الى متى والانقاذ في سدة الحكم ؟؟؟ كشف حساب بما قدمته وما أخذت

[imported_bayan]

سلامات يا فيصل

ذاكر السنة الفاتت انتخابات المحامين
نسبة لانه عندي كمية من الصاحبات والاصحاب المحامين
واختي الكيبرة محامية..اها اهتميت بيها جدا
وقلت دي كدا حتكون اختبار للانتخابات الكبيرة..

بقيت متابعة شديد خاصة من صديق شيوعي(موش ذي وهمات النت ديل شيوعي بالجد)
اها يلا قريب للانتخابات بعد اتحاد كل احزاب اللبن والتمرهندي والسمك
التي تدب على ظهرانينا السياسي ضد ناس المؤتمر القال وطني

فجأة يا البعثين اعملو فندرب قالو لع ومليون لع الشعبي ما يكون معاهم
اها طااااااااااااااخ
ناس المؤتمر القال وطني فازو فوزة حبيبهم.
يلا مناضلين الكيبورد الانتخابات مزورة الانتخابات مزورة
ويلا هاك يا نضال..
اها مشيت الخرتوم يلا قاعدين سعلتهم كيف يزورو الانتخابات
وانتو قاعدين افو افو..
قالو لي لا مزورة لا حاجتين وانه الجماعة ديل منظمين ومرتبين..
ونحنا حصل انشقاق قبل الانتخابات..
طوالي قلت الشهادة والعمل الصالح
وعرفت يا فردة انه دا بحزافيرو حيتكرر تاني...
اسع الشعبي خشى عامل معارضة..
تاني البعثين حيقولو بري ما بيخشو معانا.
ويلا تم الباقي براك
بتفتكر في اي مستقبل مشرق؟
ابقى ذي خالتك بيان ما تحلم كثير
عشان ما تصدم..
مقترحي
انه الشباب ينتفض على الديناصورات في كل الاحزاب
ويعملو كتلة اصلا الديناصورات ديل بيجبوهم
الشباب لانه البصوتو هم اكثر ناس..
اها الشباب ديل يتفقو على الحد الادني
ويقدمو برنامج اسعافي لانقاذ السودان
وارجاع مجانية التعليم والعلاج وعمل ضمان اجتماعي
ويخلو الناس تصوت ليهم.
انا شخصيا لو ضمنت مجانية التعليم والعلاج والضمان الاجتماعي
ةالتمنية المتوزانة بنصوت طوالي. حتى لو للشيطان..
وذي كتاااااااار

يلا عايزين تجمع شاب واعد بالحق...ولا لديناصورات..

[بابكر مخير]

المشاركة الأصلية كتبت بواسطة bayan

البكرة المنتظرنها دي يا دكتور اسع تمت 18 سنة داخلة في 19
عايزة اقوليك يا مخير
في عهد الديمقراطية السمحة الجات بالدم
تم فصل ناس لصالح العام..
ناس سودانير بعد جابو زول انصاري فيها.
..

رفعت الراية البيضا
وإنسحبت

[imported_bayan]

لووووووووووول يا فيصل

حلوة دكاترة دي.. ياخي انا مافي زول معترف لي بيها غتاتة كدا...

الاخ دكتور مخير مفتكر اني بدافع عن الانقاذ
يبدو الكلام وقع ليه
وانت اصلا باي ديفولت معاه في صفو عشان كدا
ما برد عليك ..
لسع ما اتشاكلت مع زول خلع عليك لقب كوز وامنجي
والله كان نوديك بورد بكري عشان كلامك السمح الفاهم دا
هناك كلام ظلامين يلم فيك مناضل كيبورد نص ليل
يقوليك كوز وامنجي ساكت كدا مزاج..
يلا الزلنطحية آكلي الولفير يجوك يجننوك
ويقولو زوجتك ما ادبتك
الزول دا يكون فاتح بوست يوري انه بحب زوجته
باقب هناك عشان نظهر مناضل كبير وتقدمي
كل ما اسهمك تنزل
تنزل بوست تقول احب زوجتي ولا زوجتي امرأة عظيمة
يلا يجوك الباقين يقولو ليك انت بتعرف فضل النساء
ودي حاجة ما ساهلة منك ويشكروك لما تخجل ذاتو.
واذا عاد واحدة كدي بالغلط جابت سيرة زوجها
طوالي يقومو يشتموه الما بشبهو
ويقولو هي ليه جابت سيرتو.
شوفتا كيف؟

مودتي ليك يا ظريف..

[imported_فيصل سعد]

المشاركة الأصلية كتبت بواسطة bayan

لووووووووووول يا فيصل
حلوة دكاترة دي.. ياخي انا مافي زول معترف لي بيها غتاتة كدا...

دي بقى الحاجة الوحيدة البعترف ليك بيها حقيقيا الزول الناقشها معاك و ختم المؤسسة الادتك ليها و التلاميذ البستفيدوا منها، ف الما يعترف ان شاء الله ما يعترف، اعترفي بيها براك انت و اولادكـ مالو؟ تجديني شديد الاقتناع بمقولة "القلم ما زال بلم" احتمال لاني احبطت كثيرا في كثير من "حملة الشهادات العليا غرورا و تكبرا و زينة و شوفونية و مظاهر و كدا".

المشاركة الأصلية كتبت بواسطة bayan

الاخ دكتور مخير مفتكر اني بدافع عن الانقاذ
يبدو الكلام وقع ليه، وانت اصلا باي ديفولت معاه في صفو عشان كدا

ما معاو و ما ضدو بس داير اقنعه يقعدوا في واطات الله دي معانا و ينسو (البلد حقتنا و نحن اسيادها) و يشتغلوا لمصلحة الوطن، خيره و ازدهاره و نمائه و مصلحة شعبنا الطيب الصابر و ما يركبهم الغرور السياسي العن امراض الديمقراطية، و يكونوا اكثر شفافية و عدالة و يدعموا العمل الجماعي باعتبارهم اكبر احزاب البلد.. دي طلبات كتيرة دي

المشاركة الأصلية كتبت بواسطة bayan

لسع ما اتشاكلت مع زول خلع عليك لقب كوز وامنجي
والله كان نوديك بورد بكري عشان كلامك السمح الفاهم دا

بيان انت نسيتي انا (Al-Masafaa) كنت زميلك في القرية المجاورة ولا شنو؟ شهادتك الناقشوها في الدروشاب اثرت على الذاكرة و لا كيف عارف س.اون.لاين و عارف بلاويها كلها، انا لامن فارقتها 2003 لم تكن بهذة البشاعة. أعترف لبكري ابوبكر باستضافته لي ردحا من الزمن، لكن الاجواء لم تعجب فخرجت مغادرا بهدوء و صمت و لا زال الباسورد في جيبي مختوت في الرزمي(Resume)

المشاركة الأصلية كتبت بواسطة bayan

مودتي ليك يا ظريف..

و انتي كمان اظرف. و انا وراك وراك يا بقيتيني ظلامي يا بقيتك مستنيرة او على الاقل حيدتك و بقيتي فلوتر زي و كدا

[imported_bayan]

المسافة ما معقول

اها يا زول انت رحلتا في الوقيت المناسب قبل هجمة مناضلين الكيبورد
ايام البورد فبهو حوارات
ومستنيرين وظلامين..
والله نطيت في الوقت المناسب
اسعتية كان بقيت كوز امنجي ليهو ضل
[

بس عايزة اقوليك اني قريت دراما في معهد الموسيقى
حلمي كنت اخش اداب.

انا وراك وراك يا بقيتيني ظلامي يا بقيتك مستنيرة او على الاقل حيدتك و بقيتي فلوتر زي و كدا

اوعى من الفلوتر
اصلو ما بتشتغل . تعرف انا اتخرجت بجيد جدا
سنة 1985 تحت كل الحكومات ما لقيت وظيفة
في السودان
عشان كدي اسع تقعد على الهبشة تتحرك في اي عربية متحركة قدام
احتمال ابقى مؤتمر وطني لو فازو
دي كيف معاك
انت خليك مستلامي كدا. ذي ابوجهينة

[imported_فيصل سعد]

السلام للجميع هنا.

استبيان حول التوقعات المحتملة للتحالفات لخوض الانتخابات القادمة:

مع من سيتحالف المؤتمر الوطني؟

هل تتحالف احزاب حكومة الوحدة الوطنية الحالية ؟

هل يتحالف المؤتمر الوطني و المؤتمر الشعبي؟

هل هنالك تحالف معارض تحت الانشاء؟ و ما مصير الشعبي

هل سيتوحد حزب الامة ويدخل الانتخابات لوحده دون حليف؟

هل سيتوحد الاتحادي الديمقراطي و يدخل الانتخابات لوحده دون حليف؟

هل سيدخل الامة و الاتحادي في تحالف ثنائي؟

هل سيدخل الاتحادي و الحركة في تحالف ثنائي؟

هل سيدخل الشيوعي و الحركة في تحالف ثنائي؟

هل سيدخل الامة و الاتحادي و الشيوعي في تحالف ثلاثي؟

هل سيدخل الامة و الاتحادي و الشعبي في تحالف ثلاثي؟

هل سيدخل الامة و الاتحادي و الشيوعي و الشعبي في تحالف رباعي؟

هل سيدخل الامة و الاتحادي و الشيوعي و الحركة في تحالف رباعي؟

و ما هو موقع الاحزاب الاخرى من التحالفات (البعث، حق، البجا، حركات الشرق، حركات دارفور، الامةالاصلاح و التجديد، انصار السنة، الاخوان المسلمون، العدل و المساوة، حركة تحرير السودان،الاتحادي الامانة العامة و اي احزاب اخري) و ما هو دورها و تأثيرها في الانتخابات .

نتوقع مساهمة الجميع و اثراء النقاش.

[imported_Haimoura]

الاخ فيصل قبل اثراء الحوار فيما اوردته من نقاط نأمل ان تتوفر النزاهة للانتخابات التى نأمل الا تكون والانقاذ موجودة في سدة الحكم ..

فالانقاذ اذا قدر الله وكانت موجودة في هذه الانتخابات مؤكد سوف تعمل على رسم خط لاساليبها الفاسدة في خوض اي انتخابات لها ..

هم مش قالو البشير فاز بنسبة تفوق ال 90 % في الانتخاب المباشر مع كيجاب وعادل شروم ؟؟؟

يعني الاحزاب ستتنافس على ال 10 % من الناخبين !!!

لا وجود لاي نزاهة مع الانقاذ في الانتخابات ...

[imported_فيصل سعد]

للاسف يا عزيزي علاء سوف تكون الانتخابات العام القادم في وجود الحكومة الحالية حسب نيفاشا ، و لا تكونوا مجهزين انقلاب كارب و نحنا ما جايبين خبر؟

[imported_bayan]

و لا تكونوا مجهزين انقلاب كارب و نحنا ما جايبين خبر؟

تعرف يا سعد الناس كولها محضرة تقول الانتخابات مزورة
ذي ما حصل في انتخابات المحامين,,
بالمناسبة عجبتني رصة الاحتمالات

اها نديك احتمالي

الشعبي والمؤتمر والشيوعي معا,,( خاصة لما طلع الشيوعية ما عندها مشكلة مع الدين
والشيوعين كولهم بيصلوا ويصوموا)
دي كيف معاك؟

اي حاجة ممكن تحصل في جمهورية الخرتيت
الا يحينا نعيش ونشوف ....

[imported_فيصل سعد]

[frame="1 80"] كتبت bayan : تعرف يا سعد الناس كولها محضرة تقول الانتخابات مزورة
ذي ما حصل في انتخابات المحامين,,
بالمناسبة عجبتني رصة الاحتمالات

اها نديك احتمالي

الشعبي والمؤتمر والشيوعي معا,,( خاصة لما طلع الشيوعية ما عندها مشكلة مع الدين
والشيوعين كولهم بيصلوا ويصوموا)[/frame]

يا دكتورة يا مستلامية احتمالك دا انا ما واقع لي بسبب "ارواح الشهداء و ضحايا التعذيب" دي براها سبب في طرشقة احتمالك دا، لكن لو غيرتي الشيوعي بالحركة ممكن نناقش احتمال زي دا. بعدين لما ترشي لينا احتمالك الجاي ورينا الاحتمال الضد برضو عشان نناقش بعمق و كدا

و انا عندي اربعة احتمالات ما بتفع واطا ، اولها :

الامة، الاتحادي،الشيوعي ضد الوطني،الحركة،الشعبي

[imported_bayan]

لامة، الاتحادي،الشيوعي ضد الوطني،الحركة،الشعبي

طيب يا سعد لو حزب الامة نسى ود نوباوي وضرية الجزيرة ابا وقتل الامام
محاولة تشويه سمعتو بعد قتله
ليه الشيوعين ما ينسو..
بعدين لاحظ ان الشيوعين ما براهم البينهم وبين الحكومة دي
شهداء وضحايا تعذيب بيوت الاشباح دي مر بيها الشعب كلو
بدون فرز,,
اوعى يكون التأريخ عايز يقول انها ضد الشيوعين ؤبث..
على اي حال اسع قاعد في البرلمان ذي العجب
رغم الشهداء وضحايا التعذيب
ولا كيف؟
عينك تعاين رصتي دي تنزل الانتخابات الحد الادنى من التفاهم
انه يمسكو البلد..

مودتي

[imported_فيصل سعد]

المشاركة الأصلية كتبت بواسطة bayan

طيب يا سعد لو حزب الامة نسى ود نوباوي وضرية الجزيرة ابا وقتل الامام
محاولة تشويه سمعتو بعد قتله
ليه الشيوعين ما ينسو..

ما تلخبتي المسائل و تجوطيها مع بعض يا دكتورة، نحن هنا بنناقش في احتمالات تحالف انتخابي ضد المؤتمر الوطني المنفرد بالسلطة منذ يونيو 89 و انا اناقش من وجه نظر مستقلة و محايدة و صدقيني في الحتة دي و ثقي في كلامي هنا و انا مسئول عنه تماما، و ما نطلع من الموضوع، لكن نناقش احتمالات مطروحة. في نقاش احتمالي و طرحك اعلاه معروف تاريخيا الامة و الشيوعي كانوا حلفاء في العهد الديمقراطي السابق و كان بينهم تنسيق في كثير من الامور السياسية و الاتحادي و الشيوعي بينهم النضال المشترك في التجمع و انا بنيت الاحتمال على هذة الاسس فقط، المؤتمر الوطني و الشعبي مختلفين على الجاه و السلطة و النفوذ و التمكين و الحركة شريكة في سلام نيفاشا و شريكة في هذة الحكومة و انا بنيت احتمال تحالفهم على تلك الاسس برضو. اما الجزيرة ابا و ودنوباوي و مقتل الامام فدا مقترح كويس لبوست جديد يتناقش برواقة خاصة انو نميري و ابو القاسم و حسني مبارك لا زالو احياء و ممكن نجيب شهاداتهم و يتعمل بوست توثيقي جديد؟ رأيك شنو؟

بعدين لاحظ ان الشيوعين ما براهم البينهم وبين الحكومة دي
شهداء وضحايا تعذيب بيوت الاشباح دي مر بيها الشعب كلو
بدون فرز,,
اوعى يكون التأريخ عايز يقول انها ضد الشيوعين ؤبث..
على اي حال اسع قاعد في البرلمان ذي العجب
رغم الشهداء وضحايا التعذيب
ولا كيف؟

الشيوعيين نعم ما براهم المتضررين من حكومة الانقاذ دا صحيح و الضحايا كتار، لكنهم اصحاب الضرر الاكثر و الموت و التعذيب و التشريد و الفصل للصالح العام نالهم اكثر من غيرهم و الانقاذ ركزت جل قمعها عليهم، اما قاعدين في البرلمان زي العجب فكل القوة السياسية هادنت و صالحت و هرولت و عندك جيبوتي و شراكة الاصلاح و التجديد و جدة الاطاري و اخيرا نيفاشا فما يجي حزب يقول عارض للنهاية و الآن الانتخابات في الطريق و كل حزب يراجع نفسه و مواقفه و تحالفاته و يستعد لانه الموضوع دا حاسم و زي ما قلت ليك لو المؤتمر الوطني و حلفائه فازوا بالانتخابات النتيجة المتوقعة تلقيها في المداخلة القبل قبل قبل دي.

اصدق التحايا.

[imported_فيصل سعد]

الاحتمال الثاني و الثالث و الرابع:

الاتحادي+ الامة ضد الوطني+الشعبي ضد الشيوعي+الحركة

الشعبي+الامة ضد الوطني+الحركة ضد الشيوعي+الاتحادي

الاتحادي+الامة+الشيوعي+الشعبي ضد المؤتمر الوطني+الحركة


تصبحوا على خير...

[imported_Haimoura]

المشاركة الأصلية كتبت بواسطة فيصل سعد

الاحتمال الثاني و الثالث و الرابع:

الاتحادي+ الامة ضد الوطني+الشعبي ضد الشيوعي+الحركة

الشعبي+الامة ضد الوطني+الحركة ضد الشيوعي+الاتحادي

الاتحادي+الامة+الشيوعي+الشعبي ضد المؤتمر الوطني+الحركة


تصبحوا على خير...

الاخوة المتداخلين :

الف تحية واحتراما

شكري لكم جميعا :

من خلال تجارب الاحزاب السابقة في الاتلافات نجد ان الواقع السياسي هو الاساسي في تقريب وجهات النظر بين الاحزاب المختلفة وتظهر ملامح الاتلاف بعيدا عن البرامج السياسية وغالبا ما يحددها فرصة الحزب الداعي للاتلاف وضمان شغله للوزارات السيادية ...

سوف تكون هنالك ثلاثة احزاب كبيرة من حيث الثقل الجماهيري ...

الامة والاتحادي بالاضافة للحزب الحاكم ..

بقية الاحزاب وخاصة تلك التى لم يرى برنامجها النور تكون عادة في دور المنتظر لطرح اي من الاحزاب الكبيرة لضمها في الاتلاف ..

ثقل الاحزاب في البرلمان سيعتد على قانون وطريقة ادارة الانتخابات فاذا فرضنا جدلا ان الامة والاتحادي قد فازا باغلب المقاعد فمن المؤكد سوف يكونان اقرب للتحالف ضد اي جبهة وبتجربتهم في المعارضة وقربهم من بقية الاحزاب يمكنهما ان يجمعا اكبر عدد من الاحزاب الاخرى ليكون الاتلاف اقوى ...

سوف تسعى الجبهة الاسلامية لضم صفوفها من جديد ورأب الصدع بين الترابي وجماعته من جهة وعلي عثمان والبشير من جهة اخرى فهما اصحاب منهج واحد ويكفي ان تأدب الترابي بما فيه الكفاية حيث لن يستطيع الترابي بناء حزب ينافس فيكون بذلك اقرب للانصياع بما يمليه عليه علي عثمان ...

( الناس ديل ما بستحوا ابدا وليس لهم قيم اخلاقية .. لذلك لا تستبعد ابدا رجوعهم لبعض من اجل كسر شوكة بقية الاحزاب )

فانا اتوقع احتمالك الاخير اخي فيصل ...

مالم تحدث مستجدات في الساحة ..

ونواصل

[imported_فيصل سعد]

المشاركة الأصلية كتبت بواسطة Haimoura

فانا اتوقع احتمالك الاخير اخي فيصل ...

مالم تحدث مستجدات في الساحة ..

ونواصل

شكرا اخي علاء على مداخلتك و تحليلك، و ارجو الانتباه الي اننا نناقش احتمالات تحالف انتخابي للمنافسة للدخول للبرلمان و ليس "تحالف تشكيل حكومة، و تلك مرحلة اخرى". و نتمنى مشاركة و احتمالات اكثر من بقية الزملاء و الزميلات.