اقتباس:
المشاركة الأصلية كتبت بواسطة سارة
امال يسعد مساك
انا غايتو سائنى وجدا بصراحة العنوان وفهمت منه انهن مشن مكبرتات
للرجال ديل ودى انا بعتبرها اهانه لنساء حتى وان اختلفن معهن
فلا يجوز مثل هذه التصريحات انا قد لا اختلف بانهن يمثلن نظام سىء
لكن اطعن فيهن بهذه الطريقة؟؟ انا بصراحة مستاءة
ثانيا تلبس المراة طرحة ولا ما تربط طرحة تتحنن ولا تتكبرت دى
مش برضو داخلة فى خيارات المراة الشخصية؟؟؟؟؟ولا عشان هن
بنات اللذين شغالات مع انقاذ السجم والرماد ديل؟؟؟
|
ياسارة ديل ما مجرد نساء
ديل واجهة لنظام كامل وبمثلنو
لايمكن نفصل سلوكن الشخصي من العام
والنقد الموجه ليهن من المنطلق دا
البتتحنن من دم الناس وعايشات علي شقاهم وتعبهن يستحملن
البتلاقيه منهم
الشعب السوداني بدفع مرتبات النساء ديل
عليهن ان يحسنن الادب وينحازن للناس العايشات علي ضهرم
البلد مخنوقة والشهداء دمهم مابرد المتحننات ليها شنو
عايني للصورة كاملة وشوفي السؤ الحاصل
وشوفي النسوان ديل بمثلن ياتو جانب منها
وقدر شنو بساهمن بشكل مباشر في الجرائم الحاصلة دي
البادي دورو بما يرضي الله مافي حد بسالو يتحنن ولا يتجنن
