اقتباس:
المشاركة الأصلية كتبت بواسطة بابكر عباس
- بالرغم من انو كنت ناوي أكتب لي بوست عن الخرتيت الشين (وحيد القرن)، لكن بعتذر ليكم وممكن تقوقلوا عن الكركدن دا.
- إن شاء الله أكون أحدثت "قليل من الوعي" خلال التلتين شهر الفاتن ديل؟
- ما ح أطلب منكم العفو، لانو أنا لم أُخالف اللوائح خلال كتاباتي السرّة (من السرور).
- العندو سؤال أو إستفسار ممكن يسألو هنا، ودي بمثابة فرصة أخيرة لزيادة الوعي.
|
يا دكتور ولو بالمشاهره
إذا طلب منك الإشراف وتاسيس المنتدى
الزراعي كإضافة لمنتديات سودانيات هل الفكره بتلقي ترحيب منك؟ وخاصه انت انسان
ليك باع طويل في المجال دا،
وكرد جميل للوطن السودان ال انتو على حساب شعبه قريتو وسكنتو واكلتو في داخلياته وبسمعته السمحه
عشتو خارج السودان وحا تعيشوا طول حياتكم في رفاهيه
وترف معيشه واصحاب السمعه الحقيقيين
قاعدين هناك... ياكلو فيها كسره بي مويه
ومرات الكسره زاااته مالاقنها
وتقول لي عاوز توقف الكتابه والخرتيت وغيره
قول لينا عملته شنو لجمال السودان البتمشي
كداري من السودان لمصر وعملته شنو للغنم
البتاكل في الأكياس في شوارع الخرطوم
والعلف بيسافر قدام عينه لغنم وبهايم الخليج
عارفك يابابكر حا تقول لي الغنم هي زاتها
الجابه الخرطوم شنو؟ ومنو؟
وانا بقول ليك عيب والله عيب الوطن يشحد المحنه
منكم شحده.
والسلام عليكم ورحمة الله تعالى وبركاته
