البوي فريند يقض مضاجع المهاجرين

[كيشو]

المشاركة الأصلية كتبت بواسطة الرشيد اسماعيل محمود

طبعاً يا بكّة، انا ما اهتمّيت بالحدث قدر اهتمامي بأسلوب الحكي، شايفك بقيت ماهر في التشويق والسرد، عليك الله شوف المشهد دة:

ياخي دة مشهد سينما، أردف دي مسكت محلّها مسكة عجيبة، ياخي قرّبتَ أصدق إنو أسامة معاوية سرق كتبك

قلت لي مفعمة بالحياة!!، شايفك استفدت من صحبة حافظ حسين مؤخراً، ما بعيد تشارك بنص في مسابقة نوافذ الجاية.
يا كيشو،،
ما أظن صاحب بابكر استخدم كلمة "عب" كسِبّة، أنا شايف استخدامو ليها علي وجه التعيين، عشان يمنع تساؤلات متوقعة في حالات زي دي مثلا (وينو دة، ياتو فيهم، إلخ).
لكن بما إنو صاحب بكّة، فإتوقع منو أيّ حاجة

والله قلنا نكون على بينة بأسئلتنا الفوق دي يا رشيد؛ كلمة عب دي كانت كلمة ليها مدلوﻻت كتيرة، ولكن السياسيين حرموها علينا، هسه صاحب بكة دا قال عب دي بمعناها الشين حسب سياق الحكاية
وبالمناسبة تعبير بكة اﻷخير محل نظر، فكيف يقول: كعادة أهل الكاريبي مفعمة بالحياة؟ فتلك ليست عادة، كان اﻷجود أن يقول: وكأهل الكاريبي مفعمة بالحياة
ما علينا
أصبع واحد ببيعو ليك مافي

[فيصل سعد]

يا نديدي غايتوا سالفتك دي كان ما نجرة و مجمجة منك ساي تكون صحوبيتك لصاحبك اريتها صحوبية السواد و الرماد على قول حبوبتي حاجة الشول الله يرحمها .. ما ممكن ياخي تشهر بصاحبك و هواجسه المطلعة دينو و تشهر بنبيذو الاحمر و جغماته انا بعد كدا قهوة اخاف احتسيها معاك و الونسة الدقاقة حينقطع طاريها و حتقتصر على اهلا صباح الخير مرحب مساء النور !!

[كيشو]

المشاركة الأصلية كتبت بواسطة فيصل سعد

يا نديدي غايتوا صحوبيتك لاصحابك دي كان ما مجمجة منك ساي اريتها صحوبية السواد و الرماد على قول حبوبتي حاجة الشول الله يرحمها .. ما ممكن ياخي تشهر بصاحبك و هواجسه المطلعة دينو و تشهر بنبيذو الاحمر و جغماته انا بعد كدا قهوة اخاف احتسيها معاك و الونسة الدقاقة حينقطع طاريها و حتقتصر على اهلا صباح الخير مرحب مساء النور !!

ياخ ما تﻻوز
القصة دي ممكنةجدا تكون مدخل لحكاية البوي فريند والزوج فريند الشاغلة بكة من زمان
فبل اسبوعين جاب ليك قصة صاحبو البتحكي عن التعويض مقابل الربا
المرة الجاية عن صاحبو العرس بالدس

[أبوبكر عباس]

المشاركة الأصلية كتبت بواسطة معتصم الطاهر

اكون أكثر موضوعية ..

المسألة هي أن المهاجر اختار ثقافة .. ليدمجها فى ثقافته ..
ولكن تنازل ..

لو لم يتنازل لما كانت ( قطن) ..

يا معتصم يا أخي، الهجرة (ليس الإغتراب) لا تتحمل ممارستها جزئيا، سيحاول المهاجرون المحافظة على ثقافتهم، لكن نجاح هذه المحاولات سيظل محدود جدا وبالطبع الفشل المتوقع سيولد إحباط كبير لهم. تأثير المدرسة والأصدقاء على الأولاد سوف يكون أقوى بكثير من تأثير الأسرة.

[أبوبكر عباس]

المشاركة الأصلية كتبت بواسطة كيشو

طيب هو زعﻻن من شنو؟
كدي بالله اسألو لينا، وقول ليهو مﻻحظة معتصم الفوق بخصوص الكاريبيان
وكلمة عب دي نتعامل معاها كيف؟

سلام مولانا
يا سيدي، النموذج الجبتو في نجرتي، هو الواقع الحتمي النهائي للمهاجرين وكأني داير أقول للمهاجرين بالدولة الغربية لابد من البوي فريند والقيل فريند وإن طال السفر.
الوضع كالآتي:
البوي فريند والقيل فريند (أقصد هنا الثقافة الغربية) أمامكم والكتاحة خلفكم، فأنظروا ماذا أنتم فاعلون؟؟
كلمة عب الفي القصة ليست لها دلالة عنصرية زي ما قال ليك الرشيد.
زولي الفي القصة ما زعلان وهو متصالح جدا، فقط في الخاطر ذكرى ثقافة بالية (طبعا بالنسبة له).

[عبدالمنعم الطيب حسن]

نَجِرْاحمر ،

[أبوبكر عباس]

المشاركة الأصلية كتبت بواسطة شليل

الحل يقرًض على إنو يجيب ليهو ولد يقضهم وييقض مضاجع حلتم ذاتو

المشكلة يا شليل انو الأبوات ثلاثة أنواع:
- نوع متصالح ومستعد يقبل البوي والقيل فريند لاولادو وهو قليل جدا
- نوع زيك، (جعلي غير متدين) لو عندو اولاد ذكور، القلق بتاعو بيكون قليل
- نوع جعلي ومتدين ودا، برفض الوضعين، لكن النوم بجافي عيونو وبرجع برجع، لكن مأزقو بكون كبير لو الأولاد فسخوا الصريمة ورفضوا الرجوع، في الحالة دي عرقو بطق بطق.

[أبوبكر عباس]

المشاركة الأصلية كتبت بواسطة عكــود

هل كان بيفرق معاهو لو كان بدل البت، ربنا رزقو ولد؟

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلائِكَةٌ غِلاظٌ شِدَادٌ لا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

صاحبي يا عكود، ما فارقة معاهو، لكن كجيل اول للمهاجرين، صحوبية البت صعبة شوية بالرغم من النبيذ!
غايتو الوقاية الفي الآية ما ممكن تتعمل لو هاجرت وتقريبا نسبة نجاح الوقاية دي هناك من ناحية إحصائية غير معنوي.

[ام التيمان]

يا بكة سيبنا من وهمة و ظلامية المهاجرين دى
هم ذاتم ما عملوا كدا..........

***
البوى فريند...و القيل فريند
فى السودان قفا من يشيل
حدث ولا حرج

[أبوبكر عباس]

المشاركة الأصلية كتبت بواسطة كيشو

وبرضو اسألو لينا:
سنة تزعين صاحبك دا مش برضو كان عب وبتغدى عند أهل القيرل فريند بتاعتو؟

يا زول، إتغدى وشرب التكيلا وحضر معاهم عيد الشكر

الزنجي لما يقول لزنجي: اوو نيقا، لا يكون هناك شبهة عنصرية وكذلك لما سوداني يوصف زنجي بامريكا بالعب.

[أبوبكر عباس]

المشاركة الأصلية كتبت بواسطة الرشيد اسماعيل محمود

ياخي قرّبتَ أصدق إنو أسامة معاوية سرق كتبك

قلت لي مفعمة بالحياة!!

صاحبك أسامة معاوية، حردان وبقرأ وبرسل رسائل داخلية لناس قمر بوبا؟؟ عليك الله، موش كتبي ضاعت ساكت؟

معقولة يا رشيد تفوت عليك كلمة "كعادة" وإنقشها كيشو؟
فعلا يا كيشو، إستعمال كلمة "كعادة" في جملتي تلك غير مستساق

[أبوبكر عباس]

المشاركة الأصلية كتبت بواسطة خالد الصائغ

ك لكن تبقي الحقيقة يا بابكر إنو البني آدم هو الوحيد المسئول عن مُراقة دربو.

غايتو يا خالد، اتا بطريقتك دي، ما عندك حل غير السعودية وإحذر اللوتري

[أبوبكر عباس]

المشاركة الأصلية كتبت بواسطة فيصل سعد

يا نديدي غايتوا سالفتك دي كان ما نجرة و مجمجة منك ساي تكون صحوبيتك لصاحبك اريتها صحوبية السواد و الرماد على قول حبوبتي حاجة الشول الله يرحمها .. ما ممكن ياخي تشهر بصاحبك و هواجسه المطلعة دينو و تشهر بنبيذو الاحمر و جغماته انا بعد كدا قهوة اخاف احتسيها معاك و الونسة الدقاقة حينقطع طاريها و حتقتصر على اهلا صباح الخير مرحب مساء النور !!

يا زول، لو طرف الخوف هبشك، أم دُر حنينة!
وبعدين يا زول، نحن خلاص بعد دا، خمسنا، ما محتاجين يحكوا لينا قصص، هياكل كل القصص عندنا، بنشطب قصصنا برانا "بنجرنا الأحمر"

[أبوبكر عباس]

المشاركة الأصلية كتبت بواسطة عبدالمنعم الطيب حسن

نَجِرْاحمر ،

نعوم وينك يا شفيف؟ يا رب يقع ليك اللوتري

[أبوبكر عباس]

المشاركة الأصلية كتبت بواسطة ام التيمان

البوى فريند...و القيل فريند
فى السودان قفا من يشيل
حدث ولا حرج

داك يا اميرة بالضرى! بالدس، ما عندنا معاهو مشكلة، المشكلة في البتجيبو ينوم معاكم في البيت داك، والصباح تلقاهو خالف كرعينو في الصالون وبي التي شيرت؟! وبتك تقول ليك:
Dad, be nice