البيرة...........................الساقطة

[wageeda]

[QUOTE=بابكر مخير;229975]

المشاركة الأصلية كتبت بواسطة وجيدة حاتم عباس

الوجيهآ

سلام
يما عمك توحة قال: لمن أشوف بابكر يكتب كلام هادئ، بيخاف...
حسي أنا بقيت ذيهو وأكتر....
ما خوفن من كلامن آشتر، لكن خوفي عليك كبر وفات عمر عمك توحة ورفقائه (أبو أماني، روفي وهشومي)
خوفي عليك أنك فوتي ناس (البيرة السااااقطة)
وبقينا عليِّ

[align=center] "القنب" [/align]


[align=center][web]http://makatoxicology.tripod.com/hashish.htm[/web][/align]

بابكر مخير سلامات سلامات يازول ياخطر
بس اوووووووووووووووووووع الشدر يكون عندنا منه في نادوس السجم
وقنب عافيه

[wadosman]

غايتو يا وجيده عفيت منك لله و الرسول

فرزتى لينا الكيمان تماما....

[wageeda]

المشاركة الأصلية كتبت بواسطة wadosman

غايتو يا وجيده عفيت منك لله و الرسول

فرزتى لينا الكيمان تماما....

صباحاتك عشان تشرق مساماتك
والله الحين انا في حيرة من امري يعني مصطلح قنب في العاميه السودانيه تكون مستمدة
قنب الاسد وقنب مساعد وقنب الحلويين وقنب عمنا مخير ولا كييييييييييييييييييييييييييييييييييييييييييف افتوني
يرحمكم الله
وبعدين يحموهم من شد ال...........................يزرعوا قنب
واااااااااااااها اقعدوا عافيه

[احمد زين]

المشاركة الأصلية كتبت بواسطة وجيدة حاتم عباس

أخذنا زجاجة (قنينة) كتب “عليها بيرة بدون كحول” ودفعناها الى مخبر في الشام متخصص بتحليل المواد الغذائية والصناعية

وهو معتمد من قبل وزارة الصناعة، حللنا المادة في الزجاجة وتبين أن فيها 0.004 من الكحول المركز.

وتثبتنا من صحة هذا التحليل عن طريق إدارة البحوث، ونحن نعلم كم في هذه الإدارة من الدقة ،

وأثبتت إدارة البحوث صحة هذا التحليل.

ولكن هناك من يقول ماذا تعني 0.004 هل هذه مسكرة؟

(يا أخوان 0.004 تعني أنه إذا كان لدينا 1000 غرام فهناك 4 غرامات فيها كحول)


تابعنا الدراسة بعد أن شكك أحد الأخوة في هذا وقال لنا ” يا أخي الخل فيه 0.004 كحول وربما أكثر!”ـ

فاتصلنا بهيئة المقاييس والمواصفات السورية

وقلنا لهم الخل الطبيعي كم فيه من الكحول؟

فكانت الإجابة ” أن الخل حينما يتحول – أي من الخمر فيكون خلاً-

فإنه بعد ذلك يكون عديم الكحول ” أي نسبة الكحول فيه صفراً.

بالتالي فالتشكيك كان في غير محله.

ثم بعد ذلك أتينا الى حديث النبي صلى الله عليه وسلم لنعلم هل النسبة قليلة يمكن التجاوز عنها أم هي كثيرة؟

تابعوا معنا

يقول رسول الله صلى الله عليه وسلم في الحديث الصحيح :ـ

” ما أسكر منه الفَرَقْ فملءُ الكف منه حرام” وهذا ورد في توضيح الحديث ” ما أسكر كثيره فقليله حرام”

الفَرَق : وعاء كان يغتسل فيه النبي صلى الله عليه وسلم.

وتقول كتب اللغة أن الفَرَق سعته ثلاثة أصُع (جمع صاع) والصاع يعادل حوالي 3.1 ليتر،

وبالتالي سعة الفَرَق هي 9.3 ليتر.

ما قاله صلى الله عليه وسلم في حديثه أن الذي يشرب من أي مشروب سعة فَرَق (9.3 ليتر) ويسكر،

فكمية قليلة من هذا المشروب ولو كانت ملء الكف هي حرام.

نعود الى البيرة بدون كحول،

لو ملئنا فَرَق بمشروب بيرة بدون كحول وحسبنا كمية 0.004 لوجدنا أن الفَرَق فيه 37غ كحول خالص،

والسؤال الأن هل هذه مسكرة؟

قمنا بإستشارة أهل العلم وهم أطباء متخصصون بالأمور النفسية

فأجابونا بأن نسبة تركيز الكحول في الدم في رأي الطب الشرعي في فرنسا

إذا كانت 0.8 غ/ليتر الدم أو أكثر فيعتبر السائق سكران ويعاقب وتسحب منه رخصة قيادة السيارة.

وفي أمريكا هذه النسبة هي 0.3غ/ليتر الدم.

أخذنا الحد الأعلى (0.8 غ/ليتر الدم) تساهلاً وذلك تماشياً مع الطب الشرعي الفرنسي،

وسألنا أطباء النفسية:ـ

ما هي الكمية التي يحتاج أن يشربها الإنسان لتصل نسبة الكحول في دمه الى 0.8غ/ليتر ؟ فكان الجواب 6 غرامات.

أي إذا شرب الإنسان 6 غرامات يسكر، ينتشي.

بالعودة الى الفَرَق وفيه 9.3 ليتر بيرة بدون كحول حيث وجد فيها بالحسابات 37 غ كحول خالص،

نجد أن الفَرَق يسكر وبالتالي ” ما أسكر منه الفَرَقْ فملءُ الكف منه حرام” إذاً 0.004 حرام ولايوجد أي تردد في هذه الفتوى،

سلام يا وجيدة
معليش نرجع لمقاييس الشيخ
الملاحظ يا وجيدة انو الارقام المكتوبة دي مكتوبة بطريقة ما علمية باعتبار انو الزول الكتبها ما ليهو علاقة بعلوم الكيمياء يعني 0.004 دي نسبة مئوية ولا في المليمتر المكعب ولا في لتر من السائل ولا الفهم شنو يعني
كمان في بعض التعابير اللي نحنا بنعتبرها زيادة محلبية ساي عشان يخمو بيها الناس فمثلا

0.004 من الكحول المركز.

والله دي خلتني اضحك لما دموعي جرت
لو ممكن تدينا نتائج التحليل الاجروها العلماء ديل زي ما كتبوها مش زي ما قالها الشيخ

طبعا يا وجيدة علميا معروف انو اي ناتج تخمير مادة نشوية فيهو كمية كبيرة من الكحول والكحول ده هو المادة المسكرة في الشراب وعندنا في السودان بالذات في الوسط وخصوصا اهلي ناس الجزيرة بيأكلو الكسرة وزي ما عارفة عجين الكسرة بخمرو قبل العواسة ولمدة طويلة غالباً Over night والعجين بيكون مليان كحول بالتاكيد
تعريض العجين للنار عند العواسة بيزيل كمية كبيرة من هذه الكحولات بالذات الضارة منها ولكن لازم يكون في باقي كحول (إيثانول) في الكسرة دي وده البيحصل فعلاً
عشان كده تلقي الواحد لو قعد يومين ما اكل كسرة اقول ليك عندي (كوفارة) وتلقيهو حيلو ميت ويترقد زي العيان وده حسب تقديري لانو نسبة الكحول في جسمه نتيجة تناولو المستمر للكسرة النسبة دي قلت شوية واول ما تعكر ليهو كسرة في موية ويشربها يقوم زي الحصان
الكلام ده انا عايز فيهو فتوة علمية من د. بابكر مخير بعد كده نشوف الكسرة حلال ولا حرام

[سارة]

المشاركة الأصلية كتبت بواسطة أحمد محمد زين حسين

سلام يا وجيدة
معليش نرجع لمقاييس الشيخ
الملاحظ يا وجيدة انو الارقام المكتوبة دي مكتوبة بطريقة ما علمية باعتبار انو الزول الكتبها ما ليهو علاقة بعلوم الكيمياء يعني 0.004 دي نسبة مئوية ولا في المليمتر المكعب ولا في لتر من السائل ولا الفهم شنو يعني
كمان في بعض التعابير اللي نحنا بنعتبرها زيادة محلبية ساي عشان يخمو بيها الناس فمثلا


والله دي خلتني اضحك لما دموعي جرت
لو ممكن تدينا نتائج التحليل الاجروها العلماء ديل زي ما كتبوها مش زي ما قالها الشيخ

طبعا يا وجيدة علميا معروف انو اي ناتج تخمير مادة نشوية فيهو كمية كبيرة من الكحول والكحول ده هو المادة المسكرة في الشراب وعندنا في السودان بالذات في الوسط وخصوصا اهلي ناس الجزيرة بيأكلو الكسرة وزي ما عارفة عجين الكسرة بخمرو قبل العواسة ولمدة طويلة غالباً Over night والعجين بيكون مليان كحول بالتاكيد
تعريض العجين للنار عند العواسة بيزيل كمية كبيرة من هذه الكحولات بالذات الضارة منها ولكن لازم يكون في باقي كحول (إيثانول) في الكسرة دي وده البيحصل فعلاً
عشان كده تلقي الواحد لو قعد يومين ما اكل كسرة اقول ليك عندي (كوفارة) وتلقيهو حيلو ميت ويترقد زي العيان وده حسب تقديري لانو نسبة الكحول في جسمه نتيجة تناولو المستمر للكسرة النسبة دي قلت شوية واول ما تعكر ليهو كسرة في موية ويشربها يقوم زي الحصان
الكلام ده انا عايز فيهو فتوة علمية من د. بابكر مخير بعد كده نشوف الكسرة حلال ولا حرام

يا احمد سلامات واريتك طيب والتحايا عبرك لصاحبة البوست وضيوفها

أثرت عدم التداخل لتداخل الكلام والحقائق فى بعضها ما قلته يا احمد صحيح علميا الكسرة والخبز ( الرغيف) فيها نسبة من الكحول اكثر مما فى البيرة بدون حول بعدين نجى لحتة

الحلال والحرام وما يجوز وما لا يجوز

اى اضافة لخميرة البيرة كما نسميها او الخميرة الحبوب لاى شى مع السكر وفترة لتخمير تنتج كحول ..كدى شوفوا انحنا كم مرة بنصنع كحول ونتمطق فيها وبعدين نجى لفرز الكيمان

زى كيمان ود عثمان ديلك

[hamza]

والله دي مشكلة ...

هو القرآن والسنة قالوا كل ما يسكر ما قالوا الكحول ...

انا ما عارف الشيوخ ديل بيفسروا كيف ... الدين واضح والاصل فيه التسهيل ...


ما يسكر كثيره فقليله حرام ...

طيب هسي انا لو قعدت اشرب في البيرة البدون كحول دي اليوم كلو ح اسكر ؟؟؟

لا طبعا ...
فيا وجيدة شيخك دا قولي ليهو قوم لف ورقة فتوتك دي وبلها واشرب مويتها

فشوف الحبر الكتبت بيهو الكلام بكحول ولا بدون كحول ...

ياخي والله نحن امة متخلفة جدا ... لسه بنتكلم في الحلال والحرام والناس طلعو القمر ياخ ...

الله يكون في العون بس

[حسين يوسف مكى]

وجيدة تسلمى ع الطرح الهام

اسى يا وجيدة كان نسبة ال 4... دى جهجهة اصحاب الخيال الواسع
امال ملوة عيش معطونة فى خيشة لمن زممت دى موقف حاديها بكون كيف؟

[أبوبكر عباس]

المشاركة الأصلية كتبت بواسطة أحمد محمد زين حسين

عشان كده تلقي الواحد لو قعد يومين ما اكل كسرة اقول ليك عندي (كوفارة) وتلقيهو حيلو ميت ويترقد زي العيان وده حسب تقديري لانو نسبة الكحول في جسمه نتيجة تناولو المستمر للكسرة النسبة دي قلت شوية واول ما تعكر ليهو كسرة في موية ويشربها يقوم زي الحصان
الكلام ده انا عايز فيهو فتوة علمية من د. بابكر مخير بعد كده نشوف الكسرة حلال ولا حرام

دا ربط جميل جدا يا عمدة
يا أخي نحن حرمة العسلية و المريسة جنوب النيل الأزرق عندنا فيها كلام!
سألت دكتور الرشيد محمد الخير بعد مداخلتك دي و هو من جنوب الأزرق، قلت ليهو لو في واحد الدمازين من أهلكم سبعة يوم ما شرب مريسة هل بكوفر؟
قال لي: يكوفر ساكت! دا بقولوا عليهو عيان و تلقاهو راقد و الناس تجي تشوفو...
دا إسمو فطور.... في زول سبعة يوم ما يفطر؟

المداخلة جزء من تكسير التلج

[احمد زين]

المشاركة الأصلية كتبت بواسطة بابكر عباس

دا ربط جميل جدا يا عمدة
يا أخي نحن حرمة العسلية و المريسة جنوب النيل الأزرق عندنا فيها كلام!
سألت دكتور الرشيد محمد الخير بعد مداخلتك دي و هو من جنوب الأزرق، قلت ليهو لو في واحد الدمازين من أهلكم سبعة يوم ما شرب مريسة هل بكوفر؟
قال لي: يكوفر ساكت! دا بقولوا عليهو عيان و تلقاهو راقد و الناس تجي تشوفو...
دا إسمو فطور.... في زول سبعة يوم ما يفطر؟

المداخلة جزء من تكسير التلج

مافي داعي يا دكتور لكسير التلج
شكلك قربت تجي السودان
بنمشي معاك مدني كمان
وانت عليك المريسة ونحن علينا كبدة الابل والشطة
وخلي شيخ وجيدة يفتح خشمو

[طارق صديق كانديك]

والله شيخك يا وجيدة .. عصر علينا عصره شديده .. لو تعلمين ...

الواحد كان البيرة من التلاجة ما بتكمل نهائياً ... هسي والله تجي ماشي جنبها في السوبر ماركت .. تقررررب تدمع .... !!!

ادونا ملخص نهائي للموضوع ده ... حلال نكب .. ولا حرام نلزم الصبر ... ؟


مساء الجمال

[نبراس السيد الدمرداش]

المشاركة الأصلية كتبت بواسطة طارق صديق كانديك

والله شيخك يا وجيدة .. عصر علينا عصره شديده .. لو تعلمين ...

الواحد كان البيرة من التلاجة ما بتكمل نهائياً ... هسي والله تجي ماشي جنبها في السوبر ماركت .. تقررررب تدمع .... !!!

ادونا ملخص نهائي للموضوع ده ... حلال نكب .. ولا حرام نلزم الصبر ... ؟


مساء الجمال

يا خوي ولا تعصر علي روحك ولا شيء
اتجغم ساي
دي فتوى بين بين
و في القانون الشك يفسر لصالح المتهم
و نحن المتهم

اسي يعني ما ناكل لقيمات ولا ما نعمل قراصه

[احمد زين]

المشاركة الأصلية كتبت بواسطة طارق صديق كانديك

والله شيخك يا وجيدة .. عصر علينا عصره شديده .. لو تعلمين ...

الواحد كان البيرة من التلاجة ما بتكمل نهائياً ... هسي والله تجي ماشي جنبها في السوبر ماركت .. تقررررب تدمع .... !!!

ادونا ملخص نهائي للموضوع ده ... حلال نكب .. ولا حرام نلزم الصبر ... ؟
مساء الجمال

كُب يا صاحبي
كب وكب لي معاك
وكتر التلج بالله


مساء السعادة

[طارق صديق كانديك]

المشاركة الأصلية كتبت بواسطة نبراس السيد الدمرداش

يا خوي ولا تعصر علي روحك ولا شيء
اتجغم ساي
دي فتوى بين بين
و في القانون الشك يفسر لصالح المتهم
و نحن المتهم

اسي يعني ما ناكل لقيمات ولا ما نعمل قراصه

ازيك يا صديقة

مساء القانون

والله حيرونا .. !!

شايف احمد الزين هسي جاب ليها كسرة خميرة كمان ... !!

غايتو نديهم فرصة يوضحوا ولا بنفرجا براااانا .. أو كما قال .. !!


تحياتي

[طارق صديق كانديك]

المشاركة الأصلية كتبت بواسطة أحمد محمد زين حسين

كُب يا صاحبي
كب وكب لي معاك
وكتر التلج بالله


مساء السعادة

ازيك يا صاحب السعادة ..

والله كان عندنا شلة .. الله يطراهم بالخير .. أينما ( ثقفوا ) .. بعملوا جنس شربوت مش بوينت فور كحول ... ده سبيرتو راسو عدييييل ... !!

غايتو اخوك ماسك في فتوى ابي حنيفة النعمان ... انو اذا قذف الزبد اصبح مسكرا ودخل الحرمة .. اخوك قبل ما يقول بغم ... بكتحوا .. !!

نقعد نحوم حول الحمى سااااي نعمل شنو ... بنكوفر ياخ .... !!

أشواقنا وتحياتنا

[نبراس السيد الدمرداش]

غايتو نديهم فرصة يوضحوا ولا بنفرجا براااانا .. أو كما قال .. !!

ايوااا
بس اهم شيء الفرصه دي
و بعديها حنتجغم كلنا
التلج علي
و الغناء على فيصل و ودعثمان
والباقي احمد زين ما بقصر