عفوا صفيــة ... الاكذوبة الكبرى ... اسئلة مشروعة !!!

[محمد عكود]

اقتباس:
المشاركة الأصلية كتبت بواسطة خالد محجوب
اقتباس:
المشاركة الأصلية كتبت بواسطة محمد عكود
بسمك اللهم ...
طالعت واطالع تفاصيل قصة المدعوة صفية ...
ومن على بعد منذ ان كانت تغطي وجهها وحتى اسفرت ....
وبعد ...
استمعت للتسجيل الاخير ...
وبكل تجرد ... وكانت المغالطالت والاشياء الغير منطقية ...
ليذهب الكيزااان الى الجحيم ... ولكن لندع الوطن وسمعته سالمة ...
وهذا ثم بعد ....

بداية كانت الانطلاقة من شارع الحرية .. ذلك الشارع الذي لاتغرب عنه الحركة والناس ...
وكلنا نعلم نخوة السوداني مهما كان لونه او جنسه ...
فكيف تخطف في ذلك الشارع ..؟؟؟ وكيف كمموا فمها دون ان يحرك اي احد في الطريق ساكن ولو من باب - الشمار-
وهل من عقلية امنية كعقلية كلاب الجبهة تخطط لاختطاف في اشد شوارع الخرطوم ازدحام .. وازقتها مقفلة بكيمان الاوساخ والرمال والانقاض ...
هل من عقلية امنية او اجرامية تفكر في مخطط دون وضع خطة اخلاء وهروب مهما كان غباء اصحابها ..؟؟؟
الفأر لا يدخل مكان حتى يعلم اين مخرجه .. وسرعة الوصول اليه ...
ثم ان اروع مافي طلاب كلية الفنون لمن يعرفهم انهم يتحركون دوما في جماعات ... وفي كل الاوقات ... فهل لم يكن لديها اومعها احد كشاهد عيان على الاقل ..؟؟؟
لو كان الكيزان بهذا الغباء والله ما حكمونا وجرعونا المهانة والغربة كل هذه السنين ....

ثم
خطفوها .. واخذوها لمكاتب الامن جوار موقف شندي .. وهو معلم بارز لكل سوداني ومكان معلوم ...
هنا لفت انتباهي وسيلفت فيما بعد اكثر ما حدث ...
على حسب قولها وركزووو معي هنا :
امسكوها فردين وقام بضربها فردين ثم صاروا ثلاثة وتناوبوا على الضرب ...
وبداء التحرش والنعت بالعهر والشيوعية كأنها تهمة وحتى هنا الامر طبيعي جدا ...
انثي مضروبة من 4 رجال وجهها وجسدها ملئ بالكدمات والسحجات اضعف الايمان ..****

ثم تناوبو على اغتصابها .. اثنين يمسكون والثالث يغتصب ...
ثم بعد ان قضو وطرهم .. واصلوا الإساءة النفسية والمعنوية ... وقالو لها اخرجي ولو امسكنا بك مرة اخرى سنفعل ونفعل ونفعل ...
خرجت صفية ...
سارت بقدميــــــــــــــــها من مكان اغتصابها لباب مكتب الامن وخرجت حتى الموقف ثم اعتلت المواصلات .. ثم نزلت .. واعتلت اخري حتى وصولها منزلهم في او بعد الحادية عشر ليلا ..
وقابلتها امها .. وسألت عن سبب التأخير وكان التبرير واهي ولم تخبر امها ...
الى هنا وانتهى سرد الواقعة .. وما تلاه كان بروبقاندة اعلامية عنها وعن دورها في تحريك جمود نساء السودان ...

نعم صفية هناك اغتصاب في السودان ...
داخل العائلة الواحدة يوجد الاغتصاب ... للاطفال هناك اغتصاب .... في الحروب هناك اغتصاب ...
ولكنك آنستي لم تغتصبي ,... واذا سألتني كيف سيكون الرد من كلامك ...

سيدتي اسمحي لي ان ابداء من اسفل الى اعلى ...
كيف بعد الضرب من 4 رجال امنجية ... يعلمون ماذا يعملون .. ويعرفون كيف يضربون .. يفعلون ما يأمرون ... كيف يا سيدتي لم تلاحظ ذلك امك؟؟؟
الم يصيبك كل هذا الضرب والشلاليت والكفوف بتوووورم ولو بسيط في اي مكان ..؟؟؟؟؟ ام انهم ضربوك في كل مكان الا وجهك ...؟؟؟ وكان الضرب بمناديل ورقية ...
كيف فقط لم تلاحظ امك شئ ... ولا حتي في تغير مشيتك ... فأنتي عذراء على ما احسب وتم اغتصابك بقوة من قبل ثلاثة رجال .. فكيف استجمعتي قواك لتسيري امام امك بثبات ..؟؟؟
الم تتكرفس ملابسك صفية من الضرب ؟؟؟ الم تتمزق من المقاومة ...؟؟؟؟؟

وهذا يقودني الى كيف وانتي بهذه الحالة المزرية استطعتي ان تعبري كل تلك المساحات وصولا الي بيتك ...
ونحن الرجاااااال اذا اصبنا بتسلخات بين القدمين .. فقط تسلخات .. نرى الجحيم من الالم ...
ونسير مباعدين الساقين بشكل سئ ومحرج ...

وكي لا اظلمك سألت صديقة لي طبيبة هل هذا منطقي ...؟؟؟
واجابة شبه يستحيل من الناحية الجسدية خصوصا مع فرضية انها عذراء ...
ويستحيل من الناحية النفسية لما تتعرض له المغتصبة من صدمة .. وانهيار عصبي ...
قد تؤدي في بعض الاحيان الى انتحار المغتصبة .. خصوصا في المجتمعات الشرقية ..

ثم لندخل عالم وكواليس مكاتب الامن ...
واحسب ان هنالك منا من راها ومن الداااااخل ... اكان ظالم او مظلوم ... وان الكل قد سمع بها ..
وعن مكاتب موقف شندي نتحدث .. التي لا يرى العابر من الخارج شئ من دواخلها مهما كان زرقاء اليمامة ...
الم يكن داخل هذه المكاتب -وعلى حسب قولك انك مختطفة في ال10 والنصف تقريبا اي وقت الدوام والعمل- الم يكن داخلها فقط من يغير على عرض؟؟؟
او فرد ودنااااااااااس .. او ضابط يخاف الله في النساء ..

لنسلم انهم من اولاد الحرام .. لاتوجد فيهم نخوة .... كلهم ...
فلماذا لم يغتصبوك جميعا .... خصوصا وان الرغبة الجنسية لا تقاوم ... وهنالك انثي موجودة .. ومستباحة غصبا ...
لا توجد مخارج كثيرة من هذا السؤال .. اما انهم مصابون بالشذوذ فيما عدا الثلاثة الذين اغتصبوك او انهم خافو الله فيك وهذا يدحض عدم تدخلهم لحمايتك ونجدتك .. واما انك كاذبة ...
ثم اين ذهب الرابع ....؟؟؟؟؟ لماذا لم يشارك في الاغتصاب ...؟؟؟

ومن داخل المكاتب ايضا ...
وعلى حسب قولك سيدتي انهم بعد انقضاء الوطر امروك بالخروج ...
سيدتـــــــــــــــــي عفرااااااااااء مول اذا اردتي دخولها توجد بوابة كشف المعدن ... واذا اردتي الخروج توجد بوابة كشف المسروقااات
مكاتب الكهرباء ... المياه ... فواتير الهاتف ... اماكن مشاعة للكل ولكن بحساب وتحت حراسة الهدف ...
فكيف بك تخرجين من باب المكتب حيث اغتصبوك وتسيرين داااخل الحوش وصولا للبوابة ... وتخرجييييييييييين كأنك في منزلكم تمام ...؟؟؟
وحتى ضباط هذه المكاتب مطالبون اضعف الايمان عند الدخول اذا كانو من خارج الوحدة .. او وجههم غير معروف للحراسات ...
الم يستوقفك احد؟؟؟
الم يوجه اليك سؤال من انتي وماذا تفعلين هنا...؟؟؟
اقسم اذا كانت مكاتب الامن بهذه السذاجة ما قبع فيها معتقل ليلة وضحاها ....
وابحثي يا سيدتي في قوقل عن اقاصيص وبشاعات مكاتب الامن في السودان ....
وقالت : وقالو لي اذهبي فذهبت ....
صفية اغتصبتي فينا عقولنا ... واتهمت شعب باكمله بالغباء ...

اخر الغيث ..
اختطفتي في العاشرة والنصف صباحا ... ووصلتي منزلك في الحادية عشر ليلا بمعني اكثر من 10 ساعات
وكل ما قلتي من الناحية الزمنية لا يتجاوز ال4 او 5 ساعات .. بفرضية ان شارع الحرية والطريق الى موقف شندي شارع هاااي ووووي لا يستغرق مهم سوى نصف ساعة ..
الا ترى معي ان هنالك فجوة زمنية كبيرة جدا جدا في قصتك ...

صفية ... ما قلتي ليس اكذوبة .. وحدث ويحدث ... بل ان رجال اللا أمن لا يتورعون عن فعلها ..
بل لقد اغتصبو الرجال لمعرفتهم ان هذا الفعل في الموروث الفكري السوداني يكسر عين اعتي الرجال ...
سيدتي اغتصبوهم .. وعذبوهم ...
اكرر ما قلتي ليس اكذوبة .. ولكنه لم يحدث معك .....
لا ادافع عن كلاب تنهش في لحم محمد احمد ... وعزة ... وبناتهم وابنائهم الشرفاء .. حرائر هذا الوطن الحلال ...
ولكني ادافع عن ماء وجه هذا الوطن الجريح امام مسرحيتك سيئة الاخراج ...

الان قد حان الختام ...
اقولها وسوف اقول ...
نحن شعب له الله ... فعندما تكون المعارضة اسوء من الحكومة ... لايتبقى لنا الى الموت كمدا وحسرة ....
قرفنننننننناااااااااااااااااا قرفنا فعلا من وسخ الحكومة ... وسذاجة المعارضة ...
قرفنا من الاستهزاء بعقولنا .. مرة من هنا ومرة من هنا ...
خجلنا ونحن كل ما يتفتح موضوع عن السودان ندنقر ... مرة جلد ومرة اغتصاب ....
نتزاوغ ... نحاول نهرب ... نسوق اعتذارات ....
بقت علينا الم غربة ... والم جرح في الكرامة والنخوة ....
كفاية صفية ... جد كفاية انتي واشباهك ....
المؤتمر الوطني لن يسقط هكذا ... الكيزان في كل حفرة غارسين وتد ....
محتاجين وقفة رجال ... يا رجال السودان ...
ضحكنا وبنضحك من جبن اولاد بمبا ... وطلعو ارجل مننا ...
طلعو خلو الشارع يتكلم ... وكلام الشارع حااار على الظلمة ...
ضحكنا من ليبيا وقلنا ضياع زمن ... وطلعو ارجل ...
نجي نحن الكنا وكنا وسيوفكم بالحرب بنكسرم بعصينا
وحس النحاس قحا
وصقور الجو شبعانات مرارة وكبدة ...
ومرنن مو نشيط ان قبلن شاردات
نتخبأ ورا اكذوبة شرف صفية المنتهك ؟؟؟؟؟

ليهم حق يحكومنا 10000 سنة
وليهم حق يغربونا ... ويسرقونا .. مدام دي هي رجالاتنا ..
ودي معارضتنا ...
وجد جد جد قرفناااااااااااااااااااااااااا



أخى محمد نشكر لك مجهودك الكبير
للدفاع عن نخوة السودانى
اللهو ماعندو غيرها أية حاجة
و دفاعك عن سمعة هذا الوطن البقى ماعندو وجيع.



إذا أراد الله بعبده خيراً فتح له قفل قلبه ، وجعل فيه اليقين والصدق
وجعل قلبه واعياً لما سلك فيه ، وجعل قلبه سليماً ، ولسانه صادقاً
وخليقته مستقيمه ، وجعل أذنه سميعة ، وعينه بصيرة.
(رواه الشيخ عن أبى ذر)




والله يا خالد انا ما بعرفك ..
وكان نفسي ارد عليك ...
بس خاااااايف جد تطلع مصنف من قبل طارق وعباس ويكون يومي ابيض ..
عموما الاختلاف ما مشكلة ..
وكل زول برأيو ... نغلط مرااات ونصيب مرة ...
بس نسكت مرة عشان الكيزان مانعين الكلام ولو بالسيخ
نمرق ببرة للاسف نسكت مرااااات عشان الماكيزان مادارين يسمعو غير صوتم
جد يا بلد حالك اسيف

[محمد عكود]

اقتباس:
المشاركة الأصلية كتبت بواسطة جيجي
العنوان يااخي كان جارحا لكثيرين هنا يرون غير ماترى وانا منهم
وانت تلصق بها وصمة اخرى
كان يمكن ان يكون مقبولا لو ان عنوانك صيغ بكلمات ارق في وقعها على الباكين على شرف اخت عزيزة طرحت ماتعرضت له بكل شجاعة
لست انت من ينفي اويكذب....
والموضوع ليس خاضع لتحليل بقدر ماهو محتاج لتوضيح الحقائق
على اجهزة الدولة المتهمة ان تحترم عقول مواطنيها وتضحد بكل شرف عنها هذا التهمة-
كان يمكن ان تعرض وجهة نظرك دون الصاق الكذب بها



تعرفي انا بس كان جد املي كلامك دا ..
يا عكود ياخ انت غلطان في كدا وكدا وكدا ... وانا يا ارد يا اعتذر ..
اولا انا اسف على حدت العنوان .. ليك ولكل من سائو ..
واتمنى الموضوع يكون بديل واسف عن العنوان ...
بكرر اسفي جيجي ...

ومافي اي اجهزة دولة مهتمة .. ولا حتهتمة ..
لو بتهتما كان من باب اولى يهتمو برغيف العيش
ولا بحالات وظواهر اللقطاء ... او على الاقل شفخانات للبتولد في الشارع في ضهر بكس ماشي لانعدام داااااية والبلد كلها قارية طب ...

اخيرا سيدتي هذه وجهة نظري ..
قد لا تتماشى معك .. وقد تكون تتماشى مع غيرك ...
احترم جدا اسلوب نقاشك ...
واكرر اسفي اذا فتحت جراح لم ولن تندمل ...

[محمد عكود]

اقتباس:
المشاركة الأصلية كتبت بواسطة رأفت ميلاد
محمد عكود لا أعتقد له علاقة بى أبى ذر الغفارى أقصد عكود والله أعلم .. ولكنه من طرف بورداب الخرطوم .. أو عبد العزيز عبدالله .. الله أعلم .. ولكن الحقيقة كل المذكورين أحبائى


الخال رأفت فعلا لاعلاقة لي بأستاذي ابي ذر ولي الشرف ان كانت ...
او بالاصح لم اتحقق من اسم عكود هو نفس الجد يجمعنا ام هو عكود اخر ...

[زول الله]

المشاركة الأصلية كتبت بواسطة محمد عكود

ولو زول الله سااااااااااااي ناس الله بحبو يتونسو

انا غايتو جيتك بما اني من ضمن ناس الونسة ديل
فـ شايف اسئلتك فيها بعض المنطق - لاحظ بعض دي سمح ؟؟
اها من ناحية بتاعة ونسة كدا عندي سؤال محدد...

المشاركة الأصلية كتبت بواسطة محمد عكود

لو انت اسلامي قالو جادلهم بالتي هي احسن
ولو شيوعي النهج الشيوعي نهج جدلي وميال للاقناع
ولو زول الله سااااااااااااي ناس الله بحبو يتونسو

انت من ياتهم في ديل ..
ناس التي هي احسن وللا الميالين للإقناع ؟؟
وللا من ناس تانيين ؟؟؟
عشان ما أظنك من البحبو يتونسو زي ناس نحن وجاي !!!!













اقول قولي هذا واستغفر الله لي ولك ياخالد الحاج ...........

[طارق الحسن محمد]

المشاركة الأصلية كتبت بواسطة محمد عكود

اقتباس:
المشاركة الأصلية كتبت بواسطة طارق الحسن محمد
دخل جوة القائمة يا جميل
الحمد لله
لايتورعون عن كشف انفسهم
الم تقل يارافت ان سودانيات
مستهدفة ؟؟؟؟
وتــــــــــــــــيب
تجاهله ........... وفقط
مودتى



كنت بتمنى اعاملك زي ما عملت الخال رأفت ...
بس واضح من ردك انو لافائدة في الرد عليك ...
فكل ما فعلته ان طالبت بتجاهلي
واستعملت نفس اسلوب الكيزان الوسخ الانت عامل فيها بتتبرى منهم وحااجر على مجرد راي لانو ما على هواك ...
وحولت راي تااااااااااااااافه مني بالنسبة لرجاحة عقلك لاستهداف لسودانيات .. ومحاولة قلب نظام الحكم ..
طارق انا ما بعرفك .. ولا انت بتعرفني ...
ناقشني في كلامي وطلعني غلطان اجيك وابوس راسك واعتزر ... بس ابعد شخصي عن حوراك اذا تكرمته ...

بجيك راجع ......... وبرواقة ........... لحدى الوقت داك

سلامأ

[بدور التركي]

شفت الفديو وسمعت الحكاية
لكن بصراحة ما قدرت اصدقها
فيها نوع من الخيال
ياخ اي سوداني ولو كان مجرم
ما ممكن يعمل كدا!!

وصفية اعتقد انها ضحية

والله اعلم!!

[رأفت ميلاد]

المشاركة الأصلية كتبت بواسطة محمد عكود
وصدقني كانت اختي وامي عندما كانت مقنعة ... وكتبت عنها في اكثر من مكان ..
ولكن الان حقا انا محتار ...

سلامات يا محمد عكود
أفهم شعورك وتبدله .. أسمح لى بالتحليل أيضاً .. فأنت كنت تفضلها أنثى مكسورة وتشفق عليها .. ولكن عندما أستجمعت شجاعتها رأيتها (قاهر) .. هكذا تربيتنا ..

صفية لم تفقد شرفها بإغتصابها .. ولكن تفقده كاملاً إذا كانت كاذبة .. فتكذيبك لها هو إتهام فى شرفها .. لذا وصفت تحليلك بـ(ونسة) أصدقاء محدود الضرر .. ولكن نشره (إتهام) يحتاج الدليل والدليل القاطع ..

المرأة عندما تطلب حقوقها يجب أن تترك (الخِدر) .. وتجاهر بحقها .. لقد أكدت أنت أن هناك إغتصاب .. لم تنطق به النساء إستحياء .. فزاد عليهن الظلم .. صدقنى لن تُغتصب أمرأة فى القريب بعد تصريح صفية .. فسيجبن المجرمون ..

عندما صرخت لبنى لم يجلدوها .. وقبلها جُلدت المئات .. والدليل شريط البنت الذى تسرب بعد عام من جلدها .. لبنى بطلة وصفية بطلة أخرى فدّن بنات جنسهما .. لبنى طالها الكثير .. والآن صفية ..

أرحموها رحمكم الله

[جيجي]

طيب ياخونا
انت قاعد في السودان ولابرة البلد
غايتوا شكلك ياخوي بعيد عما يجري
اقل حاجة انك لازم تعرف انه ناس الامن مامحتاجين ليهم لشوارع فاضية بسوقوك على عينك ياتاجر والفي الشارع كلهم بيدنقروا خوفا
قال نخوة قال
والاخت ماكانت محتاجة تصرخ لانها زولة عندها موقف ضد النظام
ماكانت عارفة حيغتصبوها عشان تصرخ
عادي ممكن اي هلفوت بتاع امن ممكن يبرز ليك بطاقة في اي حتة ويسوقك
ا

[طارق الحسن محمد]

المشاركة الأصلية كتبت بواسطة رأفت ميلاد

سلامات يا محمد عكود
أفهم شعورك وتبدله .. أسمح لى بالتحليل أيضاً .. فأنت كنت تفضلها أنثى مكسورة وتشفق عليها .. ولكن عندما أستجمعت شجاعتها رأيتها (قاهر) .. هكذا تربيتنا ..

صفية لم تفقد شرفها بإغتصابها .. ولكن تفقده كاملاً إذا كانت كاذبة .. فتكذيبك لها هو إتهام فى شرفها .. لذا وصفت تحليلك بـ(ونسة) أصدقاء محدود الضرر .. ولكن نشره (إتهام) يحتاج الدليل والدليل القاطع ..

المرأة عندما تطلب حقوقها يجب أن تترك (الخِدر) .. وتجاهر بحقها .. لقد أكدت أنت أن هناك إغتصاب .. لم تنطق به النساء إستحياء .. فزاد عليهن الظلم .. صدقنى لن تُغتصب أمرأة فى القريب بعد تصريح صفية .. فسيجبن المجرمون ..

عندما صرخت لبنى لم يجلدوها .. وقبلها جُلدت المئات .. والدليل شريط البنت الذى تسرب بعد عام من جلدها .. لبنى بطلة وصفية بطلة أخرى فدّن بنات جنسهما .. لبنى طالها الكثير .. والآن صفية ..

أرحموها رحمكم الله

يالله ...... يالله ... يا رافت
والله كم انت
مقنع .... لمن اراد
مودتى المعلومة سلفا
كن بخير
وطوووووووووالى
مودتى

[الرشيد اسماعيل محمود]

سلامات يامحمّد..
الرواية القالتها صفية حسب الفيديو فيها ثغرات كتيرة..
رواية ما متماسكة علي المستوي النظري..
بس كمان حكاية بت يتم اغتصابها وتمرق تقول انا ياجماعة اغتصبوني..
دي بتخلخل تماسك نقض الرواية الأم.
إثبات عدم صدق كلام صفيّة، هل بينفي انو في جرائم مشابهة..ترتكب بصورة متكرِّرة..؟؟
قول طلعت كضابة، هل بيعني خلاص الحاجات مشت كويس، زي ماقالت البت..؟؟
أنا فهمت قصدك يامحمد..انا فهمتك (زي ما قال زين العابدين)..
انت عايز الناس تناقشك في اطار قراءتك للحكاية، بس ياخي من الصعب
انو الناس تتجاوز ربط الحاجات كلها واستصحاب ذاكرة مليانة بالقهر والكبت والجرائم والدماء..
فهنا ياصاحبي ما بينفع حصر الموضوع في سياقه..
عشان السياقات مربوطة بحبل متين..حبل ظالم وقاهر للطيش.
من ناحية طبيّة يامحمد:
البت عادي ممكن تقوم تمشي بعد سقوط غشاء البكارة ..
تمشي زيّ الترتيب، باستثناء حالة الخفاض الفرعوني، حتي الخفاض السنِّي
لا يؤثر علي مشيتها بعد سقوطه وتمزقه..
والخفاض الفرعوني ده ما اظن لي يامحمد متوفر في جيل التمانينات من البنات، شوف الفيديو وقرِّر العمر.
المهم يازول:
غير تستحمل مداخلات الناس المحمومة دي ما عنك حل..
تحيّاتي.
ـــــ
مواضيع صفيّة دي، ما كنت حابي أتداخل فيها، بس حبوبة مُبر قالت:
الما عندو قول، مازول.
أها قلت الواحد يتزوّل.

[طارق الحسن محمد]

المشاركة الأصلية كتبت بواسطة الرشيد اسماعيل محمود

سلامات يامحمّد..
الرواية القالتها صفية حسب الفيديو فيها ثغرات كتيرة..
رواية ما متماسكة علي المستوي النظري..
بس كمان حكاية بت يتم اغتصابها وتمرق تقول انا ياجماعة اغتصبوني..
دي بتخلخل تماسك نقض الرواية الأم.
إثبات عدم صدق كلام صفيّة، هل بينفي انو في جرائم مشابهة..ترتكب بصورة متكرِّرة..؟؟
قول طلعت كضابة، هل بيعني خلاص الحاجات مشت كويس، زي ماقالت البت..؟؟
أنا فهمت قصدك يامحمد..انا فهمتك (زي ما قال زين العابدين)..
انت عايز الناس تناقشك في اطار قراءتك للحكاية، بس ياخي من الصعب
انو الناس تتجاوز ربط الحاجات كلها واستصحاب ذاكرة مليانة بالقهر والكبت والجرائم والدماء..
فهنا ياصاحبي ما بينفع حصر الموضوع في سياقه..
عشان السياقات مربوطة بحبل متين..حبل ظالم وقاهر للطيش.
من ناحية طبيّة يامحمد:
البت عادي ممكن تقوم تمشي بعد سقوط غشاء البكارة ..
تمشي زيّ الترتيب، باستثناء حالة الخفاض الفرعوني، حتي الخفاض السنِّي
لا يؤثر علي مشيتها بعد سقوطه وتمزقه..
والخفاض الفرعوني ده ما اظن لي يامحمد متوفر في جيل التمانينات من البنات، شوف الفيديو وقرِّر العمر.
المهم يازول:
غير تستحمل مداخلات الناس المحمومة دي ما عنك حل..
تحيّاتي.
ـــــ
مواضيع صفيّة دي، ما كنت حابي أتداخل فيها، بس حبوبة مُبر قالت:
الما عندو قول، مازول.
أها قلت الواحد يتزوّل.

]

الما عندو قول، مازول.

لا اله الا الله
لا الله الا الله
وعاش القول

[رأفت ميلاد]

المشاركة الأصلية كتبت بواسطة بدور التركي
شفت الفديو وسمعت الحكاية
لكن بصراحة ما قدرت اصدقها
فيها نوع من الخيال
ياخ اي سوداني ولو كان مجرم
ما ممكن يعمل كدا!!

وصفية اعتقد انها ضحية

والله اعلم!!

سلامات يا بدور
يوجد فيديو قبل الفيديو ده وصفية (تقريباً) فى مستشفى .. كانت صورتها غير ظاهرة .. تسرد فى قصتها وهى منهارة تماماً تنهج بالبكاء .. الفيديو الثانى (مرتب) بعد أن تعافت بمن حولها وردت إليها ثقتها .. واضح من مقدمة الفيديو وهى تقدم نفسها وتعليمها وإنجازاتها .. قبل أن تدلف للموضوع .. وإصرارها على الشجاعة كان واضحاً عندما تقاوم الإنهيار فى سرد الأحداث الحساسة .. فلماذا لا تحكمون .. صفية أشجع أنثى دافعت عن الأنثى .. فكيف يأتيها الإتهام من بنت جنسها ..

يا بدور شئنا أو أبينا أختلف الحال .. شعورك بذلك السودانى النبيل غير حقيقى (للأسف) .. قصص إغتصاب الأطفال وغيرها من السوءات تشيب له الولدان .. فلا نظلم أمرأة تدافع على شرفها بهذه البساطة

[محمد عكود]

اقتباس:
المشاركة الأصلية كتبت بواسطة زول الله
انا غايتو جيتك بما اني من ضمن ناس الونسة ديل
فـ شايف اسئلتك فيها بعض المنطق - لاحظ بعض دي سمح ؟؟
اها من ناحية بتاعة ونسة كدا عندي سؤال محدد...

انت من ياتهم في ديل ..
ناس التي هي احسن وللا الميالين للإقناع ؟؟
وللا من ناس تانيين ؟؟؟
عشان ما أظنك من البحبو يتونسو زي ناس نحن وجاي !!!!














اقول قولي هذا واستغفر الله لي ولك ياخالد الحاج ...........








هههههههه
زول الله حباااااابك والشوق بحر ....
ومدد ندهاناك جيت ...

اما عن سؤالك الاخييييييييير دا فوالله والله والله ..
انا من الشايفو .. والشفتو زمن الجامعة كفرت بأي سياسة في بلدنا دي ...
بقيت بس بتفرج ....
يعني ختني الفراجة .... ناس الناس التانين ...

محل تقبل حجر واسكات واخراص ...
وما معاي تبقى علي ... وفيك كل عبر الدنيا ...
عليك الله دا جو الواحد يعتنق فيهو اي فكرة ... ولا يباري اي زول ..؟؟؟؟

اذا الواحد غالبو يقول راي وفكرة لووو غلط في موقع نت ... حيعرف يقول شي برا ...

[طارق الحسن محمد]

ا بدور شئنا أو أبينا أختلف الحال .. شعورك بذلك السودانى النبيل غير حقيقى (للأسف) ..

تسلم رافت

[محمد عكود]

اقتباس:
المشاركة الأصلية كتبت بواسطة طارق الحسن محمد
بجيك راجع ......... وبرواقة ........... لحدى الوقت داك

سلامأ



اتمنى جد للوقت داك تجي للموضوع ما لي ...
واسف على الانفعال الاولي ...
اتمنى تقبل اسفي ... واتمنى حوارك يكون بس فيهو شي من الحواااار في المكتوب ..
حاول اخوي طارق اقبلني حتى لو كنت غلط ...وناقشني للابد والود محفوظ ...
اتمنى تعمل حرمة لكلمة اخوي القلتها .. وقاصدا تماما ...

وبكرر اسفي على الانفعال ...