العيد مبارك علينا وعليكم - توجد صور

[مكي محمد الحسن]

اهلنا في سودانيات ..
السلام عليكم ورحمة الله تعالي وبركاته ..
كل عام وانتم بخير ..
والعيد مبارك علينا وعليكم ..وان شاء الله القابلة علي امنياتكم ..
اهلي في سودانيات اسمحوا لي ان انشر بعض الصور للجالية السودانية
بمدينة وينيبيغ عاصمة محافظة مانيتوبا وهي تحتفل بالعيد من علي مسجد المدينة ..
ومرحباً بمساهمات الجاليات الاخري ونتمنلها بالصور لمزيد من التواصل ..
وايه الدنيا غير لمة ناس في خير .. وفي ساعة زمن ..
ادخلوا مرحباً بكم وتعرفوا عليهم قد يكون من بينهم القريب من الاهل أومسقط الرأس او الصديق

[مكي محمد الحسن]

في وسط كثافة سكانية اسلامية تقدر بما بين 5 الي 7 الف مسلم من عدد سكان المدينة 700 الف نسمة
جاليتنا السودانية المسلمة تقدر ب ال 100


من اليمين: مبارك عثمان - صالح شلية - بكري الخليفة - د.عادل الحكيم - حماد صالح عبدالرحمن - مبارك ابراهيم وابنه ابراهيم


مبارك ابراهيم محمد - مكي محمد الحسن - ياسر الضو - صالح شلية - بكري الخليفة - هاشم
البراعم: عبد الله عادل الحكيم - ابراهيم مبارك - حمد فتح الرحمن دوليب - ابراهيم صالح شلية

[مكي محمد الحسن]

محمد سالم ودكتور ياسر عبدو


مكي محمد الحسن ومبارك محمد


عم أحمد وطارق محمد عثمان وياسر الضو ويبدو في الخلف محمد كرار (بسديريه الاسود)


ياسر الضو وبكري الخليفة ويبدو في الخلف مبارك عثمان و محمد كرار وهم يتبادلون التهاني

[مكي محمد الحسن]

براعم سودانية : أحمد وفتحي ( تيتو) طارق محمد عثمان و عبد الرحمن عادل


مبارك محمد وابنه ابراهيم


صالح شلية وياسر الضو وبكري الخليفة ود.عادل الحكيم ومبارك محمد
البراعم : عبد الرحمن عادل الحكيم وابراهيم مبارك محمد


مبارك محمد ومكي محمد الحسن وياسر الضو وصالح شلية وبكري الخليفة
والبراعم : حمد فتح الرحمن دوليب وابراهيم صالح شلية

[مكي محمد الحسن]

مبارك - صالح شلية - ياسر الضو - بكري الخليفة - د.عادل الحكيم - حماد صالح - مبارك محمد


بكري - الشيخ رزق - علي حمو - مكي


بكري الخليفة وابنه أحمد ود.عادل الحكيم وابناؤه عبد الرحمن وعبد الله

[عادل عسوم]

أدام الله أفراحكم ياأخ مكي وأعاد الله العيد عليك وأنت على أحسن حال...
صور جميلة ومعبرة ويبدو أن كل ولايات السودان ممثلة لديكم
بس يااخوي ناس:

بمدينة وينيبيغ عاصمة محافظة مانيتوبا

ديل وين؟
مودتي يارائع

[مكي محمد الحسن]

المشاركة الأصلية كتبت بواسطة adilassoom

أدام الله أفراحكم ياأخ مكي وأعاد الله العيد عليك وأنت على أحسن حال...
صور جميلة ومعبرة ويبدو أن كل ولايات السودان ممثلة لديكم
بس يااخوي ناس:

ديل وين؟
مودتي يارائع

الاخ الفاضل adilassoom

عيد مبارك ان شاء الله ..ولك العتبي ومنا الاعتزار فانها العجلة من غير ندم ان شاء الله
انستني ان اذكر اين هي وينيبيغ من خارطة العالم ..
اولاً العيد كان عندنا في يوم الاربعاء كحالة الكثيرون من سكان امريكا الشمالية وان اختلفوا
ثانياً مدينة وينيبيغ Winnipeg هي عاصمة محافظة مانيتوبا Manitoba بدولة كندا
عندما هاجرت اليها لم اكن اتخيل ان اعيش بجوار القطب الشمالي ولكم افتخرت بتعليمنا في السودان
عندما قالت لي الوالدة حفظها الله : ( امشي ياولدي البلد البعيدة دي لكن والله وينيبيغ دي قريناها
زمان في الجغرافيا حيث تقاطع سكك حديد براري كندا ) وهي كما هي مدينة متعددة الاعراق
بل وجدنا فيها كثافة سكانية عالية للسكان الاصليين او من يطلق عليهم ( الهنود الحمر ) وهذا اللقب
لا يحبونه بل يحبون ان تناديهم بال aboriginal .
ثالثاً الجالية السودانية تزداد عدداً كل يوم في زمان المهاجر وفينا من كل بقاع السودان ( زهرة )
ولا اذيعك سراً في ان جاليتنا من اكثر الجاليات تداخلاً خاصة ( جنوب شمال ) ان لم نكن الاحسن
وسط جاليات امريكا الشمالية ..

رابعاً اذا انك تعيش في السويد علي ما اعتقد فلعلك تعرفت علي الدكتور ياسر عبده ( الشخص الثاني في الصورة الثالثة من بداية هذا البوست ) وهو من خريجي جامعة الخرطوم حصل علي الدكتوراة من السويد وعمل استاذا جيوفيزيائي بجامعة ساوباولو بالبرازيل والان يعمل باحثاً في جامعة مانيتوبا - بكندا

ان شاء الله تعرفتم علي بعض الناس هنا ...
وفي انتظار تعارف جالياتكم - بالصور ان امكن
والقابلة علي امنياتكم

[مكي محمد الحسن]

مبارك ابراهيم محمد - دكتور احمد حامد - مكي محمد الحسن
والبراعم: ابراهيم مبارك محمد - وحمد فتح الرحمن دوليب

[مكي محمد الحسن]

علي حمو - دكتور آدم عبد الحميد

[كيشو]

كل عام وانتم بخير يا مكي
الصور رائعة جداً
الذي يشغلني حقاً ما يحدث في السودان ذلك التشرذم البغيض شمال وجنوب شرق وغرب، أنتم الآن بعيدون وكما قلت لا تعانون من تبعات ما يحدث في السودان، وربما بعض دول المهجر، فأرجو أن تعطينا لمحة من الحياة الاجتماعية، والإحساس الحقيقي لدى الناس هناك

[بابكر مخير]

الحبيب مكي
كل سنة وإتا طيب وكل الأحباء المعاك؛ ديل الفي الصور وديك الماظهرو ومن الجنسين والبنيات والوليدات..
هآ أزول وتقول ليا إتحادي؟؟
والله من لفت عِمتك دي
ختمي عديل كدي ......
والحبيب حماد، ما شاء الله دخل المسرة جوا قلبي وبالأخص وقوفكم كلكم ولاد بلدي متلاصقيين، تتقو بي بعض وتسندو بعض......
شفتا زولي الأنصاري كيف كارب عِمتو،، كّكيف،، لا والتمانية، ما شاء الله مرسومة (قول ليهو يتبخر ببخور تيمان، لين شعيرات من باقي الرشرش الفضل، تصله بال DHL)
.............
كتر خيرك
جملتا لينا العيد في الغربة بي لمتكم وربنا يديم عليكم المحبة وحبل المودة ما ينقطع...
مججداً،،،،
سلامي للفي الصورة، فرد فرد وللمظهرو زولة وزول وبنية ووليد،،،، واحدة وواحد

[أسامة الكاشف]

العزيز مكي
كل سنة وانت والعائلة والجميع على اتم صحة وعافية
صور روعة
تحايا دافئة للجميع بمنافي الصقيع

[مكي محمد الحسن]

المشاركة الأصلية كتبت بواسطة كيشو

كل عام وانتم بخير يا مكي
الصور رائعة جداً
الذي يشغلني حقاً ما يحدث في السودان ذلك التشرذم البغيض شمال وجنوب شرق وغرب، أنتم الآن بعيدون وكما قلت لا تعانون من تبعات ما يحدث في السودان، وربما بعض دول المهجر، فأرجو أن تعطينا لمحة من الحياة الاجتماعية، والإحساس الحقيقي لدى الناس هناك

الاخ كيشو
العيد مبارك علينا وعليك وان شاء الله القابلة علي امنياتك انت والاسرة الكريمة
تشتنا في بقاع الارض ..ولكن..نحن قوم نعمر الأرض اينما رحلوا ..( انا ) سوداني انا..
في مدينتنا ( وينيبغ Winnipeg ) السودانيون وعلي قلتهم بين الجاليات الاخري يجعلونك
تفخر بهم ..ففيهم من كل التخصصات يعملون ( كمواطنين ) في بلاد أعطتهم حق ( المواطنة ) كاملاً
وقلبهم ومشاعرهم ودعواتهم منصوبة نحو ( الوطن ) الأم ( السودان ).
سوف احكي واسرد لك ان شاء لي القدر نجاحاتهم ..

المشاركة الأصلية كتبت بواسطة Babiker Mukhayer

الحبيب مكي
كل سنة وإتا طيب وكل الأحباء المعاك؛ ديل الفي الصور وديك الماظهرو ومن الجنسين والبنيات والوليدات..
هآ أزول وتقول ليا إتحادي؟؟
والله من لفت عِمتك دي
ختمي عديل كدي ......
والحبيب حماد، ما شاء الله دخل المسرة جوا قلبي وبالأخص وقوفكم كلكم ولاد بلدي متلاصقيين، تتقو بي بعض وتسندو بعض......
شفتا زولي الأنصاري كيف كارب عِمتو،، كّكيف،، لا والتمانية، ما شاء الله مرسومة (قول ليهو يتبخر ببخور تيمان، لين شعيرات من باقي الرشرش الفضل، تصله بال DHL)
.............
كتر خيرك
جملتا لينا العيد في الغربة بي لمتكم وربنا يديم عليكم المحبة وحبل المودة ما ينقطع...
مججداً،،،،
سلامي للفي الصورة، فرد فرد وللمظهرو زولة وزول وبنية ووليد،،،، واحدة وواحد

الاخ ( الحبيب ) الشقيق د.بابكر مخير
العيد مبارك علينا وعليك وان شاء الله ربنا يحقق لك ولأسرتك الفي مرادك ..وربنا يقدرنا علي ( شكرك ) في الكثير وفي تواصلك مع كل من هم في ( سودانيات )
قلت لي يا الشقيق

ختمي عديل كدي

شرف لا ندعيه وتهمة لا ننكرها ...
اها النقول ليك يا الشقيق ...
زمان ( عندما كنت طالباً في الثانوي العالي ) لما حبيت اتعلم لف العمة ..قمت لفيتها بي عزبتها محاكاة لأهل والدتي ( الهاشماب ) وهم من بطانة ( الانصار) ..فاذا بالوالد ( حفظة الله ) ينهرني ويجذبني من ( العزبة ) التي كنت قد دلوتها علي رقبتي قائلاً لي : ( دي ما حقتنا يا ولدي انت أهلك ختمية وجدك الله يرحمة كان خليفة ) اها من اليوم داك وعمتي لفتها كده ..وما تزعل عيد ( الاضحي ) القادم ان شاء الله نعمل بوست وفيهو الصور وعمتي ( بي عزبتها ) ..ما نحنا هنا سفراء للوطن الام ( السودان ) ومواطنين كمان.
تحياتك للأخ الحبيب الشقيق حماد صالح عبد الرحمن وأسرته الكريمة ( الانصار- والامة ) وصلت ان شاء الله ..وعلي فكرة بعد صلاة العيد كان هنالك افطار في منزله العامر لمعظم الناس التي حضرت الصلاة ( بعضهم لم اتمكن من تصويرهم لذهابهم الي أعمالهم - العيد كان عندنا يوم الاربعاء ) لم اتمكن من حضورة لارتباطي بامتحان نصف ( التيرم ) في الجامعة ..
يديك العافية والتحية لك ولكل من مر علينا هنا ..

[مكي محمد الحسن]

المشاركة الأصلية كتبت بواسطة أسامة حمد النيل الكاشف

العزيز مكي
كل سنة وانت والعائلة والجميع على اتم صحة وعافية
صور روعة
تحايا دافئة للجميع بمنافي الصقيع

الاخ الشقيق ( الزميل )
أسامة حمد النيل الكاشف العيد مبارك علينا وعليك وان شاء الله القابلة علي امنياتك
لك وللاسرة الكريمة والاخت الزميلة حنان كرار والاولاد .

ما عرفت ليك زول من الناس الفي القطب الشمالي ده؟؟
وعلي فكرة لقد زارنا في مدينتنا قبل 4 اربعة سنوات العم والاستاذ التجاني الطيب بابكر
بدعوة من الاخ الزميل دكتور صيدلي ياسر الطيب عبد الله ( صيدلة المنصورة ) وأقام ندوة للجالية السودانية
بجامعة وينيبيغ ...لكن الاخ د. ياسر الطيب قد رحل منا عائداً الي مدينة تورنتو ..

[كباشي]

[align=justify]مكي كيف حالك وكل سنة وإنت طيب وأسرتك الكريمة وجميع زملاء المهجر والعيد الجاي إنشاء الله في بري لكن ياخي ما تكتر من الصور في ناس شعرهم رقد قطنة بسحروك وهم كثر منهم من نزل صورته امثالي وأبوشعر ومنهم الكابين الزوقة امثال كيشو وأسامة الكاشف ود. الجيلى وصلعة الزوول الوصلت رقبته و الباقي أعرفه براك .
وعليك الله هسع د. بابكر مخير دا جاء يبارك العيد ولا يسوينا في فتنة دا إتحادي شرطة ودا إتحادي شرطتين هسع في زول سأله من عزبته دي ؟ أصبر لي عليه زوله هسع في حالة بيات سياسي لابد بعيد وانا لابدله عارفه ما بقدر يسكت كثير هسع بفكله تصريح و بنفتحله به بوست وصاحبك حرارته بترتفع وبكدا بنكون شغلانه من صواتة إتحادي وختمي دي لأنوا الحكاية عندنا ما ناقصة صواته أهلها براهم صاتوها يديهم العافية .[/align]