صور نادرة جداً ...

[سفيان ابوقصيصة]

المشاركة الأصلية كتبت بواسطة فتحي مسعد حنفي

كلامك سليم 100% يالنور..

100% الا حبه...
مدرسة الخرطوم الاميريه (اولاد) تقع شمال داخلية الطب...وجنوب مخبز احمد السيد الذي كان ينتج عيش توست لم يتكرر حتى هذه اللحظه...
المدرسه على يسار الصوره دي مدرسة البنات...

تحياتي يا فتحي
وصاحب البوست
والمتداخلين

[سفيان ابوقصيصة]

المشاركة الأصلية كتبت بواسطة فتحي مسعد حنفي

معليش ياجيجي..تمثال غردون راكب فيهو جمل..

دا القطع راسو ودنوباوي..؟

[سفيان ابوقصيصة]

واضحه.....

[فتحي مسعد حنفي]

المشاركة الأصلية كتبت بواسطة أحمد محمد زين حسين

انت ما بتعرف توصف الا بي دي طبعا

طيب ولا تزعل كان بمشي قدام ملعب كمبوني رويال دا ممكن اي زول يعرفو لكن ملعب كمبوني دا ما بعرفوهو الا اولاد الخرطوم..
بالمناسبة مرة ربيع فراج ومعاهو صاحبو حاج علي والاتنين ديل كانو بيلعبو باسكت في الكوكب..كانو قاعدين في رويال طلبو ليهم قزازة شيري وبلطية للعشا..في الحساب الجرسون قال ليهم 125 قرش طبعا الزمن داك كان مبلغ كبير..ربيع قال للجرسون ليه ياخ اصلو احنا اخدنا شنو الجرسون قال ليهو قزازة الشيري بي خمسين قرش والبلطية بي خمسة وسبعين قرش..ربيع قال ليهو ليه قابضنها من حوض كمبوني..

[سفيان ابوقصيصة]

اثنين منهم ماتا قتلا..وكان احدهما سببا في قتل احدهما..و احدهم من صادق على هذا القتل...!!
واحد مات وهو في السلطه..
والاخير توفي وهو خارج السلطه..

رحمة الله عليهم جميعا...

[فتحي مسعد حنفي]

المشاركة الأصلية كتبت بواسطة سفيان ابوقصيصة

اثنين منهم ماتا قتلا..وكان احدهما سببا في قتل احدهما..و احدهم من صادق على هذا القتل...!!
واحد مات وهو في السلطه..
والاخير توفي وهو خارج السلطه..

رحمة الله عليهم جميعا...

معمر القذافي تسبب في موت الشهيد فاروق حمدالله والنميري صادق علي قتله..القذافي مات في السلطة والنميري مات وهو برة السلطة..وعبد الناصر شاهد شاف كل حاجة..

[شبارقة]

المشاركة الأصلية كتبت بواسطة النور يوسف محمد

الظاهر يا شبارقة ده كبرى الحرية ..

تمام يا جنابو

[شبارقة]

المشاركة الأصلية كتبت بواسطة جيجي

الترام
شكلوا كان لذيذ
سبحان الله الناس حاجتهم تتقدم نحن تنتهي

المشاركة الأصلية كتبت بواسطة Hassan Farah

وكنا بننزل منو عكس فى كشة الكلية لما يزنقنا الكمسارى...والله صحى...اسألى اعمامك فتحى مسعد وشوقى بدرى...

المشاركة الأصلية كتبت بواسطة فتحي مسعد حنفي

أما سمير فكان شغال في أمدرمان في أب روف وفي الخرطوم في الدوران الكان بمشي قدام رويال وفي بحري كان بمشي من المحطة الوسطي لي شمبات المعدية..
العايز يتأكد يسأل قرقاش

أعتقد يا عم فتحي إنو الترام ده (الصورة أدناه) واقف في محطة أب روف الإتكلمت عنها إنتا

[طارق صديق كانديك]

ياجماعة يعلم الله صور في منتهى الروعة ..

شكرا ليكم كلكم .. الواحد يتأمل ويحس الزمن الجميل ده .. !!

شبارقة وابو قصيصة .. زيدونا بالله

[شبارقة]

المشاركة الأصلية كتبت بواسطة فتحي مسعد حنفي

لكن ملعب كمبوني دا ما بعرفوهو الا اولاد الخرطوم..

وكذلك الصورة دي ما بعرفوها إلا ناس الخرطوم في الزمن داك (الستينيات) لأنو ما كان في تلفزيون إلا في الخرطوم.

[شبارقة]

المشاركة الأصلية كتبت بواسطة طارق صديق كانديك

شبارقة وابو قصيصة .. زيدونا بالله

سلام يا طارق ... وبالمناسبة ح أهدي ليك صورة جميلة جدا ً ومعبـِّرة (بالرغم من إنو الموقف بتاعا كان مخيف ومرعب) أنا غايتو دخلت فيلم زي ده في آواخر الستينات .. التطعيم طبعا ً .. وكنا بنسميهو القراحة* وكان النوع ده من التطعيم بيتم بواسطة إبرة مشرشرة تغمس في المصل ويحك بها الجلد حكا ً (نعم حكا ً لغاية ما يجيب الدم) وما زالت آثارها باينة على الضراع الشمال للكثير منا شاهدا ً على تلك القسوة

تأمل الصورة قليلا ً ... وشوف الوليدات ديل متأهبين كيف وكل واحد مجهز ضراعو .. وشوف عمك المقرحاتي جادّي كيف

على جنب:

القراحة دي كانت ما بتبرأ بسهولة .. تأخذ فترة قد تمتد لشهر ... جات منها جملة (ناس قراحتي راحت) ... فكنا الواحد فينا بيقول : أنا قراحتي راحت (يقصد برئت) ... الناس فيما بعد أوّلوها لـ (قريعتي (تصغير قرعة) راحت) .. والأساس قراحة وليست قرعة لأنو القرعة كان راحت أهلنا ما كانوا بيتباكو عليها

[شبارقة]

صورة نادرة جدا ً لثلاثي العاصمة

[شبارقة]

إعلامية تلفزيونية في الستينات (شقيقة الإعلامية صاحبة الصورة في المداخلة رقم 175)

[أحمد طه]

المشاركة الأصلية كتبت بواسطة شبارقة

وكذلك الصورة دي ما بعرفوها إلا ناس الخرطوم في الزمن داك (الستينيات) لأنو ما كان في تلفزيون إلا في الخرطوم.

دي ماما صفية ، (صفية الأمين) كانت مقدمة برنامج جنة الأطفال زمان

[جيجي]

الشقيقات ديل صفية وفتحية
الله يبارك فيك يااحمد
وفي عم قوقل