الأمر مُعقد

[imported_أسعد]

اها يا ماريل
لو اتبعتي خريطة الوش الضاحك في نهاية العبارة
ح توصلك للحتة الصاح


بعدين مراقة شنو؟
ياخ انتو عندكم مفهوم للحاجات غلط واللاي

[imported_ماريل]

المشاركة الأصلية كتبت بواسطة وجدي الأسعد الأسعد

اها يا ماريل
لو اتبعتي خريطة الوش الضاحك في نهاية العبارة
ح توصلك للحتة الصاح


بعدين مراقة شنو؟
ياخ انتو عندكم مفهوم للحاجات غلط واللاي

اولا جاوبنى ليش تبقى اهبل اذا لمت ليك مرة بعدين نمشى لى قدام (وش مكفهر)

[imported_azzam_farah]

ماريل

واها يعنى بعد الرابعة عادى قلبك ممكن يرنو لخامسة عندها الحل شنو؟؟

بعد الرابِعة على المُتعفِف الصبر، وإذا إسْتقام الزمان وفُتِحت الفُتوحات، حُلِل لي ملْكُ اليمين دون عدد

ــــــــــــــــــــــــــــــــــــــــــ

القلب يا سيدى لا يتوقف عن الحب او الحوجة للحب طالما كان على قيد نبض على قيد حنين وهنا المحك وبالله استصحب معاك ان للنساء قلب

الحب له أشكال عديدة.. أما شهوة الرِجال لا تُطفئ إلا بأُنثى قد رف لهُ قلبهُ، ولولا أن حَدَنا الله تعالى لحكمة يعلمُها هو جل وعلا لملأت مُحيطي بِهِن وتفيأت ظلهِن تعفُفًا

[imported_كيشو]

المشاركة الأصلية كتبت بواسطة ماريل

اما زولى واقع فى زمرة ياكل ويغش خمشوا ويتوكل على الدايم وبالكتير يعبر بى (شكر الله الصانع)

ويغش خمشوا

بالله شوفو يغش خمشو دي كيف؟
أها نكتة تانية وقديمة برضو:
واحدة جابو ليها خبر إنو راجلا عرس، وبقى حالا كدا من نوع (يقش خمشوا)، أها المرة المسكينة شالت عجينا وقعدت في التُّكُل للعواسة وجنب الدوكة (جدادة راكضة في البيض)، أها بدل تشيل المعراكا قامشت شالت الـ (جدادة) وبدت تمسح بيها، والـ (جدادة) تفرفر وتقول: كاك كاك، قامت ردت ليها: كان كاك كان ما كاك أياكي معراكة الدواك
جيبو شبارقة يشرح للناطقين بغيرها

[آدم إدريس]

المشاركة الأصلية كتبت بواسطة كيشو

هسه حبك الكتير دا كان استفدت منو في الانتخابات ما كان أخير ليك ؟

كيشو يا حبيب
الإنتخابات دي إتضح بما لا يدع مجال للحب إن ما بينفع معاها حب، ف قلنا أحسن نلملم ما تبقى لنا من عواطف جياشة و نستثمرها في نواحي أخرى

[imported_زول الله]

المشاركة الأصلية كتبت بواسطة azzam_farah

ماريل

إذن:-
الآية الأولى:
- التعدد مُباح.
- من خاف عدم العدل في النِساء، فله واحِدة.
- يُمْكِن أن يجور بِالمَيل.. كُل المَيل في ملْك اليمين.

الآية الثانية:
- العدل لَيس في مُمْكِن الزَوج.
- جاءت التوَصِية الربانِية لِلمُتعدِد <... فَلاَ تَمِيلُواْ كُلَّ الْمَيْلِ...>

المصدر [الميزان في تفسير القرآن]: http://www.holyquran.net/cgi-bin/alm...29&sp=0&sv=129

يتبع

عزام فرح كيفنك وعساك فاين ياخ
البـ الاحمر فوق ديل عايزات شوية فلفلة
-
* اذا قلنا (من خاف عدم العدل) وفي نفس الوقت ربنا قال (ولن تعدلوا)
نلقى انها بتقول ليك بصراحة (البخاف ربنا مايدبل)
مادام ربنا قال ليك ولن تعدلوا إذن لن تعدلووووو وإن اجتهدتم وللا شنو؟؟؟
-
* ثم معروف انو الميل القلبي ما بي يد الانسان بل هو كالقضاء والقدر
وللرسول الكريم حديث واضح ومعروف في المسألة دي بمعنى(ربي لاتلمني فيما تملك ولا أملك) او كما قال
اذن الميل ليس بيدنا ان نتحكم فيه
وفي نفس الوقت ربنا قال (فلا تميلوا كل الميل)
مش في حاجة هنا تدعو للوقوف والمراجعة؟؟؟
-
ثم مبروك ياعم وربنا يقدرك ان تعدل ثم (لاتميل كل الميل) فتخالف








اقول قولي هذا واستغفر الله لي.................

[imported_ماريل]

المشاركة الأصلية كتبت بواسطة زول الله

السبب شنو انو المرأة دائماً مكفهرة الوجه لمن تجي السيرة دي؟ - ماريل نموذجاً

يا فنان ازيك انا هنا بتكلم بدافع عاطفتى طبعا كما لا يخفى على حصيف
الطبيعى انى ما بقبل (نصف رجل او ثلث رجل او ربع رجل)اتقاسم مع
اخريات قلبه ووقته يعنى عايزنى اتبسم بالكذب لم ولا ولن اقبل نوهائيا


والغالب الاعم انهن انفسهن سبب كبير في التعدد او تطبيقها بأخرى


السبب كيف فى التعدد يعنى؟؟يعنى مثلا انى انثى غير كاملة لذلك انت تبحث عن
سد الثغرة بانثى ثانية وثالثة ورابعة..طيب ياخ بنفس المنطق انت رجل غير كامل
وانا صابرة ومتعايشة معاك ده جزء من البعد الانسانى القصدتو يا وجدى....


طبعا للعلم ياماريل لستُ من انصار التعدد رغم اني "سوابق"
لكن استغرب من هذا الأمر الذي ترفضنه جملاً وتفصيلاً حتى لومسبب
-
ارفضه رفضا باتا لا رجعة فيه ولا تحنيس ولا تهديد ولا ايتوها شئ ممكن يثنينى عن رفضى




اقول قولي هذا واستغفر الله لي..................

وتعال يا فنان اسرد لى اسبابك عشان نشوف عندها حل غير التعدد وله ياهو الحل الوحيد فى العالم ده

[imported_ماريل]

المشاركة الأصلية كتبت بواسطة كيشو

بالله شوفو يغش خمشو دي كيف؟ أها نكتة تانية وقديمة برضو: واحدة جابو ليها خبر إنو راجلا عرس، وبقى حالا كدا من نوع (يقش خمشوا)، أها المرة المسكينة شالت عجينا وقعدت في التُّكُل للعواسة وجنب الدوكة (جدادة راكضة في البيض)، أها بدل تشيل المعراكا قامشت شالت الـ (جدادة) وبدت تمسح بيها، والـ (جدادة) تفرفر وتقول: كاك كاك، قامت ردت ليها: كان كاك كان ما كاك أياكي معراكة الدواك جيبو شبارقة يشرح للناطقين بغيرها

ياخ صنعت يومى زاتا شوية بالمناسبة دى ضحكة نوع اخش خمشى
واتوكل على الدايم ....
مبااااااااااااااااالغة يا مولانا ياخ طبعا دينك ده ما بقدر احلو هسه دى
ده من نوع(ردوا التحية باحسن منها)او(اجمل منها)واجمل منها ما
عندى والله لكن تكون طالبنى ضحكة تنتزع منك وانت مكفهر

[imported_زول الله]

المشاركة الأصلية كتبت بواسطة ماريل

وتعال يا فنان اسرد لى اسبابك عشان نشوف عندها حل غير التعدد وله ياهو الحل الوحيد فى العالم ده

اولاً احييك على "النجاضة" دي تحية كبيرة
بعدين ياخ انا ماوجدي - والله فعلاً الشغلة شكلها بتعمي العيون التي في الوجوه
ثم انو "سوابق" دي يعني كان زمان ما هسه - الهوا بقوم يابتنا
واصلي ف انا مستمتع جداً بحوارك هنا بإعتبارك "عميل محتمل"* للعملية دي وكدا






*بإعتبار كل النساء احتمال يدبلو فيهن وارد


اقول قولي هذا واستغفر الله لي...................

[imported_أسعد]

المشاركة الأصلية كتبت بواسطة ماريل

اولا جاوبنى ليش تبقى اهبل اذا لمت ليك مرة بعدين نمشى لى قدام (وش مكفهر)

لانو المرة مرفوع عنها اللوم ^_^

بعدين النحدثك
مسالة التعدد هو (خيار)
زي ما انتي بترفضيه رفض بات
في غيرك متصالحه معاهو وموافقة عليهو
بالظبط زي ما عزام عاوز يتزوج رابعة
وزول الله ما عاوز يدبل
كلها خيارات
واي زول حسب خيارتو

عشان كدة يا ماريل احفظي تقدميتك وجندريتك الفارغة ومقدودة دي*



*عارفك ح تجي تقولي لي كيف تقول عليها فارغة ومقدودة
وح اجي اقول ليك لانو جندريتك دي هي في الاصل احتكار لاراء نسوان اخريات ما عاجبن الرضاعة من شطر الجندرية الميت دا

[imported_رأفت ميلاد]

أنتو عزام ده بتاورو العرق ولّ شنو

[imported_ماريل]

المشاركة الأصلية كتبت بواسطة زول الله

اولاً احييك على "النجاضة" دي تحية كبيرة

دايرين تنجضونا وتبقوا مارقيين لا اقبل لا اخضع لا تفاوض لا تصالح ولو منحونا الذهب

بعدين ياخ انا ماوجدي - والله فعلاً الشغلة شكلها بتعمي العيون التي في الوجوه

لا ياخ انا طبعا عارفاك زول الله والدليل خطابى ليك ب(يا فنان)بس قصدت انبه وجدى
للبعد الانسانى المفروض يكون جزء من حوارى معاهو وقع ليك

ثم انو "سوابق" دي يعني كان زمان ما هسه - الهوا بقوم يابتنا

برضو ما فهمت سوابق دى يا فنان افصح بالله اختك فى الزنقات الزى دى مخها بربط
وتتعدد الروئ شفت بالله تتعدد جات حشرتها ليك كيف ...

واصلي ف انا مستمتع جداً بحوارك هنا بإعتبارك "عميل محتمل"


* للعملية دي وكدا *بإعتبار كل النساء احتمال يدبلو فيهن وارد اقول قولي هذا واستغفر الله لي...................

عميل محتمل انا يا فنان؟؟ بِتفوِل على حسبى اللللللللللللللللللللللللله ونعم الوكيل فيك

[imported_ماريل]

المشاركة الأصلية كتبت بواسطة وجدي الأسعد الأسعد

لانو المرة مرفوع عنها اللوم ^_^

لا اعتبر ده رد لكن بقبلو على مضض واواصل معاك

بعدين النحدثك مسالة التعدد هو (خيار) زي ما انتي بترفضيه رفض بات في غيرك متصالحه معاهو وموافقة عليهو


انا نوهائيا لم اتحدث باسم اخريات دى رائ انا ماريل دى فقط رغم انى ما ادس عليك بشوف
انو المرأة البتقبل بالتعدد غير واعية لحقها الانسانى واذا جاتنى فرصة لنقاش التعدد ما بضيعا
لانو محتمل افتح عين نساء اخريات لا افرض رائ عليهن ولن اقبل التعدد لى انا....

بالظبط زي ما عزام عاوز يتزوج رابعة وزول الله ما عاوز يدبل كلها خيارات واي زول حسب خيارتو عشان كدة يا ماريل احفظي تقدميتك وجندريتك الفارغة ومقدودة دي* *عارفك ح تجي تقولي لي كيف تقول عليها فارغة ومقدودة وح اجي اقول ليك لانو جندريتك دي هي في الاصل احتكار لاراء نسوان اخريات ما عاجبن الرضاعة من شطر الجندرية الميت دا

عندى رغبة اخيب ظنك واتجاوز مسالة فارغة ومقدودة دى...

[imported_أسعد]

انا نوهائيا لم اتحدث باسم اخريات دى رائ انا ماريل دى فقط رغم انى ما ادس عليك بشوف انو المرأة البتقبل بالتعدد غير واعية لحقها الانسانى واذا جاتنى فرصة لنقاش التعدد ما بضيعا لانو محتمل افتح عين نساء اخريات لا افرض رائ عليهن ولن اقبل التعدد لى انا....

يا ماريل الحقوق دي حاجة نسبية واولوياتها بتختلف من زول للتاني
لكن يظل معيارها الوحيد هو السعادة
اها اسي لو اتعمل استبيان بين المتزوجات
قطع شك النسوان المتزوجات بتعددية بكونن اكثر سعادة من النسوان المتزوجات (باستفراد)

[imported_azzam_farah]

يَـزْني الزُنـاةِ -ويْلهُم- ولا يُلْفظوا، ومن تدثر بالتعدُدِ لمِزوه وباتوا تعجبوا!