*** مصطلحات عامّية سودانية ***

[فيصل سعد]

المشاركة الأصلية كتبت بواسطة عكــود

سلاااام يا فيصل،

البربيت ما بتعرفو؟
طيّب ضيفو عندك للبوست بتاع المصطلحات.

ده يا سيدي زخرفة من الحجر أو الطوب تبنى على محيط السقف من الناحية الخارجية.

ما سمعت ود الأمين في المناحة؟
تبكيك الجوامع الإتبنت طابقين . . .

ذاكر فيها البربيت برضو.

تحياتي وتعال تاني،
بس ما تجي تسألني عن "الفردة" أو "الزيق".

الصرماتي ، ضراب الموية ، ام دلدول ، الاشقدي ، الهردبيس ، الترتار ، المنفلة ، النوش ، النعناعة
الشكشاكة ، الضحاكات ، الطرطورة ، الكمبو ، الخبيتة ، الرخم

[همس الشوق]

المشاركة الأصلية كتبت بواسطة فيصل سعد

الصرماتي ، ضراب الموية ، ام دلدول ، الاشقدي ، الهردبيس ، الترتار ، المنفلة ، النوش ، النعناعة
الشكشاكة ، الضحاكات ، الطرطورة ، الكمبو ، الخبيتة ، الرخم

الصرماتي .............. دا مش البصلح المراكيب .سوق الجلود امدرمان

ضراب الموية ...............

ام دلدول ....................انت قصدك ام دلدوم ؟؟؟؟؟

الاشقدي ................ هو الورم+ألم بصاحب الجروح ...

الترتار ............... هو اللستك القديم اذا كان عربية او موتر او عجلة

الهردبيس ...........

المنفله ................ على ما اعتقد حاجة تبع الميكانيكيا

النوش ...............

النعناعة .................. حلاوه نعناع قصدك

الشكشاكة ............... يا الله ............ دي المطره النقناقة اللا بتنوم ولا بتخلينا ننوم

الضحاكات .............. الكاش البقلل النقاش

الطرطوره ................

الرخم ............... نوع من الطيور ؟؟؟

الكمبو .................يتخيل لي ملاح لاهلنا في الغرب

الخبيته ............

[عكــود]

فيصل جيتك . .
قعمز كلمة ليبية بمعنى أجلس
أمّا الفرنيب النصبو ليكم شبارقة ده . .
هو نوع من الشراك تنصب للكلاب والـ "صُبار*" الضالة
يصنع من جريد النخل الناشف
بعد تنضيفه من السعف، تربط 9 جريدات مع بعض بحبل متين ينتهي، في الرأس الرقيق للجريد، بحلقة من الحبل في شكل مشنقة.
طريقة نصبه كشرك، يشرحها ليكم شبارقة.

*صُبار = جمع صَبَرَة، أي الثعلب.

أقرع = أي صُد أو حوش
يقول أقرع البهايم من الزراعة
أو
عندي قراعة موية الليلة، هنا تأتي بمعني سقاية الزرع ومراقبة الماء وترشيده.

[بابكر مخير]

المشاركة الأصلية كتبت بواسطة حلم الاماسي

الصرماتي ....."الجزمجي".. دا مش البصلح المراكيب .سوق الجلود امدرمان
ضراب الموية " لعبة البيليي وفيها كور زجاجية صغيرة وتضرب بكورة أكبر حجم وهي الضراب وفيها ضراب الكوريا وحتى تستعمل الجلة وهي أكبر من البليي" "
ام دلدول ......"الدلدول وهو الشئ المدلى ويصف بها مثلن الزول العبيط ويقولو دلدول ساكت أي تابع،، ذي البشير دلدول للكيزان، في حالة أنو ما منهم".انت قصدك ام دلدوم ؟؟؟؟؟
الاشقدي ................ هو الورم+ألم بصاحب الجروح ...
الترتار ............... هو اللستك القديم اذا كان عربية او موتر او عجلة
الهردبيس ..........."ذي ما تقولي كدا اللموم أو كما يقال ليهو الكشا مشا أو ردم غير المهم!!!! إختاري)
المنفله ................ على ما اعتقد حاجة تبع الميكانيكيا
النوش ...............
النعناعة .................. حلاوه نعناع قصدك
الشكشاكة ............... يا الله ............ دي المطره النقناقة اللا بتنوم ولا بتخلينا ننوم
الضحاكات .............."باقي ليا النونا في الخد" الكاش البقلل النقاش
الطرطوره ................
الرخم ............... نوع من الطيور ؟؟؟
الكمبو .................يتخيل لي ملاح لاهلنا في الغرب
الخبيته ............
نوع من الكحة والمثل بيقول "الخبيتة الدواها ربيتة

يا ماما بشفف فيك والموضح باللون الأزوق هو بعض المعلومات مني
عندي يوسف أخي ليهو مطعم بلندن ومسميهو مندولا، الكتير من السودانيين مفتكرين أنو مسميهو على ماندلا.
طيب يا فوفو ورينا المندولا دي هي منو ولا شنو؟
لو نقش دي يا آماسي نديهو شهادة

[شبارقة]

المشاركة الأصلية كتبت بواسطة عكــود

فيصل جيتك . .
قعمز كلمة ليبية بمعنى أجلس
أمّا الفرنيب النصبو ليكم شبارقة ده . .
هو نوع من الشراك تنصب للكلاب والـ "صُبار*" الضالة
يصنع من جريد النخل الناشف
بعد تنضيفه من السعف، تربط 9 جريدات مع بعض بحبل متين ينتهي، في الرأس الرقيق للجريد، بحلقة من الحبل في شكل مشنقة.
طريقة نصبه كشرك، يشرحها ليكم شبارقة.

*صُبار = جمع صَبَرَة، أي الثعلب.

أقرع = أي صُد أو حوش
يقول أقرع البهايم من الزراعة
أو
عندي قراعة موية الليلة، هنا تأتي بمعني سقاية الزرع ومراقبة الماء وترشيده.

أخوي عكود ...سلامات

عشان كده قلنا في واحدة من مداخلاتنا الحناكيش يمشوا يلعبوا بعيد
قعمز كلمة ليبية بمعنى أجلس ...تشكر على تأكيد كلامي ..ولكنها تستخدم أيضاً في صعيد مصر وفي بعض قرى صعيد السودان

[شبارقة]

المشاركة الأصلية كتبت بواسطة Babiker Mukhayer

نوع من الكحة والمثل بيقول "الخبيتة الدواها ربيتة"

هههههه ..المثل ده أنا بحولوا بدوري للأختين بسمله وآلاء ... يقولوا ليك والله فلانه ديك يا كافي البلا تخبط خبطي

[أشتر]

المشاركة الأصلية كتبت بواسطة فيصل سعد

الصرماتي ، ضراب الموية ، ام دلدول ، الاشقدي ، الهردبيس ، الترتار ، المنفلة ، النوش ، النعناعة
الشكشاكة ، الضحاكات ، الطرطورة ، الكمبو ، الخبيتة ، الرخم

قطع شك الحاجات دي مستوردة يا فيصل ....
نكتها من وين دي ؟

[أشتر]

المشاركة الأصلية كتبت بواسطة شبارقة

نوع من الكحة والمثل بيقول "الخبيتة الدواها ربيتة"

اول مرة اسمع المثل دا ...

[بابكر مخير]

المشاركة الأصلية كتبت بواسطة محمد أبوعاقلة

اول مرة اسمع المثل دا ...

أبو عاقلة
نقول شنو في جنس دا؟؟
علامة اللهجة السودانية وقف عاجز عن كلمات تستعمل بكثرة
آهو واحد طلع أوت سايد والخوف سيد البوست ذاتو يكون ما ناقش القولة دي

المثل يقال في مقام غير المقام الذي تقال فيهو القولات

ما ننسا بيقولو قوال قوالة والبيوصل القول بين الناس بيقولو ليهو قوال
والبتتوصل بين الناس هي القطيعة وحسي بيقولو ليها شمار
والقطيعة برضو في ناس بيطلقوها للفليتة
والفليته برضو ممكن تكون تعسيمة، يعني يقولو ليك رقبتو معسمة
وكدا، كدا، كدا

[شبارقة]

المشاركة الأصلية كتبت بواسطة Babiker Mukhayer

ما ننسا بيقولو قوال قوالة والبيوصل القول بين الناس بيقولو ليهو قوال
والبتتوصل بين الناس هي القطيعة وحسي بيقولو ليها شمار
والقطيعة برضو في ناس بيطلقوها للفليتة
والفليته برضو ممكن تكون تعسيمة، يعني يقولو ليك رقبتو معسمة
وكدا، كدا، كدا

أخونا مخير ....سلامات

سيد البوست ده فتحو عشان يستفيد ويفيد ..وبالتأكيد ح يستفيد أكتر مما يفيد ..والبركة فيكم وفي ناس عكود وجميع الديناصورات المشاركة معانا
القواله كما تعلم ونعلم جميعاً ممكن إرجاعها لمصادرها (قال يقول قولاً) إذن مصدرها عربي فصيح
وكذلك القطيعة دي ممكن نقول قطع يقطع قطعاً.
لكن يا أخونا مخير ويا الماك محير ..الفليته دي نقول فيها شنو ؟ وكمان مُعسم دي تستخدم بكثرة شنو أصولها؟
أفيدونا يا زوار البوست عشان تعم الفائدة

[شبارقة]

المشاركة الأصلية كتبت بواسطة حلم الاماسي

الصرماتي .............. دا مش البصلح المراكيب .سوق الجلود امدرمان ...طيب والبصلح المراكيب في سوق أم دفسو بيسموهو شنو

أغنية ود اللمين ...حبابك
تجدين تعليقي باللون الأزرق أعلاه ...ونحنا كلنا بنحب أم درمان وأظنك عارفه معنى كلمة أم درمان لكن أم دقرسي سموها أم دقرسي لشنو ؟

[أشتر]

المشاركة الأصلية كتبت بواسطة عكــود

أمّا الفرنيب النصبو ليكم شبارقة ده . .
هو نوع من الشراك تنصب للكلاب والـ "صُبار*" الضالة
يصنع من جريد النخل الناشف
بعد تنضيفه من السعف، تربط 9 جريدات مع بعض بحبل متين ينتهي، في الرأس الرقيق للجريد، بحلقة من الحبل في شكل مشنقة..

طيب انا ما قلت ليكم حاجة ليها علاقة بشدر بالنخيل

ماف زول اشتغل بكلامي ...



ويا اخوي عكود ...

عامل زي قوات التدخل السريع ... بتجي في حتات بتهبشك

ويا شبارقة ... عليك الله حاجات كدا من (ملكال) ولى تحت عشان زولك دا يخش مع الهجين
او يخش في حتة ضيقة
ايهما أنسب

[أشتر]

المشاركة الأصلية كتبت بواسطة شبارقة

لكن أم دقرسي سموها أم دقرسي لشنو ؟

السبب سمعتو زماااان في الاذاعة واعتقد هما كلمتين ...
أم دقُر ... وما عارف معناها شنو
و (أرسي) يعني أم دقُر أرسي ثم تجغمست وبقت كلمة واحدة

[همس الشوق]

المشاركة الأصلية كتبت بواسطة Babiker Mukhayer

يا ماما بشفف فيك والموضح باللون الأزوق هو بعض المعلومات مني
عندي يوسف أخي ليهو مطعم بلندن ومسميهو مندولا، الكتير من السودانيين مفتكرين أنو مسميهو على ماندلا.
طيب يا فوفو ورينا المندولا دي هي منو ولا شنو؟
لو نقش دي يا آماسي نديهو شهادة

إنت يا يابا تتعلا ما تتدلا

يا عشى البايتات



عم بابكر انت جعلي .......؟؟؟؟

[همس الشوق]

المشاركة الأصلية كتبت بواسطة شبارقة

أغنية ود اللمين ...حبابك
تجدين تعليقي باللون الأزرق أعلاه ...ونحنا كلنا بنحب أم درمان وأظنك عارفه معنى كلمة أم درمان لكن أم دقرسي سموها أم دقرسي لشنو ؟

اها
طيب النقلتي دا مش برضو البصلح الجزم


اها البصلح العناقريب بيقولوا ليهو شنو ؟؟؟؟؟؟؟؟؟؟؟؟


أم دقرسي

يا اخواني بشويش علي .... والله يا جماعة انا من امدرمان دي ما طلعته الا مرتين او تلاته وحدي كوستي بس ...... لكن حركات جعلييين ساااااااااااااكت