اقتباس:
المشاركة الأصلية كتبت بواسطة عادل عسوم
نعم ياعبدالله موسى الاسلام هو الرسالة (الأوحد) التي جاءت عامة وشاملة لكل البشر (مكاناً) و(زماناً) الى أن يرث الله الأرض ومن عليها...
فهي الرسالة الخاتمة حيث بعث الله محمد صلوات الله وسلامه عليه الى البشرية جميعاً...
ودونك الأدلة كما أوردتها أعلاه ان كانت من القرآن أو من السنة المشرفة أو -حتى-من أسفار الكتب السماوية الأخرى...
أما اليهودية ومن بعدها فقد كانتا الى قوم بعينهم وهم بني اسرائيل اليهود...
فنبي الله عيسى الذي هو من نسل بني اسرائيل قد بُعث اليهم فانحاز له عليه السلام من تسموا بأنصار الله من أولئك اليهود...
وبنو اسرائيل بشر مثلنا وليس كما تقول بأنك قد توصلت الى أنهم ليسوا من أرضنا هذه...
اذ أنت بذلك تروج لادعائهم بأنهم أبناء الله والعياذ بالله كما قال عن ادعائهم هذا القرآن الكريم!
تحياتي |
يا عادل أنا راجعته كلامي الهنة دة و شايف اني في حتات نفسي كان حار حبتين، كل الفكرة اني إنسان أحياناً بكتب بي "passion" ما ليو داعي
، استسمحك إنته و ماجد تاج على حرارة النفس دي، والإختلاف بلا شك لا يفسد للود قضية
بالنسبة للأدلة دي ما كافية أبداً لأنه عندنا علامات إستفهام يا عادل الكلام الجبته هنا دة ما بطرق ليها مع انها اسئلة مهمة.
قبل الأسئلة خليني أنبهك فعلاً إنه النصارى يا عادل ما يهود، ممكن أمشي انقل ليك 5 صفحات من كتب التاريخ كلها بتقول ليك النصارى ما يهود ولا في يوم من الأيام كان إسم اليهود نصارى. النصارى فيهم عرب، و كلدانيين، و فرس، والمسيحية منذ قديم الزمان أمن بها أقباط و هم ليسوا يهود، و أمن بها الرومان والجرمانين والترك و هم ليسوا يهود و أنا هنا عندي بوست مفصل عن المسيحية تطرقت في جزء منه لأشكال خلاف بولس إلي هو كان مبعوث للغير المختونين يعني غير اليهود و بطرس المرسل للمختونين و في حادثة معروفة رفض فيها بطرس الأكل مع المسيحيين غير اليهود الكانوا مع بولس في سورية و بولس واخذة في الكلام دة.
أهل النوبة ديل يهود ؟ الأحباش يهود ؟ ديل مسيحين من زمن طويل جداً يا عزيزي.
ما عايز أطول الكلام ساي، عندك سيدنا ابراهيم، هل تدعي أنه أرسل فقط لأهله ؟ طيب ناس النمرود ديل أهله ؟ معروف إنه سيدنا ابراهيم جاء لي ناس النمرود ديل لاجيء! و أكيد كان عندهم يدعوا للحق حتى حاجة النمرود و حاول حرقة ..القصة المعروفة! و عندنا يا عادل كلام مؤسس بقول إنه ابراهيم الخليل هو راما بتاع الهندوس! اهة ديل يهود!؟
هل سحرة فرعون يهود ؟ ما عندنا تأكيد لكن المنطق بقول انهم ما يهود! إذا كان فرعون بقتل في أبناء اليهود إيه يخلي سحره اليهود يشتغلوا معه ؟ لاحظ إنه في السياق المصري القديم يا عادل السحرة ديل كهنة، هل كهنة فرعون كانوا من اليهود ؟ ما أظن، لأنه الغالب إنه اليهود جاؤا إلى مصر ك "هكسوس" والهكسوس ما كان عندهم كهنة إلا خلال حكم الهكسوس لغايه ما جاء اخناتون الموحد و طردم! السؤال يبقى هل فرعون موسى هكسوسي ؟ إذا نعم بكون كهنته يهود فعلاً، بس دة معناه أيضاً إنه موسى من قبيلة فرعون و دة اشكال تاني!
طيب دي هنية..إذا قلنا رسالة موسى "نبي بني إسرائيل" تشمل فقط أهله، الأية دي نواديها وين ؟
سورة الاحقاف (28-30) يقول الى الرسول "واذ صرفنا اليك
نفراً من الجن يستمعون القرآن فلما حضروه قالوا انصتوا فلما قُضِيَ ولّوا الى قومهم منذرين ,
قالوا يا قومنا انا سمعنا كتاباً أُنزِلَ من بعد موسى مصدقا لما بين يديه يهدي الى الحق والى طريق مستقيم , يا قومنا اجيبوا داعي الله وآمنوا به, يغفر لكم من ذنوبكم ويَجِرْكُم من عذابٍ اليم".
ديل جن أولاد حلال "مش زي بتاعين جواتيمالا ديلك
" سمعوا القرآن مشوا قالوا لأهلهم يا اخوانه دي رسالة حق جديدة نزلت بعد رسالة موسى! معنى الكلام دة الجن ديل امنوا برسالة موسى أم لا؟
أحيراً الحتة الاضافتها أنا بتاعت إني وصلته حتت إنو بني إسرائيل ذاتم ما من الأرض، أحسن ما تأوله إذا عايز تناقشة بناقشك فيها و بجيب ايات من القرآن استدل بها، لكن دة موضوع داير ناس زي ناس محسن خالد أو الجيلي مثلاً يناقشوه معهم، ناس بتقدر "تعتبر الفكرة دون الإيمان بها" هل عندك الميزة دي?
تحياتي
