينا حاجاتنا)

المشاركة الأصلية كتبت بواسطة رأفت ميلاد

منو القال ليك الجقة حاجة كعبة

غايتو، الأعمار بيد الله

[AMAL]

المشاركة الأصلية كتبت بواسطة رأفت ميلاد

منو القال ليك الجقة حاجة كعبة

اسامة دا خلوه
الليلة راكباه روح شريرة

اتذكرت النقاش حول اغنية بت شيخ الدين
ياسودان معليش
ياخوانا الكلام بصل الشارع والناس البسيطة
وساهل جدا يبقي ترنيمة واغنية يتداولها العاديين
ابناء الشوارع ودا كفاية جدا مش؟

[رأفت ميلاد]

المشاركة الأصلية كتبت بواسطة قيس الصديق شحاته

جدير بالذكر أن عمّكم رأفت لديه بوست سابق اسمه (منو البرجّع لينا حاجاتنا)



غايتو، الأعمار بيد الله

يا قيس يا مفتح لامن أعشى قيس قال:

غراء فرعاء مصقول عوارضها تمشي الهوينه كما يمشي الوجي الوحل
كأن مشيتها من بيت جارتها مر السحاب لا ريث ولا عجل
يكاد يصرعها لولا تشددها إذ تقوم لجاراتها الكسل

أنت قايل دى منو .. دى ما ياها الجقة يا مطشش

وحاجاتنا برضو خليها فى حالا ..

كدى أسيبك وأشوف لولوة جنابو ده .. أسامة داك خليتو لى الله .. أول مرة أشوف لى شاعر لسانو زى الموس

[رأفت ميلاد]

المشاركة الأصلية كتبت بواسطة النور يوسف محمد

بسم الله الرحمن الرحيم

أتفق مع الأخ أسامة فى أن النص اصلاً لا ينتمى الى فن الشعر
ولا تعلق فى ذاكرتك صورة شعرية واحده حين تغادره
ورحم الله الراحل فراج الطيب ، كان يصف مثل هذه النصوص بأنها خالية من وهج الشعر ..

لاأعتقد أن الروح الشاعرية تموت ،
لكنه الشعر المصنوع ، أبخس أنواع الشعر وأردأه على مر العصور ..
قد يفسر أيضاً درجة تفاعل الشاعر مع الحدث ، أو مدى إتكاءه على جميل ما نظم


أما عبارة الشاعر السابق فهى تأسيس لموضوع جدير بالتناول ..

شكراً

والله يا جنابو كلامك ده كعب خلاس .. ما فى حق هاشم صديق فى حقنا نحن والله
ده كلام ممكون وقايم على كلام كان مع الفرق والهوة السحيقة بين الطيارتين .. كلام مسكون بكا وبتعصر أسى

حقو ما تضرب لى مثل بفراج الطيب والزول كان ناشف زى الحجر ومفرغ من كل شاعرية .. ما تحاول تشوف الطيب أحمد الطيب كان ممكن يقول شنو فى مناسبة زى دى ..

ياخ القصيدة مليانا معانى بسيطة عميقة لامن مدفقة .. نغمتا زى هز الذكر كلاما زى حفر القبور .. ياخ دى مناحة على الوطن زيها ما شفت قريب ..

عليك شوف الحال ده
جايانا
من ( صهيون )
يا حاج أنا
تتحدي
زي ما يكون
وأصلو البلد
ممكون
سكن الطشاش
في عيون
حِس الوطن
معدوم
الا الهوان
مضمون

ده بعد زمن الرجال البكسروا العناقريب أنقرضوا .. والرجال بقوا ناس نافع وعبد الرحيم حسين .. ما قريت نكتة جيجى (يا ناس نعسنا كدى رقصوا لينا الرئيس عشان نمشى ننوم)

نحن كان القول
أنا الصعب المتكل بالشعب
أنا العفنة المقابلة الريح
أنا الشافو كلو أبو

بقينا ناس سستم ناصل من الآس زى ما قال بكور


حركات الشعراء ما تعملوها لينا .. ذكرنى بتين بخسنا ليكم حاجاتكم عشان تبخسوا لينا حاجلتنا

قال وهج الشعر .. هسة ياخ فى وهج ما كلو أنطفى .. أمشى السوق الشعبى وأتأمل الجوه .. أقول ليك شفتهم وين أنا قبال تسأل .. شوف لمات قرفنا ومتركز فى البتكلموا .. شوف الناس الملمومين فيهم .. ده غنا بتاع فقراء أتعشوا مريسة وصلوا الفجر حاضر

والله فى

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

أنا يا الرشيد مافي وارد نقاش مفردة ... انا بناقش في قصيدة خالية من الشعر ... وجاء في حديثك استشهادك بمحجوب فاضفته لك في القائمة ... بس
انا في تقديري الخاص المفردة دي أو الجقة دي ممكن تجي في سياق شعري وداخل قصيدة وتكون احسن كلمة لاقتني في حياتي ... عشان كدا ما بتعامل معاها كمفردة معزولة أبدا ... لكن يمكنك أن تختار اسمح مفردة عاجباك في العالم وتدخلا في نص "مارق" يمرقا ليك من راسك ...
والنص الفوق دا ليس ما يعيبه هاذي الجقة إنما يعيبه أنه ليس نصا شعريا أصلا !!

يا أسامة،،
انا علي اساس الجقة الجات داخلة السوق دي، صغت ليك النموذج بالنسبة لمحجوب شريف. لأنو بتخيّل لي المفردة دي تحديداً فتحت باب النقاش. وبعدين انا ما اتعاملت معاها كمفردة، بل قلت ليك "كمحطة" ممكن تصل ليها المفردات وبالتالي الحالة الشعرية ككل.
ولا المفردات دي، ما ياهي اللغة البتوصِّل الحالة الشعرية (إن وُجدت)؟