راكوبة المجادعات.. النمة والدوباي

[مي هاشم]

المشاركة الأصلية كتبت بواسطة سجمان

الشوق لي لماكم قطّم جميع أوشاشي
متوطي الجمار راقد عليها فراشي
بعد اليوم خلاس طلعت من قرّاشي
واتوهطت تب يامن يجيني معاشي

يباركولك الحجة..
والشوق زي شوك الكتر .. طعن الجسم لمن فتر

آمين
الله يبارك فيك .. فرحت بجيتك ..بس ربنا ما فتح علي بمسدار للرد..
بجيك..

[احمد زين]

المشاركة الأصلية كتبت بواسطة طارق صديق كانديك

ود الزين حباب سيد البكفي المية
حايمات الصقور وقتين تقوم ضهرية
شبعانات رقاب ما برجن العصرية
وساعة الكبعة تطراك المدافع الحية

ود كانديك سلام طَيب الاصل والنِيَّة
سلام يا الدخري والفارس البقود المية
ده الفزع البجيك قبل الرجال باكرية
فيك كريم خصال وايَّاها فيك محرية

[عبد العظيم الطاهر]

سجمان والصحاب جيتكم يمين كدَّاري
حفيان في الشمش والصلعة سااي بتراري
خليت الوراي أهلي وعيالي وداري
حالف باليمن لازم أقول مسداري

[عبد العظيم الطاهر]

المشاركة الأصلية كتبت بواسطة أحمد محمد زين حسين

ان قدلت تميل وان جات تقوم هزازة
وان جاتك تميس وان قبلت فزازة
ممشوقة القوام يا دوب طعن بزازا
بين رِدفو وصديرو النوم بقالي خزازا

آمنتو بالله ... دي من بيت الكلاوي يا ود الزين ....
علا بس لكين ....

فطَّيت الرقيبة الشبَّهوها قزازا
والخد التقول تفاح ومقطوف طازا
والشعر البِهِب مسدول سبيبو موازا
ويوم تمرق بدر والناس تكون في إجازا

[سجمان]

المشاركة الأصلية كتبت بواسطة مي هاشم

آمين
الله يبارك فيك .. فرحت بجيتك ..بس ربنا ما فتح علي بمسدار للرد..
بجيك..

يفرحوبك وليداتك..

همباتة وتلوب ماسكين ضراع النمة
والغنا والنميم لافاها شالك وعمة
بي نظماً وشي فتيهو ذاك ذا الرمة
دفقي فيض غناك خل التروح الطمة

[سجمان]

المشاركة الأصلية كتبت بواسطة عبد العظيم الطاهر

سجمان والصحاب جيتكم يمين كدَّاري
حفيان في الشمش والصلعة سااي بتراري
خليت الوراي أهلي وعيالي وداري
حالف باليمن لازم أقول مسداري

حباب البحر الجانا دافر سيلو
حباب الفي الكرم دايماً مكنتل كيلو
الجبل اللصم صعب البقلو يشيلو
نورت ام شعب والنم معاك شال حيلو

[عبد العظيم الطاهر]

[QUOTE=سجمان;228702]حباب البحر الجانا دافر سيلو
حباب الفي الكرم دايماً مكنتل كيلو
الجبل اللصم صعب البقلو يشيلو
نورت ام شعب والنم معاك شال حيلو[/QUOT

سجمان الحبيب ما شفت كيف النمَّة
تنقر في القلب يطرب تجيك الجمَّة
وكل شيتاً سمح يوم تسمعها بينتما
بس خايف الكضب كان قلت ليك تنشما

[طارق صديق كانديك]

المشاركة الأصلية كتبت بواسطة عبد العظيم الطاهر

سجمان والصحاب جيتكم يمين كدَّاري
حفيان في الشمش والصلعة سااي بتراري
خليت الوراي أهلي وعيالي وداري
حالف باليمن لازم أقول مسداري

مرحب بيك آآآشيخ العرب

حبابك

حباب النمة من زولاً وقف ( سداري )
سالمين الوراك وعدوك مقبل جاري
بريت بالقسم قطعتا منو الطاري
في القول انتخيت جملا اصيل وبشاري

[طارق صديق كانديك]

المشاركة الأصلية كتبت بواسطة سجمان

الشوق للصحاب خالف علي مروادو
أهل النم السليم والضيف بقيفو قصادو
من الشوق أهوقي متل السبوع ميلادو
والقلب الوحيل أبى ينعدل مشهادو

فاقدنك كتيييير .. فاقدين معاك النمة
تكتب وتنبهل منك حروفا جمــــــــة
خاتيات النكوص زاهيات وفيهن همة
والببراك ( مك ) لابدورلو شال لاعمة

[عبد العظيم الطاهر]

المشاركة الأصلية كتبت بواسطة سجمان

حباب البحر الجانا دافر سيلو
حباب الفي الكرم دايماً مكنتل كيلو
الجبل اللصم صعب البقلو يشيلو
نورت ام شعب والنم معاك شال حيلو

نمك يا الحبيب أنا ضقت فيهو حلاوة
ومسدارك نغم يشفي العليل ينداوى
مطر الفبلة يوم يرشع معاهو طراوة
ترتاح النفس تتبلى ريد ونداوة

[سجمان]

[/color][/size][/QUOT

سجمان الحبيب ما شفت كيف النمَّة
تنقر في القلب يطرب تجيك الجمَّة
وكل شيتاً سمح يوم تسمعها بينتما
بس خايف الكضب كان قلت ليك تنشما
[/QUOTE]

شهرين ادرجييييييين مورود معاي الحمة
وكل ما ليل يهود نفسي المعاي ينخمة
بعد دفيق غناك اليوم مرادي انتم
من جمامو أشرب عقباً كمان انحمّ

[elle]

بعــد ايام رجعت وقـــلت أفقـــد زولي
خايفة يكون جفا يشمت عدوي وعزولي
كرت الحيلة آس ما إنتم بيهـــو نزولي
يــــــــــا شدة غيابو عليكي الله تزولي

[فيصل سعد]

[align=center]سلام للاحباب :

الليلة الشعر صعبت علي أوزانو

والقول السمح راح مني تب ميزانو

غشاني الاغتراب غرقني في أحزانو

زي ما شيخ حسن إنغش في كيزانو

-- منقول --[/align]

[سجمان]

المشاركة الأصلية كتبت بواسطة طارق صديق كانديك

فاقدنك كتيييير .. فاقدين معاك النمة
تكتب وتنبهل منك حروفا جمــــــــة
خاتيات النكوص زاهيات وفيهن همة
والببراك ( مك ) لابدورلو شال لاعمة

من بطون كواهل الساحتو يوت ممطورة
أهلك في العشير في السمتة شالو الفورة
الشوق ماب توصف كيمانو بايرات بورة
إلا أجيك عديل يبقى السمع والصورة

[سجمان]

المشاركة الأصلية كتبت بواسطة عبد العظيم الطاهر

نمك يا الحبيب أنا ضقت فيهو حلاوة
ومسدارك نغم يشفي العليل ينداوى
مطر الفبلة يوم يرشع معاهو طراوة
ترتاح النفس تتبلى ريد ونداوة

حرفك يالهميم في الضاد منقى نقاوة
ماهو مسور سماد حسنت ليهو تقاوى
البشيل الوردة يمسح شجون وشقاوة
غير نمك عدم زولاً ورد واتداوى