يا نسـاء المنبر..خباركـن ما بتباركـن لينا عيد الأب؟ التهانيء لكل الآباء و تحديدآ حديث

[imported_الطيب بشير]

المشاركة الأصلية كتبت بواسطة محمد حسن العمدة

يا بت النيل ما تحنكينا - الابوهات ساي - وبما اني لست بأب بعد فاهني كل أب بأبوته والسنة الجاية كل الناس فاكرين عيد الاب وكل سنة وانت طيب يا الطيب

العريس النفـض الكيس ود العمدة
ان شا الله السنة الجاية أب لتوأم ..و محتفل بعيد الأب معانا

[imported_الطيب بشير]

المشاركة الأصلية كتبت بواسطة Asma Abdel Halim

Altayyeb (I hope the spelling is right)
Actually I did not forget as I am surrounded by the event here, however I did not post because I am stupid or say suffering a state of stupidity at that time. I am sitting at a system in a university away from my home one, whenever I open the board the Arabic is dismantled into separate letters without spaces and is backwards. The only in tact part is the subject line; of course this is due to the lack of Arabic support her. My stupidity is clearly shown in how I totally did not think of sending a message in English?!!!! as I am doing now!!!
Well a belated happy Father's day. I hope you did not do what I saw here fathers and daughters and sons stuffing themselves at restaurants.
The best I have seen is how these kids are serious about the occasion. Single mothers are being honored on father's day because they did the job of a father and single fathers were honored on mother's day for their successful taking of a mother's role.
Have yourself a ball for the rest of the week and may Allah bless fathers everywhere.
Asma

مرحبتين العزيزة أسـماء عبدالحليم
تحياتي و تقديري
بالغت في إسمي دة لأنو كل الناس بيبدؤوهو غلط و هو يبدأ كما استهللته تمامآ..لكن (الواي) وااااحدة..و تسلمي..الجاتك في عربي الجامعة سامحتك..و بالله اشتركي و اكتبي خواطرك و ردودك نحن نقرأ الفكرة بالانكليزي و نرد عليك بالعربي و التواصل ممكن بالإشارة ..المهم انك تجي..لكن كمان لا تقسي على نفسـك في العتاب لو انتي نسيتي و دة عااااادي..
ســنة حلوة و كل الآباء بألف خير..و لا تأخير يا عزيزتي و لا حاجة..حبابك دايمآ..
و معاك بحيي باحترام الآباء/الأمهات الذين فرضت عليهم الظروف الإنفراد بالأبوة/الأمومة لأي ظرف أو سـبب ..حتى لو كانوا هم سببآ له و طرفآ فيه ..و هي وظيفة صعبة لاثنين فما بالك بواحد..و الله ليهم التحايا..
و ســـنة حلوة
.

[imported_الطيب بشير]

المشاركة الأصلية كتبت بواسطة سارة

الطيب بشير برى يا يمة عينى باردة وصلاتى على الحبيب الزين

زى الوليدات ...علا يا ود امى الصورة دى سنة كم

اها نرجع لموضوع عيدكم وما ادراك ما عيد الاب نحنا ما عندنا مانع نبارك ليكم

علا يا اخوى العرب قالوا الحامى بيكبا ,< بكسر الباء والياء والكاف > سيدها وكمان بكسر

السين والياء بمعنى انتو الرجال تحرروا موضوعكم وتعملوا الدعاية اللازمة عشان الماعارف يعرف

والجماعة الداقسين زى ناس هناى يعرفوا اما عيدنا يا اخوى ما بدور ليهو دعاية كدى يعنى

كرامات من رب العباد انحنا الامهات طول السنة معيدين نظام مكاواة والذى منو

اما شماراتك ايام انا فى هولندا بجيك ليها باقى انا جعلية بى فردة وفلاتية بفردة يعنى حقى

ما بخلى كلو كلو حتى اسعال خالد الحاج

العزيزة سـارّة
حباااابك و بركة البقيتي طيبة
أولآ الصورة نهايات 1997 ..يعن بالصلاة على الحبيب كدة فوق للتمانية سنة و شوية..الشارب ظهرت فيهو شعيرات بيضاء متـل (الشارب) روب..
و أصـداغ المتهم لم تنج من تلكم الشعيرات البيضـاء أيضـآ..بيد أن الغنّـايات تؤكّـد قيام إمكانية (ابو الضّـراء)..و الله أعــلم بالنســبة لي انو السـنة كلها بتاعتكم..لا اعتراض ..أنا برضو شايف كدة و الشباب في القرية كان ليهم راي مخالف..خسوسآ دومة و عاشة يت فاطنة..لكن كلامك صاح.
أهــا الشمار دة ما عرفتو.. ندى و شعرها الطويل حلو ..و حنينة فاتتها الطيارة...و خالد الحاج و عزيز و الفسحة في هولندة..و.و.. تاني شنو يا ربي..أنا قلت لخالد انو كلامك (لزيز) و هو لا يشبه كتابتك و بكان عيشتك..أنا اتخيلتك حنكوشـة لا تفهم في الدنيا كلمة دارجية فاذا بحديثك ينساب مثل حبوبتي و ليس أمي فقط..أها يا ربي دة الشمار؟؟..تاني أنا ما قلت لود الحاج أي شيء..
لوووول أخوكو مزنوووووووق
.

[imported_mamkouna]

كل سنة و إنت طيب يا أبو بشير و مُوحى..يا صديق و يا أخو...
كل سنة و إنت طيب يا أبوي يا حبيبي و يا سَنَدى و يا رُكازتي..
كل سنة و إنت طيب يا أبو وليداتي يا شريك حياتي و يا..حتة مِني...

كل سنة و إنتو طيبين يا آباء سودانيات..يا أهلي و ناسي...
كل سنة و كل الأبهات طيبين و ....سيوبر...!

[imported_محمد حسن العمدة]

شرط للارض كسرت السنبر كلو يا جنابو

[عكــود]

الطيّب الطيّب،
[align=center]يا حليل الحنين من ريقو يدّي رفيقــو
زاهد في الرُّطَب ساعة قَلَـــب دفّيقــو
يا حليل الرَّكَزْ وكت البصبرو يضيقو
يا بخت البروهو وشربوا من إبريقـو

أبوي مُهْر المسيري الدّاخرو للما جات
وابوي بَرَبيت جوامعاً كلّو صبّابـــــات
أبوي سُتْــرة فقيـــر مقنع فقيريــــات
وشمّر قلبو نور "النجم" و"الذاريــــات" [/align]
رحِم الله والدينا ووالد والدينا
وأطال الله في أعمار من بقي منهم
ومتّعهم بالصحة والعافية
اللهم أرزقنا برّهم
وبركة رضاهم
وارزقنا من ذرّيتنا من يخافك ويخشاك