و عليكم السلام و رحمة الله و بركاته يا سر الختم و جمعتك مباركة بكل التواقيت ...
اقتباس:
المشاركة الأصلية كتبت بواسطة سر الختم إبراهيم نقد
سلام أمين مرة أخرى وجمعتك مباركة حسب التوقيت المحلي للوطن العزيز
أكاد أبصم بالعشرة أنني فهمتك ومنذ الوهلة الأولى فأنا لا أشك أبداً في عقليتي، وأنت لست بعباس العقاد حتى لا أفهمك وأفهم كتاباتك، فكن رفيقاً بنا، فاهم إنك دمرت لعسوم بوست الجن والشياطين وبأسلوب استهزائي غير محبب رغم مناشدة
بعض الأعضاء لك بعدم تخريب البوست ثم اقتبست منه عنوانا: المنحطون قوم يساكنونا الأرض، ليه بتقتبس من سارق حسب زعمك، أنت الذي يجب أن تحترم
عقولنا ونفوسنا يا خ ،نريد أن نقرأ قصيدة، قصة، تحليلاً أدبيا أو سياسياً أوغيره
أحب أجيب من الآخر: إذا كانت المعركة بينك وبين عسوم ستستمر هكذا بلا نهاية
مطاف أقترح أن تشكل محكمة- بلاش محكمة- مجلس تحكيم من محايدين "عقلاء"
يحسمون لنا الأمر، لصالح أي طرف، والطرف المدان يلملم أطرافه ويدينا عرض
أكتافه.
|
يا شيخنا ... ياخي أنا لمن قلت ليك إنت ما عايز تفهم كلامي ...ما قصدت انك ما بتفهم ... لكن إنت بتكرر في كلام أنا رديت عليه مليون مرة ...و ما شرط ردودي تقنعك ...لكن لمن تجي تكرر الكلام بدون استصحاب لردودي دي - بالنسبة لي - بتكون ما داير تفهم ...و ببقى النقاش فش غباين ليس إلا !!
في بوست الجن ... ما أنا القلت لعسوم يقول إنو قابل إبليس و إتناقش معاه في أمور الدين... بل و صحح ليه بعض المعلومات ... و ما أنا القلت ليه قول إنو مع إبليس كان في عمك السامري "ثاو" في سقف الغرفة ...و في بوست المالات ...ما أنا القلت لعسوم يصر و يكابر و يناور في إنو ربنا قال لسيدنا عيسى خذ الكتاب بقوة ...و ما أنا الذي اقنع عسوم بسرقة مقاطع كاملة من مقالات و نسبها لنفسه ... و ما أنا الذي قال له أفتح بوستات تنضح كذبا و تستوسخ عقول الناس ...بل وتسئ للمنتدى و من فيه .... و ما أنا الذي ساعدت عادل عسوم على الكذب و التدليس و خلط المعلومات و نسب الأكاذيب للمجلات العلمية... أنا لم أفعل أي من هذا... و انما أشرت اليه في معرض بيان حقي فيما تراه أنت "تحطيم" عسوم و أراه أنا سخريه ممن يقول ما قال و يفعل ما فعل !!
بالنسبة لاقتباسي من عنوانو ...و كيف اقتبس من سارق ... فأنا لم اتهمو بسرقة بوست الجن ... حتى نقله من دكتور الاشقر لا أرى إنو سرقة ..و الكلام ده بينتو و كتبتو في البوست ده ذاتو ..ياخي بوست الجن ده ذاتو ينسرق كيف ... الكلام القالو عسوم في بوست الجن ... إبليس و السامري ذاتهم بكونو متحيرين في الكذب و التدليس عليهم !!
بالنسبة لل"معركة" بيني و بين عسوم ...فمافي معركة أساسا ... على الأقل من جانبي ... الموضوع - كما أراه - في زول عندو unspeakable قدرة على الكذب و التدليس و المكابرة... و في زول تاني بسخر من هذه القدرات ....و قلنا مليار مرة إنو غرض هذا البوست هو بيان أسباب سخريتي من هذا الرجل و حقي في قول ما أراه ...و لي أيام ...بل قد تكون اسابيع... بعد ما حسيت إنو وجهة نظري وصلت للناس ... عايز انتهي من الفلم ده عشان to move on و نشوف لينا قصة ولا قصيدة على قولك ...لكن بتجي إنت و الناس الزيك ينفخو في الموضوع و يستمر ...
الان و بالذات بعد ما الجيلي و ماجد و آمال إقتنعو إنو لا جدوى من الحاصل ... و بعد ما وجهات نظر الناس - بما فيهم أنا و إنت - وصلت للناس المتابعة ... ننهي الفلم ده هنا و نمشي لقدام ... ما إقتنعتو بكلامي ده ... ما تلوموني على استمرار البوست !!
