خالك دا ذكرني خالتي آمنة
بحبها شديد خلاص ، قبل ما أتزوج كانت خاتاني في صنقورا
انا و بتها ، لاننا في نفس العمر و كل بنات أهلنا عرسوهن و نحنا
يا قول تماضر قوووووعداااااات gap
كل ما تجي إجازة من السعودية كانت بتجيب معاها عريس
و المحيرني أكتر من إنها بتشرك ليهم كيف إنها كانت بتجيب
لي العريس لمن أزحلقو حتان تفكر تباصيو لي بتها
أها مرة جات و صادف إنو خالتي أختها كانت في بيت الحبس
قمت من ما شفتها حزرتها : يا خالتي عليك الله إصطوانة كل سنة
أعفينا منها السنة دي ، أو على الأقل خليها عشرة يوم لحد ما خالتي تطلع من بيت الحبس gap
بعد شوية شلاليفا رجفن للكلام و انا أشيل و أحمر ليها و أعمل ليها كدا كدا بي يدي في رقبتي ، حركة الضبح ديك
قامت قالت لي : يااااخ خلاس ما بكلم امك بي العريس الختير المهندس الطيار الجراح العندو شقة و امو ميته وكل الصفات الرهيبة من وجهة نظرا gap
امي قعدت تضحك و انا عملت فيها زعلانة و قلت لي بتها ياخ أمرقاكي قبل ما يباصو ليك ، و نحنا مارقين خالتي قالت لي امي عليك الله عايني البنات ديل متعلمات و سمحات مالن يختي دايرات يبورن لينا ؟!!!
قلت ليها : أقول ليك حاجة يا خالتي ، عريسك دا بليو و أشربي مويتو محاية بكرة بدري ، يا أقول ليك ، وكت عاجبك كدا عرسيو إتي يا باصيو لي أختك دي ، و أشرت لي أمي !! gap
قالت لي : سجمنا
، يا بت انا و امك مرتبطات و ما (فريي )
حسع خالتك كلها عشرة يوم و بتطلع من الحبس وبتبقى فريي ، بنجازفو ليها gap
يا بت يا جيجي !!!!
انا
أي لاف يو عديل كدا
