اقتباس:
المشاركة الأصلية كتبت بواسطة جيجي
انا والله معاك يا شبارقة من زاوية واحدة هي هل ليلى المغربي دي كان شعرها دهبي ولا اخونا دا كان عنده ضعف نظر ولا خياله شاطح ساي
كل الصور الموجودةة لليلى بتقول غير ذلك
الغلاط في شنو تاني
|
يا غالي ضم لينا دبل جي دي لجافل المشككين
شعرها دهبي ... وكلنا بنحبها
المافي شنو!؟
اها انا سمعتا الكلام من خشم سيدو
الكلام كان عن (وشوشني العبير) قال انو كتبها في محبوبتو .. زوجتو لاحقاً
وعن (سال من شعرها الذهب) قالوا ليو ليه ما انزوجتها، قال هي ذاتا ماتت!
الكلام كان دا كان في الاهلية .. منتصف العقد الاخير من القرن المنصرم
------
اتفق مع شبارقة برضو عن الحلنقي ..
الزول دا بتكلم ساااي!!
مرة براو اتكلم عن انو كتب (نسيت الاغنية اسي) عن اخوه الحصل ليو حادث .. واتوفى قبايل العيد .. والغنية عاطفية جداً
وجا نكر كلامو دا .. مع انو موثق وفي التلفزيون
يا دبل جي امس القريبة دي، والله واحدة سال من شعرها الذهب واشياء عجيبة .. عنابية كدا .. لي ي اردافا .. والعيون حمار بس
لكن مافي شاعرية بس!
غايتو اكتفينا بالكشيف ساااي
ود البادية غنى (داير اكون تاجر عطور اسرح وادور بين الحسان) .. ما عارف حاجة ساااي .. سوي ليك (صرافة) بس
المافي شنو
كل عام وانتو بخير
اوحشتنا يا شهر الصيام!
