ود مدني

[رأفت ميلاد]

المشاركة الأصلية كتبت بواسطة بابكر عباس

عزيزي الاستاذ رأفت ميلاد
المداخلة دسمة..
قبل المداخلة دي ما كنت بعرف أي معلومة عن أسرتك. فقط من حكاية أخوك عرفت إنو ليكم علاقة بود مدني..
أعتذر على الطريقة التقريرية و حكاية الهجرة الحتمية..
القصة كلها إنو أنا استنتجت من الاسم إنكم أقباط و لا يحق لي تصنيف الناس من اسماءهم و دي بعتذر عليها إعتذار شديد...
القصدتو انا من حتمية هجرة الاحفاد كنت قاصد بيهو احفاد الاسر القبطية و ليس احفاد ميلاد بشكل شخصي و الحتمية قصدت بيها قراءة الاقباط الجيدة للحالة الاقتصادية في مدني و السودان عموما بوجود الانقاذ أو عدمها..
و دي تحتاج مني لاعتذار اخر لكل الاسر القبطية بالسودان لانو دي فيها اشارات غير مريحة و إن كانت تستند على ارقام نختلف في قراءتها..

بابكر عباس يا رجل يا راقى
فتشت البوست ده وقريت مداخلتك هسة ..
شوف يا زول مافى إعتذار هنا .. ومداخلتى كانت بمزاج .. ما رايح أعتذر لأنى رفعت الكلفة معاك من قولة تيت .. لكن لم أقصد سوء أو ملامة .. نحن كدة .. نفلق ونداوى .. نسيتك شوية لأنى ختيت بكور فى راسى .. ياخ مرحب بيك وبوستك فشانا شوق لمدنى

محبتى

[أبوبكر عباس]

مقتل إسماعيل باشا و أنتقال العاصمة للخرطوم جعل أهمية مدني و تطورها يتراجعان...
لم يكن للاتراك دراسة جدوي حقيقية للاستفادة من خيرات السودان و تطوير الانسان فيه و تمدينه..
ظلت مدني طيلة العهد التركي كسابق عهدها و أن كان لاحتكاك سكانها بالتجار الاوربيين و المهاجرين الاقباط (جدود رأفت ميلاد) و اليهود و الاتراك و الجنسيات الاخرى اثر إيجابي في حياة الناس..

[أبوبكر عباس]

قلت ارجع للبوست دا قبل ناس رأفت و الكاشف يطلعوا ليهم واحد
و يقدونا بمدني ود اللمين، الكاشف، سمير صالح، بابكر سانتو....
و الاسطوانة المشروخة المعروفة ديك..
و قلت اكلفت الفترة الباقية من التركية و فترة المهدية بسرعة عشان اصل للهدف بتاعي:
" مدني الانجليز و مشروع الجزيرة"

إدعى السيد محمد أحمد عبدالله بأنه المهدي المنتظر المنقذ للعباد و البلاد من شر و ظلم الاتراك و الحاكم بأمر الله و استطاع بمساعدة السيد عبد الله ود تور شين تكوين جماعة دينية سياسية قوية استطاعت خلال فترة من الزمن هزيمة الاتراك و الدخول الي العاصمة في الخرطوم (الحمد لله العاصمة كانت قد انتقلت من مدني) و من ثم التحول لام درمان و و التي صارت فيما بعد أكبر قرية في افريقيا بفضل طبيعة التكوين الطفيلي لها، تليها ود مدني و توابعها بالرغم من التكوين العلمي للمدينة بواسطة الإنجليز..

[فتحي مسعد حنفي]

المشاركة الأصلية كتبت بواسطة بابكر عباس

قلت ارجع للبوست دا قبل ناس رأفت و الكاشف يطلعوا ليهم واحد
و يقدونا بمدني ود اللمين، الكاشف، سمير صالح، بابكر سانتو....
و الاسطوانة المشروخة المعروفة ديك..
و قلت اكلفت الفترة الباقية من التركية و فترة المهدية بسرعة عشان اصل للهدف بتاعي:
" مدني الانجليز و مشروع الجزيرة"

إدعى السيد محمد أحمد عبدالله بأنه المهدي المنتظر المنتقذ للعباد و البلاد من شر و ظلم الاتراك و استطاع بمساعدة السيد عبد الله و تور شين تكوين جماعة دينية سياسية قوية استطاعت خلال فترة من الزمن هزيمة الاتراك و الدخول الي العاصمة في الخرطوم (الحمد لله العاصمة كانت قد انتقلت من مدني) والتحول لام درمان و و التي صارت فيما بعد أكبر قرية في افريقيا بفضل طبيعة التكوين الطفيلي لها، تليها ود مدني و توابعها بالرغم من التكوين العلمي للمدينة بواسطة الإنجليز..

أها والزمن داك يوسف دبوس وعوض حلاوة وفرفشة كانو وين يابابكر

[أبوبكر عباس]

المشاركة الأصلية كتبت بواسطة فتحي مسعد حنفي

أها والزمن داك يوسف دبوس وعوض حلاوة وفرفشة كانو وين يابابكر

تعرف يا فتحي المداخلة دي مقنطرة عديل
لكن خفت أشوتها تطلعني خارج شبكة سودانيات بالأحمر يا " حلاوة"
!!

[فتحي مسعد حنفي]

المشاركة الأصلية كتبت بواسطة بابكر عباس

تعرف يا فتحي المداخلة دي مقنطرة عديل
لكن خفت أشوتها تطلعني خارج شبكة سودانيات بالأحمر يا " حلاوة"
!!

هسع مداخلتك دي ذاتا فيها ريحة كروت حمرا عشان بتخللي الناس تفسر المقصود بي أسوأ تفسير ومافي زول يلومهم..غايتو أنا رسالتك وصلتني بس المهم تقدر تتحمل العواقب الجاية يا ود مدني..أنا غايتو قررت أحزف كلمة وين من قاموس مفرداتي اللغوية
هو أحنا وصلنا مدني ولا ايه

[أبوبكر عباس]

المشاركة الأصلية كتبت بواسطة فتحي مسعد حنفي

هسع مداخلتك دي ذاتا فيها ريحة كروت حمرا عشان بتخللي الناس تفسر المقصود بي أسوأ تفسير ومافي زول يلومهم..غايتو أنا رسالتك وصلتني بس المهم تقدر تتحمل العواقب الجاية يا ود مدني..أنا غايتو قررت أحزف كلمة وين من قاموس مفرداتي اللغوية
هو أحنا وصلنا مدني ولا ايه

فتحي صباح الخير
الاقتباس دا عشان لزوم تسليط الضوء و كمان لو حبيت تسحب مداخلتك لازم تطلب مني اسحبها من الاقتباس..

[فتحي مسعد حنفي]

المشاركة الأصلية كتبت بواسطة بابكر عباس

فتحي صباح الخير
الاقتباس دا عشان لزوم تسليط الضوء و كمان لو حبيت تسحب مداخلتك لازم تطلب مني اسحبها من الاقتباس..

شباب مدني ألله فوقو شباب مدني

[أبو خليفه]

سلام يا بابكر

المشاركة الأصلية كتبت بواسطة بابكر عباس

قلت ارجع للبوست دا قبل ناس رأفت و الكاشف يطلعوا ليهم واحد
و يقدونا بمدني ود اللمين، الكاشف، سمير صالح، بابكر سانتو....

دي قلنا عادي نفوتها ..

المشاركة الأصلية كتبت بواسطة بابكر عباس

و الاسطوانة المشروخة المعروفة ديك..

لكن دي بصراحه ما قدرت أبلعها !!

؟؟؟؟

[أبو خليفه]

المشاركة الأصلية كتبت بواسطة بابكر عباس

وقلت أكلفت الفترة الباقية من التركية و فترة المهدية بسرعة عشان اصل للهدف بتاعي

سلام بابكر
تعال أصل لهدفك جهجهتنا معاك !! ..
برضو ما عارفناك شايت وين !!! ...

[رأفت ميلاد]

المشاركة الأصلية كتبت بواسطة بابكر عباس

إدعى السيد محمد أحمد عبدالله بأنه المهدي المنتظر المنقذ للعباد و البلاد من شر و ظلم الاتراك و الحاكم بأمر الله و استطاع بمساعدة السيد عبد الله ود تور شين تكوين جماعة دينية سياسية قوية استطاعت خلال فترة من الزمن هزيمة الاتراك و الدخول الي العاصمة في الخرطوم (الحمد لله العاصمة كانت قد انتقلت من مدني) و من ثم التحول لام درمان و و التي صارت فيما بعد أكبر قرية في افريقيا بفضل طبيعة التكوين الطفيلي لها، تليها ود مدني و توابعها بالرغم من التكوين العلمي للمدينة بواسطة الإنجليز..

الزول ده ما داير يجيبا البر

بعتبر مقدمتك الضعيفة دى .. وصلة سريعة لمآرب أخرى وهدف تانى ..
كدى واصل .. بس ما ماشى أفوتا ليك .. وبرجع معاك فيها

[شبارقة]

المشاركة الأصلية كتبت بواسطة أبو خليفه

سلام بابكر
تعال أصل لهدفك جهجهتنا معاك !! ..
برضو ما عارفناك شايت وين !!! ...

[align=justify]السلام عليكم ,,,

من مداخلة سابقة للأخ بابكر عباس مع الأخ رأفت ميلاد في بوست سابق عرفت بأن بابكر من مدني .... وهو هنا كأنه في دراسة نقدية لبعض تاريخ مدني ... وبدأ لينا بالشين وبعدين ح يجينا بالزين (على ما أعتقد).

أنا من الشبارقة وهي واحدة من أكبر القرى الواقعة شرق مدني ... ومجلسنا الريفي يتبع لمدني .. ونحن مرتبطين إرتباط وثيق بمدينة ود مدني فهي عاصمتنا وهي حياتنا ... في السابق لم تكن لدينا مدارس ثانوية في قريتنا ولذا كانت وجهتنا حنتوب الثانوية أو مدارس مدني الثانوية المختلفة ... ومن بعد أصبحت جامعة الجزيرة هي ملاذ وليداتنا وبناتنا ...
مدني هي كل شئ ..لنا ولكل السودان .. هي قلب مشروع الجزيرة ... هي مولد الإبداع السياسي والعلمي والثقافي والرياضي والإجتماعي ... إلخ (وسنظل نردد هذه الأسطوانة بنشوة ونحن نتمايل طربا ً معها وهو ترديد يختلف عن ترديد الأسطوانة المشروخة لأن الأسطوانة المشروخة تصيبك بالملل والكلام عن مدني يبعث فيك الحياة والأمل) [/align]

[رأفت ميلاد]

المشاركة الأصلية كتبت بواسطة شبارقة

[align=justify]السلام عليكم ,,,

من مداخلة سابقة للأخ بابكر عباس مع الأخ رأفت ميلاد في بوست سابق عرفت بأن بابكر من مدني .... وهو هنا كأنه في دراسة نقدية لبعض تاريخ مدني ... وبدأ لينا بالشين وبعدين ح يجينا بالزين (على ما أعتقد).

أنا من الشبارقة وهي واحدة من أكبر القرى الواقعة شرق مدني ... ومجلسنا الريفي يتبع لمدني .. ونحن مرتبطين إرتباط وثيق بمدينة ود مدني فهي عاصمتنا وهي حياتنا ... في السابق لم تكن لدينا مدارس ثانوية في قريتنا ولذا كانت وجهتنا حنتوب الثانوية أو مدارس مدني الثانوية المختلفة ... ومن بعد أصبحت جامعة الجزيرة هي ملاذ وليداتنا وبناتنا ...
مدني هي كل شئ ..لنا ولكل السودان .. هي قلب مشروع الجزيرة ... هي مولد الإبداع السياسي والعلمي والثقافي والرياضي والإجتماعي ... إلخ (وسنظل نردد هذه الأسطوانة بنشوة ونحن نتمايل طربا ً معها وهو ترديد يختلف عن ترديد الأسطوانة المشروخة لأن الأسطوانة المشروخة تصيبك بالملل والكلام عن مدني يبعث فيك الحياة والأمل) [/align]

يا شبارقة مفتح وشايف كل حاجة .. الغايظنى ترميها وتبعد وما بتهببو لينا .. تتصور أصلو ما خطر فى بالى أربط إسمك بالشبارقة الحلة .. بعد ده بيناتنا هدنة .. الخلق الحولك ديل كلهم ما بعرفوا الشبارقة بى وين .. حتى ناس مدنى معرفتم بيها ضعيفة .. حدهم أبو حراز .. أما أنا إتحكرت فى قلب الشبارقة .. دفعتنا كتير من الشبارقة فى المدينة عرب الوسطى ومدنى الثانوية .. وفى واحد شيوعى ناسى إسمه .. لكن بكوسه ليك .. فى المناسات الوطنية كان بتدسى عندنا فى بركات من الإعتقال ..

كدى نشوف آخرة بابكر قبال إحتلال البوست .. الزول من مواليد مدنى .. يكون شيخ الجيلى قريبه ولا شيخ أبوزيد .. يصقعنا بى فاتحة

لكن مش فى شبارقة غرب كمان ؟ ولّ الخرف حصل

[أبو خليفه]

المشاركة الأصلية كتبت بواسطة رأفت ميلاد

الخلق الحولك ديل كلهم ما بعرفوا الشبارقة بى وين .. حتى ناس مدنى معرفتم بيها ضعيفة .. حدهم أبو حراز ..
لكن مش فى شبارقة غرب كمان ؟ ولّ الخرف حصل

سلام العزيز رأفت ميلاد
هو بالله محمد شبارقه الفنان خلا زول ما يعرف الشبارقه وينها في خريطه السودان ..

أها التانيه ياحبيب أسمها :
البشاقره غرب ، ودي ريفي الكاملين ، قريبه من التكينه ، وفضل (هي فضل ذاتها وين ) والتكله .
شنو ليك ،، لقيني كيف بالله


حاشية :

شبارقه (محمد شبارقه الفنان قريبك ولا ود حلتكم بس ) عشان لو قريبك عندنا معاك كلام بعدين

[رأفت ميلاد]

المشاركة الأصلية كتبت بواسطة أبو خليفه

سلام العزيز رأفت ميلاد
هو بالله محمد شبارقه الفنان خلا زول ما يعرف الشبارقه وينها في خريطه السودان ..

أها التانيه ياحبيب أسمها :
البشاقره غرب ، ودي ريفي الكاملين ، قريبه من التكينه ، وفضل (هي فضل ذاتها وين ) والتكله .
شنو ليك ،، لقيني كيف بالله


حاشية :

شبارقه (محمد شبارقه الفنان قريبك ولا ود حلتكم بس ) عشان لو قريبك عندنا معاك كلام بعدين

شكراً يا أبو خليفة .. ما قلت ليك ضهبنا خلاااااس .. أها محمد شبارقة ده لا حضرناه ولا سمعت بيه .. نحن جيل ناس أبوسنبل ..