سلسلة كشف الغمة، مبحث أول: سر الرجل الثاني في الاسلام.

[Nour]

بسم الله الرحمن الرحيم , السلام عليكم جميعا , الكلام بالله العظيم الفي ماتسميه مبحث دا كله في ابو هريرة رضي الله عنه الذي صدقه الشيطان وهو كذوب( طبعا كذوب دي للشيطان) الكلام دا كله ما محتاج لي تفنيد بغض النظر انه محمود ابورية لما كتب كتابه دا في كم كتاب تصدي له والقمه حجرا واثبت بالادلة ان ما جاء به محض كذب وافترا علي صحابي جليل امن الرسول علي دعائه فحباه الله ذاكرة تحفظ كل مايقوله النبي صلي الله عليه وسلم لذلك كان اكثر الصحابة حفظا ورواية للحديث يعني الموضوع ما محتاج انه الناس تنقل من الكتب التي رد بها علي ذلك المدعي لانه الامر يستدعي فقط اعمال العقل والمنطق ليثبت ان كل ماذكر محض افتراء لاغير , ابوهريرة رضي الله عنه لم يكن الاول ولن يكون الاخير في سلسلة الهجوم علي الصحابة رضوان الله عليهم والدخول من باب البحث وكأن ما ذكر عنه نقل عن ثقات لا ياتيهم الباطل من بين يديهم ولا من خلفهم والعكس هو الصحيح الغريب في الامر التناقض في الاستدلال بان البخاري صحح له 446 حديث فقط ونعلم جميعا ان البخاري هوجم ايضا وشككك فيه ونعلم الهدف تماما من كل ذلك. اشياء كثيرة في هذا المقال( ولا اقول البحث لان البحث في شئ يأتي بالسالب والموجب في موضوع البحث) تدعو للاستياء والسخرية لا اريد ان اخوض فيه وليغفر الله لي كتابتي للسطور اعلاه لانها تعتبر ايضا اكثار للسواد في موضوعك وهذا ما نهانا عنه النبي صلي الله عليه وسلم الله لذلك اكتفي بهذا واستغفر الله لي ولجميع المسلمين.

[AMAL]

ياسيد عبدالله
البحميني شنو اخوض ماهو انت خائض لي شوشتك في سيرة "الرجل الثاني في الاسلام" وشغال تنبش في سرو في زول حماك والخائضين ديل كلهم ماوجعوك غير خوضي لما مشيت بحتا لي مداخلاتي في بوست هشام ادم وان كنت ياسيدي خضت هنا وهناك فلاني فعلا معجبة بشغل امين محمد سليمان وهو السبب الاساسي بالمناسبة لاعتراف هشام ادم الشهير فما من مصلحتك ابدا تجيب سيرة البحر دي

سؤال ياحافظ
بالنسبة لاثبات المراجع
دايرة اعرف عبدالله علي موسي بحت المراجع دي ورجع ليها هو
ولا لقاها مبحوتة جاهزة
اكيد عارف الفرق بين الرجوع للمصدر والنقل البي مصدرو
المراجع دي مثبتة هنا
http://www.tebyan.net/index.aspx?PID...2&PageIndex=32

[عبدالله علي موسى]

يا أمل،

جيتي هناك تهجمتي علي بأبشع ألسب بدون أي وجه حق و خروج كامل عن اللياقة، لكن أنا انسان محترم رديت عليك بما يملي علي أدبي. أمين اتهمني بالسرقة و جيتي تطبيلي و تشتمي دون وعي(I saw a pattern there), أهو أمين سحب الاتهام و ما كان حى يقدر يثبتوا إلى يوم القيامة العصر! فضل السباب والشتم بتاعك في حقي و أنا ما مستني منك إعتذار بس ما تعملي لي إزعاج، عندك كلام تعالي في متن الحدث بعدين.


سلاماً سلاما

المشاركة الأصلية كتبت بواسطة AMAL

ياسيد عبدالله
البحميني شنو اخوض ماهو انت خائض لي شوشتك في سيرة "الرجل الثاني في الاسلام" وشغال تنبش في سرو في زول حماك والخائضين ديل كلهم ماوجعوك غير خوضي لما مشيت بحتا لي مداخلاتي في بوست هشام ادم وان كنت ياسيدي خضت هنا وهناك فلاني فعلا معجبة بشغل امين محمد سليمان وهو السبب الاساسي بالمناسبة لاعتراف هشام ادم الشهير فما من مصلحتك ابدا تجيب سيرة البحر دي

سؤال ياحافظ
بالنسبة لاثبات المراجع
دايرة اعرف عبدالله علي موسي بحت المراجع دي ورجع ليها هو
ولا لقاها مبحوتة جاهزة
اكيد عارف الفرق بين الرجوع للمصدر والنقل البي مصدرو
المراجع دي مثبتة هنا
http://www.tebyan.net/index.aspx?PID...2&PageIndex=32

[أمين محمد سليمان]

المشاركة الأصلية كتبت بواسطة عبدالله علي موسى

ي أمين اتهمني بالسرقة و جيتي تطبيلي و تشتمي دون وعي(I saw a pattern there), أهو أمين سحب الاتهام و ما كان حى يقدر يثبتوا إلى يوم القيامة العصر!

يا عبدالله ياخي ... مش اتفقنا نطلع من المحله دي ؟!!

[كيشو]

المشاركة الأصلية كتبت بواسطة أمين محمد سليمان

يا عبدالله ياخي ... مش اتفقنا نطلع من المحله دي ؟!!

وتفتكرو حيطلع؟
أخونا عبد الله دا قدمنا ليهو عرض ما بطال؛ وهو أن يكلمنا عن العنوان، وهسه نضيف ليهو خطة البحث، عايزين نلوك الصبر ونحنا بنستفيد

[كيشو]

المشاركة الأصلية كتبت بواسطة AMAL

ياسيد عبدالله
البحميني شنو اخوض ماهو انت خائض لي شوشتك في سيرة "الرجل الثاني في الاسلام" وشغال تنبش في سرو في زول حماك والخائضين ديل كلهم ماوجعوك غير خوضي لما مشيت بحتا لي مداخلاتي في بوست هشام ادم وان كنت ياسيدي خضت هنا وهناك فلاني فعلا معجبة بشغل امين محمد سليمان وهو السبب الاساسي بالمناسبة لاعتراف هشام ادم الشهير فما من مصلحتك ابدا تجيب سيرة البحر دي

سؤال ياحافظ
بالنسبة لاثبات المراجع
دايرة اعرف عبدالله علي موسي بحت المراجع دي ورجع ليها هو
ولا لقاها مبحوتة جاهزة
اكيد عارف الفرق بين الرجوع للمصدر والنقل البي مصدرو
المراجع دي مثبتة هنا
http://www.tebyan.net/index.aspx?PID...2&PageIndex=32

يعني ﻻزم تجيبي سيرة بقية الخائضين؟
ما تاكليها براك عشان خاطرنا

[AMAL]

ياشاب
ماهو انت بتسب وبتتهجم علي الرجل الثاني في الاسلام between two Brackets كتير انت علي التهجم
والسباب والشتم مامن شيمي بالمناسبة
القلتو راي واضح وطالما ما الناس تعبوا واجتهدوا يرجعوك للمتن البتقول عليه دا ماحاديك فرصة تعملني مراقة وخش علي المتن عدل
والسؤال دا راجيك برضو

بالنسبة لاثبات المراجع
دايرة اعرف عبدالله علي موسي بحت المراجع دي ورجع ليها هو
ولا لقاها مبحوتة جاهزة
اكيد عارف الفرق بين الرجوع للمصدر والنقل البي مصدرو
المراجع دي مثبتة هنا
http://www.tebyan.net/index.aspx?PID...2&PageIndex=32
__________________

جليني بالله واتجاوز ازعاجي واصل مبحثك again between two brackets

[عبدالله علي موسى]

المشاركة الأصلية كتبت بواسطة أمين محمد سليمان

يا عبدالله ياخي ... مش اتفقنا نطلع من المحله دي ؟!!

بي الحيل. طلعنا منه بي انو اديتك ال benefit of doubt في انو تقصيري في اجزاء معينه قد سبب لك الالتباس وجعلك تتهمني، نفس ال benefit of doubt الانته ما اديتني ليها، وما طالبت بأعتذار عن نعني بكل تلك الصفات لأنو دي أشياء لا تهمني. اها يجي الناس يقو عينم علي وما اعلق كمان؟ أنا فعلاً طلعت من الحته دي بس مافي داعي للاستفزاز

[AMAL]

المشاركة الأصلية كتبت بواسطة كيشو

يعني ﻻزم تجيبي سيرة بقية الخائضين؟
ما تاكليها براك عشان خاطرنا

مولانا سلام
المخاضة دي مرقت منها
النشوف عوسو





بركة الوشوش اشتغلت

[كيشو]

المشاركة الأصلية كتبت بواسطة أمين محمد سليمان

يا عبدالله ياخي ... مش اتفقنا نطلع من المحله دي ؟!!

المشاركة الأصلية كتبت بواسطة عبدالله علي موسى

بي الحيل. طلعنا منه بي انو اديتك ال benefit of doubt في انو تقصيري في اجزاء معينه قد سبب لك الالتباس وجعلك تتهمني، نفس ال benefit of doubt الانته ما اديتني ليها، وما طالبت بأعتذار عن نعني بكل تلك الصفات لأنو دي أشياء لا تهمني. اها يجي الناس يقو عينم علي وما اعلق كمان؟ أنا فعلاً طلعت من الحته دي بس مافي داعي للاستفزاز

يا عبد الله ياخ أنا بعتقد إنك ما فهمت إعتذار أمين، وشكلك كدا ما قاعد تراعي اتفاق نيفاشا البيناتكم
بالعربي العاذرنك فيهو بناء على طلبك؛ أنا بقترح عليك ما تجيب سيرة أمين في الحوار الممكن يكون بينك وبين اﻵخرين

[أسعد]

مولانا الما مقدور ينسانا

المشاركة الأصلية كتبت بواسطة كيشو

بالعربي العاذرنك فيهو بناء على طلبك؛ أنا بقترح عليك ما تجيب سيرة أمين في الحوار الممكن يكون بينك وبين اﻵخرين

غايتو البركة الاتعملت نيفاشا مع عبدالله
هذا والا كان ح تلقوا بوست بعنوان (سلسلة كشف الهرجة، مبحث أول: سر الرجل الثاني في سودانيات.)
وكان ح تلقوهو يمعط في أميننا
المشكلة ما في معط اميينا
المشكلة في سودانيات الانحشرت ساااااي وبقى امين الرجل الثاني فيها ^_^
أها لو جيت قلت ليهو يا زول أمين محمد سليمان ما الرجل الثاني في سودانيات
وكدي اثبت لينا الكلام دا
ح يقول ليك انا اشرت في مقدمة بحثي انو أمين يعتبر الرجل الثاني نظرا لكثرة مشاركاته في الفترة الحالية gap




حينها اتوقع يا مولانا اي زول ممكن يجي يقول ليك (خُم وصُر)

[أميرى]

خلاصة سريعه:
أمين يعمل ساتر لنبل فيه
عبدالله يذكرني بصديقي سامي العمل إنترفيو في السفاره البريطانية و كان ممتازا في الإنجليزي
السفير قال ليو إنت مؤهل ولكنك...وقح

آمال رضي الله عنها تذكرني بي إيهاب ود حلتنا مدمن الخمر الذي يبدأ طشمته بي بسم الله
إتوا ما قلتوا نوبه؟
مع الشوق الكتير و إيجاد صله بين إيهاب و ماركس
غايتو باصريها يا حبيبه
وبارك الله غيرتك علي هذا الدين

بالنسبه لي عبدالله فيا شاب روق المنقه فإنه لا يمنع الناس عنك إلا نبل يجري مجري الدم في سودانيات
فلا تغتر بحلمهم عليك و تسوق أضان الحامل الطرشا
و أعلم أين تضع قدميك فالأرض هنا ذلقه

...
قود بلس أبو هريره
و هللويا ياخ

[الرشيد اسماعيل محمود]

المشاركة الأصلية كتبت بواسطة أميرى

قود بلس أبو هريره
و هللويا ياخ

هسع في الحالة دي، كاتب المداخلة الفوق دي، أميري ولا إيهاب ود حلتكم؟

يا عبد الله:
ياخي لو ممكن ركِّز في البوست والقضية الاساسية التي من أجلها افترعت البوست، إتهام أمين ليك حسب متابعتي لبداية البوست، ما جا من فراغ، وإنّما سببه المقدِّمة الكتبتها ثمّ لم تترك للقارئ سبباً لعدم الالتباس، وطالما جيت وأقرِّيت بتقصيرك في التوضيح لضرورته، والرؤية اتضحت نوعاً ما، يبقي مفروض الناس تتجاوز وتشوف المتن الأساس بدل حركة "خطوة لي قدّام خطوتين ورا" دي.
يعني لو من البداية جيت قلت في مقدمتك دي إنك حتعرض "ليتريتشر ريفيو" لفلان وعلان وفي النهاية حتقول رؤيتك البتخصّك، ما كان في زول حصل ليهو إلتباس ولا كان أمين أو غيرو إتهموك بإنك سرقت ولا بس "جيت تعاين".
المهم:
قبول الاعتذار بيقتضي التجاوز، طالما قبلتو، ضروري تتجاوز وتركِّز علي متن البوست، وما تنسي صاحبي كيشو راجيك بفارغ الصبر، بي لمسة واحدة بهبش تلاتة حاجات سوا

تحيّاتي

[ابو ابراهيم]

المشاركة الأصلية كتبت بواسطة AMAL

ياشاب
ماهو انت بتسب وبتتهجم علي الرجل الثاني في الاسلام between two Brackets كتير انت علي التهجم
والسباب والشتم مامن شيمي بالمناسبة
القلتو راي واضح وطالما ما الناس تعبوا واجتهدوا يرجعوك للمتن البتقول عليه دا ماحاديك فرصة تعملني مراقة وخش علي المتن عدل
والسؤال دا راجيك برضو



جليني بالله واتجاوز ازعاجي واصل مبحثك again between two brackets

تسلمى يا ستنا آمال وربنا يخدر ضراعك

تحياتى للاحباب
من الملاحظات العجيبة لــ عبدالله على موسى
اننا نحن ماشين على الصفحة الــ 14 ولسة فى
عاك عوك ونبزتنى وما بخليك والله
يازول انت نسيت عنوانك
( سلسلة كشف الغمة، مبحث أول: سر الرجل الثاني في الاسلام )
معقول ؟ داير تكشف سر الرجل التانى حسب تصنيفك ( ومسترشد بالشيعة وازيالهم كابو رية وعدنان ابراهيم وما شاكلهم من مستشرقين اهل الكتاب طلائع الاستعمار ) وداير تكشف الغمة وتطلع الاسرار !!!
جايب لينا سكاكين وقنابل
وكمان كشف غمة هو بالله عليك فى غمة اكتر من كلامك دة
ودايرنا نستقبلك بالكيتة والدلاليك
والله
لنردمنك ردم غرائب الابل
وما نفكك حتى يهنق حمار الوادى
يازول انت جاى تشاكل وماك عارف
النرجسية بتاعة عدنان ابراهيم دى ما بتحلك
تعزل البشكرك وتدين الما بقيف معاك انت معزوم حفلة
يا زول سوق سواقتك خلينا نشوف شغلنا معاك gap

[ابو ابراهيم]

المشاركة الأصلية كتبت بواسطة حافظ حسين

ثالثاً: ايوا انا بتاع أحصاء و رسيرش و دا أكل عيشي يا حبيب , لكني كوني اكون بتاع احصاء اصلاً ما بعني انت طير الله....

المشاركة الأصلية كتبت بواسطة حافظ حسين

يلا عليك الله خليك معاي .... يعني من الموضوع الكاتبه عبدالله دا, سؤال البحث الاساسي فيه ممكن يكون:
العدد الضخم من الأحاديث التي تروي علي لسان ابو هريرة, هل بالإمكان ان تكون كلها سمعها من الرسول (ص) و خاصة انه قضي معه فترة لا تتجاوز الثلاثة سنوات؟

السؤال دا هنا عبدالله حيجاوب عليه كيف؟
يعني ابو هريرة مات الله يرحمه و كل المعاصرين ليه ماتوا, بقي لا عنده سكة استبيان و لا مقابله, سكته الوحيدة الكلام المكتوب , يجي يبحت فيه, يقارن, يستبعد حسب ادواته و معرفته عشان يجاوب علي التساؤل الفوق داك... عشان كدا طبيعي جداً كلامه البكتبه ممكن يكون بسيط.

لا لا يا حافظ الموضوع اكبر من ما انت متصوره وان كنت اختصرت فكرت عبدالله فى العدد فقط حسب فهمك معليش خلينا نجاوب عليه فى شخصك فرضا

والله يا صاحب اذا كان انت بتاع احصاء و رسيرش وهى اكل عيش بالنسبة ليك
احسن ليك تمش تاكل بيها عيش بعيد بعيد عن الموضوع دة لانو هنا ما بتاكلك عيش
واذا كان السؤال المفصلى دة بوافقك فيه عبدالله ودة لب مبحثو بنقليك :
سمح جر حبالك ولوك صبرك وصدقنى ياكم الما بتفلحو بغير التباب .
هنالك يالعشا اسئلة مفروض ما تفوت على الحصيف لانو سؤال الحصيف ما زى سؤال الشليق ... !! ايوة .
* ابى هريرة رضى الله متى ولد ؟
و كم صحب الرسول عليه وآله وصحبه افضل الصلاة وازكى التسليم ؟
و كم كان عمره ؟
وكم رضى الله عنه عاش من العمر بعده عليه الصلاة والسلام ؟

• اسلم سنة سبعة للهجرة ولازم الرسول صلى الله عليه وآله وصحبه وسلم و صحبة حتى قبض بابى هو وأُمى وأَهلى وعاش بعده الى ان توفى في العام التاسع والخمسين للهجرة ودفن بالبقيع عليه الرضوان عن عمر يناهز الــــــ 78 سنة
.................................

الغريب شنو فى عدد الاحاديث المروية عن ابى هريرة رضى الله عنه ؟
تعال النمسكك انت فى عضمك

شوف انت شخشيا فى غضون 8 ايام (بحساب عشوائى ) من جربندى
56 مشاركة فى غضون 8 ايام
فى مدة 35 ساعة (( قاب عمل المشاركات))
56 ÷ 8 = 7 سبعة مشاركات فى اليوم
ومن سجلت هنا

00/03/2010
00/01/2013
9 + 12 +12 + 1 = 34 شهر
365 +365 +305 = 1135
ليك 1135 يوم تقريبا
عندك 3158 مشاركة
3158 ÷ 1135 = 2.78
يعنى بمعدل 3 مشاركات فى اليوم تقريبا
مع مراعات انك بتغيب احيانا يوم او اسبوع او شهور و انت غير متفرغ لينا هنا فى سودانيات .
ليه ما استغربتها فى نفسك ؟
كيف ؟ يبقى سؤال وجيه ومفصلى !!!

ومستكترنها على رجل مؤمن برسول ؟؟!!!
وصحب افضل الخلق والرسل والانبياء عليه وآله وصحبه افضل الصلاة واتم التسليم ولازمه وخدمه وكان يفتقده اذا غاب عنه ودعى له بالخير والفضل . و رضوان الله على ابى هريرة .
وبالله عليك يالحبيب رسيشنك دة دور ليه معادلة كاملة
او ارمى بعيد بعيد

وهنا فى المشاركة 47 بتجد اجابة العدد لاحديث الصحابى الجليل عليه الرضوان

الاستطابة في سيرة الصحابة : أبو هريرة المفترى عليه