مِزاجٌ ضائع

[بله محمد الفاضل]

.
.
.


تتهجئن قلبي
والعصافيرُ تُنقّرُ حيرتَها
في شبابيكِ الرحيلِ..
تنطُّ أنفاسُ الهوى
كالأغنياتِ
فإنها أوقاتُ
دندنةٌ
وريف..

ولي بين احتمالاتِ
الغيابِ المُستلذ
بلوعتي
أثرُ احتراسٍ مُرسلٍ
ضد اكتمال الشهقةِ العطشى..

وإني من يبابِ الأمنياتِ
أرش وردَ الكونِ
بالنجوى
واحتملُ الكلام..

كأننا
وقد شج النّهارُ
تكويني
احتطبتُ النّارَ
واختل الرصيف..


ـــــــــــ
قطع شك دلوقتي حالاً، لا بصراحة قبل دقيقتين تقريباً ما اكتر، ما تغالطني...

[بله محمد الفاضل]

بالمناسبة والله
الجماعة الفوق ديل
هسي يا ربي
أقول ليهم شنو

غايتو الله يصبرني ويصبركم
علي

عليكم الله سامحوني
والله فتشت الكلام سما واطا بح

[بله محمد الفاضل]

المشاركة الأصلية كتبت بواسطة أبوجهينة

إلى بلة في كامل قوى مزاجه


سلام بمزاج عالي

أما بعد

ملاحظة:
مزاجي في أخر مرة شوهد فيها
كان يرتدي أعلى عينيه رمشي هيفاء وهبي
وقيل برواية أخرى أنجلينا جولي


دعك من رمش بت وهبي و أنجلينا ، فلو إرتدى مزاجك فقط شعرة من هدبيهما أو حاجبيهما ، إذن فأبشر بهداوة بال و راحة عصا الترحال ، ففي الرمشين و الحاجبين المذكورين يكمن سر الضل الساكن أوقات القيالة و الراقد بطن الرواكيب.
مزاجك يا صحبي حسب علمي الذي أعتقده غير جازم كان يمتطي وقتها فرسا جموح و يمتشق سيفا منذ حروب البسوس.

في كل الأحوال : حفظ الله لنا مزاجك بحالته الراهنة
دمتم

سيدنا في السرد المنعنع

أحسبني بحالٍ ميئوسٍ منه
يا رجل
هو اختلالٌ لا شُبهة تحوم حوله
ففقدان المزاج حالة أردتُ التغلب عليها
بتطويعها
وأظن بأني أفلحتُ في الكيد لها
وخير شاهد على ذلك
اعتدال المزاج فيك
فعبورك المقرون سلامه بالمزاج العالي
أبلغ دلالة

وقد صدقت كدأبك
عن بنت وهبي (مالا بقت لي زي بت وهب اللتنا)
وصديقتي انجلينا (شُفت جنس السلبطة دي)
بس في سر أقولو ليك
توجد طريقة عجيبة للشوف
لما تكون مندمج مع حاجة معروضة في التلفزيون
المسعلة ما بتكون سمع وشوف بس
(إنا لله الولية ما تسمعنا يا اخي دا كلام سر)
بتكون في مشاركة مكتملة الأركان
يعني
بتبقى المسألة كأنها خاصة بيك
زي اتلاقيتو وش لوش
وهي بتعاين ليك
وتغرود ليك عويناتا
وتوصف ليك
وهيك
وهيك

المهم
في اللحظة ديك بتكون البطل ظاتو
شُفتا كيفن
هسا دا كلو راح شمار في مرقة طبعاً

وحكاية دعواتك دي
ما بنقدر نقول غير
آمين طبعاً
بس شنو
ربك يقرن العقل بالمزاج
عشان ما تبقى مسعلتنا محمد أبو عاقلة ساهي

[بله محمد الفاضل]

المشاركة الأصلية كتبت بواسطة أزهري سيف الدين

تحياتي يا بلة ..
لا تقلق .. سيعود اليك مزاجك .. فقط أمهله حتي يكمل دورته ..



هذه المشاركة من بوست (مواسم إنسان) :




المواسم في لغة الرياضيات "دالة دورية" يصعب حساب دورتها...
نظريا تبدأ دورتها من نقطة الصفر (المزاجي) و تصعد تدريجيا الي أن تصل أعلي قيمة للمزاج (قمة المزاج)....ثم تبدأ بالنزول و تستمر الي أدني قيمة مزاجية..ثم تعاود الصعود مرة أخري لتستقر من جديد في نقطة الصفر المزاجي أو (360 درجة).



الصفر المزاجي:
يكون فيه الموسم "بُور"


قمة المزاج:
هي لحظة الطرب أو النشوة المزاجية ... تتوحّد عندها الحواس و تكون بذلك قد "صَفْرجَت"....و قد يحدث عندها (الزار أو الظَار) و (يجي الخيت !) ....تعادل الرنين أو الطنين المغنطيسي في الفيزياء...

تمثيل (نظري) لدالة المزاج علي جيب التمام

هنا أستلف جزء من مشاركة الجميل سويكت

وهذا القيظ القاتل
يمتص الروقان
يتملص من اعتدال نسيان النفس
مدارات كدرها
الدانية بالقلب
من الانفجار...


هيه يا أخي
أظنه ليس لمزاجي المختل
دورة تقاس
بموازين الألباب
لأنه فيّ (أي مزاجي)
يهدرُ على حين غرة ويخمدُ أيضاً دونما اكتراثٍ
-أدنى اكتراثٍ-
بحالات ما رصدته
بمواسم إنسان
وإن صادف وكان
فإنه يكون مقلوباً رأساً على عقب



دمت بخير صاحبي
وعذراً للتأخير

[بله محمد الفاضل]

المشاركة الأصلية كتبت بواسطة مرافي

غايتو يا محمد بلة دا جن احمر راكب مزاجك...
ربما قد مل الحبس
فذهب يبحث عن فضاءات ارحب
ولكن حتماً سيعود
ولهاتيك اللحظة اطلق بخور الصبر
وجر مسبحة الامل عله يصفو ويعود
الى اين تشير بوصلة مزاجك .الان
الى تمام منتصف الانهمار وزخات من احرف ندية
واذا كانت النفوس كبارا تعبت في مرادها الامزجة والامكنة
وكلو بمزاج حسع مداخلتي دي مزاج والشاي مزاج
وتوهان المزاج.. بمزاج شفت كيف المزاج يحمد سيدو حر فينا ومخير

مرافي يا اخي
صباحك باسط
مزاج الحبور والنور
البمر بجواره جن أحمر
فأم المصائب
منتصف الأشياء
فالرمادي هشاشة
يحول بينك والجنون الصرف
أو العقل المطلق
فيحدث الاختلال
والاختلال دائماً في التوازن
لكنما لا مفر من الاحتكام
إليهما
لأنهما سياميان
لا ينفصلان




محبتي واحترامي

[بله محمد الفاضل]

في الطريقِ إلى....

القناص

بعينينِ شرِبا حيّلَ الفرائسِ الغائبةِ،
يحمصُ النّارَ في تربصِهِ بالأخيلةِ..
بينما الليلُ يفتحُ شِراكَهُ النفاذةَ،
يتوعدُ خلاياه المشحوذةَ،
باللسعاتِ..
ويمشي في أرجاءِ النشوةِ الموءودةِ:
قمرٌ أعشى..!!

نزق

اخترقنا صمتَ الليلِ الجبارِ،
بضحكةِ النشوةِ..
حملنا أحلامنا من قاعِ الفِراقِ،
إلى تدفُقِ الماءِ..
ساعةٌ بعد ساعةٍ،
صعدتْ أنسجتُنا: جسرَ النزقِ،
تدلّتْ بمدائنِ الاشتباكِ،
حتى قرعنا قارعةَ الهبوطِ،
إلى فسيحِ اللهوِ...

فإليّ إليّ..
أيتها المختبئةَ بين خفقٍ وخفقٍ،
إليّ بالنشيدِ،
وخمرِ الأشواقِ،
والرّقصةِ مسلوبةِ الرّداءِ،
الحائمةُ في نعناعِ الصخبِ..
إليّ...
بالاتكاءِ إلى فرحِ الخيالِ المُتسعِ،
لنكيلَ للجسدينِ ماءِ النّهار..!!

اتكاء

مُستنِداً إلى فراغٍ بعيدةٍ،
يعدو عليه خشبُ الرائحةِ..
ظِلُّ قلبي:
غمامٌ..
والضحكةُ:
مطرٌ
وأهازيجُ عُرسٍ
وضوء..


عرق

يتصببُ في الرُّوحِ:
حُزنٌ ماكِرٌ
يسلبُها:
بغتةَ الغِبطةِ..







ـــــــ
أمبارح ما الليلي الكلام الفوق دا
مش عملت طريقة جديدة

[بله محمد الفاضل]

.
.
.
حنانيك
يا ناثِرَ العِطرِ
غماماً
في قلبِ النّهارِ

حنانيك
والشوارع تشحذ
صباباتها
بالضلالاتِ الخجولةِ
والانبهارِ

حنانيك
وقلبي ينط قُدامي
تحت الغمامِ/
بين الغمامِ..
يرفعُ قُبعةَ ابتهاجِهِ
مثل (دون جوانٍ)
ختل أنفَهُ:
وجهُ المزارِ

حنانيك
وشموخ الشجرِ
أغرقني قبل الافتتانِ
بالنّارِ
فبللتني بالاحتراقِ
حدّ الدوارِ

حنانيك
.
.
.ــــــــ
حنانيك
اسم مكعب للحنان مرفوع بالقوة خردشميتاشر أس تريليون

[بله محمد الفاضل]

لا لون للوردِ
إن استأنفَ الدّوران
بين أيدٍ عماءٍ
ولا رائحة

لا كف في الكف
إن اكتفت بإصبعٍ
يشيرُ إلى جهةِ النماءِ
ولا فائدة

لا ضحكة للقلبِ
إن اكتفى باختراقِ الهمودِ
بنزقِ النبيذِ الحلالِ
ولا ...
ـــــــــــــــــــ
{ولا ماذا يا ولا غلبتك أحي ما قلتو شعاعيريين}

عليكم الله واحد يتمها إن شاء الله بابتسامة، سمح

[بله محمد الفاضل]

هو كان في شنو بالضبط الوكت داك
الولد دا عذبنا العذاب دا كلو


يا اخي قوم بلا لمة معاك


عالم بتاعت مزاجات ساهي


معقول مافي زول لقاهو لليوم دا


مزاجي طبعاً يا اخي
مزاجي الضائع

[النور يوسف محمد]

بسم الله الرحمن الرحيم

كعادته البدوية ..
لم يطرق باب الكتابة ..
وجدنى أغط فى سردٍ عميق ..
وضع المظروف تحت الوسادة التى لم تكن خالية
وعليها بضع كلمات ترتدى ملافح الدهشة ..

( خطأ فى عنوان المرسل إليه ) ..



التوقيع ..... بلة ( الفاضل ) ............

[بله محمد الفاضل]

المشاركة الأصلية كتبت بواسطة النور يوسف محمد

بسم الله الرحمن الرحيم

كعادته البدوية ..
لم يطرق باب الكتابة ..
وجدنى أغط فى سردٍ عميق ..
وضع المظروف تحت الوسادة التى لم تكن خالية
وعليها بضع كلمات ترتدى ملافح الدهشة ..

( خطأ فى عنوان المرسل إليه ) ..



التوقيع ..... بلة ( الفاضل ) ............

هههههههههههه
دي ورطة شنو
والله صحي مزاج ضائع
دا ضائع بامتياز
يا اخوي نهائي ما دايرو يقع في دربك
أو درب أي زول مسكون
هو ناقص درادر
ما صدقنا راح
قلنا يمكن يصادف زول ما عندو درب مع الكتابة
يتبتب عليهو
ويعقلو
ويدينا ليهو موزون
يقوم يعرج علي مقامكم في الأبراج البعيدة ديييييييييييييييييييييييك
قطع شك بجيني ويدودو بي بالتقيل
أعمل ما شايفو عليك الرسول
أعمل ما اتعرفت عليهو
خليهو يمشي في حال سبيلو
يمكن