اقتباس:
المشاركة الأصلية كتبت بواسطة أمين محمد سليمان
أ
- كان ترضي كان تابا .. متقزز جدا من كلمة "تتبرز" الفي العنوان دي و بفتكر إنها نفشت النص ....
- متقزز أجد من جدا الفوق دي من إنو الكلمة دي اتقالت لوصف ولادة الضحية الأكبر في القصة دي كلها .... و اللي كاتبة النص كتبت نصها تعاطفا معاها و مع أمها ...
|
أمينكو,
التحايا الطيبة لك من بياتركس التى زوجناها بابكر ورفض
النقطة الأول بتاعتك هى واحدة من معضلات الكتابة بشكل العام, أو بالأحرى النشر ..
مشكلة العنونة مشكلة غويصة لأنو مابلعب فيها النص الدور الأساسى بحسبناه نص, بل تدخل مسألة الترويج والدعاية من جهة أدبية بحتة, اذ أن الكاتب يحاول ضغط كامل الفكرة لتصبح عنوانآ ,
ومن جهة غبير أدبية هى مسألة ربحية وتسويقية للموؤسسات التى تقوم بأعمال النشر..
يعنى حكاية انو العنوان مقزز ليك لأنو بذكرك بمسألة الاخراج يمكن يدخلك فى فجة صعبة مع الكتابات البتجى شايلا سفتا وتتنمبك قدام البشرية بشكل وسيم ..
دى وجهة نظر ياعمك, ماعتدها اى علاقة بالمضمون,
زى وجهة نظرى فى بوست الرشيد ..
مجرد انطباعات ذاتية واسقاطات ..
لكن فى كلا الحالتين تظل المشكلة قائمة
فى حالة الرشيد هنالك احتفاء بالحالة المرضية من المداوى والجمهور..
وفى حالة أم التيمان هنالك تقزز (مكحل) وحاجى وطالق بخور الرفض
لأنو كلام ناشف وغير جيد الصياغة ..
الناس عايزة الحاجة الجاهزة
كومباكت
كتابات تشترى بالعاطفة, وتمنح نفسها أماكن فى الرفوف اجبارآ ..
ناس شكرآ
و رائع
وأدهشتنا ..بكل ماتحمل الدهشة من سلبية مميتة..
\
الرشيد ككاتب لن تجد عندى بضاعته قبولآ سهلآ,
وفى الخاطر مشى خطوات أكثر اتعابآ مع ساندى و مهند والسلفى الصالح .
سنمضى فى درب النقد الحثيث لكل من يطالنا انتاجه..
__________
الاعصار بتاع نيويورك دا دا شكلو جلاك,
لكن المرة الجاية ماتضمن المسألة دى ..
ماتعاند ياأخى عشان مانزعل
