اغاني .. واغاني

[قيقراوي]

لمزيد من المتعة اضغط هنا


http://www.sudaneseonline.com/cgi-bi...700&page=2&pb=

[احمد زين]

المشاركة الأصلية كتبت بواسطة قيقراوي

اداء جيد لمعتز

(رأي شخصي)

يفضل رايك الشخصي مكان تقديرنا لكن حَرَّم ان لعب صقرية ما عندو التكتح

الطرفة يا قيقا بتقول واحد جعلي اتوفى والجماعة اتلمو عشان الدفن اها عند الغسيل الراجل جاب ليهو حركة قام ولدو قال لي خالو يا خالي ابوي ده حي وقاعد يتحرك قام خالو قال ليهو حرَّم ان لعب صقرية الا ندفنو بعد لمة الناس دي

المشاركة الأصلية كتبت بواسطة طارق صديق كانديك

غايتو إلا عشان صاحبك

ياخي الرهان على هذا المعتز خاسر جداً.( عليه بوصية صديقنا قيس أب رويس ليس إلا)

والله بعد كده لو أدوه (جِدادي) يلقُط الحبة، يسقط فيها.

الحمدلله على نعمة الريموت كنترول

خلي رموتك بطاريتو جيدة دايما الباقي 15 حلقة
الله يصبرنا عليها مع الزول ده

[احمد زين]

المشاركة الأصلية كتبت بواسطة قيقراوي

ياخي دي زولة خلا ساي .. بعيد عنكم من البدو .. وقيل من الما بدو ذاتم!!

وين المخرج!؟

وبما انني واحد من البدو
وممثلهم في هذه الاسافير
فانني اتقدم باحتجاج شديد اللهجة
على هذا العنف اللفظي ضدنا


المخرج مع طرحة صباحي وصلعة فرفور

[زول الله]

المشاركة الأصلية كتبت بواسطة احمد زين

المخرج مع طرحة صباحي وصلعة فرفور

ود الزين اظنك انت النشرت الصورة دي في الواتساب

او يكون المخرج؟؟










اقول قولي هذا واستغفر الله لي..............

[احمد زين]

المشاركة الأصلية كتبت بواسطة زول الله

ود الزين اظنك انت النشرت الصورة دي في الواتساب

او يكون المخرج؟؟










اقول قولي هذا واستغفر الله لي..............

يكون المخرج او
















طارق كانديك

[قيقراوي]

ومالك عامل ساتر ؟؟

والله يا فنان عربان الضهرة قبال يتيمموا قبلة جلد التور قالولنا حكمة .. اصلها ما وقعت واطة:

مضارفة المؤمن الاسفيري على رقبتو حسنة ..
طاااخ كدا يجيك واحد طاير فيك جوز اسفيري يعوقك ساي!!












------

احمد زين الما بجيب الشين ..

كلنا ذاك الرجل يا عمك .. وتلك المرأة ال(فهيمة)

لكن قديماً قيل .. بحق:

العريبي ماااا بتمدن .. أكان ودوهو لي ي ي لندن، يطرأ الحمير البلدن!

نحنا ح نستهبِل يا عمك!!

[أمير الأمين]

المشاركة الأصلية كتبت بواسطة زول الله

السني و نبع الحنان
استطاع توصيل نفس الاحساس البوصلو الطيب عبدالله عندما يغنيها
الكبير كبير والله

اقول قولي هذا واستغفر الله لي...................

يا حبيب جاملت الزول" بشدة"
الزول دا اتجاه واحد ..اداؤه لنبع الحنان ردىء
لم ينقل اى احاسيس ولا تنغيم ولا اى انبساط
وكان باين من ضيق صاحبها

[الرشيد اسماعيل محمود]

المشاركة الأصلية كتبت بواسطة أمير الأمين

يا حبيب جاملت الزول" بشدة"
الزول دا اتجاه واحد ..اداؤه لنبع الحنان ردىء
لم ينقل اى احاسيس ولا تنغيم ولا اى انبساط

كلام سليم يا مُدير، فعلا كان أداء السّني للأغنية باهت ومُمِل كمان

[فتح العليم]

المشاركة الأصلية كتبت بواسطة احمد زين

يفضل رايك الشخصي مكان تقديرنا لكن حَرَّم ان لعب صقرية ما عندو التكتح

الطرفة يا قيقا بتقول واحد جعلي اتوفى والجماعة اتلمو عشان الدفن اها عند الغسيل الراجل جاب ليهو حركة قام ولدو قال لي خالو يا خالي ابوي ده حي وقاعد يتحرك قام خالو قال ليهو حرَّم ان لعب صقرية الا ندفنو بعد لمة الناس دي


خلي رموتك بطاريتو جيدة دايما الباقي 15 حلقة
الله يصبرنا عليها مع الزول ده

كما كانت التوقعات بفشل برنامج اغانى واغانى لهذا العام 2013م ، بالفعل فشل البرنامج .
كيف لمعتز صباحى ان يتغنى اغنية الابيض ضميرك والله حرام عليه قتل الاغنية ولايملك صوت ولاشكل
الولد داء احسن حاجة امشى اشوف ليه عقد عمل على ليبيا فقط وافكنا من غناهو .

[احمد زين]

المشاركة الأصلية كتبت بواسطة الرشيد اسماعيل محمود

كلام سليم يا مُدير، فعلا كان أداء السّني للأغنية باهت ومُمِل كمان

انا هنا بختلف معاك وبتفق مع زول الله

الزول ده حاول يغني الاغنية زي ما قال صاحبها
ونجح الى حد كبير مع اضافة بعض التطريب

انت يا زول بتسمع بي وين؟

[قيقراوي]

المشاركة الأصلية كتبت بواسطة احمد زين

انت يا زول بتسمع بي وين؟

قطع شك ما بعيونو!!

انا استمعو للاغنية دي عند السني بعيون محايدة جداً
ما ادتني اي احساس











-------

لكن كان غنتا سبنا كان اختلف الاحساس



يا جيجي الزولة دي مميزة خالص .. فيها شي مميز جداً

[مهند الخطيب]

المشاركة الأصلية كتبت بواسطة أمير الأمين

يا حبيب جاملت الزول" بشدة"
الزول دا اتجاه واحد ..اداؤه لنبع الحنان ردىء
لم ينقل اى احاسيس ولا تنغيم ولا اى انبساط
وكان باين من ضيق صاحبها

لا خلاص نخلي يغني ليكم اتجاهين ونعمل استوب من جهة الكبري !!
الناس دي بتهظر وللا شنو؟!
والله نبع الحنان دي اقل من صوت مصطفى زول طرب في أحلام الحب مابغلبو نبع حنان...
عليك الله يابروتس خليك في ابن باديتك وفي مصيبة رفد الجميلات والحلقة الجاية بنخلي مصطفى يغني ليك حجبوهو من عيني...

[ماريل]

المشاركة الأصلية كتبت بواسطة فتح العليم الإمام

كما كانت التوقعات بفشل برنامج اغانى واغانى لهذا العام 2013م ، بالفعل فشل البرنامج .
كيف لمعتز صباحى ان يتغنى اغنية الابيض ضميرك والله حرام عليه قتل الاغنية ولايملك صوت ولاشكل
الولد داء احسن حاجة امشى اشوف ليه عقد عمل على ليبيا فقط وافكنا من غناهو .

سلامات يا سيد
كدى اذا ما عندك مانع اسمع الاغنية هنا بعدين نشوف رايك يظل فى بكانو وله بتزعزع حبتيين

http://www.youtube.com/watch?v=9MN5AW5UrtM

[ماريل]

المشاركة الأصلية كتبت بواسطة زول خرافي

تحيز شوايقية ليس الا

المشاركة الأصلية كتبت بواسطة جيجي

الليلة سجمك



التحية لماريل

سلامات يا جيجى ولزول خرافى..المشكلة وين لو اتحيزت اضانى لالحان وايقاعات محددة
مش الانسان ابن بيئته وله انا غلطانة ؟؟المشكلة بتجى لمان اقصى الاخر وارفض انو ينشر ثقافتو
وفنو واقعد احد من انتشارو وده ما حاصل بكل تاكيد، انا اى نعم بحب اغانى الطمبور
وايقاع الدليب وشئ طبيعى انى اشوف اداء محمد كرم للاغنية اتفوق على الاداء التانى
وكمان مؤمنة بحق التانى فى الغناء بالطريقة البتعجبو ..
اقول ليك سر يا خرافى ممكن ببساطة اتحيز للشايقية لان الشايقية ليست قبيلة بل تجمع
لقبائل من شتى انحاء السودان ف هم نوبيين اختلطوا بالاعراب ثم تزوج شايق من دارفورية
وانجب اكبر واعظم بطون الشايقية وهم السواراب وديل ناس الشيخ عبود والد مهيرة
بت عبود وجد الفريق ابراهيم عبود ..
كما اخلتط الشايقية باهل شرق السودان وده تم اثباته عبر الفحوصات الجينية ال قام بيها
مركز البحوث التابع لجامعة الخرطوم والاغرب انو البحث لقى تطابق كبير بين جينات
الشايقية واهلنا فى جنوب السودان يعنى الشايقية هم نموذج حقيقى لانصهار الاعراق السودانية
وتحيزى ليهم (ان وُجد)ليس تحيز للقبيلة لانها لم تعد قبيلة تتحدر من جد واحد يدعى
(محمد حمدان والشهير ب شايق)..

اها يلا نرجع للموضوع اللساسى الا وهو موضوع عدم اتاحة الفرصة للبت السمحة عشان تغنى
غايتو يا خالد غالى كان ما خايفة تقول انى قاصداك ما كنت بمشي ليك حديتك الماسخ اياه

[جيجي]

المشاركة الأصلية كتبت بواسطة قيقراوي

-------

لكن كان غنتا سبنا كان اختلف الاحساس



يا جيجي الزولة دي مميزة خالص .. فيها شي مميز جداً

ناعمة وبتنعم الغنى و بتغني من بطنها
وبتغني لتحت عشان كدا غناية
مصطفي برضو غناه ناعم وصوته من بطنه
الباقين ديل كلهن بصرخوا من حلاقيهم بس وما بعرفو يغنوا
كدي بالله شوف دي

[flash=http://www.youtube.com/embed/LZftVyR8m1E]WIDTH=350 HEIGHT=400[/flash]