*** مصطلحات عامّية سودانية ***

[imported_أشتر]

المشاركة الأصلية كتبت بواسطة جانيت

اقتباس:
المشاركة الأصلية كتبت بواسطة أشتر





بعيدا عن المصطلحات العامية المداخلة دي تنفع موضوع في طاولة حوار يطول نقاشها
ونقاط قابلة للفحص والتمحيص والتصنيف according to شنو ما بعرف

ما أعتقد .. دي مجرد وجهة نظر احتمال ما عندها علاقة بالواقع أو الواقع الشايفو انا واقع ومدشدش عديل كدا ...
إتي ما شفتي مرمطت الفرنسيين لامن تلقيهم قاعدين يبحتو ويحفرو ويحنسو في الحجار عشان الحاجات تمرق سليمة ...
عادي تلقي زول ينشحط قدامن ويقول : عليكم الله الجابركم شنو والله ما عندكم شغلة ساي ...
ثم يلكز حمارو ويكسح لجهة غير معلومة ...
في زريبة العيش وقفت مع تاجر قايلني داير اشتري فرحب بي أيما ترحيب .. ولامن قلت ليهو العيش دا اسمو شنو نهرني ...
يا شافع مالك ومال إسمو إتا داير تملا بطنك ولّ بدورو علوق ؟؟؟
قهمني وطوالي مشيت خليتو ...

[imported_شبارقة]

المشاركة الأصلية كتبت بواسطة فجر المشارق

الورتاب هو القصب الناشف الذي يتم نشره في الشمس حتي يصير يابسا وبعد ذلك يربط في شكل حزم للتخزين لاطعام الغنم والبقر والحمير وقت انعدام الحشائش

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :

ورتاب = حزمة القصب الناشف

وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.

[imported_أشتر]

المشاركة الأصلية كتبت بواسطة شبارقة

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :



وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.

إتا ما عارف يا شبارقة ورتاب دي بتهمّني قدر شنو
يلاا وكت اتفقتو على تعريفا وريني القندول فاضي اسمو شنو ؟؟؟

[imported_شبارقة]

المشاركة الأصلية كتبت بواسطة فتحي مسعد حنفي

الورتاب هو صفق الخضار الصغير الحجم..يعني لسة ورور..

يا سلام عليك يا خواجة ... وده نفس الكلام القلتو أنا .. لكن يا أخوي الوٍرْوِرْ ده شنو (طبعا ً أنا عارف معناها لأني سألت عليها لما سمعت محمد صبحي يرددها كثيرا ً في مسلسل سمبل قبل 30 سنة)

[imported_شبارقة]

المشاركة الأصلية كتبت بواسطة أشتر

إتا ما عارف يا شبارقة ورتاب دي بتهمّني قدر شنو

أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟

[imported_شبارقة]

المشاركة الأصلية كتبت بواسطة أشتر

يا شافع مالك ومال إسمو إتا داير تملا بطنك ولّ بدورو علوق ؟؟؟

بمناسبة العلوق أهلنا بيقولوا : علوق الشدّة ما بنفع ..... المثل ده معناهو شنو ؟

[imported_أشتر]

المشاركة الأصلية كتبت بواسطة شبارقة

يا سلام عليك يا خواجة ... وده نفس الكلام القلتو أنا .. لكن يا أخوي الوٍرْوِرْ ده شنو (طبعا ً أنا عارف معناها لأني سألت عليها لما سمعت محمد صبحي يرددها كثيرا ً في مسلسل سمبل قبل 30 سنة)

حولااااا !!!!! الواحد قاعد مع متاحف طيبة طيبة
غايتو الورور دا غير طير مانا خابرنو ...

[اسمر]

المشاركة الأصلية كتبت بواسطة شبارقة

حباب أخونا فجر المشارق

إذا ً إتفق تعريفك للورتاب مع تعريف أستاذنا عكود الذي قال :



وكما أسلفنا فإن التعريفات قد تختلف من منطقة أخرى ... وده ياهو زاتو التنوع الثقافي والحضاري الذي نتميز به.

ده التعريف السائدعندنا في بلاد الشايقية

[imported_أشتر]

المشاركة الأصلية كتبت بواسطة شبارقة

أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟

والله انا ذاتي سمعت بالمقطع دا لكن وين ما بتذكر ...
طيب الورتاب حقي دي ماااا ظنيتو رجفيبة .. لانو في الاساس قندول وعضمو مرموم يحمد سيدو ...
بس كمان !!!! هو أعلى مكان في (شدرة العيش واعتبرها سارية) ومن الطبيعي يرفرف .. اها الرفرفة دي يمكن حسبوها رجفيبة والله اعلم ...

[imported_أشتر]

المشاركة الأصلية كتبت بواسطة شبارقة

بمناسبة العلوق أهلنا بيقولوا : علوق الشدّة ما بنفع ..... المثل ده معناهو شنو ؟

علوق الشدة موش ياهو (الضواقة ساكت) لا تسمن ولا تغني من جوع ...
زي الزول العندو شوال (أمباز ولّ همباز الله أعلم) وعندو 147 بقرة يقوم يكبو ليهن كلهن تطييب خواطر ساي ...
الاجابة بتصرف غايتو ...
أصلا مما جبت ليكم سيرة العلوق يانا الخاشين الزريبة

[imported_جانيت]

اقتباس:
المشاركة الأصلية كتبت بواسطة شبارقة

أنا غايتو سمعت لي واحدة بتقول لي جارتها : والله ولدي الصغير إتخلع خلعة خلت قلبو يرجف زي الورتابة ... باقي ليك يا ود أبو عاقلة القندول الفاضي برجف ؟ وأيهما أكثر رجفانا ً مع النسيم العليل : القندول الفاضي أم صفق النباتات أم حزمة القصب ؟

طالما جات مناسبة الرجفيبة والقصب لمن يقولو ليك الزول ده يترجف زي نار القصب دي كيفن
ده ما مصطلح عامي مثل عامي مليان رجفيبة

[imported_أشتر]

المشاركة الأصلية كتبت بواسطة فجر المشارق

ده التعريف السائدعندنا في بلاد الشايقية

طيب يا فجر المشارق معاي اتنين هنا واحد من مدني والتاني من عطبرة ...
بتاع عطبرة قال مِتِل كلامكم دا وبتاع مدني قال مِتِل القلتو أنا ...
وعلى كلٍ ما مشينا بعيد من الهدف المنشود ...

[imported_أشتر]

المشاركة الأصلية كتبت بواسطة جانيت

طالما جات مناسبة الرجفيبة والقصب لمن يقولو ليك الزول ده يترجف زي نار القصب دي كيفن

في تشبيهات كتيرة طالعة من بيئتنا البسيطة مرة بتلفق ومرة شاطحة أو على حسب الشخص المرقت منو ...
طيب حصلت ليك رجفيبة زي نار القصب ولّ رجفيبتكم لهيبها يفسخ ...
على فكرة .. يفسخ دي ما عندها علاقة بالخطوبة ...
قنا نطمّنكم وكدا ...

[imported_أشتر]

أقوم آطقش مسامعكم باتنين من أبو لستك ...
الكُـرارة :
الـكَـرِّقة :

[imported_جانيت]

اقتباس:
المشاركة الأصلية كتبت بواسطة أشتر

أقوم آطقش مسامعكم باتنين من أبو لستك ...
الكُـرارة :
الـكَـرِّقة :

وانت ما طقش سمعك انو الكرارة هي ملاح الروب او في رواية اخرى هي النعيمية

اما فيما يخص الكرقة طقشت سمعي بس نسيتها ولمن استحضرها حاجيبها هنا على طول

على طول دي مصطلح عامي ول انسب اقول طوالي