*** مصطلحات عامّية سودانية ***

[imported_شبارقة]

المشاركة الأصلية كتبت بواسطة فيصل سعد

و انت صفحتك
كيف يا كابتن
و وينك لابت و لابد
و اشرح الفرق بيناتم ..

[align=justify]صفحتي بيضاء من غير سوء يا معلم .

لبد يلبد فهو لابد (حمد لبد ) ونحن في السودان متعودين على قـِلـِّيب وإبدال الحروف فحولناها من لابد إلى لابت (30 مليون سوداني بيقولوا لابت .. خلاص هي لابت لابت ).[/align]

المشاركة الأصلية كتبت بواسطة فيصل سعد

و يا عاصم مالك
ما بترد السلام ..
تغيت ولا لقيت

[align=justify]معذرة يا كوتش
عارفني منك ... لا الزمن يقدر يحـوِّل قلبي عنك
لا اللقيان ولا التغـَيان يشغلني ويبعدني عنك [/align]

[بابكر مخير]

المشاركة الأصلية كتبت بواسطة فيصل سعد

و انت صفحتك
كيف يا كابتن
و وينك لابت و لابد
و اشرح الفرق بيناتم ..
و لا تعوق ..

لابت، لا ولد
أو لا فاطني، لا محوود،،
بيقولها الجماعة لمن يكونو حضرو الذي منهو والحلة بس مستنين يجعوا ليها حق اللحمة وواحد منهم عاوز يفلزع ويكب الزوقة، ويقصد بها،،
أنه ما وراهو شيتن يستعجلو وأمره إنكشف،، ودآ بعد كدي، إلا يبقى على السمسمية

أما لابد،
فهذه ما بدهاشي توضيح، إذ أن الأمر ومادام، حيث أنه أوكامبو، صرح بيهو،، يبقى البشير، التخشيبة مستنياهو،
إذن لابد أن القدر بيعمي البصر،
والوقعة بتكتر السكاكين وكترت البتابت عييييييييييييييييب..

[imported_شبارقة]

المشاركة الأصلية كتبت بواسطة طارق صديق كانديك

( السنقاقة ) .. ان صح اعتقادي انها .. شق في الأرض .. حلب الناقة في السنقاقة أي أنه لم يدع أحداً يستفيد من لبن الناقة .. ويبدو أن هذا الروى كان ايام الانجليز حين حكموا البلاد والعباد .. فكانوا هم ( الكلب السنونو صفر ) .. !!

أخوك متبرع بالجائزة لمنكوبي هاييتي ... !!

[align=justify]هلا بحبيبنا ود كانديك [/align]

[align=justify]يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟[/align]

[align=justify]بالمناسبة عجبني تحليلك ووصفك المستعمر بأنه هو الكلب السنونو صـُفـُر .[/align]

[imported_Hassan Farah]

فيصل سعد صباحاتك بالخير
السبلليق معناتا شنو--

[imported_طارق صديق كانديك]

المشاركة الأصلية كتبت بواسطة شبارقة

[align=justify]هلا بحبيبنا ود كانديك [/align]

[align=justify]يوصف الرجل الطويل ورقيـّق أو المرأة الطويلة ورقيـَقة بأنهما : زي السنقاقة ... فهل هذا الوصف يستقيم مع تعريفك للسنقاقة ؟[/align]

[align=justify]بالمناسبة عجبني تحليلك ووصفك المستعمر بأنه هو الكلب السنونو صـُفـُر .[/align]

يعجبوك وليداتك ... !!

أنا لم أهتم بالوصف اذ لو قدرت أنه جزء من الحل لفكرت أن ( السنقاقة ) اناء فخاري طويل ورقيق يحلب فيه اللبن .. وهو ما أشار به على بعض معارفي لكنه لم يصادف هوىً في نفسي .. اذ لو كان ذلك كذلك لما كان هناك ابداع في المقطع موضوع السؤال اذ عادة ما يحلب اللبن في اناء من الفخار كان أم من غيره ... !!

احترامي ومودتي

[imported_شبارقة]

أها .. ما الفرق بين الضـَقـَل و البُـقـُُـل
للمساعدة : هناك لعبة إسمها الضقل ... والبُـقـُُـل ليهو علاقة بالشمس ... أها قصـَّرنا معاكم؟

[align=justify]عشان نعرِّف الضقل أو(الدقل) لابد نرجع حركة وراء 60 - 70 سنة حيث كانت معظم البيوت من قش أو طين وكانوا بيصنعوا باب القطية أو الأوضة من الحطب والمفتاح كمان من الحطب .. والمفتاح بيسموهو الكشر أما الضقل فهو خشبة مستطيلة منحوتة من الداخل توضع في تجويفها خشبة مستطيل تـُعرف بالكلاب (تشديد اللام) وبها ثقب خارجي يدخل خلاله الكشر لفتح الباب .... وعملية فتح الباب لا تخلو من كركبة الضقل (عشان كدة بيقولوا ليك : جاب ضقلا يكركب) أنا أذكر ولغاية بدايات الثمانينيات كانت عندنا بعض المباني القديمة التي أبوابها ومفاتيحها من الخشب.

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت

أما البُقـُل فهو ضل بداية العصر (بين الساعة3 و4) تقريباً ، وهو ضل حار ، كانوا يحذرونا من الجلوس على ترابه ( يا ولد قوم من البقـُل بياذاك ) ..[/align]

[imported_شبارقة]

المشاركة الأصلية كتبت بواسطة شبارقة

[align=justify]
كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت
..[/align]

[align=justify]ما الفرق بين لعبة الضقل ولعبة الطاب ؟[/align]

[imported_جانيت]

المشاركة الأصلية كتبت بواسطة شبارقة

[align=justify]ما الفرق بين لعبة الضقل ولعبة الطاب ؟[/align]

قبل ما الواحد تخستكو بمخه الما ناقص ده قول لي الضقل بيلعبوها كيف
والطاب زاتها بتتلعب كيف
وبعدجين نوريك الفرق

[imported_أشتر]

المشاركة الأصلية كتبت بواسطة شبارقة

[align=justify]عشان نعرِّف الضقل أو(الدقل) لابد نرجع حركة وراء 60 - 70 سنة حيث كانت معظم البيوت من قش أو طين وكانوا بيصنعوا باب القطية أو الأوضة من الحطب والمفتاح كمان من الحطب .. والمفتاح بيسموهو الكشر أما الضقل فهو خشبة مستطيلة منحوتة من الداخل توضع في تجويفها خشبة مستطيل تـُعرف بالكلاب (تشديد اللام) وبها ثقب خارجي يدخل خلاله الكشر لفتح الباب .... وعملية فتح الباب لا تخلو من كركبة الضقل (عشان كدة بيقولوا ليك : جاب ضقلا يكركب) أنا أذكر ولغاية بدايات الثمانينيات كانت عندنا بعض المباني القديمة التي أبوابها ومفاتيحها من الخشب.

كنا نلعب لعبة إسمها الضقل ومنها إستمد الباكستانيون لعبتهم الشهيرة الكريكت

أما البُقـُل فهو ضل بداية العصر (بين الساعة3 و4) تقريباً ، وهو ضل حار ، كانوا يحذرونا من الجلوس على ترابه ( يا ولد قوم من البقـُل بياذاك ) ..[/align]

ياسلااام يا شبارقة ياخ ... معلومات ثرة بالجد في فقرة بسيطة ومختصرة تحسسك بالزحمة ...
والضقل دا زي الشفتو في بيت الخليفة ... لكن بصراحة افتكرتها لعبة الضقل البنلعبا بالكورة والبضقل كتير داك يعتبر فائز ... فائز فائز يا البشير

[imported_شبارقة]

المشاركة الأصلية كتبت بواسطة جانيت

قبل ما الواحد تخستكو بمخه الما ناقص ده قول لي الضقل بيلعبوها كيف

[align=justify]

لعبة الضقل هي لعبة سـُكج مـُكج (كنا بنقول سكج ومكج ... وما أظن عندها معنى)

تتكون اللعبة من فريقين ... ويجب تجهيز بعض الأشياء حتى يتم اللعب :
1- عصاية طولها حوالى متر.
2- ضقل ويكون طوله حوالى 15سم
3- نحفر حفرة صغيرة قطرها حوالي 10 سم وعمقها لايتجاوز5 سم

أما كيف تلعب اللعبة فغايتو إلا يجيكم عمنا عكود يشرحا ليكم .. لكن تتلخص اللعبة في وضع الضقل فوق الحفرة بحيث يكون متعارض عليها ويتم إدخال العصاية فى الحفرة - تحت الضقل - ويقول اللاعب( سكج ) فيرد عليه الطرف الاخر(مكج) فيتم رفع الضقل بالعصاء قليلا ً في الهواء ويضرب على الطائر(وجات منها الجملة الشهيرة : على الطائر) حتى يصل إلى منطقة تم تحديدها سابقآ فاذا فشل فى ذلك تبدأ إعادة المحاولة وللضارب عدة محاولات (نسيتها كم) حتى يذهب الضقل الى ابعد مسافة .[/align]

[imported_جانيت]

المشاركة الأصلية كتبت بواسطة شبارقة

[align=justify]

لعبة الضقل هي لعبة سـُكج مـُكج (كنا بنقول سكج ومكج ... وما أظن عندها معنى)

تتكون اللعبة من فريقين ... ويجب تجهيز بعض الأشياء حتى يتم اللعب :
1- عصاية طولها حوالى متر.
2- ضقل ويكون طوله حوالى 15سم
3- نحفر حفرة صغيرة قطرها حوالي 10 سم وعمقها لايتجاوز5 سم

أما كيف تلعب اللعبة فغايتو إلا يجيكم عمنا عكود يشرحا ليكم .. لكن تتلخص اللعبة في وضع الضقل فوق الحفرة بحيث يكون متعارض عليها ويتم إدخال العصاية فى الحفرة - تحت الضقل - ويقول اللاعب( سكج ) فيرد عليه الطرف الاخر(مكج) فيتم رفع الضقل بالعصاء قليلا ً في الهواء ويضرب على الطائر(وجات منها الجملة الشهيرة : على الطائر) حتى يصل إلى منطقة تم تحديدها سابقآ فاذا فشل فى ذلك تبدأ إعادة المحاولة وللضارب عدة محاولات (نسيتها كم) حتى يذهب الضقل الى ابعد مسافة .[/align]

شكراااااااااااااااااااااااااا شبارقة
بس اللعبة دي دايرة ليها حوش ولا في الشارع
ممكن العبها
اها والطاب كيف

[imported_فيصل سعد]

المشاركة الأصلية كتبت بواسطة Hassan Farah

فيصل سعد صباحاتك بالخير
السبلليق معناتا شنو--

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق

يديك العافية
و خليك بالجوار ..

[imported_أبو أماني]

المشاركة الأصلية كتبت بواسطة فيصل سعد

و الله يا دكتور السبلليق دي الا يجيك
ود عمتك الحبيب يفككها لينا، غايتوا نحن
معاك لحدي السبلوقة و السبهللية و الليق

يديك العافية
و خليك بالجوار ..

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة.

[imported_فتحي مسعد حنفي]

المشاركة الأصلية كتبت بواسطة أبو أماني

وانا كمان ما أقل من Hassan Farah وبقول ليك عاوزين التعريف لما يلي :-

القطيع/ التكل / المشلعيب / الدروة / اللداية / الهمبريب / القحف
الكابدلو / النطع / القرقاب / الميترة / الرحط / الدحلوب / البرمة / التيلة
/ السحارة / الشرقرق / الفندك / الشملة / الكتوش / الطالوش / الدقنوس
/ الرشمة / السعدة / الكظرونة / الزعبوط / المطرق / المعراكة.

القطيع= المراح
التكل= المطبخ البلدي
الدروة= هو المكان المحاط بما يداريه من العيون...التل المرتفع من الرمال لضرب النلر
الهمبريب= النسيم العليل
القحف= دوائر مستديرة من الفخار للعب أم القحف
القرقاب=تساوي الوزار عد الخليجيين تلبسه النساء في الجزء الأسفل من الجسم
الميترة= مقياس يستعمله البنايين ويستعمله المراكبية لقياس العمق
الرحط= كانت تلبسه النساء قديما بدل الملابس الداخلية ومكون من الخيوط الطولية
البرمة= وعاء من الفخار لحفظ السوائل والأطعمة
التيلة= عقد يوضع علي عنق المرأة من الذهب والخرز الهندي..
السحارة= صندوق يستعمل كالدولاب
الشرقرق= وعاء له بوز مثلث تصنع فيه القهوة
الفندق= هوت خشبي كبير تدق فيه البهارات والويكة وخلافو
الشملة= بطانية من صوف الابل تغطي بها المرأة جسمها وهي جالسة فوق حفرة الدخان
الكتوش= ودا اسمو الكنتوش وهو أيضا يشبه الزير الصغير وفمه ضيق يستعمله أهل رأفت لوضع المش فيه..
الدقنوس = هو مؤخرة الرأس زي دقنوسك الفيهو الصلعة
الرشمة= هو تاتوو يدق علي وجه النساء قديما ( الرشيم الأخضر)
الكظرونة= برضو أناء للطبخ
الظعبوط= القنبور
المطرق= فرع من الشجر يجلد به الصغار
المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي وطول المدة برة السودان بتنسي الزول اسمو ذاتو..وللعلم هذه المعلومات بدون مساعدة خارجية...

[imported_شبارقة]

المشاركة الأصلية كتبت بواسطة فتحي مسعد حنفي

المحراكة= قطعة من القماش توضع بها الطايوقة ويمسح بها صاج الكسرة لتنظيفه وتجهيزه لرمي الطرقة الجديدة..
أما باقي الكلمات فلست متأكد من المعاني وان كانت السعدة ليست غريبة علي

[align=justify]المعراكة : هي قطعة القماش البعركو بيها الدوكة أو الصاج .... أما المحراكة (أو المرحاكة) فهي طاحونة بلدية صغيرة وهي عبارة عن قطعة صخرية توضع بها الحبوب (ذرة - دخن - قمح ...إلخ) وتطحن بحجر آخر أصغر حجما ً ...

السعدة : نوع من النباتات الغير مرغوب فيها ... وهناك مثل شهير : البـِعـِد ولا البلاد أم سـِعـِد. [/align]