خريجو جامعة أسيوط لمزيد من التواصل

[هاشم أبوزيد نقد]

اقتباس:
المشاركة الأصلية كتبت بواسطة Abood
[url=http://www.0zz0.com]




الحكاية دعاية بيبسي و لاَ شنو !

[هاشم أبوزيد نقد]

اقتباس:
المشاركة الأصلية كتبت بواسطة Wad Elbeck
اقتباس:
المشاركة الأصلية كتبت بواسطة شبارقة

كلام مظبوط يا د. الجيلي وما شاء الله عليك ... الأخ (أبو نضارة) الواقف على يمين الأخ عبود فهو زميلنا ودفعتنا في الجيولوجيا سيف الدين الأمين - وكنت لا أراه إلا مبتسما ً أو ضاحكا ً - (من أولاد البركل)كان يسكن مع عبد القادر إبراهيم (علوم) ومصطفى سر الختم (بيطرة) وكان يضمهم السكن كما كانت تضمهم جبهة كفاح الطلبة .. وتم تسفيرهم إلى السودان قسرا ً ومعصوبي الأعين (بطلب من حكومة النميري) في نهاية عام 84 وتم زجـّهم في السجون هناك ولكنهم عادوا مرة أخرى بعد عدة شهور وواصلوا دراستهم (هل فيكم من يذكر تلك الحادثة ؟).

شبارقة سلام ..
بالله هو ده سيف الأمين!! النظارة السوداء ودّرت لى شكلو تماماً ..
الثنائى سيف ومصطفى سرالختم تربطنى بهم علاقة طيبه وأذكر تماماً قصة إعتقالهم وإرجاعهم للسودان بواسطة الأمن المصرى بطلب من حكومة نميرى ..
يا ربى الناس دى وين .. وأخبارها شنو؟



أخي ود البيك ...
مصطفى (سر) الختم يعلم (سره) حمزة السراج ، آخر مرة قابلته في الرياض قبل بضع سنين و كان يعمل في الخرج (80 كيلومتر جنوب الرياض) و أظنه لا يزال هناك.

[Wad Elbeck]

اقتباس:


أخي ود البيك ...
مصطفى (سر) الختم يعلم (سره) حمزة السراج ، آخر مرة قابلته في الرياض قبل بضع سنين و كان يعمل في الخرج (80 كيلومتر جنوب الرياض) و أظنه لا يزال هناك.



أخى هاشم .. لك الشكر أجزله على معلومة مصطفى سرالختم ..
وبالله بلّغ تحياتى الخاصة للرجل الخلوق حمزه السرّاج ..

[Wad Elbeck]

اقتباس:
المشاركة الأصلية كتبت بواسطة Abood
[url=http://www.0zz0.com][/url]


شكراً عبود على الصور المعتقة والتى بلا شك هىّ مبعث للأشجان والذكريات الجميلة ...
تعرفت على عبود ، محمد الشيخ، والتوم ..

[كيشو]

[justify]
شنو يا صعايدة خليتو البوست دا يمشي الصفحة التانية
لازم يا جماعة نعين لينا حراس عشان عيب أكبر بوست يختفي من الشاشة
[/justify]

[Wad Elbeck]

تيت .. تيت .. الجزيرة حديد ..

رحلة أسرة الجزيرة للوادى الجديد ... العام 1987 ..

[Abood]

اقتباس:
المشاركة الأصلية كتبت بواسطة هاشم أبوزيد نقد
اقتباس:
المشاركة الأصلية كتبت بواسطة Abood
[url=http://www.0zz0.com]




الحكاية دعاية بيبسي و لاَ شنو !



انت اااا هاشم ااااخوي الناس المنورة الصورة دي ما شفتها؟؟؟
انت بس شفت صورة البيبسي الأنا بكرهو زي العمي؟؟؟

[Abood]

اقتباس:
المشاركة الأصلية كتبت بواسطة محمد الامين مصطفي
حكامة جديدة لنج .. مناصرة للمرأة وحقوقها كتبت : تقول رداً عل الأغنية الشائعة بنيتي حسابك
والتي يتم بثها في اف ام مية
بنيتي حسابك..
نضمي أسمعا

.. ونضم راجل اوعى تسمعا
وكان طلقك ما يطلقك هو اصلو ما بينفعا
بنيتي حسابك..
كان قال ولاعندو اوعى تصدقا

.. غفليهو و بنطلونو فتشا .. رجال زمن دا جنو يغشغشا



بنيتي حسابك
راجل كان نزل انتخابات اوعى ترشحا

.. وحات الله يفوز فوقك يعرسا

وانتي تاكلي نيم ما تشبعا

حسابك









والله اااود الأمين بقيت أضحك لما خفت واحد يدخل علي المكتب يقول الزول دا جن والا شنو؟؟؟
شكرا جميلا محمد الأمين علي ابداعاتك

[هاشم أبوزيد نقد]

رحلتي إلى أسيوط (6)

و بينا قلبي يهتز في حزن و وجل ، و أنا أنتظر عيداً ليس ككل الأعياد، إذا بالعالم كله يهتز ، زلزال حطم مقياس ريختر و قلب الدنيا رأساً على عقب، الشوارع خلت من المارة ، أصوات السيارات مسرعة في كل اتجاه ، صوت (ترماي) الإسكندرية يشق جدار الصمت بين الفينة و الأخرى. الآباء عادوا إلى بيوتهم مسرعين ، الأبناء و البنات مشدوهين و مشدوهات أمام أجهزة التلفاز ، الأمهات في بيوتهن يترقبن شيئاً ما. المقاهي امتلأت عن بكرة أبيها حتى إنك لا تكاد تجد موقعاً لقدم. ليست مباراة في كرة القدم و لا الإنسان يهبط على سطح القمر أو المريخ. أهو انفجار الشمس في كبد السماء؟ أم هو الهبوط على سطح الشمس؟ إن كان للشمس سطح. الناس في ذهول ما ، و أنا وحدي أعيش ذهولاً من نوع آخر.
كان اليوم هو السبت التاسع عشر من نوفمبر من عام سبعة و سبعين و تسعمائة و ألف، هل يخسف القمر نهاراً ؟ أم تكسف الشمس ليلاً ؟ هل تنشق السماء و يخرج منها طائر الواق واق ؟ نعم انشقت سماء تل أبيب و خرجت منها طائرة الرئيس السادات وحطت فيها! و التلفزيون ينقل المشهد حياً على الهواء لحظة بلحظة ، الرئيس محمد أنور السادات بلحمه و دمه ، نعم إنه هو ، يهبط من طائرته في مطار بن جوريون. الكثيرون وقفوا ضده و القليلون وقفوا معه، رأيت بعض الناس يقبلون صورته في التلفاز و آخرون يشتمونه ، البعض رفع أعلام مصر و النصر عالية خفاقة و آخرون رفعوا أعلاماً سوداء و أعلنوا الحداد. خاطب السادات الكنيست و صلى في القدس و عاد إلى القاهرة. انقطع الحبل السري الواصل بين مصر و كل الدول العربية إلا حبل واحد ظل مشدود الوثاق، ذلكم هو الحبل الواصل بين شمال الوادي و جنوبه ، أسماه البعض الحبل المصري السوداني و آخرون أسموه حبل وادي النيل.
وفي خضم كل هذه الأحداث أقبل العيد، تذكرت عندما كنا في المدرسة الابتدائية درس المطالعة الذي عنوانه (هاشم في العيد) – ( أقبل العيد و لبس هاشم ثوبه الجديد). أما اليوم فقد خلعت قديماً كنت أعشقه و لبست جديداً إسمه (البنطال)، و هل تجوز صلاة العيد و الفرحة (بالبنطال) ؟ ربما نعم ........... و لكن.
و عاد العيد و بأي حال عاد و أنا في الإسكندرية؟ كان أول عيد أعيشه بعيداً عن أسرتي، و في الحقيقة، فإنه لم يكن عيداً بالمعنى الذي أعرفه للعيد. العيد بكل طقوسه و روعته و جماله ، فصلاة عيد الإسكندرية أديناها على شارع الأسفلت خلف مصلى صغير، الناس على أبواب الجزارين يشترون اللحوم ، و في السودان تغلق الجزارات أبوابها في العيد ، ففي كل بيت خروف و اثنان و ثلاثة، و (رباع)... جدعه و تني و(رباع)... و تسارعت في خاطري ذكريات العيد ، سوق (الخرفان) ، و قطعان الخراف التي تجوب الشوارع والطرقات ،كل خروف يقاد إلى حيث مثواه الأخير، الخراف المعلقة على أبواب المنازل أول أيام العيد، جلود الخراف المكومة على أبواب المدارس و الجمعيات التعاونية ، الأطفال يلعبون هنا و هنالك ، أبواب البيوت المشرعة ، القلوب المفتوحة ، الشفاه الباسمة ، الأيادي الممدودة ، المرارة و الكمونية ، الشطة و الليمون ، الكرشة ، الشية و الكبدة النية (و أنا لست من عشاقها) ، الفطور ، تبادل أطباق اللحوم بين الجيران ، الشربوت ، الجلابية الجديدة و العمة والشال ، شبط العيد الجديد ، صلاة العيد ، الفرح ، المرح ، العفو و العافية. أين أنا من كل هذا؟ اليوم أيقنت بأن مرحلة جديدة في حياتي قد بدأت. انتحرت في قلبي كل مظاهر المدينة الزائفة، كل تلك العمارات الشاهقة، الشوارع الجميلة، شاطئ البحر، الكورنيش، الترام، محطة الرمل، الأنوار، المسارح و غيرها ما هي إلا زيف و خداع حضري مقيت.

و بمشية الله نواصل.

[ابوريم]

الاسايطة عموم
سلام ومحبه
عادل حامد طه... الكائن في صورة عبود -البيبسي...بين المخبر ابو بالطو والزول اللابس النضارة! اخر عهدنا بيهو في الرياض 2002...خبرو مقطوع!

[هاشم أبوزيد نقد]

اقتباس:
المشاركة الأصلية كتبت بواسطة Abood
اقتباس:
المشاركة الأصلية كتبت بواسطة هاشم أبوزيد نقد
اقتباس:
المشاركة الأصلية كتبت بواسطة Abood
[url=http://www.0zz0.com]




الحكاية دعاية بيبسي و لاَ شنو !



انت اااا هاشم ااااخوي الناس المنورة الصورة دي ما شفتها؟؟؟
انت بس شفت صورة البيبسي الأنا بكرهو زي العمي؟؟؟



أخي عبووود ،
من الطبيعي أن ينور صباع أي واحد في الصورة دي ظلام الربع الخالي ...
و منورين يا عم و الببسي طاير ...

[هاشم أبوزيد نقد]

اقتباس:
المشاركة الأصلية كتبت بواسطة Wad Elbeck

تيت .. تيت .. الجزيرة حديد ..

رحلة أسرة الجزيرة للوادى الجديد ... العام 1987 ..

واحد من الجماعة الضاربم الزهايمر و قاعدين بتاوقوا ساكت ..... قال في الصورة دي ما عرف غير (أسامــة كرجـويـل) و (صــلاح الـكاشـف) و قال في الصورة دي في واحد بشبه ليهو ( عبد الله السراج الشهير ببستم) و عشان علاقتو مع ناس (صيدلة) ما خالص ، ما عرف الباقين.؟؟!!
ألحقونا بالأسماء عشان كتار الما بتذكروا ناس (علوم) ديل.

[صلاح الدين هجو النحاس]

يدعوكم منتدى سودانيات الثقافى يوم الثلاثا القادم بنادى الشاطى للجميع نتمنى الحضور والمشاركه الناس العندها دفاتر مخزناها جاتكم الفرصه وللمزيد ادخلو منتدى الحوار تجدوا احمد محمد زين
للجميع السعاده والرفاهيه مقدما كل عام وانتم بخير

[Wad Elbeck]

اقتباس:
المشاركة الأصلية كتبت بواسطة هاشم أبوزيد نقد
اقتباس:
المشاركة الأصلية كتبت بواسطة Wad Elbeck

تيت .. تيت .. الجزيرة حديد ..

رحلة أسرة الجزيرة للوادى الجديد ... العام 1987 ..

واحد من الجماعة الضاربم الزهايمر و قاعدين بتاوقوا ساكت ..... قال في الصورة دي ما عرف غير (أسامــة كرجـويـل) و (صــلاح الـكاشـف) و قال في الصورة دي في واحد بشبه ليهو ( عبد الله السراج الشهير ببستم) و عشان علاقتو مع ناس (صيدلة) ما خالص ، ما عرف الباقين.؟؟!!
ألحقونا بالأسماء عشان كتار الما بتذكروا ناس (علوم) ديل.




هاشم .. سلامات ..
ههههه والله ذكرتنى بواحد صاحبنا وهو يستمع بكل إندماج لأغنية بتتعلم من الأيام وفى نهاية المقطع هتف مشيداً "الله ينصر دينك يا حسن وردى" ..
الواقفون من يمين الشاشة:
عصام (برلوم محتفى به)، عصام التونى، فتح الرحمن الحسن، محمد عبدالله جبارة، مجدى جادالكريم، عمر عكاشة، فيصل، عبدالمنعم (أبولفتة)، صالح (أبوشوك)، عمار عباس، ثم عبدالله آدم ...
الجالسون من يمين الشاشة:
محمد موسى الناير، الهادى البشير، واحد مدنقر ما عرفتو، عبدالمنعم جاويش،(أبو جلابية)، أمين، ثم أمين الطيب(بتاع زراعة ما بتاع صيدلة )،برلوم نسيت إسمه، ثم عبدالماجد صديق..

[الزوول]

..
السلام عليكم
...
غايتو لو شيخنا كيشو موجود
...
كان غالطك في فيصل
انو هو أول واحد واقف على يمين الشاشة
مش الشخص البين عمر عكاشة وأبو لفتة
...