الشيطان والجنّ...قوم يساكنونا هذه الارض!

[أمين محمد سليمان]

المشاركة الأصلية كتبت بواسطة معتصم الطاهر

يا عادل

ياخ خليك من اللولوة ..
قريت 10 صفحات و ما لقيت اجابة

ياخ القصة دى حقيقية ..و حصلت ليك ؟
نعم

او لا

دى دايرة لف و دوران؟

اسمح لي يا باش أجاوبك... سيد علي ممكن يكون مشغول شوية :
سيد علي هنا بحكي في حكاية حقيقية حصلت ليهو ... و جايب تفاصيلها بدء من سفرتو لجواتيمالا لحدي دخولو المعبد و لقاءو بابليس و السامري (ثاو ) في أعلى غرفتو في الفندق ... في مداخلتو رقم 287 جاب خريطة لمعبد عبدة الشيطان !

و في 289 خالد الغالي سألو :

القصة دي قصة حقيقية ؟ حصلت ليك انت ؟

سيد علي جاوبو في مدخلتو رقم 291 :

أي قصة تعني؟
قصة تكأكُئِ الرفاق والرفيقات ومعهم صاحبي أمين محمد سليمان* أم قصة معبد الشياطين في جواتيمالا؟ (وجه باسم)
كلاهما قد حدث لي ياخالد

مسألة إنو سيد علي ثروة قومية يجب الحفاظ عليها دي ما جات من فراغ ... أرى أن ينضم كل الوطنيين للحفاظ عليه !!!

[الزوول]

المشاركة الأصلية كتبت بواسطة أمين محمد سليمان

يا دكتور ... كلام جميل بتحديد الناس و إنتقاد أفعالهم حسبما ترى ... خاصة لمن تكون التهمة فيها (ليس فيه احترام لمقاماتهم هم أنفسهم) لانو ده كلام كبير جدا !

أول حاجة ... اعتذر عن ايراد الرد في أي مكان تاني طالما كلامك كان هنا ... بعد مية سنة البجي يقرأ البوست يقراهو كلو عشان يفهم منو قال شنو و سببو شنو .

إتوقعت منك كزول إداري انك تجيب لي وين اللائحة بتقول شنو في ( تهمتي ) البي الاحمر دي ؟! المشكلة شنو في السخرية من كتابة ما أو من شخصية ما ... و وين مخالفتها للائحة ؟!

أنا يا دكتور غير ملزم بفهمك و تفسيرك لما يحدث ... و لا لاتهامات سخيفة مبنية على رؤيتك إنت ... أنا ملزم بالقوانين و اللوائح البتحكم هذا المكان ... جيب لي وين أنا خالفت اللائحة ... actually ... ما تجيبها لي ذاتو ... أعمل زي ما بكة بعمل للناس و إشتكيني للادارة كان كتابتي مضايقاك ... لكن ما تجي تقول لي ما عندك إحترام لنفسك و مقامك بفهمك إنت و قرايتك إنت !!
ثم إنو إنت لو عندك (حسن ظن عال جداً بمن يكتبون في هذا المكان) ما بتجي تقول ليهم كلامك السخيف ده !!

...
سلامات يا أمين تاني
لو ملاحظ أنا ما تدخلت بصفتي الادارية وجيت علقت كزول عادي يرى ما يراه فالكلام عن مطالبتي بإيراد قوانين ولوائح تدل على ضعف دفوعاتك واحساسك العميق بضعف الحجة التي تستند إليها في تخريب البوست (حتى ولو تم ذلك بدون مخالفة اللائحة)
وكاد المريب أن يقول خذوني.
ثانياً حجتك عن عدم ايراد في مكان تاني ليتمكن القارئ من متابعة السياق حجة وجيهة احترمها وعلى كل كان هذا مجرد رجاء.
...
بعدين شكلك ما فهمت موضوع الاحترام للنفس عند الكتابة
يا أمين الناس مقامات ، وأنت مقامك يفرض عليك أشياء كثيرة كان من الواجب أن تنتبه لها ، فما يجوز أن يخوض فيه بعض الناس (ويصغرو أنفسهم ) لا يجوز لمن كان مثلك ، فإن كنت ترى ما تفعله في هذا البوست يشرفك ويعلي مقامك
القشة ما تعترلك

دخَلَ عمارة بن حمزة على المنصور فأجلسَهُ في صدْرِ المجلِسِ، فقامَ رجلٌ وقال: مظلومٌ يا أمير المؤمنين. قال: من ظلمَك؟ قال: عمارة بن حمزة الجالس في صدر المجلس، غصب لي ضيعتي. فقالَ المنصور: قم يا عمارة، واسْتَوِ مع خَصْمَكَ في المُحاكمةِ واجلس عندَهُ، فقال عمارة: ما هو خصمي يا أمير المؤمنين. قال: وكيفَ ذلك؟ قال: إنْ كانت الضَّيعة لهُ، فلا أنازعه فيها، وإنْ كانتْ لي فقد وهبتُهُ إيَّاها، وهي ملكه دون ملكي. ولا أقوم من مجلس شرَّفني بهِ أمير المؤمنين، فاستحسنَ المنصور فعلَهُ، واستجودَ عقلَهُ.

[عادل عسوم]

يادكتور العوض...
ألا رحم الله من ابتدر سودانيات هذه و(رغب) في أن تكون عالما من التواصل والمحبة!
لعلي أقولها بين يديك:
أقسم بالله العظيم الذي لا اله الاّ هو أني لن أعود الى هذا البوست مرة أخرى ولا أكتب فيه حرفا...
وليواصل فيه أمين هذا ان أراد وليواصل معه (محرشوه) من النسوة والرفاق...
وليبق ال(بوست) وصمة في جبينهم الى أن يشاء الله
تحياتي يالزوول...
والتحية لكل من قرأه مثمنا وقد كنت أود ايراد الكثير مما أوضحته في ابتداره...
سلام

[الزوول]

المشاركة الأصلية كتبت بواسطة AMAL

اها دي رؤيتك انت الداير تفرضا برضو
في ناس البوست المابعجبهم بدخلوه ويقولو رايهم بالطريقة البتعجبم برضو
مش دا اسمو منتدي حوار
ولا انا غلطانة !!!

احترامي دكتور

...
سلامات يا آمال
ما ممكن الفعل يساوي عدم الفعل
الفعل ممكن يخرب البوست ولكن عدم الفعل لا يمكن يخرب البوست
وهنا تكمن قيمة الديمقراطية
فما لا يعجبني قد يعجب غيري
أما أن أدخل لما لا يعجبني وأخربه فهذه هي النظرة الدكتاتورية الفرعونية بذاتها (لا أريكم إلا ما أرى)
بعدين أنا هنا لا أتكلم عن إبداء الرأي
فهذا اتفق معه تماماً وهو شيء مطلوب
ولكني اتكلم عن تخريب البوست وحرمان متابعيه بأي طريقة كانت
كلنا ناضجون في هذا المكان ويمكننا أن نفرق بين إبداء الرأي وتخريب البوستات
كدي أرجعي تاني وشوفي مداخلات من ذكرتهم كانت ابداء رأى؟؟؟
يا بت الشيخ
أنا عندما أدافع هنا واستهجن تخريب البوستات
أدافع عن نفسي وعن آمال الشيخ وعن الجيلي وعن أمين وعن معتصم وعن كل عضو في هذا المكان أظن أن لديه الحق في قول ما يريد حسب قوانين هذا المكان
وعن حق الناس أن تقرأ لمن تريد
بدون وصاية من أحد
ولك وافر الاحترام
...

[أمين محمد سليمان]

المشاركة الأصلية كتبت بواسطة الزوول

...
سلامات يا أمين تاني
لو ملاحظ أنا ما تدخلت بصفتي الادارية وجيت علقت كزول عادي يرى ما يراه فالكلام عن مطالبتي بإيراد قوانين ولوائح تدل على ضعف دفوعاتك واحساسك العميق بضعف الحجة التي تستند إليها في تخريب البوست (حتى ولو تم ذلك بدون مخالفة اللائحة)
وكاد المريب أن يقول خذوني.

يا دكتور .. مداخلتك الاولى تمت باسمك ... التانية كانت باسم المشرف الفني ... هسي شايفها بقت باسمك لكني متأكد انها كانت باسم المشرف الفني ... و بعيدا عن بياتو إسم إنت كتبت ... طبيعي و منطقي جدا إنو الناس أرائها تختلف في نظرتهم للاشياء ... يعني إنت رأيك إنو البوست الما عاجبك ما بتخشو ... ناس تانيه رأيها عكسك ... إنت شايفني بسخر من كتابة صاحب البوست ... جميل ... ده رأيك ... الما جميل انك بناء على رأيك ده تشتمنا بقصة عدم إحترام نفسنا و القراء و المتابعين !!

و عشان القصة ما تبقى رأي و رأيك ... أنا وضحت ليك إنو الفاصل و الفيصل بين الناس و أراءها و ما يجوز و ما لا يجوز هي اللائحة ... و لو إنت شايفني (مرتاب ) من قصة اللائحة دي عشان أقول خذوني كان تجيب لي البند البجرم فعلتي دي و يخليك تقول لي إني و آخرين ما محترمين نفسنا و القراء و المتابعين !!
شايفك لمن قصة السخرية ما جابت دخل غيرتها لتخريب البوست !!
وين البوست اتخرب ؟!
أنا بتكلم في صميم البوست ... ياخي زول قال إنو أربك إبليس لمن بقى يتمتم و جاهم السامري في أوضتو في الفندق ... غير إنو الزول ده ثروة قومية يجب الحفاظ عليها تقول عليه شنو ؟!!!

المشاركة الأصلية كتبت بواسطة الزوول

...
بعدين شكلك ما فهمت موضوع الاحترام للنفس عند الكتابة
يا أمين الناس مقامات ، وأنت مقامك يفرض عليك أشياء كثيرة كان من الواجب أن تنتبه لها ، فما يجوز أن يخوض فيه بعض الناس (ويصغرو أنفسهم ) لا يجوز لمن كان مثلك ، فإن كنت ترى ما تفعله في هذا البوست يشرفك ويعلي مقامك
القشة ما تعترلك

دي exactly مشكلتي في كلامك يا دكتور !!

إنت بفهمك إنت و رؤيتك إنت بتدي رقبتك الحق تسئ لي و للناس !!

أنا ما شايف كتابتي في البوست ده (صغرت ) نفسي ... و لا شايفني بخرب في البوست .... و لا ما محترم نفسي و القراء ... و بقية إسأتك دي !!
لك الحق انك تشوفها بعكس ما أنا شايفها ...لكن ما ليك الحق تسيئنا بيها بحجة المقامات دي .

المسألة التانية يا دكتور انك لو كنت شايف لينا مقام، ما بتجي بطريقتك الاستعلائية دي تسئ لينا حتى لو في فهمك اننا أخطأنا ...لو كنت قلت كلامك ده في شكل سؤال أو رجاء أو أي صورة أخرى فيها إحترام لمن ذكرت من الناس و نعتهم بعدم إحترام نفسهم و القراء و المتابعين ما كان في زول إعترض و كنا شرحنا ليك الحاصل بصورة أفضل ...لكن تجي تسئي لينا من وحي فهمك إنت و تصفنا باوصاف و نعوت لانك ما شايف الشايفنو و كان ما عاجبنا قشة ما تعتر لينا فده قمة في عدم احترام النفس و الناس و اساءاة بالغة و فرض رؤيتك على الناس !!

[الجيلى أحمد]

المشاركة الأصلية كتبت بواسطة الزوول

الجيلي أحمد : شتائم مباشرة (شملت أهل الرجل) واجترار متعمد لما تم تجاوزه من سرقة أدبية أخذت عدة صفحات من بداية هذا البوست واصرار على تخريب البوست زيادة على وصاية على القراء بما يجب عليهم وما لا يجب عليهم مطالعته عن طريق الاستخفاف بالموضوع نفسه ووصفه بقصص ألف ليلة والأساطير (أعتقد أن الناس أحرار فيما يطالعونه وما لا يريدون أن يطالعوه)

سلامات الأخ الزوول:
1-

الجيلي أحمد : شتائم مباشرة (شملت أهل الرجل)

لم يحدث فى حياتى داخل البورد أو خارجه أن تعرضت لأهل أى انسان مهما بلغ الخلاف أو بلغت العداوة..
جاى يالزووول عايز تلفق لى حاجة جديدة..ورينى ياسيد أنا وين شتمت (أهل الرجل)؟
أما تلفيق عجيب!!
مادخل أهل أى انسان فيما يحدث, مابينى هنا هو فقط بين عسوم, ولادخل لأهل أحد به

2-

واجترار متعمد لما تم تجاوزه من سرقة أدبية

ياسيد, ماتتجاوزه أنت لايعنى بالضرورة أن أنجاوزه أنا..
أنا لست محكوم برؤيتك للأشياء وللعالم, كما اننى لااحكمك برؤيتى..
أنا أكتب وجه نظرى وانت تفعل كذلك..
ثم انه لاتوجد عندى سرقة تسقط بالتقادم.. مالم يعتذر الجانى ويتوب توبة نصوحة
3-

زيادة على وصاية على القراء بما يجب عليهم وما لا يجب عليهم مطالعته عن طريق الاستخفاف بالموضوع نفسه ووصفه بقصص ألف ليلة والأساطير (أعتقد أن الناس أحرار فيما يطالعونه وما لا يريدون أن يطالعوه)

أين فرضت وصايتى على أى أحد هنا؟
انت يالزووول قاعد تلفق دون أن يرمش لك جفن..
هذه رؤيتى ومطالعتى, فأنا أجد انها كقصص ألف ليلة وليلة..
أينالوصاية فى ذلك؟
هسه انت شايف انو بوست كويس وعاجبك.. هل جيتك قلت ليك انك عامل وصاية على الناس؟

أما أمرك عجيب..

بالله لوسمحت تجيب دليك على انى تعرضت لأهل الرجل

[الزوول]

المشاركة الأصلية كتبت بواسطة أمين محمد سليمان

يا دكتور .. مداخلتك الاولى تمت باسمك ... التانية كانت باسم المشرف الفني ... هسي شايفها بقت باسمك لكني متأكد انها كانت باسم المشرف الفني ... !!

سلامات يا أمين تاني
صحيح .. كتبت المداخلة الثانية وأنا داخل باسم المشرف الفني ثم عندما انتبهت مسحتها ودخلت باسم الزوول واعدتها

المشاركة الأصلية كتبت بواسطة أمين محمد سليمان

و عشان القصة ما تبقى رأي و رأيك ... أنا وضحت ليك إنو الفاصل و الفيصل بين الناس و أراءها و ما يجوز و ما لا يجوز هي اللائحة ... و لو إنت شايفني (مرتاب ) من قصة اللائحة دي عشان أقول خذوني كان تجيب لي البند البجرم فعلتي دي و يخليك تقول لي إني و آخرين ما محترمين نفسنا و القراء و المتابعين !!
شايفك لمن قصة السخرية ما جابت دخل غيرتها لتخريب البوست !!
وين البوست اتخرب ؟!
أنا بتكلم في صميم البوست ... ياخي زول قال إنو أربك إبليس لمن بقى يتمتم و جاهم السامري في أوضتو في الفندق ... غير إنو الزول ده ثروة قومية يجب الحفاظ عليها تقول عليه شنو ؟!!!

يا أمين
كما قلت لآمال من ضمن احترامي للناس البتكتب هنا والقراء أن أعتقد بل أن أؤمن انهم يمكنهم التفريق بين كتابة رأي معين في بوست معين لا يعجبهم وبين تخريب البوست نفسه باغراقه بالسخرية أو الشتائم أو بأي نوع من المداخلات المعروفة لكل قراء الأسافير والتي تؤدي لخراب البوستات.
اللوائح ما ممكن تغطي كل شيء يا أمين وليس في عالم الأسافير بل حتى في الحياة الطبيعية
وسأضرب لك مثالاً بسيطاً في عالم المنتديات
هل هنالك لائحة تمنعني أن ادخل أحد بوستات العزاء ، وأشغل فيهو أغنية لطه سليمان مثلاً
الاجابة لا ، ولكن لا يمكن لأحد أن يفعلها لأنها بالمفهوم البسيط ستخرب البوست (بالرغم من عدم وجود بند في اللائحة يمنعها)

المشاركة الأصلية كتبت بواسطة أمين محمد سليمان

وين البوست اتخرب ؟!
أنا بتكلم في صميم البوست ... ياخي زول قال إنو أربك إبليس لمن بقى يتمتم و جاهم السامري في أوضتو في الفندق ... غير إنو الزول ده ثروة قومية يجب الحفاظ عليها تقول عليه شنو ؟!!!

كل متابع لهذا البوست يعرف أن الرجل لم يُترك ليكمل البوست حتى نعرف ما الذي يقصده .

المشاركة الأصلية كتبت بواسطة أمين محمد سليمان

دي exactly مشكلتي في كلامك يا دكتور !!

إنت بفهمك إنت و رؤيتك إنت بتدي رقبتك الحق تسئ لي و للناس !!

أنا ما شايف كتابتي في البوست ده (صغرت ) نفسي ... و لا شايفني بخرب في البوست .... و لا ما محترم نفسي و القراء ... و بقية إسأتك دي !!
لك الحق انك تشوفها بعكس ما أنا شايفها ...لكن ما ليك الحق تسيئنا بيها بحجة المقامات دي .

المسألة التانية يا دكتور انك لو كنت شايف لينا مقام، ما بتجي بطريقتك الاستعلائية دي تسئ لينا حتى لو في فهمك اننا أخطأنا ...لو كنت قلت كلامك ده في شكل سؤال أو رجاء أو أي صورة أخرى فيها إحترام لمن ذكرت من الناس و نعتهم بعدم إحترام نفسهم و القراء و المتابعين ما كان في زول إعترض و كنا شرحنا ليك الحاصل بصورة أفضل ...لكن تجي تسئي لينا من وحي فهمك إنت و تصفنا باوصاف و نعوت لانك ما شايف الشايفنو و كان ما عاجبنا قشة ما تعتر لينا فده قمة في عدم احترام النفس و الناس و اساءاة بالغة و فرض رؤيتك على الناس !!

أكثر ما يعجبني في الأدب النبوي هو تعمده عدم احراج الناس والاكتفاء بعرض المشكلة نفسها ومحاولة اصلاحها في قوله دائماً صلى الله عليه وسلم ( ما بال أناس يفعلون كذا وكذا) وهذا ما حاولت أن اتمثل به لولا اصرارك على التحديد
نعم اجلالي لكم (أمين والجيلي ومعتصم) كبير جداً ولكني أرى السكوت على ما تفعلونه هو عيب في حق نفسي وما أؤمن به أولاً ، ثم انه عيب علينا وتقصير منا في حقكم علينا عدم تنيبهكم له.
ولكم مطلق الحق في تقبله أو رفضه
....

[الرشيد اسماعيل محمود]

المشاركة الأصلية كتبت بواسطة أمين محمد سليمان

ي
أنا بتكلم في صميم البوست ... ياخي زول قال إنو أربك إبليس لمن بقى يتمتم و جاهم السامري في أوضتو في الفندق ... غير إنو الزول ده ثروة قومية يجب الحفاظ عليها تقول عليه شنو ؟!!!

[الزوول]

المشاركة الأصلية كتبت بواسطة الجيلى أحمد

سلامات الأخ الزوول:
1-

لم يحدث فى حياتى داخل البورد أو خارجه أن تعرضت لأهل أى انسان مهما بلغ الخلاف أو بلغت العداوة..
جاى يالزووول عايز تلفق لى حاجة جديدة..ورينى ياسيد أنا وين شتمت (أهل الرجل)؟
أما تلفيق عجيب!!
مادخل أهل أى انسان فيما يحدث, مابينى هنا هو فقط بين عسوم, ولادخل لأهل أحد به


بالله لوسمحت تجيب دليك على انى تعرضت لأهل الرجل

...
سلامات يا جيلي
اعتذر عن ذلك
فأنت لم تشتم أهل الرجل بل شتمته هو شخصياً
الأخ الفاتح هو من فعل ذلك في بوست أمين محمد سليمان (المنحطون ..قوم يساكنونا هذه الأرض)

المشاركة الأصلية كتبت بواسطة الفاتح

المنحطون ....قوم يساكنونا هذه الارض !!
1/ سليل حاج نور : عادل عسوم
2/ بدر الدين إسحق.
عندي مشروع بوست يحمل نفس دلالات فكرتك ، حأصيغو بعد ما أخلص من توثيق الشهداء ، أو بأدق تعبير بعد ما إتطمن إنو هم نايمين بخير ، وأجي راجع للمؤخرات المكتنزة بالسخف وقلة الأدب دي.
---
بالدم صباح الخير.. أهلاً مساء النور

تقبل اعتذاري عن وصفك بشتم أهل الرجل
وسأعود لباقي نقاطك غداً بإذن الله

[أمين محمد سليمان]

المشاركة الأصلية كتبت بواسطة الزوول

يا أمين
كما قلت لآمال من ضمن احترامي للناس البتكتب هنا والقراء أن أعتقد بل أن أؤمن انهم يمكنهم التفريق بين كتابة رأي معين في بوست معين لا يعجبهم وبين تخريب البوست نفسه باغراقه بالسخرية أو الشتائم أو بأي نوع من المداخلات المعروفة لكل قراء الأسافير والتي تؤدي لخراب البوستات.
اللوائح ما ممكن تغطي كل شيء يا أمين وليس في عالم الأسافير بل حتى في الحياة الطبيعية
وسأضرب لك مثالاً بسيطاً في عالم المنتديات
هل هنالك لائحة تمنعني أن ادخل أحد بوستات العزاء ، وأشغل فيهو أغنية لطه سليمان مثلاً
الاجابة لا ، ولكن لا يمكن لأحد أن يفعلها لأنها بالمفهوم البسيط ستخرب البوست (بالرغم من عدم وجود بند في اللائحة يمنعها)

يا دكتور ... مثلك بتاع طه سليمان في بوست عزاء ما ممكن يكون زي كتابتنا في هذا البوست ... السخرية دي ذاتها أدب و وسيلة عالية للنقد ! لانو زي ماقلت ليك زول بحكي للناس إنو قعد مع إبليس و أربك حنانو لحدي ما جاهم السامري بالسقف تنتقدو تقول ليه شنو ؟!!
كتابتي في البوست ده كلها على علاقة بما كتبو صاحب البوست !
اتفق معاك إنو اللوائح ما ممكن تغطي كل شئ ...لكن على الاقل بتغطي مكامن خلاف الناس ... يعني زي مثلك بتاع طه سليمان ده ما ممكن يكون في لائحة لانو ما أظن ممكن زول يختلف في حاجة زي دي ... لكن إذا ظهر زول عمل عملية زي دي ... لازم إدانة الفعل ده و عقوبتو تدخل في اللائحة لانو بتبقى جزء من مكامن خلاف الناس !!

المشاركة الأصلية كتبت بواسطة الزوول

كل متابع لهذا البوست يعرف أن الرجل لم يُترك ليكمل البوست حتى نعرف ما الذي يقصده .


أكثر ما يعجبني في الأدب النبوي هو تعمده عدم احراج الناس والاكتفاء بعرض المشكلة نفسها ومحاولة اصلاحها في قوله دائماً صلى الله عليه وسلم ( ما بال أناس يفعلون كذا وكذا) وهذا ما حاولت أن اتمثل به لولا اصرارك على التحديد
نعم اجلالي لكم (أمين والجيلي ومعتصم) كبير جداً ولكني أرى السكوت على ما تفعلونه هو عيب في حق نفسي وما أؤمن به أولاً ، ثم انه عيب علينا وتقصير منا في حقكم علينا عدم تنيبهكم له.
ولكم مطلق الحق في تقبله أو رفضه
....

غايتو قصة انو (الرجل لم يُترك ليكمل البوست حتى نعرف ما الذي يقصده ) دي إلا تكون بتتكلم عن نفسك الما فاهم (ما الذي يقصده الرجل ) ... الرجل يقصد الكلام الكاتبو ده ... إنو مشى جواتيمالا و حير ليك الكهنة و عبدة الشيطان لمن إبليس هيمسيلف جاء ليعلمو أمور دينو ... كلام واضح و على علاقة بشجر النيم المزروع حولين مكة و جوازات السفر الخلصت و قصة كده بتاعت ارهابيين في أيرلندا في بص المطار ... إنت كان ما فاهم ... أنا غايتو فاهم ... و كان قايل سيد علي ده بهظر اقرأ البوست ده تاني !!

بالنسبة لقوله صلى الله عليه وسلم ( ما بال أناس يفعلون كذا وكذا) ... فده لمن ما يكون المقصود معروف ... يعني نحن يانا الاربعة بنكتب في البوست ده lately ... ما ممكن تكون (ما بال أناس) دي مارقة مني أنا و الجيلي .... لو من الاول جيت قلت لي يا أمين ياخي كلامك ده ما صاح و جبت مآخذك ...كان المسألة اختلفت ... إنت جيت شتمتنا وفق لرؤيتك و لفهمك و ده كل الاعتراض يا دكتور ....

[الرشيد اسماعيل محمود]

المشاركة الأصلية كتبت بواسطة الزوول

كل متابع لهذا البوست يعرف أن الرجل لم يُترك ليكمل البوست حتى نعرف ما الذي يقصده .

سلامات يا مُدير،،
البوست دا والله العظيم أنا ما قريتو، لكن دايماً بتخيّل إنو بوست مستمر بلا نهاية، من خلال مداخلات الشباب قدرت أكوِّن فكرة عن ما يدور، بوست زي دا ما عندو نهاية.
المهم:
كلامك معقول لكن دخلتك بنمرة أربعة ديك ما معقولة، ما ممكن البروف دا يبقن عليهو إتنين، بكّة والزوول.!

[معتصم الطاهر]

المشاركة الأصلية كتبت بواسطة معتصم الطاهر

بسم الله الرحمن الرحيم
اللهم صل على محمد وعلى آله وصحبه أجمعين

عادل

بدات البوست من هذه الصفحة ..

ورجعت

قبل أن أواصل

هل قصة ابليس هذه " قصة" لطرح فكرة أم حدث ؟
عشان الواحد يحدد يواصل أم لا ؟

المشاركة الأصلية كتبت بواسطة معتصم الطاهر

يا عادل

ياخ خليك من اللولوة ..
قريت 10 صفحات و ما لقيت اجابة

ياخ القصة دى حقيقية ..و حصلت ليك ؟
نعم

او لا

دى دايرة لف و دوران؟

المشاركة الأصلية كتبت بواسطة معتصم الطاهر

عادل

عفيتك من الاجابة

واعفى لى الطبيب البيطرى ..

المشاركة الأصلية كتبت بواسطة الزوول

...

معتصم الطاهر ..الاستخفاف بكاتب البوست (مطالبة كاتب الموضوع بأن يشرح له مقصده في البوست كشرط لقراءة باقي البوست الذي بدأه من آخره)
...

المشاركة الأصلية كتبت بواسطة الزوول

نعم اجلالي لكم (أمين والجيلي ومعتصم) كبير جداً ولكني أرى السكوت على ما تفعلونه هو عيب في حق نفسي وما أؤمن به أولاً ، ثم انه عيب علينا وتقصير منا في حقكم علينا عدم تنيبهكم له.
ولكم مطلق الحق في تقبله أو رفضه
....

بسم الله الرحمن الرحيم

اللهم صل على محمد وعلى آله وصحبه أجمعين

أعلاه مداخلاتى و أقوالك عنى ..

نعم طلبت منه يشرح لى هل هذه قصة نستمتع بها أم احداث نناقشها لأني لم افهم .
بالجد و حتى الآن لم افهم هل هي قصة أم محاولة لمزج بين الاثنين ..

لأنه لو قال حدثت فلن اواصل فى البوست .
و هذا كلام واضح .
و حتى الآن لم افهم.
فهل فى الامر عيب!!!
ف كان للكاتب أن يرد ببساطة
" هى أحداث".. أو "هي قصة"
و لم يجبنى بل أرجعنى للبوست فقرأته و لم أجد اجابة
ولو عندك اجابة الآن ارجو التكرم بادراجها. لأن الكاتب لم يجبنى و أنت تداخلت يأن اسئلتى لا تجوز اذن فأنت تعرف الاجابة و بعدها سيتحول النقاش فى أصل البوست معك. فى هذا المكان أو غيره .
و باللوائح .

لذا أين الاستخفاف ..؟؟؟
هو سؤال مباشر لم اجد اجابة مباشرة عليه

بل وجدت تداخلا منك و افتراضات تأخذ بها بما تبطنه فى نفسك " اظنه".

[أمين محمد سليمان]

المشاركة الأصلية كتبت بواسطة الرشيد اسماعيل محمود

البوست دا والله العظيم أنا ما قريتو، لكن دايماً بتخيّل إنو بوست مستمر بلا نهاية، من خلال مداخلات الشباب قدرت أكوِّن فكرة عن ما يدور، بوست زي دا ما عندو نهاية.
المهم:
كلامك معقول لكن دخلتك بنمرة أربعة ديك ما معقولة، ما ممكن البروف دا يبقن عليهو إتنين، بكّة والزوول.!

الرشيد الرشيد ... الله يكسرك حته حته اقرأ البوست ده من الأول ... أطبعو و أمشي بيه البحر ... إحتمال ما ترجع كلو كلو !!
بالنسبة لكلام المدير ... الدخله البي نمرة أربعة و في بعض الروايات خمسة دي مآخذنا عليه ... من حقو إنو يشوفنا بنسخر و بنخرب ذاتو ... بس يجي يناقش كلامو و حيثياتو دي برواقه ... لكن يجيك داخل بعدم إحترام النفس و تصغير ما عارف شنو ... بتخلي الزول يراجع رقبتو و تاريخ تداخلو مع عمك المدير ده ... زعلان مننا قدر ده ليه ...لانو قدر ما حاولت اقرأ بين السطور ما اقتنعت إنو دي رؤية دكتور عوض اللي بسببها وجه لينا بيها الاساءات دي !!

[أمين محمد سليمان]

المشاركة الأصلية كتبت بواسطة عادل عسوم

لعلي أقولها بين يديك:
أقسم بالله العظيم الذي لا اله الاّ هو أني لن أعود الى هذا البوست مرة أخرى ولا أكتب فيه حرفا...
وليواصل فيه أمين هذا ان أراد وليواصل معه (محرشوه) من النسوة والرفاق...
وليبق ال(بوست) وصمة في جبينهم الى أن يشاء الله
تحياتي يالزوول...
والتحية لكل من قرأه مثمنا وقد كنت أود ايراد الكثير مما أوضحته في ابتداره...
سلام

بعد إرباكك لابليس... و السامري (ثاو ) في سقف الغرفة .... البوست فضل فيه شنو عشان تجيه راجع ؟!!

[AMAL]

http://www.tawtheegonline.com/vb/sho...d.php?p=113610

لمن فاتهم الاستماع
الموثق المتميز عادل عسوم
كبا ليكم القصة كلها هنا وماحرمكم من حاجة
ادخل وشوف كيف نبتت جناحات عسوم وطار من غرفته بجوانتيمالا حتي جبل البركل وكيف استقبل الشيطان في غرفته منتصف الليل ودار بينهم حديث لم يقطعه الا مكوجي الفندق برضو نص الليل وكيف عكف عسوم علي ترجمة كتاب عبدة الشيطان رغم انه ماعارف يعني شنو اسكولرشيب وضبط هنا متلبسا باربعة اخطاء spellingجسيمة out ofاربعة كلمات انجليزية استعملا
http://sudanyat.org/vb/showthread.php?t=24090&page=17

يا عادل poblic تعنى تاريخ العائلة....family history... انت تقصد public.... for public ...مش كدا...جل من لا يخطئ والاعتراف بالخطأ فضيلة.......
وكذلك holly book خطأ....الصاح holy book ...عجمى فالعب به ما تمشيش هنا ..... ودير بالك من ناس آمال ديل........خلى الرطانة لى اسيادا و حدثنا بالبلدى
بعدين يا اخى Holly عند الانجليز اسم بنت و ينطق مفرق.. Ho-lly ..... هوللى براى البنية...انت الشايقية ديل فيهم عرق انجليز