عيد الميلاد المجيد وفرحة العيد

[umrawan]

العم فتحي

بما انك كنت ساكن في الغرفة رقم ثلاثة من العم بابكر
فضمنيا يكون لك حق المشاركة في ملكية البوست

[Hassan Farah]

الطف التهانى واجمل الامنيات لكل الاخوة والاخوات المسيحين بعيد الميلاد-- وكل عام وانتم بخير-----

[بابكر مخير]

المشاركة الأصلية كتبت بواسطة umrawan

العم فتحي

بما انك كنت ساكن في الغرفة رقم ثلاثة من العم بابكر
فضمنيا يكون لك حق المشاركة في ملكية البوست

الإبنة العزيزة أم روان
حسي عليك الله الزول (فتحي) دا كتب ليك حتى كلمة واحدة حلوة عشان تلصقيهو معاي في بوستي.
بس دا الله ودي حكمتو نعتبرها واسطة منك ونقبلو شريك نايم في البوست.

[فتحي مسعد حنفي]

المشاركة الأصلية كتبت بواسطة Babiker Mukhayer

الإبنة العزيزة أم روان
حسي عليك الله الزول (فتحي) دا كتب ليك حتى كلمة واحدة حلوة عشان تلصقيهو معاي في بوستي.
بس دا الله ودي حكمتو نعتبرها واسطة منك ونقبلو شريك نايم في البوست.

شريك وصاحي كمان ياود مخير وبي حقي ولا انت نسيت انك انت فتحت وفهمت الدنيا علي يدي والشهود معروفين الأحياء منهم والأموات وبعدين العملية ما محتاجة ليها كلمة حلوة مني لانها زميلة بتي في الحزن والكآبة يعني انا فعلا عمها لدرجة يابابكر انا ابتديت اشك انو دي آلاء ذاتها وضحكت علينا وعملت عضوية تانية باسم مستعار عشان تهرب من الرقابة وتكتب زي ما عايزة وما أقيف ليها في حلقها ودا شئ ما بعيد عليها ممكن تعملها وتأكلنا الأونطةالكلام دا بيخص أحلام الأماسي عشان ما تفرح وتقول فتحي خرف أما أم روان فدي تقول زي ما هي عايزة ومافي زول يقول بغم.

[فيصل سعد]

اطيب التهانى واحلى الاماني لكل الاخوة والاخوات المسيحين بعيد الميلاد المجيد وكل عام وانتم بخير.
و نسأل الله الرحمة و المغفرة و الثواب للمرحوم الدكتور جون قرنق دي مابيور.