سناء، كيف حالك ومشكورة على الطلة والاستجابة
مداخلتك دي جاتني فوق فَكَك، كتر خيرك
غايتو الجعليين والجُعل هو أبو الدرداق، الإله خيبر، قاعدييين في التاريخ، لو فضيت ليهم ناس زوجك ديل بعوقهم في الاستعراب دا. يضحك نهارك. الموضوع بالجد أبعد وأعمق من الكلام الحائم دا كلّو.
وبقول إنو ثقافات الإنسان هي واحدة، شيء واااحد.
فرجاء يا سناء مغروض جداً في تلاتة حاجات لو تفضلت علي بها
1- الأيام عندكم، والشهور، لو فيها أي اختلافات في النطق أو المسميات، وريني ليها بالتفصيل وبتركيز على ما تقولين، ودقة.
2- السوق في شندي خميس واتنين، إنتو السوق عندكم في ياتو أيام؟
3- لو بتذكري لعبة (أريكا)، عندكم فيها كم خانة! وكيفية لعبها برضها، فبلييز اشرحي لي بالتفصيل الدقيق؟
4- لعبة أم حفيرة عندكم فيها كم حصحاصة؟ وبرضو لو متذكراها اشرحي لي طريقتها عندكم بالتفصيل الدقيق.
الكلام دا كلو جمعتو وعندي، لكن من بيئات الجعليين وحدها،
الكلامات عن طاب بيئات الشايقية خلتني أطمع أكتر لأجل غربلة المفاهيم قبل محاولة اختبارها وتعذيبي بالقواميس والطششان بسبب الفرضيات الهشّة.
داير أشوف (المفاهيم) الطلعتها، بتظبط لاحدي البركل فوق وألا بتجلي، كلو بساعد من التثبت حول مفاهيم غاية الأهمية.
أرجو أن تجيبيني على طلبي هذا، وأكون لك من الشاكرين لديمة.
-
وركزي في كتابتك يا سناء، الأولانيات ديل في واحدات من العملتِ فيهن شرطات ما وقعن لي. كلها تشكيلة تشكيلتين ياختي، ما تكسلي
