راكوبة المجادعات.. النمة والدوباي

[طارق صديق كانديك]

المشاركة الأصلية كتبت بواسطة elle

بعــد ايام رجعت وقـــلت أفقـــد زولي
خايفة يكون جفا يشمت عدوي وعزولي
كرت الحيلة آس ما إنتم بيهـــو نزولي
يــــــــــا شدة غيابو عليكي الله تزولي

الجوكر عدييييييييل جريتو ضقتا نزولي
عشرتين بالتمام شوقي وفكاك ساجوري
هينات المحن ساهلات وماهن عولي
أرحلو ان بقى .. في جنوب فازوغلي

[طارق صديق كانديك]

المشاركة الأصلية كتبت بواسطة فيصل سعد

[align=center]سلام للاحباب :

الليلة الشعر صعبت علي أوزانو

والقول السمح راح مني تب ميزانو

غشاني الاغتراب غرقني في أحزانو

زي ما شيخ حسن إنغش في كيزانو

-- منقول --[/align]

سلامات يا ودعمك ... ليك وحشة ..!!

أمسك عندك :


الشوق انبهل زادت هناك كيمانو
ود سعد الأصم قشاش دموع العانو
سويت السمح سيفك وهج لمعانو
خجيت البحر لامن مرق غرقانو

[سجمان]

المشاركة الأصلية كتبت بواسطة elle

بعــد ايام رجعت وقـــلت أفقـــد زولي
خايفة يكون جفا يشمت عدوي وعزولي
كرت الحيلة آس ما إنتم بيهـــو نزولي
يــــــــــا شدة غيابو عليكي الله تزولي

يا قصب التقانت الفيها ماح قندولي
قراعك مجكن للموية واقف طولي
شيليهو "البَلِي" أخَتِي النزول "الفولي"
شايف الناس هنا زي البدو "يدكولي"

[سجمان]

المشاركة الأصلية كتبت بواسطة فيصل سعد

[align=center]سلام للاحباب :
الليلة الشعر صعبت علي أوزانو
والقول السمح راح مني تب ميزانو
غشاني الاغتراب غرقني في أحزانو
زي ما شيخ حسن إنغش في كيزانو
-- منقول --[/align]

حبابك ألف ما ينقص حرف..

الليلة الشعر بيك انعمر لا عينو
والقول السمح شفناها نونو وعينو
إنت مشيت براك وزولي داك بي دينو
دعواتنا ربي معاك والشيخ الهي يعينو

[عبد العظيم الطاهر]

المشاركة الأصلية كتبت بواسطة فيصل سعد

[align=center]سلام للاحباب :

الليلة الشعر صعبت علي أوزانو

والقول السمح راح مني تب ميزانو

غشاني الاغتراب غرقني في أحزانو

زي ما شيخ حسن إنغش في كيزانو

-- منقول --[/align]

الشيخ يا صحاب قفلوهو في الزنزانة
وإنقلبت عليهو الدنيا بى كيزانا
كان قاعد يخطط لى شقانا وأزانا
كم ساط في البلد كتر عليها أحزانا

[فيصل سعد]

[align=center]حباب عبد العظيم، سجمان، و ود صديق
طواعة الحروف و احبابنا وكت الضيق
تحياتنا و سلامنا مطبوق و شوقنا عميق
خوتكم نضيفة تب محبة راسخة غريق
و يمين ريدكم بحر يضوي كل طريق
و في زيادة المحبة سائلين الكريم توفيق[/align]

[عبد العظيم الطاهر]

المشاركة الأصلية كتبت بواسطة فيصل سعد

[align=center]حباب عبد العظيم، سجمان، و ود صديق
طواعة الحروف و احبابنا وكت الضيق
تحياتنا و سلامنا مطبوق و شوقنا عميق
خوتكم نضيفة تب محبة راسخة غريق
و يمين ريدكم بحر يضوي كل طريق
و في زيادة المحبة سائلين الكريم توفيق[/align]

[frame="1 60"]فيصل ود سعد قال في الأخوّة كـلام
فارساً في القصيد سيفو القلم مو حسام
جمعتنا الصداقة وخوّة حاجة تمام
وتالتن المحبة بقت لهن قـدام[/frame]

[جيجي]

بمناسبة جرتق ود عمتي
مشاركة من على البعد

ياناس الحلة هوووووي الليل ة شن بتقولو
فرشولوا المضلع وولعوله بخورو
كشفوله المقنع ام ضيء شبيهة اللؤلؤ
بسمتله ام زمام وغمّزتله النونو..والزول الجميل قرب يقع من طولو

[احمد زين]

المشاركة الأصلية كتبت بواسطة جيجي

بمناسبة جرتق ود عمتي
مشاركة من على البعد

ياناس الحلة هوووووي الليل ة شن بتقولو
فرشولوا المضلع وولعوله بخورو
كشفوله المقنع ام ضيء شبيهة اللؤلؤ
بسمتله ام زمام وغمّزتله النونو..والزول الجميل قرب يقع من طولو

مبروك الجديد وان شاء الل يتهنابو
ويلقى الفي المراد ويتفشرنبو عقابو
وبي بركة رسولنا الانكشفلو حجابو
تعم الفرحة دارو والعقبة عند اصحابو

[هيفاء عبدالستار]

المشاركة الأصلية كتبت بواسطة أحمد محمد زين حسين

مبروك الجديد وان شاء الل يتهنابو
ويلقى الفي المراد ويتفشرنبو عقابو
وبي بركة رسولنا الانكشفلو حجابو
تعم الفرحة دارو والعقبة عند اصحابو

ود الزّين أخوي مني السّلام يغشاك..
ينطبق الفرح والعاقبه لي عن لاك ..
عارفاك يا الأصم خاتي الرّجال بي قفاك ..
في ريد الحسان والغيد يتمو مناك ..

[احمد زين]

المشاركة الأصلية كتبت بواسطة هيفاء عبدالستار

ود الزّين أخوي مني السّلام يغشاك..
ينطبق الفرح والعاقبه لي عن لاك ..
عارفاك يا الأصم خاتي الرّجال بي قفاك ..
في ريد الحسان والغيد يتمو مناك ..

وليك مني السلام يغشى ويطيب معناك
تبقي سعـيدة في الدنيا وتلاقي مناك
يا قمر الحسان الديمة ضاوي سنـاك
الغيــد والحسان ما بلحقنو سمـاك

[عبداللطيف النقر]

المشاركة الأصلية كتبت بواسطة أحمد محمد زين حسين

وليك مني السلام يغشى ويطيب معناك
تبقي سعـيدة في الدنيا وتلاقي مناك
يا قمر الحسان الديمة ضاوي سنـاك
الغيــد والحسان ما بلحقنو سمـاك

[align=right]تسلمو ياأخوان (يا الربع) والله تمنيت ان احييكم بمربع سلام - ولكن البركة فيكم -- لكم منى تحية مودة واحترام ----[/align]

[جيجي]

المشاركة الأصلية كتبت بواسطة أحمد محمد زين حسين

مبروك الجديد وان شاء الل يتهنابو
ويلقى الفي المراد ويتفشرنبو عقابو
وبي بركة رسولنا الانكشفلو حجابو
تعم الفرحة دارو والعقبة عند اصحابو

ديمة الخصال السمحة بيك موصوفة
في ركن الجمال صورتك دوام منصوفة
وفي دربك دوام كل الحسان مصفوفة
يباركولك جديدك للبت الجمالها وصوفها

[حسين يوسف مكى]

المشاركة الأصلية كتبت بواسطة جيجي

ديمة الخصال السمحة بيك موصوفة
في ركن الجمال صورتك دوام منصوفة
وفي دربك دوام كل الحسان مصفوفة
يباركولك جديدك للبت الجمالها وصوفها

حقيت القول ياواحة دانية قطوفــــــــــها
ناوى احج لى كعبة جمال واطـــــوفهـا
مانعنى زولا حجّر مرابض الشــــــــوفة
كان يحجانى فى راكوبتا تعج بى ضـيوفا

[wageeda]

[frame="1 50"]يا اخوان سلام جاءكم مغبش واسمر
بطيب القلوب العامرة بالحب واكثر
بفرح الزغاريد الغناها كتر
بالزمن الشقا والخوف البقي في عيونا محكر
وبرنة اقاع طبولوا شتر
والعسس الممحن شقيش ما تقبل يغدروبك شجر
والرأس المدوعل هلل وكبروكنكش في الككر
ياحليل النضال في دار جعل وامدر
سأليين الله يفرج واكتر [/frame]