الترشيح لعضوية مجلس إدارة سودانيات دورة 2013-2014

[ماريل]

المشاركة الأصلية كتبت بواسطة شبارقة

سلام يا ماجد وبعتذر عن التأخير لسبب طارئ

يمكن بسبب حداثة هذه التجربة المميزة لم تشمل لائحة هذا المنتدى أي ترتيبات بخصوص بنود تهتم بالإنتخابات والترشيحات والقوائم والطعون... إلخ

عليه كما أشار الباشمهندس معتصم الطاهر في مداخلة سابقة فإنه يمكن رفع توصية للمجلس القادم بدراسة هذا الأمر وتضمينه في اللائحة المعدلة.

تسلم أخي ماجد وشكرا ً لك ،،،

يعنى شنو مثلا؟؟
العايز يطعن خلال التجربة دى يموت بى طعنو؟
يا ماجد طالما دى انتخابات فيها ترشيح وتثنية
وانسحاب بالتالى فيها طعون برضك...
اها انت اطعن لكن مافى الضهر
ومافى زول لازمك بى اسباب اذا كان طعنك ده
لقى تثنية..
الا اذا تم ترشيح العضو مرة تانية وحاز ايضا
على تثنية تانية تعالو قدرو عايزين تعملو شنو

[شبارقة]

المشاركة الأصلية كتبت بواسطة محمد عبد الرحمن

شبارقة شكرا على السواقة الرايقة دي ياخ

شكرا ً يا محمد

[شبارقة]

المشاركة الأصلية كتبت بواسطة ماريل

يعنى شنو مثلا؟؟
العايز يطعن خلال التجربة دى يموت بى طعنو؟
يا ماجد طالما دى انتخابات فيها ترشيح وتثنية
وانسحاب بالتالى فيها طعون برضك...
اها انت اطعن لكن مافى الضهر
ومافى زول لازمك بى اسباب اذا كان طعنك ده
لقى تثنية..
الا اذا تم ترشيح العضو مرة تانية وحاز ايضا
على تثنية تانية تعالو قدرو عايزين تعملو شنو

نعم يا ماريل ... عشان كده قلنا خلونا نطـّور التجربة دي ونرعاها بالسقاية والهداوة مش بالنفس الحار

عشان تقدم طعون لا بد من وجود لجنة للنظر في الطعون .. ولازم تنظر في الطعون بفترة كافية قبل التصويت ... وين اللجنة دي ؟

أرى أن يتم الطعن حاليا ً كما أشرتي ونلجأ للطريقة التي ذكرتيها في مداخلتك

شكرا ً لك.

[ماريل]

المشاركة الأصلية كتبت بواسطة شبارقة

نعم يا ماريل ... عشان كده قلنا خلونا نطـّور التجربة دي ونرعاها بالسقاية والهداوة مش بالنفس الحار

عشان تقدم طعون لا بد من وجود لجنة للنظر في الطعون .. ولازم تنظر في الطعون بفترة كافية قبل التصويت ... وين اللجنة دي ؟

أرى أن يتم الطعن حاليا ً كما أشرتي ونلجأ للطريقة التي ذكرتيها في مداخلتك

شكرا ً لك.

القصة مافيها نفس حار دى مجرد استفهامات
بعدين انت ذنبك شنو عشان اتور نفسى فوقك
انت انسان مستقطع من راحتك وبترعى فى البوست
وده مجهود مقدر من طرفى لا يمكن ان يصاحبه
نفس حار ..مشكور يا سيدى وتسلم من كل بلاء

[شبارقة]

المشاركة الأصلية كتبت بواسطة ماريل

بعدين انت ذنبك شنو عشان اتور نفسى فوقك
انت انسان مستقطع من راحتك وبترعى فى البوست
وده مجهود مقدر من طرفى لا يمكن ان يصاحبه
نفس حار ..مشكور يا سيدى وتسلم من كل بلاء

شكرا ً ليك يا ماريل

الخلاصة : ترفع توصية (ضمن توصيات تقرها الجمعية العمومية ) للمجلس القادم بأن يناقش هذا الموضوع ويضمنه اللائحة

أعتذر عن جملة (النفس الحار) التي أوردتها في المداخلة السابقة

بالمناسبة النقاش في الحاجات دي مطلوب وهو شئ جميل عشان نطـور هذه التجربة الديمقراطية الإسفيرية.

شكرا ً ليك مرة تانية على كلامك الطيب إتجاهي

تسلمي ،،،

[شبارقة]

أهلا ً بكم من جديد

سأقوم دائما ً بإذن الله بتلخيص عام وتحديث للقوائم عشان أسهـّل عليكم المهمة دون الحاجة لرجوعكم للصفحات السابقة ومنعا ً لتكرار الأسماء والترشيحات التي تمت

القائمة الأولى : أعضاء تم ترشيحهم وتثنيتهم وموافقتهم :-
1- زول خرافي
2- رأفت ميلاد
3- حسين عبد الجليل
4- سارة


القائمة الثانية: أعضاء تم ترشيحهم وتثنيتهم ونحن في إنتظار موافقتهم أو إعتذارهم :-
1- بابكر عباس
2- خالد الصائغ
3- كيشو
4- سماح
5- أسامة عبد الماجد
6- معتصم الطاهر
7- لنا جعفر
8- أمين محمد سليمان
9- د. بابكر مخير
10- نبراس
11- ود عثمان
12- فتحي مسعد
13- حافظ حسين
14- عكود
15- حسين أحمد حسين

القائمة الثالثة: أعضاء تم ترشيحهم ونحن في إنتظار تثنيتهم :-
1- - محمد علي


القائمة الرابعة : أعضاء معتذرون:-
1- ناصر يوسف
2- طارق كانديك
3- فيصل سعد
4- قيس شحاتة
5- جيجي
6- النور يوسف
7- شبارقة
8- ماريل
9- آمال
10- الجيلي أحمد
11- أسمر
12- أحمد محمد زين
13-خالد غالي
14-وجدي الأسعد
15- طيبان
16- زول الله
17- الرشيد
18- رشا
19- تماضر حمزة
20- حجة آمنة

لطفا ً:

* أرجو من السادة المتابعين تنبيهي في حال تداخل أسماء القوائم أو عند السهو وشكرا ً

** سيُغلق هذا البوست عند الساعة 6 (بتوقيت قرينتش) من مساء يوم 20/12/2012 بإذن الله.

*** في صباح يوم 21/12/2012 سيُفتح بوست آخر للتصويت والإختيار من القائمة التي إستوفت معايير الترشيح وهي القائمة الأولى في هذه المداخلة.

[معتصم الطاهر]

اقتباس:
المشاركة الأصلية كتبت بواسطة لنا جعفر

سلام ياباش.......
معتصم أنا متين لاقيتك وقلت ليك عايزة امنح فرصة لي آخرين؟؟
وليه تقفز من فوق علي؟؟ وتقرر عني؟؟
حجرت علي متين انت ياخوي ؟
انا دي اول دخلة لي البوست ده ويادوب بشوف بعد تنبيه الشباب لي بانه ورد اسمي في قائمة الترشيحات والتثنية....!!!
عموماً عملتها ظاهرة ياباش وشكرا ليك كناطق رسمي بي اسم جلالتنا واتمنى انه شغل الناطق الرسمي يكون جميل وجذّاب ودخلو مريح

سلام يا لنا

و عفوا لادراج اسمك و آخرين ..
رجعت لما قلناه فى انتخابات سابقة ( لست معنا فى هذا) حيث قلنا أننا نريد اعطاء فرصة لآخرين
ادراجي لاسمك فقط جاء من ذلك النقاش حيث ذكرت كل الذين شاركوا فى مجالس سابقة ..

و بهذا كل الأسماء أعلاه هي من فهمي و ليس من سبب آخر ولا تكليفهم لى ..

نقطة
سطر جديد.
بالنسبة لى ..

[نبراس السيد الدمرداش]

سيُغلق هذا البوست عند الساعة 6 (بتوقيت قرينتش) من مساء يوم 20/12/2012 بإذن الله.

شكرا للاجابه شبارقه
غايتو البوست دا بيعمل ليك عسم
حضر ليك زيت سمسم

[أبوبكر عباس]

المشاركة الأصلية كتبت بواسطة ماجد تاج

ـ
طيب
مجرد رأي لا يسنده الا حس فقط

يا ماجد، يا أخي، أنت رجل قانون، ما ممكن تطعن في أحقية زول للترشيح من غير ما تستند على لائحة أو قانون كمرجع، رايك الذي يسنده حسك النوارني دا، تحاول تحققو بعدم التصويت لهم.

إقتباسك لرد شبارقة ما عندو إرتباط بطعونك دي، غير انك بس داير تقول: بغض النظر عن القانون، أنا بس داير أطعن.

[ماجد تاج]

المشاركة الأصلية كتبت بواسطة بابكر عباس

يا ماجد، يا أخي، أنت رجل قانون، ما ممكن تطعن في أحقية زول للترشيح من غير ما تستند على لائحة أو قانون كمرجع، رايك الذي يسنده حسك النوارني دا، تحاول تحققو بعدم التصويت لهم.

إقتباسك لرد شبارقة ما عندو إرتباط بطعونك دي، غير انك بس داير تقول: بغض النظر عن القانون، أنا بس داير أطعن.

ـ



كنت متأكد أنو ما ممكن تفوت عليك حتة الاقتباس دي



مع أن المفروض آخد الاقتباس التاني ، لكن قصدت دا لأنه ثبت فيه أنه لا الميثاق هنا ولا اللائحة نظمت الطعون

يبقى فيما يتعلق بلنا ، وربطاً بما يدور اليومين ديل

يحق لي إبداء رأي مستند على الحس النوراني يا بابكر

طالما أن أشياء مماثلة استندت على حس مستنور برضو ...

بالنسبة لحسين : الدليل موجود ، ورأي الاخرين فيما وقع منه موجود ، والمستند عليه قريب ما بعيد




ـ

[خالد غالي]

سلامات ياماجد تاج

اولا خليني احييك على شجاعتك في طرح رأيك السلبي تجاه الغير والتصريح به هكذا حتى لو كان مجرد حدس او انطباع ساي ماعندو اي اسانيد

وبرضو خليني اقول ليك انو زي التصريح بالانطباعات ده ممكن يتمارس عليك انت برضو وصدقني سؤلمك الامر كثيرا واظنك عندك تجربة حديثة لمن اتوصفت بانك كوز غضبت غضبتك العنيفة تلك رغم ان من وصفك وصفك نتيجة انطباع ساي ايضا فلماذا غضبت ياماجد من شيء انت تمارسه على الآخرين ؟؟
صدقني ياماجد لن تعدم من يقوم بتنميطك نتيجة انطباعاته الشخصية واني ارى في الافق مشروع تنميط ليك بانك بتفتش للشهرة ولفت الانتباه وسوف لن تعدم من يسوق لذلك الانطباع وانا متاكد برضو انك ماحاتتحمل

من ناحية تانية خالص افتكر ليس من المفترض انك تكون معجب وموافق على كل قائمة الترشيح والا مافائدة الانتخاب اصلا ؟
غايتو فكرة الطعن في الترشيح دي واللسة ما اتناقشت ولا اتعملت ليها محددات دي انا شايفها مافي ليها اي داعي لانها بتقتل فكرة الانتخاب من اساسها وبتخلق نوع من الانتخابات المبكرة كونك تجي تطعن في زول ويجي زول تاني يعيد انتخابو ثم ياتي من يطعن فيه من جديد ثم من يعيد انتخابه من جديد الخ الخ !! تفتكر دي طريقة يعني ؟؟
غايتو انا شخصيا ممكن اقبل انك تقود حملة انتخابية لصالح احد المرشحين وتقوم تقول انتقاداتك الفوق دي في معرض حملتك لصالح مرشحك .. لكن تقول الكلام ده اسي هنا فاصلو دي حاجة مامقبولة

عليه انا خالد غالي اطالب الادارة بحذف مداخلة ماجد تاج وايقاف فكرة الطعن في الترشيح لحين مناقشتها بشكل مفصل ووضع ضوابط لها بواسطة المجلس الجديد .

[ماجد تاج]

المشاركة الأصلية كتبت بواسطة خالد غالي

سلامات ياماجد تاج

اولا خليني احييك على شجاعتك في طرح رأيك السلبي تجاه الغير والتصريح به هكذا حتى لو كان مجرد حدس او انطباع ساي ماعندو اي اسانيد

وبرضو خليني اقول ليك انو زي التصريح بالانطباعات ده ممكن يتمارس عليك انت برضو وصدقني سؤلمك الامر كثيرا واظنك عندك تجربة حديثة لمن اتوصفت بانك كوز غضبت غضبتك العنيفة تلك رغم ان من وصفك وصفك نتيجة انطباع ساي ايضا فلماذا غضبت ياماجد من شيء انت تمارسه على الآخرين ؟؟صدقني ياماجد لن تعدم من يقوم بتنميطك نتيجة انطباعاته الشخصية واني ارى في الافق مشروع تنميط ليك بانك بتفتش للشهرة ولفت الانتباه وسوف لن تعدم من يسوق لذلك الانطباع وانا متاكد برضو انك ماحاتتحمل

من ناحية تانية خالص افتكر ليس من المفترض انك تكون معجب وموافق على كل قائمة الترشيح والا مافائدة الانتخاب اصلا ؟
غايتو فكرة الطعن في الترشيح دي واللسة ما اتناقشت ولا اتعملت ليها محددات دي انا شايفها مافي ليها اي داعي لانها بتقتل فكرة الانتخاب من اساسها وبتخلق نوع من الانتخابات المبكرة كونك تجي تطعن في زول ويجي زول تاني يعيد انتخابو ثم ياتي من يطعن فيه من جديد ثم من يعيد انتخابه من جديد الخ الخ !! تفتكر دي طريقة يعني ؟؟
غايتو انا شخصيا ممكن اقبل انك تقود حملة انتخابية لصالح احد المرشحين وتقوم تقول انتقاداتك الفوق دي في معرض حملتك لصالح مرشحك .. لكن تقول الكلام ده اسي هنا فاصلو دي حاجة مامقبولة

عليه انا خالد غالي اطالب الادارة بحذف مداخلة ماجد تاج وايقاف فكرة الطعن في الترشيح لحين مناقشتها بشكل مفصل ووضع ضوابط لها بواسطة المجلس الجديد .

ـ



للحق دا انعكاس مباشر ، وأشرت ليه لأنه الاخ حسين ما كان امين في تنميطه دا

وهو تنميط زي ما قلت انت قاسي ومجحف

ما طعنت بسببه عدم تحريه الدقة في أمر زول اختلف معاه في الرأي

وجراءته على وصفه بأسوأ ما يمكن أن تصف به السوداني اليومين ديل ، دون أن يرف له جفن

يبقى من باب أولى أن يتوارى لا أن يتقدم الصفوف وهو محمل بصفة زي دي ، دا بيت القصيد

عن الشهرة وما الى ذلك ، أتمنى ما يكون دا مقصد مداخلتك يا أخ خالد

وع العموم أتمنى أن تطول إقامتنا هنا حتى نُعرف أكثر ونعرِف اكثر

أنا ما زدت على ممارسة حق أصيل يا خالد

فما تخاف على الديموقراطية ، لأنه الطعون من أصولها وثوابتها




ـ

[خالد غالي]

عن الشهرة ده ماكلامي ياماجد وانت عارف كده كويس ... الكلام ده اتقال ليك وانا شخصيا لا اتفق معاهو كل مافي الامر اني حبيت الفت نظرك لانو اذا انت حاتحاكم الناس بي ظنونك وانطباعاتك فماتزعل بعدين لو حاكموك بي انطباعاتهم ... حسين قرايتو ليك حسب فهمو انك كوز ... وقام صرح بي رابو ده بدون اي اسانيد مجرد راي ساي ... وانت اسي بتعمل في نفس الحركة دي وبتطعن في ترشيح لنا لانك حاسي بانها عندها اجندة وبتحب الخلاف !!

الطعن القلت من اصول الديمقراطية وثوابتها ده الطعن البكون عندو اساس واسانيد ودلائل عدييييييل ... طعنك ده اسي انت اسمو طعن بالاحساس

[معتصم الطاهر]

اقتباس:
المشاركة الأصلية كتبت بواسطة ماجد تاج
ـ



وكذلك أطعن في ترشيح الاخت لنا جعفر

مع أني ما بعرفها ، لكن ظهورها المفاجئ مع الانتخابات هيّأ لي أنها حمّالة أجندة خاصة

مع عندها صلة بالمنتدى في عضمه ـ مجرد رأي لا يسنده الا حس فقط

من عادة لنا الغياب و الظهور ..
و طبعا كثيرون يقرؤون و يتداخلون فيما يرون انه ( خيطهم)

ومن مداخلاتها برضو تهيّأ لي أنها ميالة للخلاف

ودي برضو صفة ما بيصلح حاملها للتقدم لموقع متقدم

والله من وراء القصد

يا ماجد
الزول الميال للاختلاف دا بسموهو ( فى حالة حسن النية) .. الرأى الآخر ..


ياخ السلام عليكم و مشتاقين ..
ـ

[ماريل]

سلامات يا ماجد
خطوات الانتخاب كالاتى:
1/ترشيح
2/تثنية
3/انسحاب
4/رفع القائمة النهائية
5/الطعن

نحن لسه ما وصلنا للقائمة النهائية يعنى كان ممكن
الشباب الاتنين ينسحبو من الترشيح....
كانو وفرو عليك طعنك ده كده انت استعجلت
ارجو سحب مداخلتك وارجائها الى حينها...
دم بخير يا سيدى