المحتاجين حقيقي (تمرد) وانقلاب ديموقراطي هم الشيوعيين!!

[صديق عيدروس]

المشاركة الأصلية كتبت بواسطة ود الخير

نصلي عشانه ، ونرفع أكفنا ، ونتضرع ؛ وندعو ليه الله علناً ، وفي السر وفي ظهر الغيب ، عسى الله أن يزيل البيهو ، ويبلغو مقصده ويوصلو

جزاك الله خير فنحن جميعا نحتاج الدعاء

[صديق عيدروس]

المشاركة الأصلية كتبت بواسطة طارق صديق كانديك

أين موقع صديق عيدروس من كل ذلك؟

تحياتنا لاستاذنا طارق وكل عام وانتم بخير
لازم تتحملونا شوية واجركم على الله ، وبما انو الكلام ده معنيين بيهو الاحزاب

اما انا فغير منتمي سياسيا كغيري من غالبية السودانيين حيث ان الممارسين للعمل السياسي في السودان يقل عن 1% والمشاركين لايتجاوزون 3% وهذه نتيجة للاداء السيئ للاحزاب السياسية في السودان

[صديق عيدروس]

المشاركة الأصلية كتبت بواسطة فتح العليم الإمام

:

صدقني انا جادي يافتح العليم ، فسبب تأخرنا وتخلفنا سياسيا هي احزابنا السياسية ، عشان كده الاصلاح مفروض يبدأ بها اولا ، حتى لا نستمر في الدائرة المفرغة التي ظللنا ندور فيها منذ الاستقلال والى اليوم
مع خالص التحية

[طارق صديق كانديك]

المشاركة الأصلية كتبت بواسطة صديق عيدروس

تحياتنا لاستاذنا طارق وكل عام وانتم بخير
لازم تتحملونا شوية واجركم على الله ، وبما انو الكلام ده معنيين بيهو الاحزاب

اما انا فغير منتمي سياسيا كغيري من غالبية السودانيين حيث ان الممارسين للعمل السياسي في السودان يقل عن 1% والمشاركين لايتجاوزون 3% وهذه نتيجة للاداء السيئ للاحزاب السياسية في السودان

وعليكم السلام ورحمة الله وبركاته أخي صديق ورمضان كريم ياخي

كويس إنك مستند على احصائية(غض النظر عن مصدرها وصحتها) ولكن طالما مقنعاك، تاعب نفسك ومجند وقتك في نقد عمل يقل عن 1% من السودانيين ومشاركنو لايزيدون عن 3% مالك؟

عوضاً عن قلم التصحيح الذي تحمله لهم (وهم أقلة) كان حريٌ بك أن تتجه لل99% من السودانيين، وتطرح لهم خياراتك وحلولك لمشكلاتهم عسى أن يجدوا فيك مخرجاً مما هم فيه، عجزت عنه القوى السياسية السودانية.

[صديق عيدروس]

المشاركة الأصلية كتبت بواسطة طارق صديق كانديك

وعليكم السلام ورحمة الله وبركاته أخي صديق ورمضان كريم ياخي

كويس إنك مستند على احصائية(غض النظر عن مصدرها وصحتها) ولكن طالما مقنعاك، تاعب نفسك ومجند وقتك في نقد عمل يقل عن 1% من السودانيين ومشاركنو لايزيدون عن 3% مالك؟

عوضاً عن قلم التصحيح الذي تحمله لهم (وهم أقلة) كان حريٌ بك أن تتجه لل99% من السودانيين، وتطرح لهم خياراتك وحلولك لمشكلاتهم عسى أن يجدوا فيك مخرجاً مما هم فيه، عجزت عنه القوى السياسية السودانية.

كيف اكون تاعب نفسي ياطارق وانا وغيري نعتقد ان السبب في بقاء 99% على الكنبة هو الاداء السيئ للاحزاب السياسية ،ففي كل الدنيا فان الاحزاب السياسية تسعي لاستقطاب العضوية وتوسيع قاعدتها ومؤيديها

اما عن نسبة 3% للمشاركين ممكن تكون اكثر بقليل وفي كل الاحوال ما ممكن تتجاوز ال 10% ، وهذه يمكن حسابها اذا عرفنا عدد السكان ومن يحق لهم التصويت وعدد من ادلوا باصواتهم فعلا في الانتخابات الماضية

[قيقراوي]

صديق كل عام وانت بخير
تجدني مندهش مع طارق .. تماماً













-----

اكتر حاجة بتحيرني هي (الديموقراطي) الما منتمي لحزب، او ماسس حزبو براو!؟

تعرف لمن اسمع لي زول يعظ عن الديموقراطية، وهو ما منخرط في مؤسساتها، كما اسمع لي عزابي (غير منخرط في مؤسسة الزواج) وبحلف بالطلاق!

في لاهوت الديموقراطي النبيل، ورد انو الايمان بالديموقراطية لا يصح بدون عمل ..
" الممارسة تكسبكم علم ما لم تعلموا عن الديموقراطية .. فنارها تزيد وضاءة نورها“
رواه ولفقه قيقراوي

[صديق عيدروس]

المشاركة الأصلية كتبت بواسطة قيقراوي

صديق كل عام وانت بخير
تجدني مندهش مع طارق .. تماماً


-----

اكتر حاجة بتحيرني هي (الديموقراطي) الما منتمي لحزب، او ماسس حزبو براو!؟

تعرف لمن اسمع لي زول يعظ عن الديموقراطية، وهو ما منخرط في مؤسساتها، كما اسمع لي عزابي (غير منخرط في مؤسسة الزواج) وبحلف بالطلاق!

في لاهوت الديموقراطي النبيل، ورد انو الايمان بالديموقراطية لا يصح بدون عمل ..
" الممارسة تكسبكم علم ما لم تعلموا عن الديموقراطية .. فنارها تزيد وضاءة نورها“
رواه ولفقه قيقراوي

دهشتك انت وطارق مقدرة ولكن دهشتنا نحن اكبر ...لماذا ؟
المسالة لا تتعلق بحالة فردية بل تكاد تكون ظاهرة

السياسيين عندنا اصلا غير مهتمين بهذا الجانب للخلل الموجود في هذه الكيانات (الاحزاب ) وهذا هو لب الموضوع ، لان معظمها ليست احزاب بالمعنى المتعارف عليه للحزب ، فمظمها تنظيمات عقائدية ، الانضمام اليها يتم بضوابط وشروط التنظيم ، واحسنها حالا احزاب طائفية ، الانتماء فيها يكون (للامام) (وللمرشد) وليس للحزب

فالخلل في الاحزاب الموجودة وتركيبتها وممارساتها ، وهي المسؤلة عن تخريب مؤسسة الزواج السياسي وانتشار العزوبية السياسية كما تقول ، وليس في جموع الشعب السوداني ، يعني 99% من الشعب السوداني قاعد في الكنبة بسببها
وياريت نسمع رأي اخونا البروف امين وبقية الاعضاء ، اللبراليين منهم والعاديين
وكل عام وانتم بخير

[قيقراوي]

كلام اغرب من القبلو يا صديق!!
والله صحي!










------

طيب ما تعملوا حزبكم .. وتعدلوا الحال الشايفنو مايل دا..
المافي شنو!؟

ان توقد شمعة خير من ان تلعن الظلام ..
الكلام بي قروش!؟
لكن (العمل) صعب
ول شنو!؟

تحياتي

ومرحب بكل الاراء ..
البوست مفتوح للجميع .. وعقل وقلب سيد البوست يسعوا الجميع
انتو قايلين لقب (ديموقراطي) دا ما عندو استحقاق!؟

[أبوبكر عباس]

شوف يا قيقا، أستاذنا بشرى (الفاضل) كتب شنو!!

عشرات الملايين أكبر بكثير مما قدرته المعارضة المصرية نفسها. وثلاثة اضعاف من صوتوا لمرسي
بشرى (الفاضل)

طيب (الفاضل) منو؟

[قيقراوي]

المشاركة الأصلية كتبت بواسطة بابكر عباس

شوف يا قيقا، أستاذنا بشرى (الفاضل) كتب شنو!!
طيب (الفاضل) منو؟

للامانة ما قريت بوست د. بشرى الفاضل
لكني احسبه قديم، اقدم من تاريخ الانقلاب..
اعتقد اني لمحتو قبلو











------

د. بشرى إمام المُثقِفين -بالكسرة .. سمح؟- في عموم اسافير الله الواسعة
ولا أحسبه يؤيد انقلاب عسكري .. ابداً

اقول قولي هذا عن معرفة قريبة بالرجل

[أبوبكر عباس]

المشاركة الأصلية كتبت بواسطة قيقراوي

د. بشرى إمام المُثقِفين -بالكسرة .. سمح؟- في عموم اسافير الله الواسعة
ولا أحسبه يؤيد انقلاب عسكري .. ابداً

اقول قولي هذا عن معرفة قريبة بالرجل

كدي شوف مداخلته كاملة:

وهكذا انتصرت الجماهير المصرية بسبب حشود الجماهير التي لم يسبق لها مثيل في وحدة لم يسبق أن حدثت في مصر تحت علم مصر ورفع الكرت الأحمر .
الجيش راى هذه الحشود فانتصر لإرادتها. هذا ليس إنقلاباًعسكرياً من يقول بذلك لا يقرأ الأحداث في وجهتها الصائبة ،الصحيحة. شباب مصر ممثلاً في فكرة
تمرد العبقرية البسيطة : تجميع شتات القوى المعارضة تحت علم مصر والدعوة لعدم التشرذم و لعدم التفكير الذاتي الحزبي الضيق الذي يسعى فيه الكل لزيادة
حصة حزبه في الأحداث هو ما جعل الشعب المصري كله يخرج. .هذا الخروج في مصر فاق من خرجوا يبكون وييشيعون جمال عبدالناصر .كم عدد الجماهير
التي خرجت ؟عشرات الملايين أكبر بكثير مما قدرته المعارضة المصرية نفسها.وثلاثة اضعاف من صوتوا لمرسي .
بشرى (الفاضل)

لنا جعفر ونبيل ومهند، كلهم قالوا: دا، ما إنقلاب
أنا شايف انو جمع التواقيع غير مُجدي
بيان الحزب متسق مع فهم العضوية
ــــــــــــــــــــــــ
عليك الله يا مهند، لو إتّا ما شيوعي؛ تعفي لي.

مداخلتي بالفيسبوك ردا على مقتبس بشرى الفاضل أعلاه:

سلام يا أستاذ بشرى، ما فعله الجيش في هذه المواحهة بين الفريقين هو إنقلاب وتحيز لجماعة "تمرد" ضد شرعية مرسي. قلت يا بشرى: "عشرات الملايين أكبر بكثير مما قدرته المعارضة المصرية نفسها.وثلاثة اضعاف من صوتوا لمرسي"، كم هو الرقم اللازم الآن لإسقاط الشرعية عن مرسي؟ ومن هو الذي قام بتقدير الأرقام التي خرجت؟ لو قلت لي: حسبوا الناس جماعة تمرد والبرادعي وقناة العربية؛ بزعل منك! مندوب مصر بالأمم المتحدة قال ليهم كلام ني زي كلامك دا: "تمرد جمعت عشرين مليون توقيع" سألوهو: الراجع التواقيع دي، منو؟ نطط عيونو! دحين إتّا يا أستاذ بشرى ورينا كيف من ناحية قانونية وديمقراطية نُفعل آلية التواقيع لإسقاط الحكومات المنتخبة؟
بابكر عباس المستنير

[خالد الصائغ]

القضية في تصوري ما بتتعلق بإنو الحصل ده إنقلاب عسكري و لا خلافو


السؤال الجوهري و المحوري هنا و المحتاج إجابة واضحة و غير مواربة من الناس

هل من الممكن للديمقراطية أن تجوِّز إزاحة رئيس جمهورية أو أي كيان منتخب ديمقراطيا, غض النظر عن إختلافنا أو إتفاقنا معاهو, بهذا الشكل الذي تم من قبل العسكر, whatever كان مسمي هذا الشكل, إنقلاب عسكري أو إنحياز لي إرادة شعبية !!!

[قيقراوي]

سلامات يا خالد

نعم هنالك طرق ديموقراطية لسحب الثقة عن الحكومة/ الرئيس .. البرلمان
لكن ليس من بينها التدخل العسكري و(الانحياز) والخزعبلات دي
الايمان بالديموقراطية لا يستقيم مع التبعيض
هي حزمة اجراءات (لا نصوص مقدسة) العقيدة بها وفيها بكتش وااااحد ..
يا كلو يا خلو ..
واحدة من علامات الالتواث البائن في الحالة المصرية، انو من اعلن ازاحة الرئيس المنتخب، وخارطة الطريق هو الجيش، لا رئيس المحكمة الدستورية!
باقي ليك لو كان الشغلة فيها مضارفة دستورية (ديموقراطية) مش كان اولى انو المحكمة الدستورية هي التعزل الرئيس .. تبرر (غرار)ها دا بي واحد اتنين تلاتة

انتو يا ناس الله دا شافوهو بالعين، ول عرفوهو بالعقل

كلو قبل تدخل الجيش السافر يحسب في باب ممارسة الديموقراطية، حتى العبث الشبابي المتمرد .. الغيث في اولو قطرة

بس الجيش ما حبابو
فهو مؤسسة موكل لها مهام وطنية مختلفة .. ليست سياسية بالطبع!







------

يا بابكر ياخي د. بشرى احرجني صراحة!!
يا شماتة ابلة ظاظا فيا!!

[خالد الصائغ]

المشاركة الأصلية كتبت بواسطة قيقراوي

سلامات يا خالد

نعم هنالك طرق ديموقراطية لسحب الثقة عن الحكومة/ الرئيس .. البرلمان
لكن ليس من بينها التدخل العسكري و(الانحياز) والخزعبلات دي
الايمان بالديموقراطية لا يستقيم مع التبعيض
هي حزمة اجراءات (لا نصوص مقدسة) العقيدة بها وفيها بكتش وااااحد ..
يا كلو يا خلو ..

!

تحياتي يا قيقراوي

شكراً قميناً, ده فصل الخطاب.

الديمقراطية ما سياق أو ممارسة سياسية بس, الديمقراطية ثقافة حياتية متكاملة, عشان كدة دايما بقول إنو الناس محتاجة في المقام الأول لي إنها تتشرب و تتعلم كيف تمارس ثقافة الديمقراطية أكتر من حوجتا للديمقراطية في رقبتا, الناس محتاجة لي تغيير علي مستوي الوعي, ممكن نسميهو بنية الوعي الديمقراطي, قبال ما تشرع في تنزيل الديمقراطية كممارسة سياسية, أو حياتية

الحصل في مصر ده في تصوري رِدَّة عن الديمقراطية, و ضبح و تقطيع أوصال و صَلْب للديمقراطية علي أبواب مدينة التاريخ, و سُنَّة غير مسبوقة مآلاتا و تبعاتا علي واقع و مستقبل الكسب الديموقراطي للمصريين حتكون وخيمة جدا.

الديمقراطية طالما هي الجابت مرسي ولا عتريس, يبقي هي الوحيدة المنوط بيها و المفوضة تفويض كامل إنها تشيلو, زي ما جابتو, متي ما إرتأت ذلك, عبر مؤسساتا و آلياتا.

[صديق عيدروس]

المشاركة الأصلية كتبت بواسطة قيقراوي

كلام اغرب من القبلو يا صديق!!
والله صحي!


------

طيب ما تعملوا حزبكم .. وتعدلوا الحال الشايفنو مايل دا..
المافي شنو!؟

ان توقد شمعة خير من ان تلعن الظلام ..
الكلام بي قروش!؟
لكن (العمل) صعب
ول شنو!؟

تحياتي

ومرحب بكل الاراء ..
البوست مفتوح للجميع .. وعقل وقلب سيد البوست يسعوا الجميع
انتو قايلين لقب (ديموقراطي) دا ما عندو استحقاق!؟

حاجات كتيره مافي والاحزاب في السودان تحتاج الى غطاء تنظيمي او طائفي ، وإلاّ لامكان لها ....!
عشان كده انا بقول انو الاصلاح لازم يبدأ من الاحزاب نفسها
وانشاء الله ارجع تاني بتفاصيل اكثر