سلام يا وجدي..
انت يا وجدي الدورة الشهرية دي قايلها شنو..؟؟
علاقتها بالعقل شنو..؟؟
علاقتها بالموهبة وتأثيرها علي ملكة الابداع شنو..؟؟
اقتباس:
المرأة اقل ابداعاً من الرجل
وذلك نظراً لبنيتها الجسدية وحالاتها الفيزيكية
|
من خلال كلامك باين انك رابط الابداع بالجسد..يعني كل ما كان جسدك صحيحا كلما زاد ابداعك والعكس بالعكس..والنماذج التاريخية بتنفي الكلام ده..
حيث ان التاريخ حافل بمبدعين لم تقعد بهم الاعاقة الجسدية عن الابداع.
وبكلامك ده يعني عادي ممكن نقول الأفغان والباكستانيين ضخام الجثة اكثر ابداعا من الجنسيات الاخري..
ونواصل ونقول انو أيّ صحابي جليل من زمن الدولة الدينية اكثر ابداعاً من أجعص مفكر وفيلسوف في القرن العشرين مثلا..
غايتو كلام غريب وغير موضوعي ومختزِل للمفاهيم..
عشان تقنعني بوجهة نظرك دي، بالله تعال وفهمني الآلية المن خلالها تعيق الدورة الشهرية عملية الابداع بالنسبة للمرأة..
يعني بطريقة علمية مؤسسة، مش كلام والسلام..
قول لي التغيرات الفسيولوجية البتحصل واربطها لي بفكرة الإعاقة واديني النتيجة.
اقتباس:
|
أصلي انا زول عاجز تعبيرياً (مع أنو ما عندي دورة شهرية)
|
دي اشارة منك علي انو كل النساء عاجزات تعبيرياً وهذا لعمري كلام غريب..اضافة للإشارة الغير جميلة يا وجدي..لو في محلك كنت سحبت الجملة دي واعتذرت عنها..
غايتو الفهمتو من الكلام ده حاجة واحدة:
انو ابداع المرأة زي تمثال السكر القاعد في السهلة
والدورة الشهرية زي المطرة لمّان تجي بيتماص الإبداع كلو كلو..
ولو سألنا المرأة انتي ليه ما مبدعة..؟
طوّالي تجاوب وتقول والله مبدعة بس المطرة..
وطبعا لا يخفي عليك أن حديثك هذا يؤسس لفكرة القصدية الإلهية من أن الخالق في سبيل انو المرأة ما تكون مبدعة ابتلاها بالدورة الشهرية وقال للرجل "قو أهيد" يا مبدع..عطلتها ليك.
وشيخنا الرجل (اللي قاعد في مناخ صحراوي) يشيل ويصنع في تماثيل السكر الابداعية ويتمطّق طعمها بمزااااج حامد شاكر الله.
