*** مصطلحات عامّية سودانية *** - الصفحة 135

بدور التركي · 03-02-2010, 09:49 AM

اقتباس:

المشاركة الأصلية كتبت بواسطة محمد أبوعاقلة

وهل هنالك علاقة بين الكاويق والكوليق؟

والعواليق

والخوازيق

عكــود · 03-02-2010, 10:58 AM

[align=justify]سلام يا شباب ويا شبارقة

النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف.
وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن.
الدوليق: تماماً كما شرح العزيز هجو، هو ما يتساقط من حبوب، سواء من الحِزم الجافة أو ما تبقى منها بعد جمعه، ويكون عادة بين شقوق الأرض.
يتم لقيطه حبّة حبّة ويكون من نصيب من قام بلقيطه و . .
الأيّام دوليق نوريقك.

الكاويق: صفق اللوبيا الجاف المصفر البيتساقط منها قبل حصادها، عادة يكون كثير ويتم جمعه (قشّه) لتعلف به البهائم:
تقعد تحش اللوبي للكاويق تقش
تصل البحر والموج يداعبا فوق هدوما ينط يرش
(السر عثمان الطيب في بت البلد العبراتا سدّت في الحلق)

الكوليق: حزمة سيقان العيش الأخضر أو اليابس (الورتاب).

الكيوقة: ترا شبارقة جاب خبرها. بس ما قلت لي يا شبارقة، ساعة تنشف وتجي تدور تباصرا تمرقا شفت شعورك بيكون كيف

.[/align]

شبارقة · 03-02-2010, 11:42 AM

اقتباس:

المشاركة الأصلية كتبت بواسطة جانيت

جد الواحد نفسه يعرف

[align=justify]مرحبا ً بجانيت

نحن هسه في الصفحة رقم 135 ولو عايزة تعرفي ما عليكي إلا تقلبي الصفحات السابقة صفحة صفحة .

وبمناسبة الصفحات ... مره حبوبتي قالت لي صفحتي موجعاني ... تكون قاصده شنو يا تـُرى؟

[/align]

فيصل سعد · 03-02-2010, 11:48 AM

اقتباس:

المشاركة الأصلية كتبت بواسطة شبارقة

[align=justify]مرحبا ً بجانيت

نحن هسه في الصفحة رقم 135 ولو عايزة تعرفي ما عليكي إلا تقلبي الصفحات السابقة صفحة صفحة .

وبمناسبة الصفحات ... مره حبوبتي قالت لي صفحتي موجعاني ... تكون قاصده شنو يا تـُرى؟

[/align]

و انت صفحتك
كيف يا كابتن
و وينك لابت و لابد
و اشرح الفرق بيناتم ..

و لا تعوق ..

شبارقة · 03-02-2010, 11:49 AM

اقتباس:

المشاركة الأصلية كتبت بواسطة عكــود

[align=justify]سلام يا شباب ويا شبارقة

[/align]

شبارقة · 03-02-2010, 11:53 AM

اقتباس:

المشاركة الأصلية كتبت بواسطة عكــود

[align=justify]الدوليق: هو ما يتساقط من حبوب، سواء من الحِزم الجافة أو ما تبقى منها بعد جمعه، ويكون عادة بين شقوق الأرض ويتم لقيطه حبّة حبّة ويكون من نصيب من قام بلقيطه .[/align]

[align=justify]غايتو من قام بتلقيطه ده إلا يبقى نملة

[/align]

شبارقة · 03-02-2010, 11:59 AM

اقتباس:

المشاركة الأصلية كتبت بواسطة عكــود

[align=justify]
الكاويق: صفق اللوبيا الجاف المصفر البيتساقط منها قبل حصادها
[/align]

[align=justify]نحن بنستخدم كلمة الكاويق فقط للبامية التي تأخر حصادها ... وبتكون بامية أقرب للجافة ... وبتكون من الداخل زي البلاستيك أو زي العنكوليبا المأكولة

... وبنقول عليها كاوقت ... وعشان كده أمهاتنا وحبوباتنا لمن يرسلننا عشان نجيب الخضار يقولن لينا : جيب بامية رُخص ... ما تجيبا كاويق .[/align]

أشتر · 03-02-2010, 12:12 PM

[QUOTE=عكــود;191849][align=justify]سلام يا شباب ويا شبارقة

النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف.
وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن.[/align]
كلام في السليم ومية مية ...

باقيلك التِبِن والدّرِس ديل بجيبو خبرن !!!
يعني الموضوع عبارة عن ساقية متعددة الدواب ... ديك بتسقي ودي بتفجّخ ...
طيب ما كان يستغلو تور الساقية بدل ما هو لافي ع الفاضي لا شغل لا مشغلة في الهرِس دا

ولا الوكت داك هو بسقي اللي ح يفجخو مستقبلا ؟؟؟؟

غايتو كلو شغل لف ودروان

... اها الضوران يطلع شنو ؟؟؟؟؟
وإتو الدواب دي تضمنوها كيف ترمي ليها رمية رميتين

من الباب البجيب الريح

وهنا ماف طريقة تسدو وتستريح طبعن !!!!!! لووووووول ساي !!!!!!! جنس لولوة

شبارقة · 03-02-2010, 12:16 PM

اقتباس:

المشاركة الأصلية كتبت بواسطة عكــود

[align=justify]
تقعد تحش اللوبي للكاويق تقش
تصل البحر والموج يداعبا فوق هدوما ينط يرش
(السر عثمان الطيب في بت البلد العبراتا سدّت في الحلق)
[/align]

[align=justify]تعرف يا عمدة أنا عشت لي 5 سنين عجيبة في ليبيا (أيام الشباب) وكنا في مجاهل ليبيا في الحدود مع النيجر ... وكان معي 4 شباب (يسدو عين الشمس) وكانوا من أهلنا المناصير بالشمالية .... منهم تعلمت الكثير جدا ً من اللهجة المحلية ... ومنهم تعلمت أستمع للطنبور وتعرفت على جميع مطربي الطنبور في ذاك الوقت ... ولكم كنت معجبا ً بالأغنية أعلاه وخصوصا ً البلاغة في : الموج يداعبا فوق هدوما ينط يرش ..

وبعدين تشيل القش تفوت .. واليوم يفوت وتمر سنين
ويكبر عمير بت البلد ويكبر معاها كمان أنين

والله غناكم سمح بالحيل (يا ريت تنـِّزل لينا بت البلد دي هنا يا عمنا لأني والله من الزمن داك ما سمعتها) [/align]

أشتر · 03-02-2010, 12:24 PM

اقتباس:

المشاركة الأصلية كتبت بواسطة شبارقة

[align=justify]نحن بنستخدم كلمة الكاويق فقط للبامية التي تأخر حصادها ... وبتكون بامية أقرب للجافة ... وبتكون من الداخل زي البلاستيك أو زي العنكوليبا المأكولة

... وبنقول عليها كاوقت ... وعشان كده أمهاتنا وحبوباتنا لمن يرسلننا عشان نجيب الخضار يقولن لينا : جيب بامية رُخص ... ما تجيبا كاويق .[/align]

اعتقد الكلمة (كاويك) ولو قنا كانديك ماف مشكلة

... لكن كاويق دي ما سمعت بيها
والبامية كاوكت .. أي عجّزت ... وتستخدم فقط لملاح البامية المفروكة ...
بس أهمّ حاجة تكون معاها شطة خدرا ...

شبارقة · 03-02-2010, 12:26 PM

اقتباس:

المشاركة الأصلية كتبت بواسطة بدور التركي

والعواليق

والخوازيق

[align=justify]العواليق هي الأسمال البالية لأنها كانت تـُعلق في مـُعلاق ولا توضع في الدواليب (رأئك شنو يا ود أبو عاقلة في الأسمال دي ؟

)

الخوازيق مفردها خازوق وهو الوتد عموما ً ... والخوازيق عندنا في الهندسة المدنية هي نوع من أنواع الأساسات وهي كناية عن الأوتاد العميقة Pile Foundation [/align]

[align=justify]كلو حاجة عندنا في البوست ده (عامي ودارجي وفصيح ... وكجور كمان

) ... [/align]

عكــود · 03-02-2010, 12:27 PM

اقتباس:

المشاركة الأصلية كتبت بواسطة شبارقة

[align=justify]غايتو من قام بتلقيطه ده إلا يبقى نملة

[/align]

مالك داير تقلّب علي المواجع يا شبارقة ياخي!
هناك من وصلت بهم الفاقة ليأكلون من شقوق الأرض وأعرفهم، والمفجع يتنافسون في حجز (البرازي*) المُزمع نوريقها.
لهم الله يا عاصم وليسامحنا الله في مبيتنا شبعانين وهم جياع!

* البرازي (البرازة): الأرض الدلجة البتتم فيها عملية النوريق.
أجيب لك بيت شعر عنّها؟

عكــود · 03-02-2010, 12:30 PM

بقلّب دفاتري وأجيب لك أغنية بت البلد يا شبارقة، وهي فعلاً تصوير درامي في منتهى الروعة . .
بس خلّي العبرة الفي حلقي دي تنزل.

أشتر · 03-02-2010, 12:36 PM

اقتباس:

المشاركة الأصلية كتبت بواسطة عكــود

[align=justify]سلام يا شباب ويا شبارقة

الكيوقة: ترا شبارقة جاب خبرها. بس ما قلت لي يا شبارقة، ساعة تنشف وتجي تدور تباصرا تمرقا شفت شعورك بيكون كيف

.[/align]

تصدق كتبت عن الاحساس دا في المرة الفاتت لكن ييييع دخلت بناتنا زي العارض ..
لا وكمان لو باقي منها حتتتتتة ماسكة في الجلد .. تغمد وتدي وشك قبلة لا ترضاها لكن مجبورين نسوي شنو !!!
واححححححح تعقبها شفطة هوا مرتين تلاتة لغاية ما تتصالح تدريجيا مع الألم ...
جنس شقاوة غايتو !!!!

شبارقة · 03-02-2010, 12:36 PM

اقتباس:

المشاركة الأصلية كتبت بواسطة عكــود

لهم الله يا عاصم وليسامحنا الله في مبيتنا شبعانين وهم جياع!

[align=justify]أخخخخخخخخ يا أبا ذر ... لقد أثرت شجوني وأججت مشاعري وفطرت قلبي وأدمعت عيني ... [/align]

03-02-2010, 10:58 AM	#[2012]
عكــود Administrator	[align=justify]سلام يا شباب ويا شبارقة النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف. وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن. الدوليق: تماماً كما شرح العزيز هجو، هو ما يتساقط من حبوب، سواء من الحِزم الجافة أو ما تبقى منها بعد جمعه، ويكون عادة بين شقوق الأرض. يتم لقيطه حبّة حبّة ويكون من نصيب من قام بلقيطه و . . الأيّام دوليق نوريقك. الكاويق: صفق اللوبيا الجاف المصفر البيتساقط منها قبل حصادها، عادة يكون كثير ويتم جمعه (قشّه) لتعلف به البهائم: تقعد تحش اللوبي للكاويق تقش تصل البحر والموج يداعبا فوق هدوما ينط يرش (السر عثمان الطيب في بت البلد العبراتا سدّت في الحلق) الكوليق: حزمة سيقان العيش الأخضر أو اليابس (الورتاب). الكيوقة: ترا شبارقة جاب خبرها. بس ما قلت لي يا شبارقة، ساعة تنشف وتجي تدور تباصرا تمرقا شفت شعورك بيكون كيف .[/align]
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

03-02-2010, 12:12 PM	#[2018]
أشتر :: كــاتب نشــط::	[QUOTE=عكــود;191849][align=justify]سلام يا شباب ويا شبارقة النوريق: زي ما حدست نبراس و زي ما شرح هجو، هو درس الحبوب (قمح، عيش، فول) بعد حصاده و ترك سيقانه لتجف. وببساطة يا ود أب عاقلة، مجموعة من الدواب تربط من رقابها مقرّنة مع بعضها و الفي الطرف بيربط في عمود خشبي يكون (العمود) هو مركز الدائرة. ثمّ جعلها تلف حول العمود و حِزم القمح ترمى تحت أرجلها لتتم عملية فصل البذور عن التِبِن.[/align] كلام في السليم ومية مية ... باقيلك التِبِن والدّرِس ديل بجيبو خبرن !!! يعني الموضوع عبارة عن ساقية متعددة الدواب ... ديك بتسقي ودي بتفجّخ ... طيب ما كان يستغلو تور الساقية بدل ما هو لافي ع الفاضي لا شغل لا مشغلة في الهرِس دا ولا الوكت داك هو بسقي اللي ح يفجخو مستقبلا ؟؟؟؟ غايتو كلو شغل لف ودروان ... اها الضوران يطلع شنو ؟؟؟؟؟ وإتو الدواب دي تضمنوها كيف ترمي ليها رمية رميتين من الباب البجيب الريح وهنا ماف طريقة تسدو وتستريح طبعن !!!!!! لووووووول ساي !!!!!!! جنس لولوة
أشتر :: كــاتب نشــط::

03-02-2010, 12:30 PM	#[2023]
عكــود Administrator	بقلّب دفاتري وأجيب لك أغنية بت البلد يا شبارقة، وهي فعلاً تصوير درامي في منتهى الروعة . . بس خلّي العبرة الفي حلقي دي تنزل.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.