قلة أدب الكاريكتيرست عمر دفع الله

[ماهر حسن محمد بيك]

المشاركة الأصلية كتبت بواسطة بابكر عباس

يعني خلاص يا جيلي، آمال، ماهر البيك ورأفت ما عندكم مانع نرسم شخصيات العمل العام في شكل حيوانات

لك أن تصورهم كما تريد .... بإستثناء الخنزير.... الذي يرفضه العقل الجماعي (الشيئ الوحيد الذي نتفق حوله هو رفض تشبيه الإنسان بالخنزير!!!) ... لك أن تعتقد في الصادق المهدي و أن تسوّده على نفسك .... و ليس لك الحق أن تفرض رؤيتك لأي شخص على أي شخص أخر .. حتى أولادك لهم كامل الحق في النظر الى أي إنسان بعين عقلهم و تفكيرهم ..... أتفق مع أخونا رأفت في أن بلاء هذا البلد وضع بذرته الإنجليز عبر زرعهم للمهدي (عبد الرحمن) و و دعمهم له ماديا (راجع كتاب زراعة الجوع في السودان) ..... و المصريون عبر تقويتهم للميرغني و منحه مكانة سياسية توازي رؤساء الدول .... و بعد ذلك هناك إبتلاءات أقل وطأة

[أبوبكر عباس]

المشاركة الأصلية كتبت بواسطة الجيلى أحمد

الليبرالى الديمقراطى بابكر,

قال البشير فيما قال فى بيانه الأول:
أما رئيس الوزراء فلقد اضاع هيبة البلاد فى كثير الكلام والتردد فى المواقف.

او كما قا أمير المؤمنين

بالله فى رئيس وزاراء منتخب يسمع الكلام دا ويرضى انو يكون أراجوز عشان بس يركب حصان, يرفع فيهو سيف جدو عشان ينصر الجبهة الاسلامية , ويجوا الناس يبوسو ليهو يدو؟

كدي يا جيلي، فكر فيها وشوف ليه الصادق ما داير يأخذ موقف عنيف تجاه النظام الأصلاً منهار، بحساباتكم انتم فرصة سانحة للانتقام؟؟؟ الرجل عندو موقف نطلب منكم فقط إحترامو من غير إهانات مجانية

[أبوبكر عباس]

المشاركة الأصلية كتبت بواسطة ماهر حسن محمد بيك

لك أن تصورهم كما تريد .... بإستثناء الخنزير....

يا زول درب الإساءات دا، لمان يفتح، بعد داك كل زول يختار الحيوان الدايرو
ومن هسع غير الخنزير رمز النجاسة؛ ما عندنا ليكم كاريكتير

[ZEIN ABDALLA]

المشاركة الأصلية كتبت بواسطة بابكر عباس

يا زول درب الإساءات دا، لمان يفتح، بعد داك كل زول يختار الحيوان الدايرو
ومن هسع غير الخنزير رمز النجاسة؛ ما عندنا ليكم كاريكتير

عليك سيدى الحسن انت زعلان بجَدَك. ياخى الزول لمن يشبهوه بالحصان
حاجة كويسة جدآ. انت ما سمعت بتعبير امرأة حصان للاشادة بالمرأة.
سؤال اخير هل ابتديت تحفظ فى (الراتب) عشان تبقى حِزْب أمة جد جد.
وبمناسبة (حِزْب) بالله انطق كلمة حزب زي ما كتبتها ليك بكسر الحاء
وتسكين الزاي، مش زي ما بنطقها الصادق(الحيزيب)




/

[أبوبكر عباس]

المشاركة الأصلية كتبت بواسطة ZEIN ABDALLA

عليك سيدى الحسن انت زعلان بجَدَك. ياخى الزول لمن يشبهوه بالحصان
حاجة كويسة جدآ. انت ما سمعت بتعبير امرأة حصان )
/

إتّا فعلاً يا زين، ولد خرتوم!!
بقولوا امرأة فرسة ومُهرة
ودا، يا هو واحد من الاحتمالات الخايفين منهن في الكاريكتير دا!!

[ZEIN ABDALLA]

المشاركة الأصلية كتبت بواسطة بابكر عباس

إتّا فعلاً يا زين، ولد خرتوم!!
بقولوا امرأة فرسة ومُهرة
ودا، يا هو واحد من الاحتمالات الخايفين منهن في الكاريكتير دا!!

وامرأَة حَصانٌ، بفتح الحاء: عفيفة بَيِّنة الحَصانةِ والحُصْنِ ومتزوِّجَةٌ أَيضاً من نسوة حُصُنٍ وحَصاناتٍ، وحاصِنٌ من نِسْوَةٍ حَواصِنَ وحاصِنات، وقد حَصُنَت تَحْصُنُ حِصْناً وحُصْناً وحَصْناً إذا عَفَّتْ عن الرِّيبة، فهي حَصانٌ؛ أَنشد ابن بري: الحُصْنُ أَدْنى، لو تآيَيْتِهِ، مِنْ حَثْيِكِ التُّرْبَ على الرَّاكِبِ.
وحَصَّنَت المرأَةُ نفسَها وتَحَصَّنَتْ وأَحْصَنَها وحَصَّنها وأَحْصَنَت نفسها.
وفي التنزيل العزيز: والتي أَحْصَنَتْ فَرْجَها.
وقال شمر: امرأَة حَصانٌ وحاصِنٌ وهي العفيفة، وأَنشد: وحاصِن منْ حاصِنات مُلْسِ مِنَ الأَذَى، ومن قِرافِ الوَقْسِ.

فرس (لسان العرب)
الفَرَس: واحد الخيل، والجمع أَفراس، الذكر والأُنثى في ذلك سواء، ولا يقال للأُنثى فيه فَرَسة؛ قال ابن سيده: وأَصله التأْنيث فلذلك قال سيبويه: وتقول ثلاثة أَفراس إِذا أَردت المذكر، أَلزموه التأْنيث وصار في كلامهم للمؤنث أَكثر منه للمذكر حتى صار بمنزلة القدَم؛ قال: وتصغيرها فُرَيْس نادِر،

----------
والحصان هو الفحل من الخيل(stallion) ولا يقال للمؤنث(حصانة)

بعد كدة تخلى الغلاط وتعتذر
خرتوم قال




.

[جيجي]

شوتة اولاد خرطوم والله يادوك
بعدين بابكر عباس دا بالطريقة دي بيفقد رونقه ووضعه كأديب كبير يادوك
رفقا به ياخ
هسه يؤدي وشه وين من عمر صديق

[الجيلى أحمد]

ياجيجى
الكورة لمن تفك ياهو دا البيحصل

_______
انت يابابكر حفظت الاوراد, ولاَ كمان داير تبقى انصارى من منازلهم

[النور يوسف محمد]

المشاركة الأصلية كتبت بواسطة جيجي

شوتة اولاد خرطوم والله يادوك
بعدين بابكر عباس دا بالطريقة دي بيفقد رونقه ووضعه كأديب كبير يادوك
رفقا به ياخ
هسه يؤدي وشه وين من عمر صديق

بسم الله الرحمن الرحيم

والله يا جيجى قربت أكتب عبارة رجاء الجداوى الشهيرة ديك ،

غايتو يا زين دى كش ملك عديل

[مهند الخطيب]

سلام يا بكة ....

حقيقة لست احبذ تصوير بشري كحيوان ...

لكنني لا أحجر على أحدهم في تصويره له بالذات ان كان هناك من وجه شبه ....

فقط أُخرج صوتي....

فقط لا تعمى عن حقيقة:

ان الصادق المهدي - ومعه قرينه الختمي - أسوأ ساسة هذه البلاد وأُس بلائها ...

[الجيلى أحمد]

ياشفيف
مابتصور اى زول يزعل من كراكاتير

الا


المتحجر باباكر عباس
فهو يعتبر ذلك تعدى, لينسف مجده الأسفيرى المكتوب عن الليبرالية بحبر بارد.
السيد بابكر فى غاية الغضب ومنتهاه
غضب عارم لأن رسم ما لم يرقه..
هذا الليبرالى الجديد متنازع لأن فنان رسم بريشته عمل مفتوح للتطلع,
وقال انه غاضب!! لأن الامام تم مسه..

أى شخصية عامة فى العمل السياسى يامتعلم , يمكن تناولها بالنقد وخاصة حين يكون مؤثر فيها

لو قنعتا من سيدك الحسن, ارجع لى سيدك المهدى ونقطتهم ببوس الأيدى

[ماهر حسن محمد بيك]

المشاركة الأصلية كتبت بواسطة بابكر عباس

يا زول درب الإساءات دا، لمان يفتح، بعد داك كل زول يختار الحيوان الدايرو
ومن هسع غير الخنزير رمز النجاسة؛ ما عندنا ليكم كاريكتير

المشكلة هنا أن من يرسم إنسانا كخنزير ينظر الناس الى الرسام بإزدراء و يتعاطفون مع المرسوم .... أي ان الموضوع سيأتي عكس ما أراد ..... يحضرني هنا كاريكاتير رسمه الصديق مختار حسن بابكر في جريدة الإنقاذ الوطني ( منشور كان يصدره إنقلاب البشير لعدة سنوات قبل أن يختفي دون أن يترك اثرا) يصوّر فيه حسني مبارك راقصا على دلوكة الميرغني ..... أخبرني أن الكثيرين من معارفه إعترضوا على الكاريكاتير .... أغلبهم تعاطفا مع الميرغني الذي هو أرقى من أن يكون طبالا(في نظرهم طبعا ... و إختلف معهم) ..... عمر دفع الله قرأ مكتوبك هذا و يشكرك عليه لتوسيعك دائرة من يعرفونه كرسام كاريكاتير.

[أبوبكر عباس]

المشاركة الأصلية كتبت بواسطة مهند الخطيب

سلام يا بكة ....

حقيقة لست احبذ تصوير بشري كحيوان ...

لكنني لا أحجر على أحدهم في تصويره له بالذات ان كان هناك من وجه شبه ....

دا، يا مٌهند، مربط الفرسة!!
وجه شبه من "زاوية شوف منو"؟
هل يحق للطيب مصطفى رسم الليبراليين في شكل خنازير؟
إتخيل كاريكتير راسمو إسحق فضل الله فيهو عادل عبد العاطي وميادة وتاور في صورة خنازير برية.

الفراس الاربعة بجيكم وح أشمت فيكم أبلة ظاظا

[مهند الخطيب]

المشاركة الأصلية كتبت بواسطة بابكر عباس

دا، يا مٌهند، مربط الفرسة!!
وجه شبه من "زاوية شوف منو"؟
هل يحق للطيب مصطفى رسم الليبراليين في شكل خنازير؟
إتخيل كاريكتير راسمو إسحق فضل الله فيهو عادل عبد العاطي وميادة وتاور في صورة خنازير برية.

الفراس الاربعة بجيكم وح أشمت فيكم أبلة ظاظا

يابكة انا قلت مابحبذ لكن مابحجر ، يعني اذا الطيب لقى وجه شبه من زاوية شوفو بين ميادة وعادل وحتى محمد الخطيب مابقدر أقولي لا لا انت قليل أدب ..

وما بحبذ دي ببساطة جاية من البيئة الأنا جاي منها وتعاملا مع الحيوانات ، يعني كان كنت زيك بمشي أمريكا وبعرف اتأمرك كان شفتو عادي واحتمال أعمل لي بوبي سغير...

[أبوبكر عباس]

المشاركة الأصلية كتبت بواسطة مهند الخطيب

يابكة انا قلت مابحبذ لكن مابحجر ، يعني اذا الطيب لقى وجه شبه من زاوية شوفو بين ميادة وعادل وحتى محمد الخطيب مابقدر أقولي لا لا انت قليل أدب .....

أول حاجة: أرجو منك حفظ حقوق جملة من "زاوية شوفو" للأديب الحردان أسامة معاوية
تاني حاجة: سؤال: هل تعبير قلة أدب فيهو تعدي وحجر أكثر من تمثيل السياسيين بالحيوانات؟