الملف الشخصي للأعضاء

[imported_خالد الصائغ]

المشاركة الأصلية كتبت بواسطة بابكر عباس

طبيعة عملي يا خالداً في القلب، خلتني أحتك ببدو السعودية والخليج ودائما في بداية التعريف بسألوك عن إسم الولد، أقول ليهم: عمر
أها الرمسة كلها تفضل يا أبا عمر، وكيف حالك أبو عمر
وفجاءة يقول ليك شو إسمك أبو عمر؟
تقول ليهو: أبو بكر
طوالي تشوف في وشو عبارة:
شو الخبلة هاذا؟!

يبدو لي إنك الوقت داك يا بابكر, ما كنت واعي لي حجم إندلاقك الإستعرابي, بس الحمدلله إنك إتجاوزتو هسة

لو كنت قلت ليهم إسمي بابكر, كانو قالو ليك و النِعِم,

[بابكر عباس]

المشاركة الأصلية كتبت بواسطة تماضر حمزة

خلودي!
أهن يابكّة، ملينا تلات أرباع الفراغات!

عليك الله، يا تماضر، شوفي المعلومة الصغيرة حول طبيعة عملك ح تكون مفيدة كيف مستقبلا؛ لإستشارات كتيرة ح تصلك من أصحاب حاجة.

عليك الله، موش كلام أحمد طه بأنو أنا مدهش موش صاح؟

[imported_خالد الصائغ]

المشاركة الأصلية كتبت بواسطة أسعد

صحي واللاي
الفايق يهمز ملفو

إندلاق سودانوي مضاد

[بابكر عباس]

المشاركة الأصلية كتبت بواسطة أسعد

صحي واللاي
الفايق يهمز ملفو

فعلا الإنسان كائن بطيييخة!

[بابكر عباس]

المشاركة الأصلية كتبت بواسطة طارق صديق كانديك

يعلم الله مش كان نكرّتا، برضو ما بحلك

ما ناكركم، لكن كمان الزول حقو يستعرب بتقلة
معقول تسمي ولدك
أبو ذر؟
أبوبكر؟
أبوعبيدة؟
أبوسفيان؟
أبودجانة؟ (دا، إستعراب حربي)

[بابكر عباس]

المشاركة الأصلية كتبت بواسطة وهاد ابراهيم محمد

بالله يا بابكر شوف الإستعراب المتحرك حثيثاً نحو الإستغراق
عند الأخ (طارق صديق كانديك)..
ده اسم يتدحرج نحو الإستعراب بصورة في الآخر حتقصم رقبتو ليس إلا
بالله شوف جدنا كانديك بوّظ الشغلانة دي كيف
ويبدو ان والدنا صديق كان يحلم لإبنه ببعض حظوة في بلاد الأندلس

______
و.. تماضر؟

المستغرب ليهو يا وهاد، طارق صديق دا، بالرغم من نكرانم الواضح للإفريقية وسلفية حزبو الواضحة؛ إلا أنهم كبعثيين مصنفين كليبراليون تقدميون غير ظلاميون!!
موش حاجة تحيّر؟

ما نعشم بربعين زيادة في ملفك إسوة بتماضر؟

[imported_الجيلى أحمد]

إلا أنهم كبعثيين مصنفين كليبراليون تقدميون غير ظلاميون

يكون عشان بسبو الدين
والله يالبطرى الفكرة دى شكلها كلها مدورة فى
مسالة الملف..

غيرك ملفك يامواطن..
من اجل مداخلات مشرقة..


بالجنبة كدا ياعمك, انت البوديك تبحت فى ملفات العالمين دى من طرف شنو؟
يااخى دى قلة شغلة بى ضمير

[imported_خالد الصائغ]

المشاركة الأصلية كتبت بواسطة الجيلى أحمد

يضحك يومك يااخى ..

والله خلودى يكسب

بس العضو الجديد أسعد
كان بدلعوهو بالعربى كيف؟
لو قلتا لى وجدى حاازعل منك

غايتو الإسم لمن يكون علي وزن (أفعل), تلتلتو علي صعيد الإشتقاقات بتكون كتيرة, و أخوك ذو لسان أعجمي غير مبين

يظل السؤال قائم

[imported_خالد غالي]

الملف الشخصي ده شنو هو ؟

[imported_تماضر حمزة]

المشاركة الأصلية كتبت بواسطة وهاد ابراهيم محمد

______
و.. تماضر؟

تماضر الخنساء حمزة جعفر علي صالح!

[imported_وهاد ابراهيم محمد]

المشاركة الأصلية كتبت بواسطة تماضر حمزة
تماضر الخنساء حمزة جعفر علي صالح!

حالة متأخرة
أو..
حالة نموذجية

[imported_فيصل سعد]

المشاركة الأصلية كتبت بواسطة بابكر عباس

مثلا لو ضغطت على إسم بابكر عباس وذهبت لمعلومات عني؛ علي الأقل تقدر تعرف الإسم الحقيقي، مكان الإقامة، المهنة، العنوان البريدي

حجتي في الإقتراح دا؛ العمل العام لا يقبل الدسدسة.

أبوبكر عباس
الشهير ببابكر عباس

يمين يا نديدي الجلاكسي
شغال شغلو تمام التمام

اها ان شاء الله تكون باصرت معاو
كنبة جديدة وثيرة و ريموت كرت ..

[imported_طارق صديق كانديك]

المشاركة الأصلية كتبت بواسطة وهاد ابراهيم محمد

بالله يا بابكر شوف الإستعراب المتحرك حثيثاً نحو الإستغراق
عند الأخ (طارق صديق كانديك)..
ده اسم يتدحرج نحو الإستعراب بصورة في الآخر حتقصم رقبتو ليس إلا
بالله شوف جدنا كانديك بوّظ الشغلانة دي كيف
ويبدو ان والدنا صديق كان يحلم لإبنه ببعض حظوة في بلاد الأندلس

بيني وبينك جدي عصر الأندلس زاتا

[imported_فيصل سعد]

المشاركة الأصلية كتبت بواسطة بابكر عباس

حجتي في الإقتراح دا؛ العمل العام لا يقبل الدسدسة.

و القال ليك منو الكتابة في
منتدى سودانيات عمل عام ؟

غايتو ممكن نشوف آراء كيشو
و الزوول و شبارقة في السالفة
دي لاثراء النقاش و جات كدا
بالصدفة ثلاثتهم اسايطة

ومولانا الباذخ ابو الطرق شايفه اونلاين
ممكن يدلو لينا بدلوا في هذه المجمجة

[imported_فيصل سعد]

المشاركة الأصلية كتبت بواسطة خالد غالي

الملف الشخصي ده شنو هو ؟

الملف الشخصي دا يا صاحب هو راس خيت الشفافية على حسب
رؤية عالمنا الجليل ابوبكر مثقف عصره و زمانه ; و كبير ناثري الوعي
اسفيريا بالشرق الاوسط و بعض دول الجوار .. و الله العظيم هنا لا توجد
سخرية و استهزاء .. وحياة سيدي و سيدو الحسن يعفي لينا لو المداخلة
ما نالت استحسانه و لم تروقه ..