ستة أسابيع في السجن الألماني.. أجازة إجبارية لخالكم .

[أسامة معاوية الطيب]

المشاركة الأصلية كتبت بواسطة خالد الحاج

سلامات يا سرور
تسلمي انت .. السجن شبه الجيلي وطارق .. أي والله ..
اتصل بي بابكر مخير.. أسه دي .. والراجل لمح يدفع الغرامة ..
أداني احساس بأنو بوست استغاثة ...
شكرتو والله من القلب .. لكن مستورة والحمد لله ..
أنا بس داير الناس تعرف القعاد في البلد دي ماهو نزهة شي...
والخواجات ديل الله ما بيرعرفوه وما بخافوه .

كل سنة وانت طيب
انا اسع جيت طاير بعد مداخلة عباس الشريف دي قت يكون لحقك بي قصيدة ... أقلاها يا تجي مارق ملحن ... يا فنان هابط
وخوفا من التضامن يا سيدي ... كفارة البيك يزول ... والسجن ما بيكتلو زول ... خاصة سجون بلاد لا فوق ديل
كت داير اكتب ليك ك ستة أسابيع عشناهن جوة ... زادننا قوة
لكن قت قوة شنو كمان مع البلياردو الراجيك دا ؟؟؟ فحذفت الأبيات وطلعت زي الماحصل حاجة
طبعا مع الاعتذار في التصرف بأبيات حميد

[سارة]

المشاركة الأصلية كتبت بواسطة أسامة معاوية الطيب

كل سنة وانت طيب
انا اسع جيت طاير بعد مداخلة عباس الشريف دي قت يكون لحقك بي قصيدة ... أقلاها يا تجي مارق ملحن ... يا فنان هابط
وخوفا من التضامن يا سيدي ... كفارة البيك يزول ... والسجن ما بيكتلو زول ... خاصة سجون بلاد لا فوق ديل

قلنا بمناسبة السجن نسلم عليك ونقول ليك كل سنة وانت طيب

انتو المعايدة حقت الله والرسول دى ما درسوكم ليها

[طارق الحسن محمد]

المشاركة الأصلية كتبت بواسطة خالد الحاج

سلامات يا سرور
تسلمي انت .. السجن شبه الجيلي وطارق .. أي والله ..
اتصل بي بابكر مخير.. أسه دي .. والراجل لمح يدفع الغرامة ..
أداني احساس بأنو بوست استغاثة ...
شكرتو والله من القلب .. لكن مستورة والحمد لله ..
أنا بس داير الناس تعرف القعاد في البلد دي ماهو نزهة شي...
والخواجات ديل الله ما بيرعرفوه وما بخافوه .

والله يابن عمى شكرا على
التثنية من الضارة
ومالو .................؟ ؟ ؟

المصريين بيقولو السجن للرجالة او الجدعان
اها اركز
والله انا لك من الناصحين
اتوكل على الله وخشو

فرصة للراحة والاستجمام
والله
والتامل والقراية بمزاج
وبتركيز عالى
واسال اخوك
وفرصة (للتضامن الحقيقى )
: D

[علي حاج علي]

المحترم خالد الحاج
كل عام وانت بخير

اذا لم تحزم حقائبك حتى الان...
نصيحتي ليك اتوكل وادفع الغرامة .

[ناصر يوسف]

المشاركة الأصلية كتبت بواسطة خالد الحاج

والله يا هداب ناصر يوسف كمان "مؤهل للتضامن" .. أي والله .

واااااااااااااااااي ( دي ما بتاعة أي تَضامُن )

قال شنو قال ..

كدي وقف العربية دي في الباركنق الجاي ده لأنو نحنّ قربببببببببببببنا لهولندا ومن هنا لهولندا الشوارع بتكون جايطة عليك

هييييييييييييع أنا أخوك آآآ ساره ..

عليكم أمان الله كنت سايق عربية خالد دي في أمن وأمان .. ومُبرطِع في شوارع ألمانيا المووووو خمج أريتها شارع مدني وبورتسودان

لا راداراً طقشني ولا شيتاً كُتُر ..

عِلا بس ياهو التسوي كِريت ..


قال تضامن قال ..

لوووووووووووووووول


لكن بيني بينك كلام صاحبك شوقي ده أمسك فوقو قوووووووووووي

[النور يوسف محمد]

بسم الله الرحمن الرحيم

سلام يا خالد ..
ياخى دى مخالفة سرعة وللاّ كتلت ليك زول
يعنى كم مخالفة كده تساوى دية بنى آدم عديل عندنا ..
اللهم لا اعتراض فى حكمك .. بلادكم دى ما فيها ( تنزيلات )

[عبدالعزيز خطاب]

نعلن كامل إنسحابنا

وانا بجيك في الويك إند أزاملك وأوانسك ياخالـــ د

أصلو الجماعة في الويك إند بجهوهم الفرندينات بتاعتهم وأهو نتونس معاهم وكان فيها حاجات تاني حمياهم نحميها معاهم

يا خالــ د جعلها الله في ميزان حسناتك .. وجعل الجنة عوضاً لك عن مال الدنيا الزايل

[عباس الشريف]

المشاركة الأصلية كتبت بواسطة أسامة معاوية الطيب

كل سنة وانت طيب
انا اسع جيت طاير بعد مداخلة عباس الشريف دي قت يكون لحقك بي قصيدة ... أقلاها يا تجي مارق ملحن ... يا فنان هابط
وخوفا من التضامن يا سيدي ... كفارة البيك يزول ... والسجن ما بيكتلو زول ... خاصة سجون بلاد لا فوق ديل
كت داير اكتب ليك ك ستة أسابيع عشناهن جوة ... زادننا قوة
لكن قت قوة شنو كمان مع البلياردو الراجيك دا ؟؟؟ فحذفت الأبيات وطلعت زي الماحصل حاجة
طبعا مع الاعتذار في التصرف بأبيات حميد

حبيبنا اسامه خلاس زعلته من ود الحاج عايز تجيب اجل راسو الجايط تبقي عليهوا اتنين سجن روح وسجن افكار مالك عليهوا بي قصايدي دي الزول خليهوا الغرامه الماديه بعد داك بجي براهوا لي غرام الروح والكلام التاني

[عباس الشريف]

المشاركة الأصلية كتبت بواسطة النور يوسف محمد

بسم الله الرحمن الرحيم

( تنزيلات )

الحمد لله دي جات من ناس الاداره ما مننا احنا ؟؟؟؟؟؟؟

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

كل سنة وانت طيب
انا اسع جيت طاير بعد مداخلة عباس الشريف دي قت يكون لحقك بي قصيدة ... أقلاها يا تجي مارق ملحن ... يا فنان هابط

والله ياعباس غايتو إحتدم الوغي..
أسمع كلام أسامة ده أخير ليك..
و..
كامل التضامن مع ودالحاج..
رغم عن أنو سجن الخواجات ولا غباشة حريتنا المجهجهة دي.

[معتصم الحارث الضوّي]

شوف يا سيدي. أنا مستعد وحاضر والله، وحأحقق هدفين:
أولا، أخلص رواية ليها زمن طويل تاعباني، وما لاقي لها زمن، ده طبعا السبب الحقيقي، أما السبب الذي سأعلنه على الملأ "بتفشخر"، فسأعلن أن الشرطة الألمانية اعتقلتني لآرائي السياسية، وحأستغل الموضوع أسوأ استغلال، وأعمل فيها مناضل، واحتمال أعمل حزب جديد عشان الواحد يصلح الميزانية وكده

مودتي، وسلامتك من كل شر أنت ومن تحب

[بدور التركي]

المشاركة الأصلية كتبت بواسطة خالد الحاج

في مشوارنا مع ناصر للسويد وبمجرد عودتي تلقيت رسالة من البوليس الألماني
غرامة سرعة لتجاوز السرعة المسموح بها 165 يرو
قلت يا ود حمة خفيفة ودفعتها .
أول أمس تلقيت رسالة من ولاية (روسير لاندراف) الألمانية.. برضو من البوليس.
المرة دي غرامة وفي نفس المشوار للسويد 327 يرو
القرار بيقول
* دفع الغرامة خلال شهر 327 يرو.
* منعي من السواقة في ألمانيا لمدة شهر
*إرسال صورة فتوغرافية من رخصتي بتاعة السواقة .
* في حالة عدم الدفع خلال المدة المحددة بأربعة أسابيع أسلم نفسي لأقرب نقطة بوليس ألمانية لأقضي مدة عقوبة ستة أسابيع في السجن .
إنتهي.

بتونس مع شوقي قال لي (في ضمن ما قال ) : يا أخي أمش سلم نفسك.
إجازة ترتاح فيها . أكل مجاني ... وراحة من الارهاق . وحاجات تانية حامياني

غايتو ما عارف لكن الموضوع دخل لي في راسي وبيني بينكم أنا فترت من الدفع الكتير والحالة ذاتها بقت ما مستحملة .. دحين نتقابل بعد ستة أسابيع..
أبقو عشرة علي العقاب .



[align=center][/align]

[align=center][/align]

[align=center][/align]



[align=center][/align]

طلبو منك صورة؟
رسل ليهم صورة النيو لوك


متضامنين معاك
ورقبتنا سدادة
واقفين معاك بروحنا وامكانياتنا المتواضعة

اوعك تسلم نفسك
الالمان ديل ما لهم أمان

خايفين عليك منهم

[قرقاش]

عيش التجربه يا ابوها ..قبلك انا اخدته تلاته يوم فى كركاس فى فنزويلا...وحاتك ياغالى حاجه اقرب للمسلسل بتاع ا...وز ... شفته ...؟
المهم عملت بى كلام عمنا عنتر ابن شداد ...اضعف واحد فيهم شلته خبته بى الواطه ...الجماعه تلاته يوم يحمروا لى ..انقر مافضلت صاحى تلاته يوم ..
لحدى ماالجماعه حصلونى ...
سجن فى المانيا يابختك ياعم ...مولد ..

[طارق الحسن محمد]

المشاركة الأصلية كتبت بواسطة بدور التركي

طلبو منك صورة؟
رسل ليهم صورة النيو لوك

كدة ضمن التضامن
مع كل النزلاء
جدد وقدامى
لووووووووووووووووووووووووول

[Hassan Farah]

ود اللزين يا ود الحاج-- سايق بسرعة 165 كيلومتر فى الساعة وجاى تتباكا--- ياخى اخوك مقرش عربيتو تحت شباك بيتو والملاعين ديل غرمونى 120 يورو--- انا قلت جماعتى البلطيقين ديل فلسوا--- لكن المانيا-- غايتو الله يمرقنا من بلاد الحواجات ديل مستورين