سلسلة كشف الغمة، مبحث أول: سر الرجل الثاني في الاسلام.

[أمين محمد سليمان]

المشاركة الأصلية كتبت بواسطة عبدالله علي موسى

انته قلته البوست معلوف كلمه كلمه وبي ضبانتو، أنا قبيل مشيت راجعته ولقيت عبارتك دي غير صحيحه ويستحيل إثباتها على ارض الواقع! تسحب العباره ونتفق على عرض ماده لم يلتزم فيه عبدالله ابن موسى بكل اساسيات المباحث وذكر ابو ريه وكان عليه التوضيح اكثر لكي لا نلتبس. افتكر معقوله ونبني من هنا او تثبت العلفه كما حددتها.
والأجزاء الاخيره بعد ما نمرق الاقتباس من السنه حقتي عديل وسرحته فيها كمان قلت كلام ما قالو زول قبلي زي علاقه التقيه باليهود

كلامك ده أنا متفق معاهو بنسبة كبيرة جدا و واضح إنو ما ممكن نتفق علي كل شئ في الموضوع ده مية مية ... فخلينا نسقف علي كدة لانو شايف ناس كيشو ديل لابتين ليك !!

[عبدالله علي موسى]

المشاركة الأصلية كتبت بواسطة أمين محمد سليمان

كلامك ده أنا متفق معاهو بنسبة كبيرة جدا و واضح إنو ما ممكن نتفق علي كل شئ في الموضوع ده مية مية ... فخلينا نسقف علي كدة لانو شايف ناس كيشو ديل لابتين ليك !!

تمام: "يسحب اخ امين اتهامه لي بأن ما اتيت به معلوف كلمه كلمه، الجزء الاول عرض ماده اشرت فيه للاقتباس المباشر واتبعت خطى ابو ريه في التسلسل وأخذت ما اقبس هو وأشرت اليه بوضوح ولعدم اللبس كان يجب علي ان اشير له في كل فقره، لاكني تجاهلت ذالك لطبيعه تلك المرحله. الأجزاء الاخيره حقتي تب وأتيت في جزء فيها بما لم تأتي به العرب ولا العجم من قبل كربطي للتقيه باليهود" نقرض علا كده يا مولانا ؟

[أمين محمد سليمان]

قرض ياخي ... قرض و لو إنو أنا متفق أكتر مع الكلام الأول !!

[عبدالله علي موسى]

المشاركة الأصلية كتبت بواسطة أمين محمد سليمان

قرض ياخي ... قرض و لو إنو أنا متفق أكتر مع الكلام الأول !!

صدقني أنا متنازل هنا! واقدر موقفك

[كيشو]

المشاركة الأصلية كتبت بواسطة عبدالله علي موسى

كيشو عذبتني عذاب الهدد، حا افصل ليك العنوان جلابيه وسروال محترم، لوك لي الصبر الله يرضى عليك

شكرا يا عبد الله
بس فصل العنوان لغرض البحث العلمي، أنا خليني في الﻻبسو

[عبدالله علي موسى]

ويا اخوانا والله أنا سني ابن سني وسنيه، احترم كل المذاهب لأكن عندي راي اصعب من رأي في ابو هريره في المذهب الشيعي ولعل الايام تكشف رأي ده! البقول لي شيعي تاني بضارب معه.

[عبدالله علي موسى]

المشاركة الأصلية كتبت بواسطة كيشو

شكرا يا عبد الله
بس فصل العنوان لغرض البحث العلمي، أنا خليني في الﻻبسو

كيشو اشرت للعنوان في البدايه، امشي أسرح وجيب لي صحابي اثر في السنه اكثر من ابو هريره. اكتفي بهاذا القدر وممكن أناقشك اكثر حينما أفرغ.

[الرشيد اسماعيل محمود]

المشاركة الأصلية كتبت بواسطة عبدالله علي موسى

كيشو اشرت للعنوان في البدايه،

المشاركة الأصلية كتبت بواسطة عبدالله علي موسى

كما يعلم القارئ الكريم السنه النبوية تعتبر المصدر الثاني للمسلمين بعد القرآن الكريم، و إذا أخذنا بعين الاعتبار أن الصحابي أبو هريرة له القدر الأكبر من الأحاديث المروية عن أشرف الخلق سيدنا محمد (ص)، يصبح من البديهي أن نقول أن أبو هريرة هو الرجل الثاني بلا منازع بعد الرسول تأثيراً في الاسلام (في المذهب السني). و هو في ذالك يفوق اجلاء الصحابة والخلفاء الراشدين، أعمدة الاسلام أوائل المؤمنين الذين خاضوا مع الرسول حروبه و شهدوا الأتراح قبل الأفراح أمثال علي بن ابي طالب و عمر إبن الخطاب و أبو بكر و عثمان و أنس بن مالك و أبو ذر الغفاري و سعد بن أبي وقاص رضوان الله عليهم.

............

[كيشو]

شكرا يا الرشيد
ويا عبد الله ياخ كﻻمك الجابو الرشيد مشحتف وما بكفيني عشان أسرح فيهو، وانت ذاتك كان قايلو بخارجك معاي تكون غلطان، شرح العنوان وتفصيلو مهم؛ وبيساعد على إنو الواحد يحاورك على بينة، وانت قبل شوية وعدتني بتفصيل العنوان:
سلسلة كشف الغمة
مبحث أول: سر الرجل الثاني في اﻹسﻻم
عنوان فخم؛ اعتمدت فيه على أن أبا هريرة تبوأ - بزعمك - مكانة الرجل الثاني بﻻ منازع لمجرد روايته ﻷحاديث رسول الله صلى الله عليه وسلم
عليك أنت مراجعة العنوان ﻷنني ﻻ أجيزه (شفت كيف)، وحأبقى ليك في رقبتك

[عبدالله علي موسى]

المشاركة الأصلية كتبت بواسطة طارق صديق كانديك

الأخ عبدالله

طارق كانديك عضو زيو وزيك، وللحفاظ على حقوقك عليك أن تنزل عنك لبوس الغضب الذي لبسته، فهو يفسّر لك الأمور على غير حقيقتها، ربما لدي مكاييل عديدة لستُ أدري، غير أني أقول أن الأوصاف التي وصفك بها الأخ أمين لم تتعدي الى شخصك قال في معرض حديثه أنك سرقت جهد غيرك ولم تنسب الحديث لقائله وعليه فأنت سارق، ثم أتيت وأقريت بذلك.

ثم حين ذكر الأخ أمين أنك كذبت كنتُ أنا والكم مكيال بتاعتي حاضرين ودونك المداخلة رقم 68 .

ورغم كل ذلك جاء الأخ أمين للمساهمة في استمرار الحوار المعافى، وقدم اعتذاره عن الاستفزاز الذي تشعر به.

يا أخي ظللت باستمرار أكرر وأرجوك أن تنفذ الى جوهر مبحثك، لعلمي أن مثل هذا التحاور لا يفسد الفكرة فحسب بل يتعدي ليمس النفوس والشخوص.

أخ طارق:
أنت سارق دي عاملة لي إنتيكاريا،و لم أقر بها بل طلبت البينة مراراً و تكراراً و لم أسرق جهد غيري، وأهو أخ أمين سحبه بس حبيت أعمل ليها هاي لايت و ما تزال البينه قائمه لمن ادعى ..

تقبل تحياتي

[طارق صديق كانديك]

المشاركة الأصلية كتبت بواسطة عبدالله علي موسى

أخ طارق:
أنت سارق دي عاملة لي إنتيكاريا،و لم أقر بها بل طلبت البينة مراراً و تكراراً و لم أسرق جهد غيري، وأهو أخ أمين سحبه بس حبيت أعمل ليها هاي لايت و ما تزال البينه قائمه لمن ادعى ..

تقبل تحياتي

صباح الخير أخي عبدالله

في تقديري الحديث للمتابع واضح ولا يحتاج لهاي لايت، فطب نفساً، وردت هذه الجملة في سياق نقلي لحديث الأخ أمين الذي اتهمك هو بالسرقة،وينسحب على حديثه موقفه الأخير بدون شك.

بالنسبة لي أنا لم أتهمك بشئ، ظللت أقدم الرجاء تلو الآخر لك لتمضي قدماً في قول كل مالديك وما أزال أسألك أن تقوم بذلك، ففي تقديري أن الأولى بالحوار والحديث حوله هو ما نقلته أو اقتبسته أو كتبته بيديك في حق الصحابي الجليل أبو هريرة رضى الله عنه.

ثم دعني أعمل هاي لايت على هذه الجملة من أحد ردودك:

الجنازه دي بمرقوها كيف؟؟
الله يجيب الجمعه
__________________

.

فإن كنت تعتقد أن هذا الذي نقلته أو كتبته بحق الصحابي الجليل أبو هريرة فتحاً جديداً أسقط في أيدي محاوريك من المخالفين لرؤيتك، فأنت تحتاج الى مزيد من الاطلاع، لتقف على أن هذا الحديث الذي بين أيدينا حديث مكرور، وقد تناوله العديد من العلماء والفقهاء والمحاورين بتفنيده والتعليق عليه، مما يرفع عن هذا الحديث كونه يجعل من الأمر (جنازة) تصعب على الجميع التصرف معها، ولكن مثلي كثيرون صبروا لحين فراغك مما تود أن تقوله، فدعني أشاركك الأمنيات أن يسرع الله بالجمعة التي تمنيتها.

أمر أخير أثمن ما توافقتما عليه أنت والأخ أمين. ليتنا نفذنا الى جوهر الموضوع.

تحياتي

[عبدالله علي موسى]

أقدر الانتظار والصبر و أهو إنته شايف الظروف الأيام الفات كان شكلها كيف.

عن نفسي قرأت بعض تلك الردود، من ما تم تقريظه، لم أجد الاجابات الشافيه بعد، الموضوع سبب لي حيرة طويلة و اتمنى أن أجد إجابات منطقية شافية.
تحياتي

المشاركة الأصلية كتبت بواسطة طارق صديق كانديك

صباح الخير أخي عبدالله

في تقديري الحديث للمتابع واضح ولا يحتاج لهاي لايت، فطب نفساً، وردت هذه الجملة في سياق نقلي لحديث الأخ أمين الذي اتهمك هو بالسرقة،وينسحب على حديثه موقفه الأخير بدون شك.

بالنسبة لي أنا لم أتهمك بشئ، ظللت أقدم الرجاء تلو الآخر لك لتمضي قدماً في قول كل مالديك وما أزال أسألك أن تقوم بذلك، ففي تقديري أن الأولى بالحوار والحديث حوله هو ما نقلته أو اقتبسته أو كتبته بيديك في حق الصحابي الجليل أبو هريرة رضى الله عنه.

ثم دعني أعمل هاي لايت على هذه الجملة من أحد ردودك:

.

فإن كنت تعتقد أن هذا الذي نقلته أو كتبته بحق الصحابي الجليل أبو هريرة فتحاً جديداً أسقط في أيدي محاوريك من المخالفين لرؤيتك، فأنت تحتاج الى مزيد من الاطلاع، لتقف على أن هذا الحديث الذي بين أيدينا حديث مكرور، وقد تناوله العديد من العلماء والفقهاء والمحاورين بتفنيده والتعليق عليه، مما يرفع عن هذا الحديث كونه يجعل من الأمر (جنازة) تصعب على الجميع التصرف معها، ولكن مثلي كثيرون صبروا لحين فراغك مما تود أن تقوله، فدعني أشاركك الأمنيات أن يسرع الله بالجمعة التي تمنيتها.

أمر أخير أثمن ما توافقتما عليه أنت والأخ أمين. ليتنا نفذنا الى جوهر الموضوع.

تحياتي

[حافظ حسين]

المشاركة الأصلية كتبت بواسطة طارق صديق كانديك

ياحافظ لمن تكتب موجهاً حديثك لي ، ياريت تكلمني طارق كانديك براي لا شريك لي في خطابك معاي قصة (عندكم كيف)، و (بقيتو تشوفوا) وحالة الجمع دي ما بتمشي معاي.

ثايناً: بالنسبة (لتعال النسألك) بفّضل ترجع تقرأ البوست تاني من الأول يا عرفت من وين جبتا كلامي ده ، ياكمان باصرت ليك عين زول تاني وشفتا بيها. وبالمرة شوف معاك قصة الصعلقة.

ثالثاً: قلت انت بتاع ريسيرش وعارف بحث يعني شنو، ونحن طير الله في سماهو ديل، المفروض علينا نسمعك ونقول ليك آمين ولا كيف؟ وقلت لي قال منقول؟ قالوا متين القول ده؟ قبل تدخل أمين ولا بعدو؟ لأنو ده عندنا نحن الماناس احصاء وبحوث بتفرق.

رابعاً: كتر خيرك وضحت لطارق كانديك كيفية التعامل مع الاعتذار.

خامساً: برضو شكراً لحافظ حسين الشايف انو الادارة غلطانة والتمس ليها في العذر الالهي، أهو برضو موقف متطور شوية.

طارق كانديك صباح النور
اولاً : بعتذر علي مخاطبتك بواو الجماعة
ثانياً: صدقني انا قريت البوست حرف حرف و ما محتاج أعيده تاني
ثالثاً: ايوا انا بتاع أحصاء و رسيرش و دا أكل عيشي يا حبيب , لكني كوني اكون بتاع احصاء اصلاً ما بعني انت طير الله, طيب هسي انت قانوني و انا لا , و جات سيرة القانون في الحتة هل في الحالة دي انا بكون طير الله في سماهو لانك انت قانوني؟ ... إعتراض علي كلام امين و قلت انه هنا ما في سرقة و لا علف بدليل الزول دا مثبت المراجع بتاعته حتي الجزي و الصفحة, يلا ارجع انت أقرأ البوست تاني و بتلقي بين القوسين دا كله مراجع (فتح الباري)
النقطتين رابعاً و خامساً ديل في رأي زايدت عشان كدا ما حأرد عليهن
فتك بعافية

[حافظ حسين]

المشاركة الأصلية كتبت بواسطة أمين محمد سليمان

أولا يا حافظ، أنا قلت ما ح أجيب دليل ( اقتباسات و كابشرات) لانو عبدالله نفسو قال إنو مقتبساتو عبارة عن 95% من المكتوب و في رواية تانيه قال لو كلامو الكاتبو في البحث ده تم 15% تعالو لوموني ... و لمن القصة بقي فيها خرخرة أنا قلت ح أجيب الاقتباسات و الكابشرات ...
تانيا .. أنا ما قلت لعبدالله صعلوك ... قلت ليه كلامك لي صعلقة و قلة أدب و جيت اعتذرت ليه عن الكلام ده .
ثالثا .. ما بتوقع إنو عبدالله يقبل إعتذاري و هو صاغر ، لكن كمان ما بتوقعو يشتمني .
رابعا .. أنا لم اعتذر علي إتهاماتي ليهو ... أنا اعتذرت عن المهاترة و الاستفزاز و الكلام الفارغ من جانبي و ده عشان حاجات كتيرة أقلها إحتراما للمكان ده ... فبالله أدفر معانا في الاتجاة ده ... النقاش بالهداوة نتايجو أحسن لينا كلنا ...

أمين صباح النور
زي ردي الفوق علي طارق كانديك قلت الزول دا مثبت مراجع , و بعدين يا أمين 95% من الكلام الكاتبه عبدالله حسب كلامه منقول دا ما بعني سرقة و خاصة أنه مثبت مراجعه ..... و بعدين نوعية البحوث الزي دي أصلاً بجيبه ليها كلام الناس و بتقارن
يلا عليك الله خليك معاي .... يعني من الموضوع الكاتبه عبدالله دا, سؤال البحث الاساسي فيه ممكن يكون:
العدد الضخم من الأحاديث التي تروي علي لسان ابو هريرة, هل بالإمكان ان تكون كلها سمعها من الرسول (ص) و خاصة انه قضي معه فترة لا تتجاوز الثلاثة سنوات؟

السؤال دا هنا عبدالله حيجاوب عليه كيف؟
يعني ابو هريرة مات الله يرحمه و كل المعاصرين ليه ماتوا, بقي لا عنده سكة استبيان و لا مقابله, سكته الوحيدة الكلام المكتوب , يجي يبحت فيه, يقارن, يستبعد حسب ادواته و معرفته عشان يجاوب علي التساؤل الفوق داك... عشان كدا طبيعي جداً كلامه البكتبه ممكن يكون بسيط.

قبول عبدالله لاعتذارك أو لا , صدقني جاء في معرض رد علي طارق وقت قال ليه, امين أعتذر .... انا رديت علي طارق ان عبدالله وحده من يقرر قبول الاعتذار او عدمه دا فيما معناها

أخيراً يا أمين معكم ندفر لقدام و كلنا بهمنا جو حوار معافي

[ماجد تاج]

المشاركة الأصلية كتبت بواسطة عبدالله علي موسى

أجمع علماء الحديث أن أبو هريرة كان أكثر من روى الحديث ، وزادت أحاديثه عن الخمسة الآف حديث صحح البخاري منها 446 حديث فقط .

ـ



أثبت النقطة دي هنا وبرجع ليها لاحقاً بإذن الله




ـ