اقتباس:
المشاركة الأصلية كتبت بواسطة لسان الدين الخطيب
عزرا جميل الحبيب فتحي
ومن الود ان تتواصل الكلمات ومن الإهتمام ان نوضح لبعضنا ..اسف ولكن دخولك بعد السؤال مباشرة وبعد نقاط اعطاني ماذكرتة من احساس وانت سيد العارفين بأن الوقوف ( الجلوس ) خلف الكي بورد والشاشة يحجب كثير من الأحاسيس وتبقى المفردات والإشارات الكتابية هي وحدها ومعزولة عن نبرة الكاتب وصاحب الرأي وبالتالي احتمال الفهم الخطأ واردة ولذا تجدني احاول وبجد ان لا افهم بشكل خاطئ ولك حبي حتى ترضى
اكتب فإن في اختلاف وجهات النظر متسع للتعلم والمعرفة وليست ابواب الجحيم اسوأ مما نحن فية
غياب للهوية وسط دعوات اقل ما يمكن ان يقال عنها وتهذباٌ انها بليدة
تعالي متعجرف فتح ابواب الجحيم لبلد الآن على شفى حفرة من التقسيم كنموزج لعدم التعايش وهو ماقاد العالم من قبل لحرب نتيجتها عرجة تصاحب سيره حتى الآن
وكل كل من راى وسمع يعتقد انة احسن من الأخر دينا وعرقاً وفطرة وخلقة اكتب وكما ابتدر خالد العزيز باب نرجو ان لايغلق الإ وهو يفضي الى متفق حوله على الأقل في سودانيات
حبي وعزري ولك ( الله ) اليس الله هو السلام
|
ياخ الحاجة المحيرة انو احنا أكتر شعب متعصب في العالم وأكتر شعب عنصري خلقو الله والعنصرية الفي السودان مافي ولا في أمريكا وشايفين روحنا أسياد العالم في شنو ما عارف.
أذكر انو أختي العايشة في الامارات مرة قاعدة مع صديقاتا قامت واحدة قالت ليها:
والله الهنود ديل مساكين خلاص شوفي بشتغلو في البيوت خداديم والكويس فيهم تلقيهو شغال موظف بي أي ماهية..
القالت الكلام دا كانت عارفة انو أختي أمها هندية والكلام دا قالتو مطاعنة عشان في السودان الهنود ليهم وضع تاني.
المهم أختي قامت قالت ليها: الأنا ما فاهماهو الهنود ديل ناس قمة وقاع وما عارفة ليه الناس بشوفو بس الطبقة المستواهم.ليه ما بشوفو الدكاترة والمهندسين أو مثلا جاشنمال أو باتيا الهم من أغني أغنياء الامارات..وليه الناس ما تفكر الهنود اخترعوا القنبلة الذرية من متين وووو
ألضيفة طبعا سكتت وبعد شوية استأذنت وقامت مرقت..
