اقتباس:
المشاركة الأصلية كتبت بواسطة ناصر يوسف
الملازمين ملازمين المهدي يا امير
انت عاوز تزعل منك عمك بابكر مخير ولا شنو 
طالما اللمة مع الغالين ... فالبكان لا يفرق يا زول يا ضو .... يا ضي ..
ربنا يدينا كلنا وقت نعاود المشي علي القرير برفقة الصحاب في حضرة العمده عكود
غايتو يا عمنا حسن فرح .. العمودية حقت عكود دي ما فيها اي كلام ..
علا الليلي دي نان ما بالغت فوقها شوية يا عمي حسن
يعني بلد فيها هذا الشلووووولخ د. احمد محمد زين وفيها الاوفوكاتو الجميل كانديك وفيها من الشباب ناس حافظ حسين والبت التي تسد عين الشمش نبراس السيد الدمرداش وابرا و مهند واشرف وووووو
اقدل فوقها انا الورل ده ؟؟
لا لا يا عمنا ... ما انا سوي فرد بشوف العمد بيعملو الواجب كيفن ... وبحااااااول اني اقلدهم
فليعفي عني العمد ... برفع العين وفتح الميم ... ما بعرف اعمل تشكيل من الجوال |
----------------------------------------------------------
ألف سلامة لوالدتنا يا أبا ذر وأجر وعافية بإذن الله
وألف شكر ليك يا ناصر ومادام تواضعت وقلت ماك عمدة في حضور العمد نحنا كمان بنقول ليك إنت فعلاً عمدة التواصل والتراحم في هذا البيت .... والقرير ضروري ومطلب شعبي.
تحياتي
----------------------------------------------------------
ناصر يوسف اخترناك عمدة الداخل المتوج واهو اخونا الخضيرى اوفى وكفى ....بس فى شئ ذكره عبدالمنعم ما فهمتو: القرير.....بالمناسبة نحن فى شجرة اهلنا الشكاكيك سمونا القريراب..... ولى هسع ما عارف علاقتنا بالقرير شنو....يمكن عندنا طين بى قادى ونحن ما عارفينو.....
تحياتي...
