عفوا صفيــة ... الاكذوبة الكبرى ... اسئلة مشروعة !!!

[زول الله]

المشاركة الأصلية كتبت بواسطة الرشيد اسماعيل محمود

تمشي زيّ الترتيب، باستثناء حالة الخفاض الفرعوني،

رشيدنا يبدو انو فات عليك قراءة دليل إدانة افراد النظام وجرمهم الآخر في فضح أعراض الناس بنشر التقرير الطبي (أورنيك 8 ) في بعض البوستات الخاصة بـ حالة الأخت صفية والذي يفيد أنها فرعوني .
وبي كدا الأمور بتكون جاطت شديد












اقول قولي هذا واستغفر الله لي ولك ياخالد الحاج ..............

[محمد عكود]

اقتباس:
المشاركة الأصلية كتبت بواسطة بدور التركي
شفت الفديو وسمعت الحكاية
لكن بصراحة ما قدرت اصدقها
فيها نوع من الخيال
ياخ اي سوداني ولو كان مجرم
ما ممكن يعمل كدا!!

وصفية اعتقد انها ضحية

والله اعلم!!




تحياتي بدور واحتراماتي ..
بغض النظر انو السوداني فعلا اختلف ...
(والجوع مروق بت الحلال من طوع ابوها وبالغصب ..)
والمادة بقت الحاكم والفيصل ...
وحكومة شغالة بنظرية جوع كلبك يتبعك ...
الا انو نقطة فيهو شي من الخيال ففيهو ...
وفيهو شي من شك ... برضو فيهو ... والكتير من الشك ..
وممكن اضيف صوتي لصوتك .. انو صفية قد تكون ضحية ..
ضحية حزب ما .. او غرض شخصي ... او حتى ظروف المعيشة

[طارق الحسن محمد]

ههههههه
زول الله حباااااابك والشوق بحر ....

معليش ..........
انت بتعرفو ...
؟
سوال وبس

[محمد عكود]

اقتباس:
المشاركة الأصلية كتبت بواسطة رأفت ميلاد
سلامات يا محمد عكود
أفهم شعورك وتبدله .. أسمح لى بالتحليل أيضاً .. فأنت كنت تفضلها أنثى مكسورة وتشفق عليها .. ولكن عندما أستجمعت شجاعتها رأيتها (قاهر) .. هكذا تربيتنا ..

صفية لم تفقد شرفها بإغتصابها .. ولكن تفقده كاملاً إذا كانت كاذبة .. فتكذيبك لها هو إتهام فى شرفها .. لذا وصفت تحليلك بـ(ونسة) أصدقاء محدود الضرر .. ولكن نشره (إتهام) يحتاج الدليل والدليل القاطع ..

المرأة عندما تطلب حقوقها يجب أن تترك (الخِدر) .. وتجاهر بحقها .. لقد أكدت أنت أن هناك إغتصاب .. لم تنطق به النساء إستحياء .. فزاد عليهن الظلم .. صدقنى لن تُغتصب أمرأة فى القريب بعد تصريح صفية .. فسيجبن المجرمون ..

عندما صرخت لبنى لم يجلدوها .. وقبلها جُلدت المئات .. والدليل شريط البنت الذى تسرب بعد عام من جلدها .. لبنى بطلة وصفية بطلة أخرى فدّن بنات جنسهما .. لبنى طالها الكثير .. والآن صفية ..

أرحموها رحمكم الله




استاذي رأفت ...
قد يكون تحليلك فعلا في مكانه الصحيح ...
ولكني اظن ان ليس هنالك علاقة بين سفورها وكشفها لوجهها ... داخلي
او دخول ذالك كمؤثر ... على الاقل فهنالك عرق حلفاوي ومصري يجريان في دمي
واظنك تعلم الانفتاح التربوي لدى العرقين .. وخلوهم من فهم ان المرأة شئ خافي او لادور له ...

وكما يحتاج ليس اتهامي استاذي رافت .. لنقل فقط كما تحتاج محاولة فهمي لدليل تحتاج القصة ايضا لدليل ...
فهناك رواية .. وهنا رواية ...
وليست احداهما منزلة ....
انا اعترف انني قد اكون مخطئ وليس لي دليل سوى ما قلته ..
فهل هناك دليل سوى ما قالت هي ..؟؟؟

ويا استاذي رأفت ليس انا من يرحمها .. فأنا كما ترى صوت وحيد في وجه ملاين الصور المنتشرة لصفية .. وملايين الداعمين ...
اتمنى ان تكون صادقة فلو كانت ... فهي والله والله والله اشرف النساء ... واشجع من رجااااااال يجاهرون برجولتهم ... وفحولتهم ...
لو كانت صفية صادقة .... اعترف انها ارجل مني وبلا اي تردد ...
ولكنه الشك ... هل هي فعلا صادقة ...
اتمنى ان يتسع صدرك ... وتتفهم ما يدور داخلي من ثوراة للشك كما قالت ام كلثوم

[طارق الحسن محمد]

المشاركة الأصلية كتبت بواسطة محمد عكود

اقتباس:
المشاركة الأصلية كتبت بواسطة طارق الحسن محمد
بجيك راجع ......... وبرواقة ........... لحدى الوقت داك

سلامأ



اتمنى جد للوقت داك تجي للموضوع ما لي ...
واسف على الانفعال الاولي ...
اتمنى تقبل اسفي ... واتمنى حوارك يكون بس فيهو شي من الحواااار في المكتوب ..
حاول اخوي طارق اقبلني حتى لو كنت غلط ...وناقشني للابد والود محفوظ ...
اتمنى تعمل حرمة لكلمة اخوي القلتها .. وقاصدا تماما ...

وبكرر اسفي على الانفعال ...

يازول انا ملك الانفعال
وارجع لمشاركاتى
كلها
لكن
انت لحدى الان ما واضح
.......
تصدق ؟ ؟
انا ما زول لف و ..... لفة
واضح زى الشمش
ما الشمس
لانى اقرب للشماشة ان لم اكن
كلامك خنجر فى شرف ( ومسترزقة )
من حدث
ياخى ...
ياخى ...
عاصرنا عهد بيوت الدعارة
المرخصة
والله ... والله .... والله
لو قلت بالغلط لواحدة منهم
يا .......
لكنت من المضروبين اولا
والمطرودين قبلا
........
المحك
كلشر بتحكمنا كلنا
ونقراها جوة السياق كدة
واى فكرة بتاعة المفتش كرومبو ما بتلفق
وياريت تسقط هذه السلطة
حتى تعرف مخازيها .. المستترة .. والمعلومة

[محمد عكود]

اقتباس:
المشاركة الأصلية كتبت بواسطة جيجي
طيب ياخونا
انت قاعد في السودان ولابرة البلد
غايتوا شكلك ياخوي بعيد عما يجري
اقل حاجة انك لازم تعرف انه ناس الامن مامحتاجين ليهم لشوارع فاضية بسوقوك على عينك ياتاجر والفي الشارع كلهم بيدنقروا خوفا
قال نخوة قال
والاخت ماكانت محتاجة تصرخ لانها زولة عندها موقف ضد النظام
ماكانت عارفة حيغتصبوها عشان تصرخ
عادي ممكن اي هلفوت بتاع امن ممكن يبرز ليك بطاقة في اي حتة ويسوقك
ا



جيجي انا كنت في السودان لغاية قبل 4 شهور تقريبا ...
وفي ظني راجع قريب ...
وصدقيني انا عااااارف ناس الامن بتصرفو كيف ... وعندي تجااارب شخصية داخل كلية الفنون الجميلة .. ولا ادعي انها كانت ضدي ولكنها كانت ضد صديق مقرررب جدا واخ عزيز ... ناهيك عن اشياء اخرى .. ليس المقام مقامها ..
وكلامك في المجمل صحيح ...
بس نحن شعب ما بعرف ابسط حقوقو ...
حتقولي خيالي ومافي حقوق مع ناس الامن ..
لا في ... والبلد فيها الف منظمة ... والحكومة تكورك براااا وتحلف طلاقات تجار بصل .. لكنها بتعمل للمنظمات دي الف حساااااب
ود ظاااهر في السجون اكتر شي لما تكون في زيارة منظمة لوفد بيعملو شنو السجن وبعاملو المساجين كيف ...

نحن اتعلمنا نخاف ...
الوقفو قدام دبابات نميري ... ماتو ...
الكانو بعملو عصيان مدني ... اتشردو ... وباعو كل شي الا الشرف ...

يطلع بطاقتو ... يطلع جن احمر جيجي ... مدام الحامي حرامي ... الغريب بحميك ... وعن تجربة ابسطا فعلا مثال الخال رأفت لبنى الصحفية ...

وهم عاااارفين كدا كويس ... وخايفين من كدا جدا جدا ...
بس نحن الفعلا ما عارفين ... ومصدقين انهم على كل شئ قديرين ...

[فتحي مسعد حنفي]

محمد عكود عرفتك من آراء بعض الشباب في فنرة لقائك بهم عندما كان عبد العزيز في السودان..والكل كان بشكر فيك حتي بالغوا في وصفك بالظرف..
مالك ياولدي .. انت ما فكرت في عواقب الكتبتو هنا قبل ما تنزلو ياخ دي كتابة زول أنا لو داير أوصفا ما حألقي ليها وصف غير اني أقول : أهو محمد عكود دا مثال حي بيثبت انو الانقاذ جننت خيرة شباب الوطن..تعرف ليه عشان يامحمد أشرف لي وليك انك تطلع مجنون بدل ما الناس تقعد تحلل في شخصيتك الجديدة دي.. أهو المحاميين عشان يطلعوا متهم بالقتل بقولوا انو قتل وهو في حالة جنون..
وقف المهزلة دي وياريت تطلب من الادارة حزف البوست دا وحمدالله علي السلامة..

[بدور التركي]

بابا رأفت سلامات وأشواق كثيراات

أنا ما ظلمت صفية
قلت انها ضحية قد تكون ضحية لأوضاع سياسية او اجتماعية التي يسود فيها القهر والظلم والعسف والفقر والحرمان
عشان نحن نكون عادلين في حكمنا لأي قضية أي كانت
لازم نجرد فكرنا وعقلنا من أي تطرف او تعصب
عشان ما تتحول القضية من ميدانها الحقيقي إلى ميدان آخر يقوم
على التوهم والظنون

الله وحده يعرف وين الحقيقة

قد تكون اعلم مني وذات قدرة ذهنية اكبر للوصول لنتائج تختلف
عن الاستنتاجات التي وصلت إليها حول هذة القضية
لكن والله يا عمو عقلي ما قدر يصدقها ابدا
ما بقول انها كذابة ما في بنت ممكن تتاجر بشرفها
امكن ضغوط وظروف أجبرتها وخلتها ضحية في زمن غير مفهوم!!

عمو ما تزعل مني!!
بس ما بصدر اقول إلا البحس بيهو ومقتنعة بيهو
والله اعلم وين الحقيقة

[محمد عكود]

اقتباس:
المشاركة الأصلية كتبت بواسطة الرشيد اسماعيل محمود

.
إثبات عدم صدق كلام صفيّة، هل بينفي انو في جرائم مشابهة..ترتكب بصورة متكرِّرة..؟؟
قول طلعت كضابة، هل بيعني خلاص الحاجات مشت كويس، زي ماقالت البت..؟؟
أنا فهمت قصدك يامحمد..انا فهمتك (زي ما قال زين العابدين)..
انت عايز الناس تناقشك في اطار قراءتك للحكاية، بس ياخي من الصعب
انو الناس تتجاوز ربط الحاجات كلها واستصحاب ذاكرة مليانة بالقهر والكبت والجرائم والدماء..
فهنا ياصاحبي ما بينفع حصر الموضوع في سياقه..
عشان السياقات مربوطة بحبل متين..حبل ظالم وقاهر للطيش.
من ناحية طبيّة يامحمد:
البت عادي ممكن تقوم تمشي بعد سقوط غشاء البكارة ..
تمشي زيّ الترتيب، باستثناء حالة الخفاض الفرعوني، حتي الخفاض السنِّي
لا يؤثر علي مشيتها بعد سقوطه وتمزقه..
والخفاض الفرعوني ده ما اظن لي يامحمد متوفر في جيل التمانينات من البنات، شوف الفيديو وقرِّر العمر.
المهم يازول:
غير تستحمل مداخلات الناس المحمومة دي ما عنك حل..
تحيّاتي.

تحياتي الرشيد
واحترامي لترتيبك للحاجات ...

بالنسبة لسؤالك الاول .. انا مجاوب عليهو داخل الموضوع ... انو نفي مصداقية صفية .. لا ينفي ابدا نفي الاغتصاب وانه لا تحدث .. بل واكدته تماما ...

وانا ابدا ما كان قصدي اسوق النقاش من خلال نظرتي انا ...
ومقدر هول الاحداث .. من لبنى والجلد وحاليا الاغتصاب ...
بس دا ما بيعني كمان انو يجي زووول يخلي كل شي ويمسك محمد كانو هو الاغتصب صفية ... ولو غلطان هنا قولي غلطان ...
وفعلا متفق معاك الموضوع اكبر من الحصر في سياق محدد .. بس كمان ما نخلي الفيل ونطعن في الضل ...
ودا الاثار العدائية جواي في بداية الردود وبكرر اسفي ...

اخر نقطة غشاء البكارة في الحالات الطبيعية فعلا لا يمنع المشي مع اختلاف انواعه .. مع احتمال في حالات حدوث النزيف ...
ولكن نحن هنا لا نتحدث عن عروس .. نتحدث عن اغتصاب فتاة من قبل ثلاثة رجال ... دون اي تهيئة نفسية او قبول كما في الحالات الطبيعية ..
واغتصاب انتقامي ... ووحشي ...
اظن هنا الامر مختلف ...

وحبااااب المداخلات ...
وبكرر احترامي لقلمك وفهمك ...
تحياتي

[نبراس السيد الدمرداش]

محمد عكود في سودانيات
والله ليك وحشات وينك يا راجل
دا شنو تحاليل فوزي بشرى دي
جبت العقل دا من وين ؟؟بسحروك

موضوع صفيه دا انا ما حصل اتداخلت فيهو نهائي
بس وجعتني الاكذوبه الكبرى دي و الله يا محمد
تفتكر يا محمد ساهل عليها انها تقول اغتصبوها و هي كذابه
مهما المعارضه اغرتها هل ما فكرت في نفسها اهلها سواء من ناحية السمعه
او من ناحية بطش الاجهزه الامنيه
قدر الثغرات الفي كلاما يمكن سببها انها فعلا مضطربه ما قدرت تجمع نفسها لسه
رغم كلام الناس عن شجاعتها و انها متماسكه
اسي صفيه دي اغتصبت كم مره
من بشر قدر شنو بالخوض في سيرتها و في عرضها
المعارضه اتمسكت بيها زي القشه في نص البحر
و الحكومه تكسر القشه دي ما خلت ارانيك و تقارير
و نسوا صفيه الانسانه

[محمد عكود]

اقتباس:
المشاركة الأصلية كتبت بواسطة طارق الحسن محمد
معليش ..........
انت بتعرفو ...
؟
سوال وبس



عارف ...
صورتك بتقول انك راجل كبير ...
وعموما حررررد ليك برررضو لابداء حسن النية حتى اخر لحظة ...

شخصيا ما بعرفو ..
مجرد حوارات هنا في اروقة سودانيات ...
واتمنى ما اكون غلطة في شي ...
والله يكضب الشينة ...

[محمد عكود]

اقتباس:
المشاركة الأصلية كتبت بواسطة طارق الحسن محمد
يازول انا ملك الانفعال
وارجع لمشاركاتى
كلها
لكن
انت لحدى الان ما واضح
.......
تصدق ؟ ؟
انا ما زول لف و ..... لفة
واضح زى الشمش
ما الشمس
لانى اقرب للشماشة ان لم اكن
كلامك خنجر فى شرف ( ومسترزقة )
من حدث
ياخى ...
ياخى ...
عاصرنا عهد بيوت الدعارة
المرخصة
والله ... والله .... والله
لو قلت بالغلط لواحدة منهم
يا .......
لكنت من المضروبين اولا
والمطرودين قبلا
........
المحك
كلشر بتحكمنا كلنا
ونقراها جوة السياق كدة
واى فكرة بتاعة المفتش كرومبو ما بتلفق
وياريت تسقط هذه السلطة
حتى تعرف مخازيها .. المستترة .. والمعلومة



طارق ...
فكرتك وصلت ...

[محمد عكود]

اقتباس:
المشاركة الأصلية كتبت بواسطة نبراس السيد الدمرداش
محمد عكود في سودانيات
والله ليك وحشات وينك يا راجل
دا شنو تحاليل فوزي بشرى دي
جبت العقل دا من وين ؟؟بسحروك

موضوع صفيه دا انا ما حصل اتداخلت فيهو نهائي
بس وجعتني الاكذوبه الكبرى دي و الله يا محمد
تفتكر يا محمد ساهل عليها انها تقول اغتصبوها و هي كذابه
مهما المعارضه اغرتها هل ما فكرت في نفسها اهلها سواء من ناحية السمعه
او من ناحية بطش الاجهزه الامنيه
قدر الثغرات الفي كلاما يمكن سببها انها فعلا مضطربه ما قدرت تجمع نفسها لسه
رغم كلام الناس عن شجاعتها و انها متماسكه
اسي صفيه دي اغتصبت كم مره
من بشر قدر شنو بالخوض في سيرتها و في عرضها
المعارضه اتمسكت بيها زي القشه في نص البحر
و الحكومه تكسر القشه دي ما خلت ارانيك و تقارير
و نسوا صفيه الانسانه



نبرااااس اسفي الشديد ... واشواق بلا سواحل ...
والوجع ليس لك سيدتي ...
الوجع يكمن في هذه الامة منذ القدم ...
وفي اوضاع حولت الناس الى مسوخ .. لن اقول وحوش لاني موقن ان للوحوش شرف ...

[بدور التركي]

المشاركة الأصلية كتبت بواسطة محمد عكود

اقتباس:
المشاركة الأصلية كتبت بواسطة بدور التركي
شفت الفديو وسمعت الحكاية
لكن بصراحة ما قدرت اصدقها
فيها نوع من الخيال
ياخ اي سوداني ولو كان مجرم
ما ممكن يعمل كدا!!

وصفية اعتقد انها ضحية

والله اعلم!!




تحياتي بدور واحتراماتي ..
بغض النظر انو السوداني فعلا اختلف ...
(والجوع مروق بت الحلال من طوع ابوها وبالغصب ..)
والمادة بقت الحاكم والفيصل ...
وحكومة شغالة بنظرية جوع كلبك يتبعك ...
الا انو نقطة فيهو شي من الخيال ففيهو ...
وفيهو شي من شك ... برضو فيهو ... والكتير من الشك ..
وممكن اضيف صوتي لصوتك .. انو صفية قد تكون ضحية ..
ضحية حزب ما .. او غرض شخصي ... او حتى ظروف المعيشة

إذا معنا احتمالين
الإحتمال الأول انها صادقة
والثاني انها ضحية
وفي كلتا الحالتين
حكومتكم هي المجرمة الوحيدة!!

[محمد عكود]

اقتباس:
المشاركة الأصلية كتبت بواسطة فتحي مسعد حنفي
محمد عكود عرفتك من آراء بعض الشباب في فنرة لقائك بهم عندما كان عبد العزيز في السودان..والكل كان بشكر فيك حتي بالغوا في وصفك بالظرف..
مالك ياولدي .. انت ما فكرت في عواقب الكتبتو هنا قبل ما تنزلو ياخ دي كتابة زول أنا لو داير أوصفا ما حألقي ليها وصف غير اني أقول : أهو محمد عكود دا مثال حي بيثبت انو الانقاذ جننت خيرة شباب الوطن..تعرف ليه عشان يامحمد أشرف لي وليك انك تطلع مجنون بدل ما الناس تقعد تحلل في شخصيتك الجديدة دي.. أهو المحاميين عشان يطلعوا متهم بالقتل بقولوا انو قتل وهو في حالة جنون..
وقف المهزلة دي وياريت تطلب من الادارة حزف البوست دا وحمدالله علي السلامة..




استاذي وعمي فتحي ...
يبدو انني فعلا في محاولة للفهم ... مجرد الفهم ... تسببت في ايلام الكثير ..
منهم من رد الصاع صاعين واكثر ومنهم من اخجلني ادبه الحواري ...
ونزولا عند رأيك ارى ان لا طائل من الاستمرار ... على الاقل حتى لا اخسر من لم يعرفني .. وتكون عودتي بداية لدوامة انا في غنى عنها ...

كل المتداخلين ...
قلت ما رأيته ... وما اظنه منطقي ... وسأظل على فكرتي الى ثبوت العكس ..
ولكن كما قال استاذي رأفت ... سأجعله ونسة حواررري خاصة ... على الاقل داخل هذا الصرح ...

اسف لكل من سائه كلامي وانفعالي ...

السادة في الادارة الرجاء حزف البوست ...