نكات منقوله
نكات منقوله
فال ليك عسكري قبض ليهو تلاتة مساطيل
قال ليهم بفككم في حالة واااااااااااااحدة بس
بسأل كل واحد سؤال والبجاوب صح بفكو
قال للأول :
اخر مبارة لريال وبرشلونة كان لصالح منو
المسطول قال ليهو برشلونة
العسكري قال ليهو اتخارج
اها سأل التاني قال ليهو :
غزوة بدر كانت لصالح منو الكفار ولا المسلمين
المسطول قال ليهو المسلمين
قال ليهو اتخارج
اها جاء دور التالت
العسكري قال ليهو
فهمت شنو من السؤالين ديل
المسطول قال ليهو
المسلمين حيقابلو برشلونة في الفاينال
مسطول قاعد فى مطعم ويعاين لبتاع المطعم
اى زول يطلب طلب يغرف ليهو من نفس الحلـــة .. فول من الحلة .. كباب .. كوارع من الحلة زاتها
المسطول مشى لصاحب المطعم وقال ليهو : اسمع انت حلتك دى فيها ادراج؟
مسطول مواعد ليهو واحد ... شراهو
مشي اشتكاهو في مكتب الحركة
بتاع البلاغات سالو: نمرة العربية كم
المسطول : ما عندو عربية
بتاع البلاغات: طيب نمرة عربيتك كم
المسطول: ما عندي عربية
بتاع البلاغات: طيب جاي مكتب الحركة ليه ؟
المسطول: عشان حركتو ما جميلة
ناس شايلين جنازة وقاطعين الظلط
جات عربية كبيرة بسرعة الناس ختوا الجنازة في الظلط وقاموا جاريين
العربية وصلت الجنازة وخرمت منها
واحد من المساطيل قال للتاني صدق الزول دا انكتب ليهو عمر جديد
مسطول دخل مناسبه ،
اكل وما عايز يدفع في الدفتر ، طلع بي باب تاني لقي بتاع الدفتر قدامو ،
المسطول اتكبكب ، قام سأله قال لي الغسيل وين ،
بتاع الدفتر مسطول اكتر منه قال ليه ، الغسيل هناكـ والمكوه هنا !!!
قال ليك مره ناس البوليس
قبضو شيخ كبير سكران
قال ليهم أنا ماسكران وانا من الحفظه
واحد من العساكر قال ليه
سمع لينا صورة النمله
قال ليهو ياتا فيهن ؟؟؟
النمله ام ريش ولا العادية ؟
اتنين مساطيل شافوا قسيس طالع من كنيسه وبعرج قاموا قالو ليه سلامتك يازول مالك ؟
قاليهم لا ابدا بس امس وانا طالع من البانيو كدة اتزلقت علي رجلي واتعوقت لكن بسيطة
قالوا ليه كفارة والله
بعد مشي واحد قال للتاني
اسمع انت البانيو دا شنو ؟
... عرفتو ؟
التاني قال ليه انا عارف ياخ تسألني انا مسيحي
مسطول مرتو مربية ليها كديسة كل يوم بتخربشو...
يوم زهج منها و شالها برة الحلة و جدعها..
اول ما رجع البيت لقاها قاعدة.....
تاني يوم شالها و وداها برة البلد و جدعها بعييد....
و برضو جا راجع البيت لقاها قاعدة...
... تالت يوم زهج منها شدييد..شالها وداها برة
البلد بعييييييد لحدي ما وصل الصحراء و جدعها هناك.......
بعد تسعة ساعات ضرب لي مرتو قاليها :
اسمعي، الكديسة دي جات؟
قالت ليهو : اي جات...
قاليها : كدي اديني ليها خليها توصف
لي البيت بي وين عشان انا رحتا
فى بنت عازمة خطيبها فى البيت ومعاها امها
وجاء الخطيب وأسمه نجيب وما شا الله سمح سماحة شديدة
فأم البنت قاعدة مذهولة أمام خطيب بنتها ..
وأثناء ذلك كانت الخطيبة تقوم بإعداد الفطور
ومن داخل المطبخ نادت البنت لأمها :
يا ماما نجيب عسل ؟
الأم ردت بسرعة ده شرط عديل
مسطول سوداني ساكن امريكا صاحبو امريكي عزمو غداء اول مافتح الباب الامريكي دخل في مرتو بالحضن Oh my life i love so much
طوالي هي ردت ليهوI Love you too
صاحبنا السوداني اتكيف شديد وعجبتوالفكرة قال امشي يطبق طوالي في مرتو بعد يرجع بيتو اول مافتح الباب مرتو جاتو خش فيها بحضن طوالي وقبل مايقول ليهابحبك
.قالت ليهو ...
ووووب وكرررر علي المات منو؟
واحد اشترى ديك من مسطول لقاه مابأذن.... رجع للمسطول وقالي: ياخي الديك دا مابآذن؟؟؟
المسطول شالو وعاين ليو كدا قاليو معليش الظاهر اني اديتك الأمام
مسطول باب بيتو دق طلع لقاها دي حماتو قاليها اهلا كيفك اها حتقعدي لحدي متين معانا
حماتو قالتليو لحدي ماتزهجو مني
قاليها ياخ بالغتي كان تخشي تقعدي شويه
مرا سالت راجلها : انت الرجال ديل لما يتلمو بيتونسوا في شنو!!
رد الراجل: عادي .. ياها نفس الونسه البتتونسوها لما تتلمن انتن.
ردت المرا: يخسي عليكم يا تافهين
واحد ماشي صلاة الجمعة ...
لقى الناس طالعين من الجامع
للتعترو ساْل ليهو رباطابي: الصلاة انتهت ؟
الرباطابي قال ليهو: لا .. رجعونا نجيب السبح
مسطول مشى المستشفى لقى امام الجامع فى المستشفى قال له انشاء الله خير يا مولانا قال له جيت احلل السكر قال له يا مولانا السكر ده محلل من زمان اجتهدوا لينا فى البنقو ده
رباطابي واقف في الشارع جاهو واحد قال ليهو: الجامع الجنبكم ده شغال ؟
الرباطابي قال ليهو: لا لا متعطل .. مشوا يجيبوا ليهو إسبيرات من مكة
واحدة بلدياتنا عينوها مضيفة في سودانير ..
اول رحلة طلعت فيها جات للكابتن سألتو : اها ... نغرف العشا؟
دبيب عمل كشف نظر ..
بعد ما لبس النظارة ..
اكتشف انو خمسة سنين ، مجكس ليهو خرطوش
|
