*** مصطلحات عامّية سودانية ***

[كيشو]

المشاركة الأصلية كتبت بواسطة فيصل سعد

عاد اكملوا كيف و اذا حضر الماء بطل التيمم

ما تكملوا إنت العامل فيها بطل ورافع شعار:
الكاين يكون

[شبارقة]

[align=justify]أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟[/align]

[فيصل سعد]

المشاركة الأصلية كتبت بواسطة كيشو

ما تكملوا إنت العامل فيها بطل ورافع شعار:
الكاين يكون

خايف اكملوا تنط لي في حلقي و انت عارف انا ما بقدر اغالطك و ما بقدر على زعلك في نفس الوكت .. شفت مصيبتي قدر كيف ؟؟؟

[فيصل سعد]

المشاركة الأصلية كتبت بواسطة شبارقة

[align=justify]أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟[/align]

قطع شك ما حبوبتي عشة بت النخيل رحمة الله تغشاهم ..

[كيشو]

المشاركة الأصلية كتبت بواسطة شبارقة

[align=justify]أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟[/align]

وأهلنا قالوا:
الخلا ولا الرفيق الفسِل

[همس الشوق]

المشاركة الأصلية كتبت بواسطة شبارقة

[align=justify]بمناسبة السبـِر قالوا زمااان أيام حبوباتنا الأوائل كان في واحدة نفساء وبعدين جاء أحد أقاربها ليبارك لها المولود وكان في قرية تقع على الضفة الأخرى من النيل (البحر) يعني قطع البحر وجاءها ... المهم بعد زيارتو ليها بشوية توفيت النفساء (علما ً بأن الرجل لم تكن عينو حارة)... وتكررت هذه الحركة مع نفساء أخرى بواسطة رجل آخر وهكذا ... أها بعدين بقوا الناس يتسابروا بدخول من قطع البحر على أي نفساء .... (علما ً بأن حمى النفاس هي السبب لأنها قرضت النسوان قرِض في ذاك الزمان) .... أها وقع ليكم معنى الســِبـِر [/align]

بااااااااااااااااااااااس الله يبارك فيك يا شبارقة

العربي دا ما صعب خلاص

ايوه صاح اتذكرته ..... اهلنا بقولوا ليك العرس بين العيدين ما كوين .. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

[كيشو]

المشاركة الأصلية كتبت بواسطة كيشو

السِبِر هو ما يتشاءم به أو منه الناس، ذي العرس في الويحيد،

الويحيد هو شنو؟

[منال]

المشاركة الأصلية كتبت بواسطة كيشو

الويحيد هو شنو؟

الويحيد مصطلح محلى لشهر هجرى و منها برضو ما عرف سايق و قصير و الضحيتين المولد وهكذا
و تانى الويحيد ... للجنى الذكر وحيد امو

[شبارقة]

المشاركة الأصلية كتبت بواسطة همس الشوق

بااااااااااااااااااااااس الله يبارك فيك يا شبارقة

العربي دا ما صعب خلاص

ايوه صاح اتذكرته ..... اهلنا بقولوا ليك العرس بين العيدين ما كويس .. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

[align=justify]نعم ... والسـِبـِر هو التشاؤم والتطائر ... وطبعاً كما هو معلوم جاتنا من الجاهلية ... والإسلام يمنعها ويحاربها ولكن للأسف ما زالت متوفرة عندنا بكثرة ليس في السودان وحده بل في معظم المجتمعات العربية .[/align]

[كيشو]

المشاركة الأصلية كتبت بواسطة منال

الويحيد مصطلح محلى لشهر هجرى و منها برضو ما عرف سايق و قصير و الضحيتين المولد وهكذا
و تانى الويحيد ... للجنى الذكر وحيد امو

مصطلح دي ظريفة
الويحيد هو مسمى شهر صفر عند حبوباتنا

[شبارقة]

المشاركة الأصلية كتبت بواسطة همس الشوق

.. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

[align=justify]حتى الزِرّيعَة (حقت الآبري) بـِخـُتو فيها سكين وفحمة [/align]
[align=justify]والمره لمن تكون ما معاها مرة تانية في العربية (السيارة ) بـِخـُتو معاها طوبة [/align]
[align=justify]غايتو جنس جهل غايتو [/align]

[همس الشوق]

المشاركة الأصلية كتبت بواسطة شبارقة

[align=justify]حتى الزِرّيعَة (حقت الآبري) بـِخـُتو فيها سكين وفحمة [/align]
[align=justify]والمره لمن تكون ما معاها مرة تانية في العربية (السيارة ) بـِخـُتو معاها طوبة [/align]
[align=justify]غايتو جنس جهل غايتو [/align]

ياخي والله جهل مبالغ فيهو

لكن على ما أعتقد انه الاشياء دي هسه إنقرضت .. ما زي زمان

وقالو المرا لمن راجلها يموت ما تستحمى بي صابون بريحة ولا تسرح شعرها .. وما تتكلم طيلة المدة ما بين المغرب والعشاء ........ أجي يا اخواني ... في جهل اكتر من ده

[شبارقة]

المشاركة الأصلية كتبت بواسطة شبارقة

[align=justify]أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟[/align]

[align=justify]السـِعـِد جمع لإسم نبات مفرده السـِعـِدة Ziziphus spina christi وهو نبات غير مرغوب فيه لا للإنسان ولا للحيوان ... ولكنه أثبت فاعليته ضمن بعض النباتات الأخرى كقاتل للقواقع المائية الناقلة لطفيل البلهارسيا[/align]

[فيصل سعد]

سلام يا شباب :

ماهو البدوك و الجخنون و الميز و القشلاق ؟

[osman mahmoud]

المشاركة الأصلية كتبت بواسطة شبارقة

[align=justify] أنا كنت بكتب في قصتي عن السبر ولقيتك دخلت بالجواب الصحيح يا كيشو [/align]

اربعاء وعقاب شهر فى هذا اليوم تحرم اشياء كثيرة منها السفر والرحيل او اتخاذ قرارات مهمة