13 عاماً على الرحيل المر للشاعرة غيداء أبو صالح/19 أكتوبر 2008 !!! عايــد عبد الحفيــظ

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 26-08-2010, 07:23 PM   #[1]
جيجي
:: كــاتب نشــط::
 
افتراضي حاجة غريبة

حاجة غريبة
انك تجرح
جرح الجرح
النازف ديمة
وحاجة غريبة
انك تقتل روحا
ليك تعانق
وتفضل تطعن
تطعن
تطعن
تدمي الجسد
النازف حبك
تمزق بايديك
القاسية
القلب المليان
ريدك
حاجة عجيبة




جيجي غير متصل   رد مع اقتباس
قديم 26-08-2010, 07:48 PM   #[2]
جيجي
:: كــاتب نشــط::
 
افتراضي

حاجة غريبة
انك تحرق
اشواقي اليك
وانك تخمد
نفس الحن الطالع بيك
وكل ماتلقي عيوني
قصادك
بيك متحامية
وتضحك ليك
تحلف الا تصبه
جحيمك
في عينين تتونس بيك



جيجي غير متصل   رد مع اقتباس
قديم 26-08-2010, 08:01 PM   #[3]
جيجي
:: كــاتب نشــط::
 
افتراضي

حاجة غريبة
كل ماامسح
دمعي عليك
تحلف الا تعصر
الدمع
الساكن المك
ومليان وجعك
في خدين
اتجملو بيك
حاجة غريبة



جيجي غير متصل   رد مع اقتباس
قديم 26-08-2010, 09:18 PM   #[4]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
حاجة غريبة
كل ماامسح
دمعي عليك
تحلف الا تعصر
الدمع
الساكن المك
ومليان وجعك
في خدين
اتجملو بيك
حاجة غريبة

وحاجة غريبة انك تضحك وجرخك نازف
حاجة غريبة انك تضحك ودمعك جارف
حاجة غريبة تجامل وتضحك وانت مخالف
لما حياتك تبقي حزن ترجع تضحك وبرضو توالف
حال الدنيا اني أجامل وأعمل فاهم وأنا ما عارف
ان الموت آخر رحلتنا كان في قزازة أو في لفايف

خرمان ياجيجي دليني علي القهوة آخد لي حجرين معسل بحريني



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 26-08-2010, 09:39 PM   #[5]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
وحاجة غريبة انك تضحك وجرخك نازف
حاجة غريبة انك تضحك ودمعك جارف
حاجة غريبة تجامل وتضحك وانت مخالف
لما حياتك تبقي حزن ترجع تضحك وبرضو توالف
حال الدنيا اني أجامل وأعمل فاهم وأنا ما عارف
ان الموت آخر رحلتنا كان في قزازة أو في لفايف

إتا لو باريت الدرب دا مالو عليك الله عيبو لي ؟؟؟
بس بيتك الأخير خربت بيهو القصة دي كلها ...
جيجي ...
أقول ليك شنو بس ؟؟؟
حرف صادق جدا ووقفت فيهو كتير علا شيطاني مربّط الشهر دا ...
مع إنو متاروني جرح !!!
يكفي إحساسي بيك ...



أشتر غير متصل   رد مع اقتباس
قديم 26-08-2010, 09:49 PM   #[6]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

اقتباس:
المشاركة الأصلية كتبت بواسطة أشتر مشاهدة المشاركة

إتا لو باريت الدرب دا مالو عليك الله عيبو لي ؟؟؟
بس بيتك الأخير خربت بيهو القصة دي كلها ...
جيجي ...
أقول ليك شنو بس ؟؟؟
حرف صادق جدا ووقفت فيهو كتير علا شيطاني مربّط الشهر دا ...
مع إنو متاروني جرح !!!
يكفي إحساسي بيك ...

تصدق يابو حميد وأنا بكتب في لفايف دي اتذكرتك وقلت هسة أشتر يجي ناطي ويعترض واحساسي ما خاب.وياريت تفك ربطتك دي شوية عشان انت لو من الأول كنت موجود أنا ما كنت حأمشي أخش في مشاكل مع صحباني وكنت اشتغلت معاك خرمجة وخليت الخلق للخالق بدل ما أزعل طارق ورأفت وعبد الجليل مني..لكن أسوي شنو ما دي ياها قلة الشغلة ذاتا والفايق قالو بهمز أمو..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 26-08-2010, 10:03 PM   #[7]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
تصدق يابو حميد وأنا بكتب في لفايف دي اتذكرتك وقلت هسة أشتر يجي ناطي ويعترض واحساسي ما خاب.وياريت تفك ربطتك دي شوية عشان انت لو من الأول كنت موجود أنا ما كنت حأمشي أخش في مشاكل مع صحباني وكنت اشتغلت معاك خرمجة وخليت الخلق للخالق بدل ما أزعل طارق ورأفت وعبد الجليل مني..لكن أسوي شنو ما دي ياها قلة الشغلة ذاتا والفايق قالو بهمز أمو..

شوف ... إتا نصيحة مني ما محتاج ليها...
على باليمين غير الخرمجة دي ماف شي بعدل المزاج ...
خليك من اللفايف والذي منو ...
وتعال هنا ... ما لقيت غير اللفايف دي تتذكرني بيها في هذا الشهر الفضيل ؟؟؟
الحمدلله غايتو الله فكانا منها ...
واللهم ثبّت قلبي على دينك ...
لكن إتا ما بتقعد ساكت يسوو ليك شنو ...
مقابضتك كتيرة وكترت المقابضة بتزيد احتمال وقوع الخطأ ...
المهم عيد حساباتك كويس وبلا الخرمجة البنسوي فيها دي ما راح نستفيد شي ...
لا بنعالج مشكلة ولا بنفك المِعصلجة ...
فشوت زي شوتك الحلو دا وما ترجي الله في الكريبة ...
معليش يا جيجي ...
بوست يدخل فيهو الزول دا اقنعي منو



أشتر غير متصل   رد مع اقتباس
قديم 26-08-2010, 10:10 PM   #[8]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي

معليش ياجيجي أنا كنت داخل بي حسن نية قام ابليس دا جا خاشي فتل البوست والمشكلة انو هو الزول الوحيد الما بشك في صدق كلامو لي ومع انو ليهو يومين قاعد يبرطع أنا ما اشتغلت بيهو وزحيت من الحتت الهو فيها لامن جاني قاصدني عديييييل هنا..
يلا يا أشتر زي ما فتلنا البوست تعال نرجعو تاني والدور عليك بي نفس نمط البوست..
أها بالمناسبة كل سنة وانتو طيبين ياجيجي ويا أشتر وتصومو وتفطرو باقي رمضان علي خير وانت يا أشتر ياريت تغير اللون الأحمر البتكتب بيهو للون الأخضر..



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس
قديم 26-08-2010, 10:20 PM   #[9]
أشتر
:: كــاتب نشــط::
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
معليش ياجيجي أنا كنت داخل بي حسن نية قام ابليس دا جا خاشي فتل البوست والمشكلة انو هو الزول الوحيد الما بشك في صدق كلامو لي ومع انو ليهو يومين قاعد يبرطع أنا ما اشتغلت بيهو وزحيت من الحتت الهو فيها لامن جاني قاصدني عديييييل هنا..
يلا يا أشتر زي ما فتلنا البوست تعال نرجعو تاني والدور عليك بي نفس نمط البوست..
أها بالمناسبة كل سنة وانتو طيبين ياجيجي ويا أشتر وتصومو وتفطرو باقي رمضان علي خير وانت يا أشتر ياريت تغير اللون الأحمر البتكتب بيهو للون الأخضر..

والله أنا خايف ادخّل بت الناس في حوصلة بدون بوصلة وجيهة تقبّل عليها ما تعرف ...
حاكم محاسيسنا مصبنة لأجلن مسمى وكدا ...
وس وس
حسيت بيك زحيت من طريقي وانا زول يخلي لي الطريق ببقى ليهو في رقبتو
عشان تكون عارف بس ... والحركة دي ما بعملا مع أيّ زول وهذا للعلم ...

طيب اديني فرصة اشحذ همة شويطين كدا بجي حايم انصاص الليالي
وكت الناس تنوم والهم يقوم والشوق يحوم ...

تصوم وتفطر على خير يا يا يا برنس
قتا برنس ما برنسيس



أشتر غير متصل   رد مع اقتباس
قديم 26-08-2010, 11:16 PM   #[10]
عصمت العالم
:: كــاتب نشــط::
الصورة الرمزية عصمت العالم
 
افتراضي

جيجى...
عرجونة الزمن الندى....


فى معظم مشاهد الرومانس...الدهشه تصيب وتجمد البيان..
فتختلط الاشياء فى ازدهار .ذلك الفرح المشبوب...
وفوضى عدم التصديق.وانقلاب الموازين..
لان اشاره بسيطه من دوزنة الاحساس .اعطت الاشاره بان....
اشارة المرور...قد اعطيت...!!
هنا تدربك كل الاشياء..وتاخذه موجات الاضطراب العنيف...
ويحتل الاختلال كل المساحات...
وتعربد الفرحه باحساس الشجون.فى فوضىعدم التصديق...
.
جيجى.
وانت الحصيفه...
افهمى موجات اضطرابه...
واوقفى مواسير النزف.واطفىء نيران الحرائق...
واستكينى..واهدئى...
وعيشى دهشة الفرحه...
وذهول الحاله الارتباك
وزغردى..لانه اخيرا..
غردت عصافير الجنه...

لك الجمال سيدة السحر والجمال
ويختلل التواززن...



عصمت العالم غير متصل   رد مع اقتباس
قديم 27-08-2010, 01:31 AM   #[11]
Dr. Mohammed Hassan
:: كــاتب نشــط::
 
افتراضي

اقتباس:
المشاركة الأصلية كتبت بواسطة جيجي مشاهدة المشاركة
حاجة غريبة
كل ماامسح
دمعي عليك
تحلف الا تعصر
الدمع
الساكن المك
ومليان وجعك
في خدين
اتجملو بيك
حاجة غريبة
ما في شي بتقال



Dr. Mohammed Hassan غير متصل   رد مع اقتباس
قديم 27-08-2010, 11:58 AM   #[12]
جيجي
:: كــاتب نشــط::
 
افتراضي

حاجة غريبة
انك تحفر
قبر حبيبك
وانك تدفن
جسده المهري
وتمشي تسيبه
وكل ماتنبت
جنبه زهوره
انت تبيدها
وكل ماغنت
عنده حمامة
جاتها نبالك
حاجة غريبة
نحن بنعرف
انه القبر
جائزفيه
الرحمة
ورش الموية
وغرس الزهرة
ياخي
دخيلك
سيب الزهرة
يمكن مرة توانس
وحشته فيك
وحاجة غريبة



التعديل الأخير تم بواسطة جيجي ; 27-08-2010 الساعة 12:25 PM.
جيجي غير متصل   رد مع اقتباس
قديم 27-08-2010, 12:08 PM   #[13]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة فتحي مسعد حنفي مشاهدة المشاركة
تصدق يابو حميد وأنا بكتب في لفايف دي اتذكرتك
بث ما ذكرتا
لفايف
ريزلآ ولا برنسيس ولا زيقزاق
ولا ورق جرايد
يا أخي لف وخلينا
نشوف



التوقيع:
بابكر مخير غير متصل   رد مع اقتباس
قديم 27-08-2010, 12:11 PM   #[14]
بابكر مخير
:: كــاتب نشــط::
الصورة الرمزية بابكر مخير
 
افتراضي

جيجي
دآ إحساس
ولا الوسواس
لعب في الرأس؟؟

مافي شي عجيب ولا غريب في الدنيا دي
هي أصلها كدآ
لفايف



التوقيع:
بابكر مخير غير متصل   رد مع اقتباس
قديم 27-08-2010, 12:23 PM   #[15]
جيجي
:: كــاتب نشــط::
 
افتراضي

شن سوتلك روحا
سربت يوما
في وجدانك
صبت فيك نداها
وكل الوانها
طافت
كل وديانك
وناغت
حتى
حنين االدم
الفي شريانك
وحاجة غريبة



جيجي غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:45 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.