أريد رأيك أو (رايك) وليس رائك !!

[قرقاش]

ادعو الله ان يجعلنا ممن يسمعون القول فيتبعون احسنه ...
وعليه فلقد عدلنا التوقيع وجعلناه بالياء...بدلا عن الهمزه .. كفانا والله واياكم شر الهمزه اللمزه ..

[أحمد طه]

المشاركة الأصلية كتبت بواسطة قرقاش

ادعو الله ان يجعلنا ممن يسمعون القول فيتبعون احسنه ...
وعليه فلقد عدلنا التوقيع وجعلناه بالياء...بدلا عن الهمزه .. كفانا والله واياكم شر الهمزه اللمزه ..

فتح الله عليك يا قرقاش اخوي و جعلنا جميعاً ممّن يستمعون القول فيتبعون أحسنه ، أنا رايي إنو بورداب الخرطوم يتّفقوا على عمل إفطار جماعي في أحد أيام شهر رمضان المبارك عشان التعارف يكون أوثق.
تسلم يا غالي

[قرقاش]

الاستاذ الدكتور النور احمد يطرح السؤال التالى ..
لربما كان من المناسب أن أشير هنا، إلى أن الهضبة الحبشية، رغم اتصالها الأقدم بجزيرة العرب، ( لجاء اليها العرب عند ظهورر الاسلام..) بقيت على لغتها الخاصة بها. وهي لغة تدخل ضمن المجموعة السامية، في حين تحول أهل كوش، رغم اتصالهم الأحدث، نوعاً ما، بجزيرة العرب، من كوشيتهم، إلى اللغة العربية...
انا لااسال عن تمسك الاحباش ...ولكن عن تفريطنا نحن ...

[أحمد طه]

المشاركة الأصلية كتبت بواسطة قرقاش

الاستاذ الدكتور النور احمد يطرح السؤال التالى ..
لربما كان من المناسب أن أشير هنا، إلى أن الهضبة الحبشية، رغم اتصالها الأقدم بجزيرة العرب، ( لجاء اليها العرب عند ظهورر الاسلام..) بقيت على لغتها الخاصة بها. وهي لغة تدخل ضمن المجموعة السامية، في حين تحول أهل كوش، رغم اتصالهم الأحدث، نوعاً ما، بجزيرة العرب، من كوشيتهم، إلى اللغة العربية...
انا لااسال عن تمسك الاحباش ...ولكن عن تفريطنا نحن ...

[size=4]
[color=00008B] مافي زول فرط في شي يا دقلاش...
كل زول بتكلم لهجتو الورثها من ابّهاتو و اجدادو، الحلفاويين و المحس و السكوت و الدناقلة و البجة ..الخ عندهم لهجاتم المورثة من كبارم ، كذلك الشايقية و المناصير و الرباطاب و الجعليين
و الكواهلة و البطاحين و الشكرية ...الخ ورثوا كلامهم من أجدادم..
و ربّنا هو الخلق الناس شعوب و قبائل ، و قال (و جعلناكم شعوباً و قبائلَ لتعارفوا، إن أكرمكم عند الله أتقاكم) , و قال ( و من آياته خلق السماوات و الأرض و اختلاف ألسنتكم و ألوانكم)
فعليك الله يا قرقاش ما تقعد تنقر في الوتر ده لأنو مسيخ و ما منّو مصلحة..[/size[/color]]

[سر الختم إبراهيم نقد]

أحمد طه
سلام وتصوم وتفطر على خير
شكراُ لك على تصحيح رأيك
ولكن المشكلة الكبرى عندنا نحن السودانيين هي نطق وكتابة حرف " القاف"الذي نقلبه بقدرة عجيبة إلى "غين"، فنقول الاستغلال ،بدلاُ عن الاستقلال، وفعلاُ نطق القاف صعب إلا لمن تعود عليه، بدليل إنو الواحد ممكن بدل يقول غايتو يقول قايتو.
حرف القاف ليس مشكلة لنا وحدنا،بل لشعوب أخرى فالمصريين بعضهم طبعاُ ينطقونها كاف، فيقولون "الكاهرة" بدل القاهرة، والعرب أيضاُ ينطقونها مثل "جيم " المصريين.
دمت بخير.

[أحمد طه]

المشاركة الأصلية كتبت بواسطة سر الختم إبراهيم نقد

أحمد طه
سلام وتصوم وتفطر على خير
شكراُ لك على تصحيح رأيك
ولكن المشكلة الكبرى عندنا نحن السودانيين هي نطق وكتابة حرف " القاف"الذي نقلبه بقدرة عجيبة إلى "غين"، فنقول الاستغلال ،بدلاُ عن الاستقلال، وفعلاُ نطق القاف صعب إلا لمن تعود عليه، بدليل إنو الواحد ممكن بدل يقول غايتو يقول قايتو.
حرف القاف ليس مشكلة لنا وحدنا،بل لشعوب أخرى فالمصريين بعضهم طبعاُ ينطقونها كاف، فيقولون "الكاهرة" بدل القاهرة، والعرب أيضاُ ينطقونها مثل "جيم " المصريين.
دمت بخير.

هي لخبطة نصاح يا السر اخوي! زمان كانت محصورة في الفانانين و أنصاف المثقفين ، ما زلت أذكر عثمان حسين وهو يغني في نشيد بلادي أنا ( فأنت دمي ، كلّ ما أغتني !) بغين بيّنة لا مراء فيها !! أو ابن البادية في ليلة السبت (هل أبلغوك وشايةً كذبا ، يا حلوتي عني فصدّغت!) غين ما فيها مغالطة ، و الغريبة إنو المثالين الذكرتهم ديل تسجيل الاذاعة،

أما الآن فالقصة باظت مرة واحدة ، الجرايد ، التلفزيون،الاذاعة ،، يشهد الله في أكثر من مسجد
صليت خلف من يقرأ (إهدنا الصراط المستغيم) أها شنو ليك؟؟

[رأفت ميلاد]

المشاركة الأصلية كتبت بواسطة قرقاش

من اين اتى هؤلاء ..

والله يا قرقاش أنا من أمدرمان أب عن جد .. لكن أحمد طه وشلتو ديل والله ما عارفم .. هسة كلام أسامة ده ما زعلك .. هو ذاتو من هؤلاء

ياخى عرب وعجم شنو ولغة .. أنا ذاتى متلتل .. الخطأ فى النطق .. زى ما قال أحمد طه (رأيك ولّ رايك) الإتنين لافقات .. تعرف فى المدرسة كان معاناعربى من الجزيرة .. كان بناديى رئفت .. كنت بتغاظ شديد .. قام فى واحد تانى نادانى مرفت .. قلت ليهم أخير رئفت ..

تعرف النقد لأنه فى التوقيع زى ما ذكرت .. لاكن كان حشوة .. فتش كتابتى على قفا من يشيل مليانا بالبدع ..

حقو أدور شكلة مع الإدارة ونرجع لمدة ساعة للتعديل ..

أها أنا أمدرمان أنت من دنقلا العرضى ..

[أحمد طه]

المشاركة الأصلية كتبت بواسطة رأفت ميلاد

والله يا قرقاش أنا من أمدرمان أب عن جد .. لكن أحمد طه وشلتو ديل والله ما عارفم .. هسة كلام أسامة ده ما زعلك .. هو ذاتو من هؤلاء

ياخى عرب وعجم شنو ولغة .. أنا ذاتى متلتل .. الخطأ فى النطق .. زى ما قال أحمد طه (رأيك ولّ رايك) الإتنين لافقات .. تعرف فى المدرسة كان معاناعربى من الجزيرة .. كان بناديى رئفت .. كنت بتغاظ شديد .. قام فى واحد تانى نادانى مرفت .. قلت ليهم أخير رئفت ..

تعرف النقد لأنه فى التوقيع زى ما ذكرت .. لاكن كان حشوة .. فتش كتابتى على قفا من يشيل مليانا بالبدع ..

حقو أدور شكلة مع الإدارة ونرجع لمدة ساعة للتعديل ..

أها أنا أمدرمان أنت من دنقلا العرضى ..

رأفت ضحكتني لامن دموعي جرت !
ذكرتني نكتة رواها الجاحظ في (البيان و التبيين) قال : قال مولى لزياد : أهدوا لنا همار وهش ، يريد حمار وحش ، فقال زياد : ما تقول، ويلك ! قال : أهدوا لنا أيراً ، يريد عَيرا ، فقال زياد الأول أهون ، و فهم ما يريد !
دحين زولك بتاع (مرفت) ده بالغ فيها

[قرقاش]

حبيبنا احمد طه ...على فكره فى احمد طه لقبه جنرال ياهو انته . ولا .اسم على اسم ..؟
قلته لى ...مافرطنا ..وقلت لى ده وتر مسيخ ...

من ناحيه فرطنا هاك المعلومه من ويكبيديا .
النوبية هي لغة نيلية صحراوية من الفرع السوداني الشرقي في جنوب مصر وشمال السودان، وكان معظم الناطقين بها يسكنون في وادي النيل في ما أصبحت بحيرة ناصر بعد بناء السد العالي جنوبي أسوان. وعدد الناطقين بها حوالي مليون نسمة.

بين القرن الثامن والقرن الخامس عشر م، كان النوبة يكتبون لغتهم بلأبجدية القبطية بإضافة بعض الحروف. لكن الآن لا يكتبونها إلا قليلً، ومن يكتب النوبية يكتبها بحروف عربية أو لاتينية.

ولهجاتها هي:

المحسية (أي "نبـيـن") والفاديجا
الدنقلاوية (قرب مدينة دنقلة) والكنزية في مصر
الميدوبية في جبل ميدوب في دار فور
لهجة البرقد قرب نيالا (منقرضة)
لهجات جبال النوبة
النوبية العتيقة (في القرون الوسطى)، وأشهر المخطوطات فيها "معجزات القديس مينا"

وهاك الصوره دى ...

[img][/img]

من ناحيه المساخه ...والله المساخه من الزول الذى استلبنا ثقافيا ..
مش مننا نحنه الدايرين نرجع حقنا
اما من ناحيه الاغانى مثلا ..على راى عادل امام .....ماهو عبد الحليم بقول .. اولوو الووو اللوو ..ولا حد بيكلمه يعنى ... اشمعنى ابن الباديه ...؟ وحتى العرب ..شوف الكوايته والريايل ..الذين يطرشون الكلام ..وووو
يااخوان ان ماعندنا هو لغه سوداناويه نفتخر ونعتز بها وهى اختراع وابتكار محلى من ابتكارات اهلنا العظام وهى بتادى غرضها تماما ...انتوا الحارق رزكم شنو ...؟
نحنه سوادنيه ماصلين ومفصلين ولينا تاريخ وكتابه وارقام وكل ده مكتوب فوق الصخور ...للعاوز يغالط ...
المبدع رافت ...نعم اخوك اصوله من ضواحى دنقلا ...يعنى دنقلا ذاته نحنه من اقاليمها وفينا شويه عرق بتاع حلب .....وان كنا نبحث عن مجد دنقلا الضائع ...
اماعن امدرمان فانا من مواليد الخرطوم .....القشاشه ...مكاان نمره اتنين الحالى ...

[أحمد طه]

حبيبنا قرقاش، حياك الله
مع الأسف أنا لا جنرال و لا ميجر ، زول مسكين ساي ، الجنرال داك زول قاعد فوق عزّو!

طيب ، من ناحية التفريط، ممكن أوافقك إنو القبائل النوبية غير الناطقة بالعربية حصل منهاتفريط ، تجد منهم الآن (بالذات ناس الخرطوم) من لا يفهم كلمة واحدة من الرطانة ، أمّا الكتابة النوبية فدي انتهت بدري خالص.

لكن القبائل العربية السودانية مابنقدر نقول حصل منهم تفريط ، لأنو دا ياهو كلامهم العارفنّو من جدود جدودم !

في تاريخ البشرية كان في فترات من القحط و الحروب أدت لي هجرات واسعة ، ليه نستبعد إنو بعض القبائل العربية هاجر أسلافها إلى السودان قبل قرون طويلة بحثا الأمن و الكلأ و طاب لهم المقام في البطانة أو غيرها من أنحاء السودان ، ثم تزاوجوا و اختلطوا بأهل المنطقة حتى يأمنوا شرهم و حتى يكتسبوا حقوق المواطنة، و مع ذلك احتفظوا بلغتهم التي جاءوا بها ؟؟
المنطق بيقول كده....
بعدين ياخي الأغنيتين الأنا ذكرتهم مكتوبات باللغة العربية الفصحى ، فحقّو الفنانين يراعوا الحتّة دي و يحاولوا يعوّدوا ألسنتهم على المخارج الصحيحة لحروف اللغة العربية ، و لأنو برضو تغيير حرف واحد ممكن المعنى كلّيا ، مثلا (أغتني) معناها غير (أقتني) ، الأولي يعني يبقى غني، عكس فقير ، و التانية يعني يتملّك أو يحوز

تحياتي