لقطة العصر

[جيجي]

المشاركة الأصلية كتبت بواسطة ام التيمان

كانديك بتكلم مع العمدة
قال ليهو
ياخى شوف ربك دى سمحة كيف
كفانا غربة و شتات
تعال نتحد ايدى فى ايدك
نعمل انقلاب و انفصال
و نعيش هنا
انت الرئيس و انا نائب الرئيس
اندهش العمدة
للفكرة الجهنمية
التى يستطيع من خلالها ان يكون حكومتة من اعضاء سودانيات
لكفاءتهم فى طرح و حل القضايا الشائكة التى اقعدت بالسودان اكثر من 50 عاما

انا وزيرة السياحة

ام التيمان بطولها
ياخ اشرقت
ومعقولة برضو

[جيجي]

المشاركة الأصلية كتبت بواسطة بله محمد الفاضل

يا اخي والله الاتنين خربو طبعنا
ولا خافو فينا الله أبداً

روحو يا شيخ ربي يسامحكم



ـــــ

يتخيل لي في قرارات كبار كبار
والتوقيع بتم بالنظر
وبالنظر يتم البحيت في الدواخل للتأكد وكدا يعني

وشكلو كدا عكود دا مابمضي بالساهل
بلة
شكرن

[جيجي]

المشاركة الأصلية كتبت بواسطة هاشم

كل واحد بتأمل التاني وفي نفسو بيقول
أشوف في شخصك أحلامي
.

واشوف الغربة كيف عاملة
هاشم شكرا ياخعلى التعليقين الجميلين

[جيجي]

المشاركة الأصلية كتبت بواسطة آخـر المواني

الباب مطبول بي طبلة ..

ومتكول بي كرسي ..

عكود قال لي طارق .. الليلة إلا تطييييييير فررررر

وانت بتجي من فين
عالم عليها حاجات
ياخ والله نشد من ازر عكود ولا نامت اعين السعودية
مش ود حلتنا ....اقصد اماراتنا

[جيجي]

المشاركة الأصلية كتبت بواسطة رأفت ميلاد

شكلها حدرة كدة .. كدى جيبى اللقطة البعدا .. نعل ما فيها بونية
غايتو أخر زول أتكلم فيهم .. حير التانى .. غالباُ عكود قال لى طارق (داير أعرس) قام طارق أتبكم وقال فى سرو (عليكم الله شوفوا الجلكين ده)

: او يمكن عكود دا زي البقول لطارق
لست ادري هل عيونك ام عيوني هي اكبر
والاخ برد عليه-لا بالله

[جيجي]

المشاركة الأصلية كتبت بواسطة رأفت ميلاد

أتى يا خجيجة جبتى اللقطة دى وين

من البلكونة

[جيجي]

المشاركة الأصلية كتبت بواسطة النور يوسف محمد

بسم الله الرحمن الرحيم

لقطة تستفز الخيال ..
ثبات اليدين أثناء الكلام دائماً ما يربك القراءة ..
المؤكد أن عكود أنهى حديثه .. وفى إنتظار لإجابة ( غير متوقعة ) ..
وحديثه مشفوع بوجهة نظر واضحة المعالم
الفكرة فى رأس كانديك غير مكتملة ..
النظرة المباشرة للمتحدث تعنى دفعه الى تبنى ما دار ..
الإعراض عن وجه محدثك يشير الى عدم تبنى الفكرة الى حدٍ ما ..


إيدك على الجائزة .... ولاّ شنو يا رأفت ....

هههههههه
حناك والله عكود...ياخي حنني
وياطارق قلبك حجر
النور ياخ نورت البوست والله
وتستاهل والله بس اقيف شويةلمين نشوف الباقين

[عكــود]

سلام يا جيجي،

بوست لطيف وظريف وتعليقات ألطف.

الصورة كانت بعد دقايق من أوّل لقاء لي مع الكاديلاك، عشان كده كنت:
بعاين فيهو واتأمّل . . .

وبرضو ما شبعت منّو!

[جيجي]

المشاركة الأصلية كتبت بواسطة عكــود

سلام يا جيجي،

بوست لطيف وظريف وتعليقات ألطف.

الصورة كانت بعد دقايق من أوّل لقاء لي مع الكاديلاك، عشان كده كنت:
بعاين فيهو واتأمّل . . .

وبرضو ما شبعت منّو!

تسلم ياود حلتنا
وكلك زوق
وعارفاك جبار خواطر
وبكدا البوست اتى اكله
ومبروك العيد الوطني

[طارق صديق كانديك]

المشاركة الأصلية كتبت بواسطة جيجي

تسلم ياود حلتنا
وكلك زوق
وعارفاك جبار خواطر
وبكدا البوست اتى اكله
ومبروك العيد الوطني

نهارك سعيد ياجيجي

يعني قبل ما نقول كلامنا عايزة تلملمي الكراسي

--

هي كما قال عكود كلانا كان ينصت باهتمام لمايقوله الآخر خاصة انها اول دقايق للقاء .. !!

شكرا للملاحظة

تحياتي

[جيجي]

المشاركة الأصلية كتبت بواسطة طارق صديق كانديك

نهارك سعيد ياجيجي

يعني قبل ما نقول كلامنا عايزة تلملمي الكراسي

--

هي كما قال عكود كلانا كان ينصت باهتمام لمايقوله الآخر خاصة انها اول دقايق للقاء .. !!

شكرا للملاحظة

تحياتي

نهارك الاجمل
المهم انك حصلت الكشف(دفتر المجاملة او النقطة)

تسلم

[عبدالعزيز عبدالله]

سلام للجميع.

بس عايز اسألك يا عكود: المايكرفون الخاتيهو جنبك دا شنو؟؟؟

[أبوبكر عباس]

المشاركة الأصلية كتبت بواسطة جيجي

جي جي
سلامات يا أميرة
ممكن أشارك؟
أعاين ليك تدنقر انت، تعاين لي أدنقر أنا
عكود

[جيجي]

المشاركة الأصلية كتبت بواسطة بابكر عباس

جي جي
سلامات يا أميرة
ممكن أشارك؟
أعاين ليك تدنقر انت، تعاين لي أدنقر أنا
عكود

ادنقر ادنقر ادنقر كيف
لالالا مابقدر
معقولا بس اقدر افارق صلعتك

[الرشيد اسماعيل محمود]

المشاركة الأصلية كتبت بواسطة جيجي

آخر زول إتكلم عكود..
قال لطارق:
عيوني ديل محمِّرات..؟
وطارق قاعد يعاين عشان يفتي في الموضوع.

و..
بمناسبة إحمرار العيون دة..
انتو سقوكم شربوت ولا حليب..؟