اقتباس:
المشاركة الأصلية كتبت بواسطة kabashi
[align=justify]مكي كيف حالك وكل سنة وإنت طيب وأسرتك الكريمة وجميع زملاء المهجر والعيد الجاي إنشاء الله في بري لكن ياخي ما تكتر من الصور في ناس شعرهم رقد قطنة بسحروك وهم كثر منهم من نزل صورته امثالي وأبوشعر ومنهم الكابين الزوقة امثال كيشو وأسامة الكاشف ود. الجيلى وصلعة الزوول الوصلت رقبته و الباقي أعرفه براك .
وعليك الله هسع د. بابكر مخير دا جاء يبارك العيد ولا يسوينا في فتنة دا إتحادي شرطة ودا إتحادي شرطتين هسع في زول سأله من عزبته دي ؟ أصبر لي عليه زوله هسع في حالة بيات سياسي لابد بعيد وانا لابدله عارفه ما بقدر يسكت كثير هسع بفكله تصريح و بنفتحله به بوست وصاحبك حرارته بترتفع وبكدا بنكون شغلانه من صواتة إتحادي وختمي دي لأنوا الحكاية عندنا ما ناقصة صواته أهلها براهم صاتوها يديهم العافية .[/align]
|
الاخ الشقيق كباشي
وعليك وعلي اسرتك العيد مبارك وان شاء الله انت واسرتك دائماً بخير
موضوع ( اشتعل الرأس شيباً ) ده ما شايل ليهو هم ممكن ( تصبغ ) ولو بي ( حنة ) وكمان قالوا سنة
( بضم السين ) ..لكن نحنا في السودان بنحرم ماهو محلل يعني مثلاً ( حفوا الشوارب ) دي اهلك الجعليين ( احفاد بني العباس عم الرسول صلي الله عليه وسلم ) عندهم عيبة كبيرة مع انها من السنة النبوية الشريفة ..الموضوع ده انا ما شايل ليهو هم المشكلة في (التصحر ) زحف الصلعة دي عملوا فيها شنو؟
عشان كدة ناس صاحبي كيشو ود. الجيلي واسامة الكاشف ود.الزوول صورهم ما حا ينزلوها هنا ولا في اي موقع ( الكاميرا ) حامت فيهو ..الله يديهم ويدينا واياك العافية وحسن الخاتمة ..
براحة يا شقيق علي حبيبنا د.بابكر مخير ( الانصاري ) تعرف واحد من اخواني تصوف واصبح من مريدي الطريقة المكاشفية وشيخها الشيخ المكاشفي ...قال لي وبزعل : بالله انت كنت في القاهرة وقريب من السيد محمد عثمان الميرغني وما اخذت منه الطريق ؟ قلت له : طريقي مع مولانا الميرغني الحزب الاتحادي الديمقراطي اما مع ( اهل التصوف ) فحدنا ساحة الذكر والسلام ...
وموضوع د.بابكر مخير ده جابتو لفة العمة ( ولقد شرحنا ) له لماذا لففناها كذلك ..وعشان ما نغرق في الكلام والدنيا عيد كدي خليك في الصور دي ما عرفت ليك زول فيها ...
من اليمين : هاشم - مبارك ابراهيم - د.عادل الحكيم - بكري الخليفة - د.ياسر عبده - مكي - محمد سالم
البراعم: ابراهيم مبارك - عبد الله وعبد الرحمن عادل الحكيم
وعشان الدنيا ضيقة د.ياسر عبده زامل الاخ الشقيق والزميل الاسيوطي دكتور عبد المنعم أرتولي
