****حاجــة غريــبة..أفتونـــــا يا ناس العلم!!***

[imported_haneena]

سلام للجميع
حدث شئ غريب لكمبيوتري أمس و اليوم
لم أستطيع الكتابة بالعربي في سودانيات عندما أفتحها بالإنترنت اكسبلورر
رغم إني بقدر أكتب عربي عادي في الويرد و لما أفتح سودانيات بمتصفح آخر
مع العلم إنه و لغاية أمس كان شغال كويس جدآ

هل من أفتاء؟؟
و كيف يتم الإصلاح

تحياتي

[imported_حمدي اب جقادو]

حنينه سلامات
وكيف الحال

طيب اول سؤال : هل في الDiscussion board interfaces الكتابه العربيه بتظهر ليكي كالاتي :-
ففففففففففففففففففف او قققققققققققققققققق

اذا الكلامى الانا بقول فيهو ده مافي تعملي كالاتي لانك بتكوني نزلتي احد البرامج المكتوبه بلغة الفيجوال بيسك وده الويندوز اكس بي بعمل ليه تخصيص آلي او زي مابقولوAuto customization :

تمشي ال Control panel ومن ثم الي Regional and language options ومنها الي Advance كما هو موضح في الصوره التاليه

وبعد ده كلو لو ماخارج معاكي ابقي قولي عووووووووووك

وابقي شمس
حمدي اب جقادو

[align=center][/align]

[imported_haneena]

أب جقادو
تحياتي
تصدق براهو نزل منو و بقي يكتب عربي زي العجب في سودانيات بالاكسبلورر
عنده نفسيات بعيد عنك

طبعآ زي ما قلت المحير إنه كان بيكتب عربي عادي في الويرد و في متصفح آخر غير الانترنت إكسبلورر

تشكر يا هندسة علي المساعدة

[imported_حمدي اب جقادو]

حنينه سلامات (هدور اري ) بالتنقليزي النوبي

اولا حمد الله علي سلامة جهازك ومتصفحك

وبي مناسبة المتصفحات دي عايز اقول ل يكي حاجه تفرحك جدا جدا ......في متصفح عجيب كده اسمو SlimBrowser والله ياحنينه ده اجمل soft انا شفتو في حياتي (طبعا حتقولي اذا ماشفت حاجه ياناس لندن) عموما ياحنينه البرنامج جميل جدا وسلس جدا وفاهم جدا وانا شخصيا بستخدمو وعملت للاكسبلورر باباي حتى من الويندوز لانو مرات بعمل Download acceptation براهو كده من غير ماتديهو اذن وانتي طبعا سيدة العارفين بي بلاوي النت والحاجات البتنزل من غير علم صاحب الجهاز ..

رابط موقع ال SlimBrowser هو :

http://www.flashpeak.com/sbrowser/

ويلا ابقي شمس
حمدي اب جقادو

[align=center][/align]

[imported_جمال تاج السر]

حنينة الحنينة سلامات ومشتاقيييين
تعرفي ياحنينة المشكلة دي سببها الرئيسي التولس بار (Tools Bar) الموجودة في المتصفح بتاعك واشهرهم Google Tools Bar البنزل عند تركيب الريل بلير أو أي برنامج في الجهاز.
طبعاً بتمنعك من الكتابة باللغة العربية في المتصفح (مواقع الانترنت والمنتديا)
بينما في الويرد والنوت بات ممكن تكتبي عربي عااااااااااااااااادي
وتخليك تضطري تعملي كوبي وبيست للكلام من الويرد للنت.
الحل:
1- اذهبي الي Control Panel ومن هناك الي Add And Remove Program
2- أحزفي اي تول بار تلقي هناك واهمهم طبعاً Google Tools Bar
3- بعد الحزف أعملي ريستارت للجهاز وبي كده تلقي المشكلة أتحلت نهائياً
لك ودي،،

[imported_haneena]

جمال يا هندسة
تشكر يا زولنا
طبعآ أنا قلت لي حمدي المشكلة اتحلت براها
و
تعرف إني أمس كان عندي إحساس( أي و الله إحساس) إنه القوقل تول بار ممكن يكن السبب و عندي برضو قوقل ديسك سيرش
قمت بالمسح و يبدو عشان كدة لما قمنا الصباح فتَّح نصيح

غايتو تاني اي تول بار برة

الله يخليكم لينا إب جقادو و إنت( الترتيب حسب أقدمية الرد و العمر )

ما نعدمكم
قولوا آمين