"شاي" عمتي رقية عبيد الله

[فيصل سعد]

المشاركة الأصلية كتبت بواسطة خالد الحاج

بعدين إنت شفت طعامتي وين ..

انت ما سمعت الباشكاتب بيغني "بريدك قبل ما اعرفك" و "قبل ما اشوفك كنت فاكر الريد مستحيل كنت سارح في طريق خالي و طويل" و تيييييييب
غايتو إنت والخواجة أنا يوم بنزل فيكم بوست (مخسوس) وأكشف "التخسسات"

يا زول نحن سميرة دنيا زاتها غنت لينا "سخسيا"
و ممكن تدينا آخرك برضو بدون ما نسأل فردك سحس و طارق العجل

[فتحي مسعد حنفي]

المشاركة الأصلية كتبت بواسطة فيصل سعد

يا زول نحن سميرة دنيا زاتها غنت لينا "سخسيا"
و ممكن تدينا آخرك برضو بدون ما نسأل فردك سحس و طارق العجل

شفت يافيصل الزول دا بيهبشنا براهو ولمن نقبل عليهو بيقلب الأمور جد يخلينا نلبد ونخاف من زعلو.شفت الحرفنة كيف يا 26 ولاية سودانية.أها الأيقونات عندي وقفت ودا أكيد شغلو هو قال ما دايرنا نتونس في بوستاتو مع انو شخصية عامة وسيد بيت ما مفروض يمنعنا احنا ضيفانو.هاهاها دي بدل الأيقونة الموقفها...
يازول أكتب وما يهمك احنا في بلد العسكر بيستولوا فيهو علي بلد كامل وممكن نشوف لينا عسكري زي جنابو بابكر مخير ونخليهو يجي لابس الكاكي حقو ونستولي علي الموقع ونرجعو مواطن عادي وندفع ليهو الفيها النصيب عشان ما يقولوا سرقة....!!!!!!

[الجيلى أحمد]

المشاركة الأصلية كتبت بواسطة Osman Hamad

لا أرى داعى لحذف ماحُذف.
إلى متى دفن الرؤس فى الرمال؟
هذا مُجرد رأى.

لكم الود

وين ياجان

صاحبك قالوا متحالف فى تشاد ضد أمريكا,
والجماعة فى النهاية نفوهو لى كينيا..

غايتو بقى خلاقة

[خالد الحاج]

فيصل
الخواجة
جيلي
سلام

طبعا إتذكرت بي ونستكم دي بوست (الديمقراطي للعماري الجيد) وكيف أني حردتو بعد ما قلبوه الجماعة ركن ونسة وكده.
فيصل بارك الله فيه عمل ليه عملية تجميل
أها يا جماعة خاصة فيصل والخواجة عمليات التجميل الكتيرة بتبقي البوست زي وش (Dolly Parton) مغنية الوسترن الأمريكية الشهيرة والخشم جنب الأضان..
الزولة حماكم الله عندها القريشات وما عندها لا فاطمة لا محمد . تشيل وتعمل في عمليات شد وش وإضافة أورام (حميدة) إلي سدرها ومؤخرتها ..
أها يشهد الله بوستي بقي زي وش دولي..
إنتو ونسة نص الليل دي علاجها شنو ؟

[الجيلى أحمد]

إنتو ونسة نص الليل دي علاجها شنو

والخواجة وفوفو عارفين

يازول تضرب بس لبن..

[فيصل سعد]

المشاركة الأصلية كتبت بواسطة الجيلى أحمد

والخواجة وفوفو عارفين

الجيلي انت ما كلموك ولا ما سمعت اخوك ما اعتزل السنن السوائل و مرايس تام زين في الالفية الجديدة و الخواجة نزل المعاش الاختياري على حسب رواية مجدي مسعد حنفي يعني بقينا على قول " جيتا تائب يا حليلك و المزز و الشطوط و الثلج و الخندريس ملكوه غيرك"
يازول تضرب بس لبن

بس اقبض في دا كويس و كنكش فيه و ممكن تكحله ببسبوسة و باسطة و عينك ما تشوف الا النور

[فيصل سعد]

المشاركة الأصلية كتبت بواسطة خالد الحاج

فيصل
الخواجة
جيلي
سلام

طبعا إتذكرت بي ونستكم دي بوست (الديمقراطي للعماري الجيد) وكيف أني حردتو بعد ما قلبوه الجماعة ركن ونسة وكده.

ما تعملنا شماعة ساكت امشي شوف اسباب الحردان الاصلية يا زول احمد الله انو بوستاتك عندها زبائن يمين طلتنا في ناس مشتهنها وين لقيتك لامن آباك
إنتو ونسة نص الليل دي علاجها شنو ؟

دا هنا مربط الفرس الجيلي قاليك لبن ، و بابكر قاليك احلق صلعة ، و انا بقوليك روق و احلى و في الحالتين ونستنا مستمرة

[فيصل سعد]

التحايا الطيبة للجميع هنا..

[أم سهى]

والله العظيم انتو ما براكم

في شنو ؟ظ مالكم؟؟
اقرأ كويس بعد شوية القى زول شترها

اديتوني احساس كدة زي القاعدين تتونسو جنب البحر هناااااك في ابروف تحت - تتذكر يا فيصل؟ جنب دار التحالف بس بي شوية كدة على ابوروف
محل ببيعو الحطب والحاجات ديك

والله يا حليلكم
ونسة بالجد بشعر بيها تخلو من اي خباثة
مش بالله؟؟
اها واصلو

[أم سهى]

تعرف يا خالد الحاجة اللي اسة ما قادرة انساها شنو؟؟
ساندوتشات سلطة الاسود والطعمية الكانو ببيعوها خالاتنا في ضل بيوت اشلاق البوليس جنب جامعة القاهرة الفرع - جنب دار الاتحاد
ياخ ديك عندها طعم تاني - بتذكرني ايام الجامعة وخصوصا لمن نكون ماشين جامعة الخرطوم نحضر ندوة او ركن نقاش في الامسيات اها كنا بنتذود من خالاتنا ديل ونشيل الساندوتشات وكداري من الفرع لجامعة الخرطوم - طبعا مقيل في الفرع ومنها لهناك
ياااااه زمن
اسة في مشيتي الاخيرة دي مشيت الفرع ولقيت نفس المنظر - البنات قاعدات مع زملائهم ياكلو ويتونسو - لكن اهتماماتهم اخرى - مختلفة تماما - اخر قيافة وهندمة والكلام كيف كيف
نحن زمان تلقى الواحدة فينا عجاجتها قايمة والنقاش كلو سياسة ولو كترو الكيزان بنطلع (سليقتنا)
زمن يا حليلو

[الفاتح]

المشاركة الأصلية كتبت بواسطة أم سهى

تعرف يا خالد الحاجة اللي اسة ما قادرة انساها شنو؟؟
ساندوتشات سلطة الاسود والطعمية الكانو ببيعوها خالاتنا في ضل بيوت اشلاق البوليس جنب جامعة القاهرة الفرع - جنب دار الاتحاد
ياخ ديك عندها طعم تاني - بتذكرني ايام الجامعة وخصوصا لمن نكون ماشين جامعة الخرطوم نحضر ندوة او ركن نقاش في الامسيات اها كنا بنتذود من خالاتنا ديل ونشيل الساندوتشات وكداري من الفرع لجامعة الخرطوم - طبعا مقيل في الفرع ومنها لهناك
ياااااه زمن
اسة في مشيتي الاخيرة دي مشيت الفرع ولقيت نفس المنظر - البنات قاعدات مع زملائهم ياكلو ويتونسو - لكن اهتماماتهم اخرى - مختلفة تماما - اخر قيافة وهندمة والكلام كيف كيف
نحن زمان تلقى الواحدة فينا عجاجتها قايمة والنقاش كلو سياسة ولو كترو الكيزان بنطلع (سليقتنا)
زمن يا حليلو

..
عن إذنك يا خال عندي ونسه صباحيه..
بمناسبة السلايق دي في زمنًا كان من رواد( الصخور) أحمد جيرمان, معاويه كرفس, مجدي بحر, لينين الطيب, خالد عباس,تروتسكي, شبشه, أنيس , عصمت الدسيس..
قدد.. وغنا.. وشعر..زمن والله.. بالذات في رمضان.. عندو طعم خاص نباري في الضل ده لحدي العصر وبعد داك نفتش حق المواصلات..
هسي فعلا الأشكال إتغيرت - بالرغم من إنو قدامى المحاربين مرات بيسجلو زيارات- والإهتمامات برضو إتغيرت.. بقت حكر على المثقفاتيه..
زمن.

[خالد الحاج]

المشاركة الأصلية كتبت بواسطة أم سهى

تعرف يا خالد الحاجة اللي اسة ما قادرة انساها شنو؟؟
ساندوتشات سلطة الاسود والطعمية الكانو ببيعوها خالاتنا في ضل بيوت اشلاق البوليس جنب جامعة القاهرة الفرع - جنب دار الاتحاد
ياخ ديك عندها طعم تاني - بتذكرني ايام الجامعة وخصوصا لمن نكون ماشين جامعة الخرطوم نحضر ندوة او ركن نقاش في الامسيات اها كنا بنتذود من خالاتنا ديل ونشيل الساندوتشات وكداري من الفرع لجامعة الخرطوم - طبعا مقيل في الفرع ومنها لهناك
ياااااه زمن
اسة في مشيتي الاخيرة دي مشيت الفرع ولقيت نفس المنظر - البنات قاعدات مع زملائهم ياكلو ويتونسو - لكن اهتماماتهم اخرى - مختلفة تماما - اخر قيافة وهندمة والكلام كيف كيف
نحن زمان تلقى الواحدة فينا عجاجتها قايمة والنقاش كلو سياسة ولو كترو الكيزان بنطلع (سليقتنا)
زمن يا حليلو

سلام يا أم سهي
أظنني كنت التلميذ الوحيد العندو دفتر دين عند حاجة بتول والكلام ده في الإبتدائية ..
لم ينحصر الموضوع في سلطة الأسود والطعمية فقد كنت من عشاق (التبش بالشطة والدكوة)
وفي نهاية العام الذي جلسنا فيه لإمتحان الدخول للمتوسطة دفعت والدتي رحمة الله عليها 40 قرشا للحاجة بتول لقفل الحساب بعد مفاوضات أشبه بمفاوضات البنك الدولي .. أي والله
أما الحديث عن تغير مظهر الناس فدي بترك ليك الحكم فيها فقد طال غيابي يا أم سهي 13 عاما..
يبدو أن زيارتي للسودان هذا العام تحتاج لأكثر من ال 30 يوما أجازة التي منحوني لها في العمل بعد جهد جهيد ..
والشكية لله .

[فتحي مسعد حنفي]

المشاركة الأصلية كتبت بواسطة خالد الحاج

سلام يا أم سهي
أظنني كنت التلميذ الوحيد العندو دفتر دين عند حاجة بتول والكلام ده في الإبتدائية ..
لم ينحصر الموضوع في سلطة الأسود والطعمية فقد كنت من عشاق (التبش بالشطة والدكوة)
وفي نهاية العام الذي جلسنا فيه لإمتحان الدخول للمتوسطة دفعت والدتي رحمة الله عليها 40 قرشا للحاجة بتول لقفل الحساب بعد مفاوضات أشبه بمفاوضات البنك الدولي .. أي والله
أما الحديث عن تغير مظهر الناس فدي بترك ليك الحكم فيها فقد طال غيابي يا أم سهي 13 عاما..
يبدو أن زيارتي للسودان هذا العام تحتاج لأكثر من ال 30 يوما أجازة التي منحوني لها في العمل بعد جهد جهيد ..
والشكية لله .

شايفك ياخالد ختيت ليك بمبر معانا ودخلت في الونسة ما كان ياود أخوي من الأول بدل ما تشيل وش القباحة(دوللي بارتون) وتطرد الضيوف...واحنا ناس لا بنخاف لا بنختشي وكل ما بوستك دا يفتح بنجي توش خاشين بدون استئذان....كان عجبك

[أم سهى]

انت تعال يا فتحي ياخوي
مالك كل ما ليك ناطي لي خالد في حلقو؟؟
نحن خالد ده ما بنرضى فيه شي
اسة عليك الله في اظرف من البوست ده وأهدأ منه؟
غايتو جنس حسادة؟؟
بري منها

[فتحي مسعد حنفي]

المشاركة الأصلية كتبت بواسطة أم سهى

انت تعال يا فتحي ياخوي
مالك كل ما ليك ناطي لي خالد في حلقو؟؟
نحن خالد ده ما بنرضى فيه شي
اسة عليك الله في اظرف من البوست ده وأهدأ منه؟
غايتو جنس حسادة؟؟
بري منها

والله العظيم يا أم سهي دي ريدة ساكت واحنا كان ما نطينا ليهو في حلقو ما بخللي البخل حقو ويجي يشارك معانا فدا عبارة عن شوك كهربة ينعشو ويجي يطردنا تاني وتاني نقول ليهو قاعدين ومتحكرين كان عجبو وبعدين أنا الما بريدو ما بدخل في بوستاتو حتي لو أخد جايزة نوبل للأدب